ДДСҰ жаңа коронавирус түрінің таралуын жіті бақылап отыр

Дүниежүзілік денсаулық сақтау ұйымы коронавирустың PJ.2.1 деп аталатын жаңа түрінің таралуын жіті бақылап отыр. Аталған вирус алғаш рет биылғы мамыр айында Канадада анықталып, кейін АҚШ, Испания және басқа да елдерде тіркелді.

Қазіргі уақытта вирус жұқтырғандар қатары АҚШ пен Канадада өсіп жатқаны байқалады, ал Еуропада бірен-саран жағдайлар ғана кездеседі. Дегенмен, мамандар бұл вирустың жаппай таралуын тіркеген жоқ.

PJ.2.1 – бұрыннан белгілі «омикрон» тобына жататын және JN.1 желісінен тараған жаңа генетикалық бағыт.

Қазан айының басында германиялық ғалымдар жариялаған зерттеу нәтижесі бұл вирустың кейбір ерекшеліктерін көрсетті.

Атап айтқанда, ол басқа штамдар сияқты 60 жастан асқан адамдар арасында жиірек анықталады. Сондай-ақ зертханалық сынақтар жаңа варианттың адам клеткаларының рецепторларымен тиімдірек байланысатынын көрсетті, бұл оның таралуына ықпал етуі мүмкін.

Дегенмен, ғалымдар оның антиденелердің әсерінен қашу қабілеті басқа нұсқалардан айтарлықтай жоғары емесін анықтады.

ДДҰ өкілдері PJ.2.1 вирусын жұқтырғанда аурудың ауыр түрде өтетінін растайтын клиникалық мәліметтердің әлі жоқ екенін атап өтті.

Ұйым мамандары бұл жаңа нұсқаны зерттеуді жалғастырады және алдағы желтоқсан айында COVID-19-ға қарсы вакциналардың құрамын дайындау бойынша ұсыныстар әзірлеу кезінде осы деректерді міндетті түрде қарастыруды жоспарлап отыр.

Бұған дейін ДДСҰ хантавирустан әлемге қауіп жоқ деп мәлімдеген.