Жамбылда жүргізуші куәлігінен айырылған 170-тен астам адам көлік тізгіндеген

Жарияланды
General news бөлімінің журналисі
Жамбылда жүргізуші куәлігінен айырылған 170-тен астам адам көлік тізгіндеген / Фото: Shutterstock

Жамбыл облысында жүргізуші куәлігінен айырылса да, көлік жүргізген 170-тен астам адам ұсталды. Мұндай заңбұзушылық үшін айыппұл немесе әкімшілік қамауға алу жазасы қарастырылған.

Облыстық Полиция департаментінің ақпаратына сүйенсек, жыл басынан бері өңірдің патрульдік полицейлері бұрын жүргізуші куәлігінен айырылған азаматтардың көлік басқаруының 171 дерегін анықтады.

Заңбұзушылықтар күнделікті патрульдеу кезінде әшкереленуде. Тәртіп сақшылары жүргізушінің жеке басын анықтаған соң, оқиғаның мән-жайын тексеріп, оны жауапкершілікке тартады.

Полиция ҚР ӘҚБтК-нің 612-бабына сәйкес, жүргізуші куәлігінен айырылғаннан кейін көлік тізгіндегені үшін 50 АЕК мөлшерінде айыппұл немесе он тәулікке әкімшілік қамауға алу жазасы көзделгенін еске салды. Сондықтан тыйым салынған кезеңде рөлге қайта отыру жүргізуші үшін ауыр жазамен аяқталуы мүмкін.

Айта кетейік, осыған дейін Қазақстанда жүргізуші куәлігін алу тәртібі өзгергенін жазған едік.

Сондай-ақ оқыңыз