Жаңалықтар

Алматыда қаржы полициясының бұрынғы қызметкерлері Кенжебай Жұмабеков пен Дәурен Есімбековке сот үкім шығарды, деп хабарлайды Kursiv.Media.

Алматы сотында хабарлағандай, процесс қылмыстық істер жөніндегі мамандандырылған ауданаралық сотта жабық режимде жүргізілді.

Үкімге сәйкес Кенжебай Жұмабеков пен Дәурен Есімбеков «Алдын ала сөз байласу арқылы және бірнеше рет бір топ адамды азаптау» фактісі бойынша кінәлі деп танылды. «ҚазАқпарат» агенттігінің хабарлауынша, Кенжебай Жұмабековке алты жыл, Дәурен Есімбековке төрт жыл бас бостандығынан айыру жазасы тағайындалды. Сотталғандардың екеуіне де үш жылға мемлекеттік қызмет атқаруға тыйым салынады.

Сот үкімі әлі заңды күшіне енбеген.

Іс бойынша жәбірленуші деп танылғандардың саны жария етілмейді.

«Қазақстан...

Қазақстан президенті Қасым-Жомарт Тоқаев Әзербайжан президенті Ильхам Әлиевті Астана әуежайынан күтіп алды, деп хабарлайды Kursiv.Media.

Ақорда таратқан ақпаратқа сүйенсек, Ильхам Әлиев Қазақстанға мемлекеттік сапармен келген. Әлиевті Астана әуежайынан президент Тоқаев арнайы әскери президенттік жасақпен күтіп алған.

Мәліметтерге сәйкес, екі ел президенті арасындағы келіссөздер ертең басталуы тиіс. Бұған қоса, Қазақстан мен Әзербайжан Жоғары мемлекетаралық кеңесінің екінші отырысын өткізеді.

«Айс» компаниясы мен «Ақтөбе» әлеуметтік-кәсіпкерлік корпорациясы 5,3 млрд теңге көлеміндегі сүт фермасын салу жобасын жүзеге асырып жатыр. Жоба аясында Даниядан 800 асыл тұқымды сиыр әкелу жоспарланған.

Қазірдің өзінде компания Даниядан голштин-фриз тұқымының 303 сиырын жеткізген. Тағы 470 бас малды жыл соңына дейін әкелу көзделген.

Жоба «Ақтөбе» әлеуметтік-кәсіпкерлік корпорациясы» арқылы 3,25 млрд теңге мөлшерінде 2,5% жеңілдетілген пайыздық мөлшерлемемен қаржыландырылды.
Компания өкілдерінің айтуынша, ферма құрылысы биыл аяқталуы керек. Жалпы инвестиция көлемі – 5,3 млрд теңге. Кешен жылына 10 мың тонна сүт өндіруге қауқарлы.

Жаңа жобаны іске асыру нәтижесінде 50 маусымдық және 17 тұрақты жұмыс орны ашылды.

«Айс» компаниясы 1999 жылдан бері жұмыс...

Volkswagen автоконцерні Touareg жол талғамайтын көлігінің арнайы нұсқасын таныстырды. Жаңа модель Final Edition деп аталады.

Volkswagen Touareg Final Edition жол талғамайтын көлігінің барлық қолданыстағы жинақтамаларында ұсынылады. Бұл нұсқаның негізгі ерекшелігі — «Final Edition» деген жазуы беріліс қорабының тұтқасында және артқы тіректерде, сондай-ақ салонындағы ерекше жарықтандыруда көрініс табады.

Германияда бұл көліктің бастапқы бағасы 75 мың еуродан (шамамен 47,2 миллион теңге) басталады.

Volkswagen бұл нұсқадан соң Touareg үлгісі өндірістен алынатынын меңзеп отыр. Компания мәлімдемесінде Final Edition «іштен жанатын қозғалтқышы бар Touareg моделінің соңы» деп көрсетілген. Бұған қоса, баспасөз хабарламасының тақырыбында «қазіргі Touareg» туралы айтылған, бұл болашақта жаңа буынының шығуы мүмкін екенін аңғартады.

Алматы қаласы әкімдігі бағаны тұрақтандыру және азық-түлік қолжетімділігін қамтамасыз ету мақсатында 12 млрд теңге қаражат бөлді. Бұл жайлы Өңірлік коммуникациялар қызметінде өткен баспасөз конференциясында қала әкімінің орынбасары Олжас Смағұлов  мәлімдеді.

Алматы қаласында тоғыз айдың қорытындысы бойынша инфляция деңгейі 13,2%-ды құраған. Олжас Смағұловтың айтуынша, әкімдік бағаны тұрақтандыру және ақылы қызметтер нарығын бақылау жұмыстарын жалғастырып отыр.

«Біздің басым бағыттарымыздың бірі – әлеуметтік маңызы бар азық-түлік тауарларының бағасын тұрақты деңгейде ұстау. Өйткені бұл әр отбасының өмір сапасына тікелей әсер етеді. Сол себепті біз жүйелі әрі жедел түрде әрекет етеміз», – деді Олжас Смағұлов.

Қала әкімдігінің дерегіне сәйкес ...

Актер Саят Исембаев әріптесі Мұрат Бисенбинмен бірге жаңа жобада түскенін хабарлады. Бұл туралы Instagram парақшасында жазды.

«Мұрат екеуміз жаңа жобаға түстік. Жуырда барлық кинотеатрда көрсетіледі», — деп бөлісті актер.

Саят Исембаев пен Мұрат Бисенбин көрерменге кеңінен танылған «Рэкетир» фильміндегі рөлдері арқылы танымал болған. Желі қолданушылары актерлердің қайта бір жобада бас қосқанын жылы қабылдап, пікірлер жазып жатыр.

«Екеуін бірге көру қуантады», «Мұратқа саулық тілейміз, жаңа жоба сәтті болсын», – деп жазды жанкүйерлер.

Еске сала кетейік, өткен жылы күзде Мұрат Бисенбинге қатерлі ісік диагнозы қойылып, Саят Исембаев әріптесінің еміне қаражат қажет...

Ұлттық банк 3-5 жылға арналған кепілсіз кредит бойынша қарыз ауыртпалығын 0,25 коэффициентке дейін шектеуді көздеп отыр. Қадағалаушы банк төрағасының бірінші орынбасары Ерұлан Жамаубаев депутат сауалына осылай деп жауап берді. Kursiv.Media жаңа тәртіпке сай несие беру тәртібі қалай өзгеретінін қарапайым тілмен түсіндіріп береді.

Жаңа тәртіп

Енді азаматтардың кредит бойынша берешегі айлық табысының 25%-нан асып кетсе, оған несие берілмейді. Жаңа ереже қабылданса, тұрғындар жалақысының төрттен бір бөлігі мөлшерінде ғана несие ала алады деген сөз.

«Үш жылдан бес жылға дейін кепілсіз кредит алушылардың несие берешегі 0,25 коэффициенттен аспауы керек. Бұған қоса, кейінгі 12 айда 90 күннен...

Елдегі белгілі бизнесмендер футбол клубтарын сатып алып, демеуші болуға дайын. Премьер-министр Олжас Бектенов депутаттық сауалға жауабында ол кәсіпкерлерді атап өткен.

«Туризм және спорт министрлігі Қазақстан футбол федерациясымен бірге облыстардың және республикалық маңызы бар қалалардың әкімдерін тарта отырып, футбол
клубтарын коммерцияландыру бойынша өңірлердегі және республикадағы
әлеуетті инвесторлармен жұмыс жүргізуде», – дейді үкімет басшысы жауабында.

Бектеновтың сөзінше,

Шымкент қаласының әкімдігі әлеуметтік желіде қалалық жұқпалы аурулар ауруханасының еденінде жатқан науқастар туралы тараған видео жөнінде түсініктеме берді.

Демалыс күндері әлеуметтік желіде қалалық жұқпалы аурулар ауруханасынан түсірілген видео тарап, қызу талқыға түскен еді Онда аурухана бөлімшесіндегі дәліз еденінде науқас балалардың анасымен бірге жатқанын байқауға болады. Бұл видеоға қатысты бүгін қала әкімдігі мәлімдеме жасады.

Әкімдіктің хабарлауынша, қалалық жұқпалы аурулар ауруханасында күрделі жөндеу жұмыстары басталған. Ондағы 10 бөлімшенің 8-і тәулік бойы аса...

Қазақстанда әйелдер декреттік демалыстан кейін, ақылы еңбек демалысына шығуына бола ма? Бұл заңға қайшы емес пе? Көпшілік тарапынан жиі қойылатын осы сұраққа Еңбек министрлігі мамандары жауап берді.

Мемлекеттік еңбек инспекциясы комитетінің бас сарапшысы Жеңіс Рүстемовтің айтуынша, бала күтіміне байланысты демалыстан шыққан әйелдер басқа қызметкерлер сияқты жыл сайынғы ақылы еңбек демалысына шығуға құқылы.

Заң не дейді?

Қазақстанның Еңбек кодексіне сәйкес, ақылы еңбек демалысына шығу құқығы еңбек өтілі болған жағдайда беріледі. Бұл өтілге тек нақты жұмыс істеген уақыт қана емес, сонымен қатар қызметкердің жүктілік және босану демалысында болған кезеңдері де кіреді.

«Қызметкердің ақылы жыл сайынғы...

Қазақстанда сотқа қатысатын алқабилерге сотталғандарды мерзімінен бұрын босату құқығы берілуі мүмкін. Бірнеше өңірде келесі жылдан бастап өзгерістер пилоттық режимде енгізіледі. Тиісті заң жобасын Мәжіліс депутаттары әзірледі.

Депутаттар шартты түрде мерзімінен бұрын босату тәртібіне өзгеріс енгізуді ұсынды. «Қылмыстық заңнаманы одан әрі жетілдіру мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» заң жобасына сәйкес, алқабилер сотына мынадай шешімдер қабылдау құқығы берілуі ықтимал:

«Осы баптың бірінші бөлігінің сегізінші абзацында көзделген қылмыстар үшін шартты...

Еуропа одағының кеңесі Ресей газынан бас тарту туралы жоспарды бекітті. Құжатқа сәйкес, ұйым елдері жоспарды біртіндеп жүзеге асырып, 2028 жылға дейін ресей газын импорттауды тоқтатады.

Кеңес мәлімдемесінде шектеу 2026 жылғы 1 қаңтарда күшіне енеді. Еуропа Ресей газынан бірден бас тартпайды. 2025 жылғы 17 маусымға дейін жасалған келісімшарттар бір жыл, ал ұзақ мерзімді келісімдер 2028 жылғы 1 қаңтарға дейін күшінде болады. Содан кейін ұйым елдері Ресей газын тұтынуды біржолата тоқтатады.

Еуропа мұндай стратегияны 2025 жылдың көктемінен бері талқылап келді. ЕО комиссиясы осындай ұсынысты биыл 6 мамырда ұсынды. Мұндай шешім Украинадағы соғысқа қатысты санкциялар аясында қабылданып отыр.

Ресей газының 40%-ын Еуропа елдер...

Белгілі продюсер Қайрат Нұртастың анасы Гүлзира Айдарбекова өзіне жаңа темір тұлпар сыйлады. Бұл туралы Instagram парақшасында жариялады.

Продюсер желіде жаңа BMW маркалы көлігінің видеосын жариялап, қуанышымен бөлісті:

«Өміріміз оза берсін, көлігіміз тоза берсін. Лүпіл басқан оқырмандарыма жұғысты болсын», – деп жазды Айдарбекова.

Желі қолданушылары продюсердің жаңа сатып алған көлігін қызу талқылап, түрлі пікір қалдырды. Бірі құттықтаса, енді бірі әзіл аралас пікір білдірді:

«Біз де Гүлзираның жолымен жүрейік», «Қазақстанда шамамен 38 млн теңге тұратын көлік екен», «Су мен сабын сатып алған ақшасы шығар», – деп жазды пікір білдірушілер.

«Астана тұрақ кеңістігі» ЖШС әлі де елордадағы ақылы автотұрақтардан түсетін табыстың 75%-ын алып отыр. Компанияның Астананың бұрынғы әкімі Әділбек Жақсыбековке қатысты бары айтылады.

2025 жылдың ақпанында сот әкімдікке бұл компаниямен арадағы келісімді бұзуды міндеттеген. Алайда сот шешімі әлі орындалмаған. Бұл туралы бірінші вице-премьер Роман Склярдың депутаттық сауалға берген жауабында айтылған.

Құжатқа сәйкес, компания қазір барлық инфрақұрылыққа, соның ішінде мобильді қосымшаға иелік етеді және жұмыс істеп тұрған ақылы автотұрақтардан табыс алып отыр.

«Қолданыстағы ақылы автотұрақтарға арналған мобильді қосымша «Астана тұрақ кеңістігі» ЖШС меншігі. Қазір мемлекеттік-жекеменшік әріптестік шартын бұзу рәсімі жүріп жатыр», – делінген жауапта.

Келісім...

Википедияға кірушілер саны айтарлықтай азайды. Өткен жылмен салыстырғанда сайт аудиториясының шамамен 8%-ын жоғалтқан. Дүниежүзіндегі ең танымал ресурстардың бірі саналған платформа үшін бұл — алаңдарлық мәселе. Wikimedia қорының басшылығы мұның басты себебі жасанды интеллекті қолданудың күрт өсуінде деп пайымдап отыр.

Қазір пайдаланушылар сұрақтарына тікелей Википедиядан емес, ЖИ функциясы бар іздеу жүйелері мен чат-боттар арқылы жауап алуда. Мысалы, адам Google немесе ChatGPT-ке бір деректі сұрағанда, оған жауап сілтемеге өтпей-ақ, тікелей көрсетіледі. Жауап көбіне Википедия мәліметтері негізінде жасалады, бірақ қолданушы мұны байқамауы да мүмкін. Яғни, жасанды интеллект адам мен энциклопедия арасындағы делдалға айналып, трафиктің басым бөлігін өзіне тартып алды.

Ал википедия үшін бұл жай...

Қазақстанда алдағы уақытта «Ұлттық бейнебақылау жүйесі» енгізіледі. Бұл жайлы Парламент сенатында өткен жиында Жасанды интеллект және цифрлық даму министрі Жаслан Мәдиев мәлімдеді.

Министрдің сөзінше, аталмыш жүйе жасанды интеллект арқылы қоғамдық орындарда 24 сағат бойы бейнебақылауды қамтамасыз етеді. Жүйе автоматты түрде адамдарды, көліктердің нөмірлерін таниды және күдікті жағдайларды тіркейді. Аталмыш

«Жүйе автоматты түрде тұлғаларды, көлік нөмірлерін таниды, сондай-ақ күмәнді жағдайларды бақылайды, яғни төбелестерді, адамдардың жиналуын және қалдырылған заттарды тіркейді», – деді Мәдиев.

Мәдиевтің айтуынша, жаңа технология қоғамдық тәртіпті сақтау және жол-көлік оқиғаларын бақылау үшін қолданылады. Жүйе толық іске қосылғаннан кейін азаматтарды тәулік бойы бақылауға мүмкіндік...

20 қазанда таңертең Amazon Web Services (AWS) қызметі дұрыс істемей, оның әсері басқа да көптеген танымал сервистерге әсер етті. Олардың арасында Zoom, Snapchat, Roblox және басқа да стартаптар платформалары бар. Бұл туралы Bloomberg хабарлады.

Басылым мәліметінше, мыңдаған қолданушы қызметтің дұрыс істемей тұрғанына шағымданып үлгерген. Арыздар түрлі елдерден түсіп жатыр. Артынша Amazon компаниясы да осындай ақау барын растады. AWS бірнеше сервис істен шыққанын, оларды біртіндеп қалпына келтіріп жатқанын мәлімдеді.

Amazon Web Services (AWS) – бүкіл әлем бойынша мәліметтерді сараптау орталықтары үшін 200-ден астам сервис ұсына алатын cloud жүйе. Ірі корпорациялар, үкімет мекемелері, миллиондаған клиент, соның ішінде ірі стартаптар осы жүйенің қызметін пайдаланады. Виртуалды...

Алматыда 21 қазан күні өтетін UEFA Чемпиондар лигасының топтық кезеңіндегі «Қайрат» – «Пафос» арасындағы ойын алдында клубтың бас бапкері Рафаэль Уразбахтин журналистердің сұрақтарына жауап беріп, команданың дайындық барысы мен қақпашылардың жағдайына тоқталды.

Бапкердің айтуынша, негізгі қақпашылар қатарға қайта оралған.

Анарбеков алаңға оралды, өздеріңіз көрдіңіздер, «Қызылжарға» қарсы ойынды өткізді. Заруцкий де қазір біртіндеп жаттығуларға кірісті. Қазір Шерхан мен Темірлан екеуі де толық дайын, – деді Уразбахтин.

Дегенмен, ертеңгі ойында қақпаны нақты кім қорғайтынын бас бапкер әзірге жария етпеді.

Ертең кімнің алаңға шығатынын әзірге айта алмаймын. Бұл шешімді қақпашылардың бапкері Илья Юров қабылдайды...

2025 жылдың қаңтар–қыркүйек айларында республикалық бюджет кірісі 15,1 трлн теңге болды. Бірақ жоспар бойынша түсім 16 трлн теңгеге жетуі керек еді, яғни жоспар тек 94,4%-ға орындалған. Бұл туралы қаржы министрлігі жариялған есепте жазылған.

Бюджет кірісінің негізгі бөлігін салық түсімдері құрады – 9,95 трлн теңге. Бұл бастапқы болжамнан 4,5% аз (жоспар – 10,4 трлн теңге еді). Оның ішінде:

Салықтан тыс түсімдер 551,6 млрд теңге болды, жоспарланған 382 млрд теңгеден 44%-ға көп. Ұлттық қордан бюджетке берілген трансферттер 4,18 трлн теңге болды (жоспар...

Астанадағы жеке клиникалардың бірінде мұрын қалқасын түзетуге арналған жоспарлы операциядан кейін Ақтау тұрғыны көз жұмды.

Тенгриньюс.кз басылымының мәліметінше, Ақтау тұрғыны Астанадағы жеке клиникада мұрын қалқасын түзетуге арналған операциядан кейін қайтыс болған.   

Баспасөз деректері бойынша, әйел 2025 жылы 3 маусымда септоринопластика процедурасынан кейін жан тапсырған. Оның ұлы анасының тыныс ала алмай, қиындық көргенін айтып, сондықтан хирургиялық операцияға барғанын жеткізген. Операцияны сол дәрігер жасаған. Ал ол биыл сәуір айында Қостанай қаласының 22 жастағы тұрғынына сондай ұқсас операция жүргізген. Сол кезде пациент комаға түскен.

Ақтау тұрғынының туыстары хирургты кәсіби міндеттерін дұрыс орындамағаны үшін қылмыстық жауапкершілікке тартуды талап етеді, өйткені оның әрекеті адам...

Алматы полициясы Орталық стадионда өтетін «Қайрат» пен «Пафос» арасындағы халықаралық футбол матчы кезінде жанкүйерлердің тәртібі мен қауіпсіздігін қамтамасыз етеді. Бұл туралы ІІМ хабарлады.

Министрлік мәліметінше, полиция қызметкерлері қоғамдық тәртіпті сақтап, спорт нысаны маңындағы жол қозғалысын реттейді. Бұған қоса, полиция матч кезінде Алматы қаласында көлік қозғалысына ішінара шектеу енгізілуі мүмкін. Осыған байланысты тұрғындарға жол бағытын алдын ала жоспарлап, уақытша шараға түсіністікпен қарауға кеңес берді.

«Алматы полициясы футбол кешінің тыныш әрі жайлы өтуі үшін барлық қажетті шараны қабылдап отыр. Мұндай іс-шаралардағы қауіпсіздік тек тәртіп сақшыларына ғана емес, азаматтардың жауапкершілігіне де байланысты. Жанкүйерлерден тәртіп сақтап, полициямен өзара ынтымақтасты...

Композиторлар одағының мүшесі Юрий Аравин 84 жасында қайтыс болды. Қаралы хабарды мәдениет және ақпарат министрі Аида Балаева жеткізді.

«Юрий Аравин – қазақтың халық музыкасын кеңінен насихаттаған танымал тұлғалардың бірі. Ұлттық мәдениетке бар жан-тәнімен берілген азамат ретінде фольклорлық мұраларды жинақтау мақсатында көптеген ғылыми-шығармашылық экспедицияларға бастамашысы болды. Көптеген көне музыкалық туындыларды жаңғыртып, ғылыми жүйеге түсірді», – деп жазды Балаева.

Қазақ мәдениетінің көрнекті қайраткері Юриф Аравин – «Парасат» және «Отан» ордендерінің иегері, Композиторлар одағының мүшесі, профессор.

«Юрий Аравин қазақ музыкасына, халық композиторлары мен ақындарының мұрасына арналған бірқатар телерадио бағдарламаларын жасады. Қазақ фольклорына...

Алматыда өткен тауда жүгіру жарысына қатысқан Владимир Кривенцов көз жұмды. Оқиға Іле Алатауы баурайында, «Экстремалды атлетика» ұйымы өткізген спорттық шара барысында болды.

Ұйымдастырушылардың мәліметінше, спортшыға жарыстың басында өзін жайсыз сезінгеннен кейін шұғыл көмек көрсетілген. Оқиға орнына ТЖД қызметкерлері бірнеше минут ішінде жетіп, алғашқы медициналық көмек көрсетіп, «Медеу» кешеніндегі құтқару бөліміне жеткізген. Алайда, өкінішке қарай, оны аман алып қалу мүмкін болмаған.

«Барлық қажетті шара уақытылы жасалды, бірақ дәрігерлер өмірін сақтап қала алмады» деп хабарлады ұйымдастырушылар.

Қайтыс болған азамат тәжірибелі спортшы, түрлі жарыстардың тұрақты қатысушысы болған. Ол сайысқа дейін медициналық тексеруден өтіп, спортпен айналысуға рұқсат алған.

Қазақстанның шығысында, Өскемен қаласының оңтүстігінде жер сілкінді. Дүмпу қуаты – 4,1 балл. Бұл туралы Ресей ғылым академиясы Геофизика қызметінің Алтай-Саян филиалы хабарлады.

Мекеме мәліметінше, жер сілкінісі 19 қазанда Астана уақытымен сағат 22:07-де тіркелген. Жерасты дүмпу ошағы Өскемен қаласынан 327 км, Қытаймен арадағы шекарасына 36 км жерде орналасқан. Оның қуаты – MSK64 сейсмикалық есептеу әдісі бойынша 4,1 балл.

Жер сілкінісінен зардап шеккендер туралы мәлімет түскен жоқ.

Естеріңізге сала кетейік, 2025 жылғы 6 қазанда Қазақстанның оңтүстігінде жер сілкінген. Сол кезде дүмпу ошағы Алматы қаласынан оңтүстік-батысқа қарай 465 км жерде, Қырғызстан аумағында орналасқан. Жерасты дүмпуінің магнитудасы 5.9 балл болған.