Жаңалықтар

 Бюджет есебін жүргізудің маңызын айтудан ешқашан жалықпаймыз. Осы күнге дейін оқырмандарымызға отбасылық бюджетті жоспарлау турасында түрлі лайфхак бөлістік. Бөлек мобайл қолданба жүктеу немесе дәптер арнап, толтыру қиын болатын болса, одан да оңай бір тәсіл туралы айтпақпыз. Ол үшін арнайы аппликейшн орнатып жүрудің қажеті жоқ. Бар болғаны өзіңіз қолданатын банктің қолданбасы жетіп жатыр.

Дәстүрлі әдістен — заманауи тәсілге

Шынында әр шыққан шығынды дәптерге тізіп жүру туралы кеңесті естігендердің дені бірден қиынсынады. Сөйтіп беті қайтып қалып жатады. Ал бюджет есебін жүргізбесе, қысқа да ұзақ мерзімді жоспар жасау қиынға соғады. Сондықтан қалай болған күннің өзінде есеп жасап жүру керек. Естеріңізде болса...

Дәл қазір ҰБТ тапсырып болған түлектер мамандық пен университет таңдаумен бас қатырып жүр. Осы ретте Kursiv Media тілшісі талапкерлерге таңдау жасауда ескеру керек жайттарды тізіп шықты. Пайдалы кеңесті назарыңызға ұсынамыз.

  «Қандай университетке түсу керек?» деген сауалға әркім әрқалай жауап береді. Біреуі бала кезден бергі арманы екенін алға тартса, енді бірі ата-анасының айтқанымен жүреді. Енді бірі грант алу мүмкіндігіне қарап қара таңдайды. Әлбетте, кім де болсын сапалы білім беретін, беделді оқу орнында оқығысы келеді. Бұл ретте бізге рейтиң арқылы анықталған университеттер тізімі көмектеседі. Егер Қазақстанда оқимын деп шешсеңіз, QS World university rankings және Times Higher Education World University Rankings сынды әлемдік...

Доллардың ресми бағамы ай басынан бері 12,16 теңгеге немесе 2,6%-ға нығайып, 8 шілдеде 477,24 теңгені құрады. Валюта нарығындағы қазіргі жағдай туралы Қазақстан Ұлттық Банкі монетарлық операциялар департаментінің директоры Нұржан Тұрсынханов оның бірнеше себебі бар дейді.

Біріншіден, дамыған және дамушы елдердің валюталары инфляция мен геосаяси тұрақсыздыққа қарсы күрес аясында қысымға ұшырап отыр. Ұлттық валюта да орнығып қалған ішкі факторларға байланысты және сыртқы өзгерістердің әсерінен құбылмалы күй кешуде.

Екіншіден, АҚШ долларының жаһандық нығаюымен, энергия тасымалдаушылар бағасының төмендеуімен, сондай-ақ Қазақстандағы Каспий құбыр желісі консорциумының теңіз терминалының қызметін тоқтата тұру тәуекелдеріне байланысты нарыққа қатысушылар сентиментінің нашарлауымен қатар қазақстандық компаниялардың импорттық операциялары теңге динамикасында әсер...

Қазақстанның қаржы министрлігі мемлекеттік кірістер комитеті күнбағыс тұқымын, бидай мен меслин, бидай және қара бидай ұнын экспорттауға шектеу енгізіліп жатқанын хабарлады.

Министрлік жариялаған құжатта «Қазақстан аумағынан жекелеген тауарларды әкетудің кейбір мәселелері туралы» ауыл шаруашылығы министрі міндетін атқарушының 5 шілдедегі бұйрығы бойынша ел аумағынан күнбағыс тұқымын әкетуге шектеулер (квоталар) енгізіледі», делінген. Оған сәйкес, бір өтініш берушіге 500 тоннадан аспайтын күнбағыс тұқымын шығаруға рұқсат етіледі. Жалпы лимит – 15 мың тонна. 

Ал бидай мен меслин, бидай және қара бидай ұнына қатысты бұйрыққа сәйкес, Еуразиялық экономикалық одақ елдеріне 550 000 тонна көлемінде бидай мен меслинді және 370 000 тонна көлемінде бидай және қара бидай ұнын...

Кәсіпкер Қайрат Боранбаевқа қатысты күзетпен  ұстау мерзімі тағы бір айға ұзарды. Бұл туралы Нұр-Сұлтан қаласының соты хабарлады.

«2022 жылғы 8 шілдеде Нұр-Сұлтан қаласының мамандандырылған ауданаралық тергеу соты күдікті Қ.С. Боранбаевқа қатысты белгіленген күзетпен ұстау түріндегі бұлтартпау шарасының мерзімін 1 айға ұзартты» делінген хабаламада.

Қайрат Боранбаев 2022 жылдың 17 наурызында қамауға алынған еді. Оған аса ірі көлемде мемлекет қаржысын жымқырды деген айып тағылған.

Бір жылда (2022 жылғы маусым мен 2021 жылғы маусым аралығын) қолданыстағы пәтерлерді қайта сату бағасы – 26,8%, жаңа тұрғын үйлерлің бағасы19,5% өскен. Бұл туралы Ұлттық статистика бюросы хабарлады.

Абаттандырылған тұрғын үйді жалға алу төлемі өткен жылғы тиісті аймен салыстырғанда 2022 жылғы маусымда 21% артты.

Өңірлер арасында жаңа салынған пәтерлер бойынша жылдық мәнде баға Нұр-Сұлтан қаласында едәуір өскен. Қолданыстағы пәтерлердің сатылымы бойынша бағаның ең жоғары өсімі – Қызылорда қаласында (46,7%), тұрғын үйді жалға алу нарығында баға Алматы қаласында қатты қымбаттаған.

Бір айдың ішінде (2022 жылғы маусым 2022 жылғы мамырға) жаңа тұрғын үй бағасы – 1,1%, пәтерлерді қайта сату...

Қазақстан мұнайы экспортының 82 пайызын жүзеге асырып тұрған «Каспий құбыр консорциумы» (КТК) жұмысының 30 тәулікке тоқтатылуы үлкен шу тудырып жатыр. Сарапшылардың көбі бұл шешімді Ресейдің саяси қысымы деп санайды. Расымен, мұның кездейсоқтық бола қоярға қисыны да жоқ. 2022 жыл басталғалы, соның ішінде Ресей Украинаға басып кіргелі бері КТК үшінші рет жұмыс графигін бұзып отыр.

Bloomberg агенттігінің мұнай ісі бойынша стратегі Джулиан Лидің жазуынша, Владимир Путин Украинаны қолдап отырған Еуропа елдеріне қарсы жаңа бір қару тапты, ол – Қазақстан мұнайы.

«5 желтоқсанда ресейлік мұнайға қатысты еуропалық санкция күшіне енбей тұрып және өнеркәсіптік дамыған елдер Мәскеуден келер шикі мұнай бағасын шектеуді қарастырып...

2022 жылғы 30 қыркүйекке дейін Қазақстан Республикасы аумағынан бидай мен меслинді, бидай және қара бидай ұнын әкетуге квота енгізілді. Бұл туралы Қазақстан Республикасы Қаржы министрлігінің Мемлекеттік кірістер комитетінде хабарлады.

«Қазақстан Республикасы аумағынан жекелеген тауарларды әкетудің кейбір мәселелері туралы» Қазақстан Республикасы Ауыл шаруашылығы министрінің м.а. 2022 жылғы 5 шілдедегі № 215 бұйрығымен Қазақстан Республикасы аумағынан үшінші елдерге және Еуразиялық экономикалық одақ елдеріне 550 000 тонна көлемінде бидай мен меслинді (СЭҚ ТН коды – 1001) және 370 000 тонна көлемінде бидай және қара бидай ұнын (СЭҚ ТН коды – 110100) әкетуге сандық шектеулер (квоталар) енгізіледі» делінген хабарламада.

Шектеу 2022 жылғы 8 шілдеден бастап...

ҚР Еңбек және халықты әлеуметтік қорғау министрі Тамара Дүйсенова зейнет жасын 58 жасқа дейін төмендету бойынша Қазақстан әйелдер қозғалысының өкілдерімен бесінші кездесу өткізді, деп хабарлайды министрлік баспасөз қызметі.

Келіссөз барысында министр арнайы жұмыс тобы белсенділердің ұсыныстарын жан-жақты зерттегенін, сондай-ақ зейнетақымен қамсыздандыру жүйесін жетілдіру бойынша ұсынылатын тәсілдер туралы айқан.

Кездесуге қоғамдық қозғалыс өкілдері Майкен Бигарстанова, Марина Бачаева, Ольга Смирнова, Гүлнәр Смайылханова, Жанар Жибегенова, Ләйла Оспанова, Қарлыға Ахметбекова және Әйелдер істері және отбасылық-демографиялық саясат жөніндегі ұлттық комиссия мүшесі Азиза Шужеева қатысты.

Келіссөз барысында Тамара Дүйсенова белсенділердің ұсынысын министрлік жанынан құрылған арнайы жұмыс тобы жан-жақты зерттегенін хабарлады. Бұл ретте келесі факторлар...

Алматыдағы Қаңтар оқиғасы кезінде зардап шеккен шағын және орта бизнес субъектілеріне өтемақы төленіп бітті. Қазіргі кезде 1594 өтінім бойынша 14,5 млрд теңге төленген. Бұл туралы Алматы әкімі Ерболат Досаев Орталық коммуникациялар қызметінде өткен брифингте мәлімдеді. 

«Шағын және орта бизнес – қала экономикасының негізі. Онда еңбекке қабілетті халықтың 64%-ы жұмыс істейді. Сондықтан бизнесті қолдауға ерекше көңіл бөлінеді. 2022 жылы бюджеттен қосымша 5 млрд теңге бөлініп, 47 млрд теңгеге дейін жетті. Бүгінде 16,5 млрд теңгеге шағын және орта бизнестің 219 жобасы қаржыландырылды. Нәтижесінде, 1 маусымда белсенді жұмыс істейтін шағын және орта бизнес субъектілерінің саны бір жылда 19,5%-ға 233 мыңға дейін өсті» дед...

2022 жылдың қаңтар-маусым айлары аралығында міндетті әлеуметтік медициналық сақтандыру үшін елордалықтар 30,9 млрд теңге жарна аударған. Ал осы жылдың маусым айында елордалықтардан 5,6 млрд теңгеден аса жарна аударымдары түскен. Жалпы 2017 жылдың 1 шілдесі мен 2022 жылдың 30 маусымы аралығында Нұр-Сұлтан қаласы бойынша медициналық сақтандыру үшін жинақталған жарна 131,5 млрд теңгені құрайды, деп хабарлайды Әлеуметтік медициналық сақтандыру қорының елорда филиалының баспасөз қызметі.

 Нұр-Сұлтан қаласы бойынша осы жылдың маусым айында 5,6 млрд теңгеден аса жарна түсті. Оның 3,2 млрд теңгеден астамы – жұмыс берушілердің, ал 2,4 млрд теңге – жеке кәсіпкерлердің аударымдары.

Ал 2022 жылдың қаңтар-маусым айлары аралығында медициналық сақтандыру үшін...

2022 жылдың маусым айында іскерлік белсенділік индексі біршама жақсарған. Бұл туралы Ұлттық банк хабарлады.

ҚР ҰБ ақша-кредит саясаты департаментінің директоры Рүстем Оразалиннің айтуынша, өткен айда кәсіпорындардың іскерлік белсенділігі 49,0 (мамырда – 48,9) болған. Тау-кен өндіру өнеркәсібі мен құрылыста іскерлік белсенділіктің артқаны байқалды, онда индекс, тиісінше, 50,0 және 47,4-ке дейін көтерілді (мамырда 48,2 және 46,4). Өндіріс секторында индекс жаңа тапсырыстардың көлемі мен жұмыспен қамту деңгейінің төмендеуіне байланысты 49,4-ке дейін (мамырда – 50,8) төмендеді. Қызмет көрсету секторында көрсеткіш өзгерген жоқ – 48,7.

2022 жылдың маусым айында респонденттердің оптимизмі арту есебінен соңғы 6 айда алғаш рет оң болып, кәсіпорындардың қазіргі бизнес-ахуалды бағалауы жақсарды (4,0-ге дейін).

Кәсіпорындардың алдағы 6 айға арналған болашақ бизнес-ахуалды...

Қазақстанның бірінші, әлемнің 23-ракеткасы Елена Рыбакина Уимблдон турнирінің финалына шықты, деп хабарлайды ҚазАқпарат.

Қазақстандық теннисші жартылай финалда әлемнің бұрынғы бірінші ракеткасы, «Үлкен дулыға» турнирінің екі мәрте чемпионы (Франция ашық чемпионаты – 2018, Уимблдон – 2019), қазіргі кезде рейтингіде 18-сатыда тұрған румыниялық Симона Халеппен кездесті.

Қарсыластар осыған дейін өзара үш рет ойнап, соның екеуінде С. Халеп жеңіске жеткен еді.

Бұл жолы Е. Рыбакина бірінші партияны қарқынды бастап, 3:0 есебімен алға шықты. Осы басымдылығынан айырылған жоқ – 6:3.

Елена екінші сетте де 2:0 есебімен алға кеткенімен, Симона сол бойда таразы басын теңестіріп үлгерді – 2:2. Дегенмен, қазақстандық спортшы қайта брейк жасап...

Алматыда Құрбан айтқа құрбан шалу рәсімін жасау үшін 13 орын бөлінген. Бұл туралы Алматы қаласының бас имамы Төлеби Оспан Өңірлік коммуникациялар қызметі алаңында айтты.

Бас имам қала тұрғындары мен қонақтарын келе жатқан Құрбан айтпен құттықтап, мұсылмандардың басты мерекелерінің бірі 9-11 шілде аралығында өтетінін айтты.

 «Құрбан айт мерекесі кезінде мұсылмандар қой, сиыр, ешкі немесе түйені құрбандыққа шалады. Құрбан шалу адамның Құдайға деген рухани ниетін білдіреді. Мереке форматы өткен жылдың үлгісі бойынша сақталады. Құрбан шалуды Алматыда онлайн және офлайн форматта да жасауға болады», – деп түсіндірді Бас имам. 

Қазақстан мұсылмандары діни басқармасы онлайн-форматта құрбан шалу үшін арнай www.qurban2022.kz сайтын...

Жеке инвесторлардың белсенділігі пандемия өршіп тұрған кезде-ақ артқан еді. Соған орай қазақстандық қаржыгерлер азаматтардың сұранысына үн қатты. «Jusan Invest» АҚ басқарма төрағасы, инвестиция және қаржы сарапшысы Максим Кабанов оларды сипаттай келе, елімізде қаржыны ұзақ мерзімді инвестициялау мәдениеті қалыптасып келе жатқанын атап өтті. Бұл көз қуантарлық жайт.

«Пандемия кезінде көп адам жинауға болмайды деген талап қойылғандықтан, клиенттеріміз нарықтағы заманауи трендтерді біліп отыруы үшін, олармен видеоконференция форматында тығыз жұмыс істедік. Оларды нарықта жалғыз қалдыруға болмайтын еді» дейді Максим Кабанов.

Қаржыгер Қазақстанда компанияның болашақ клиенттері депозит сынды неміс моделіне құрылған қаржы құралдарына көп мән беретінін айтып өтті. Ал инвестициялық қор нарығына тек алдап...

Міндетті әлеуметтік медициналық сақтандыру қорына төлем жасайтын  жеке кәсіпкер саны қанша?  Олар өз қызметкері үшін қандай көлемде аударым жасайды және жеңілдік санатына кіретін жұмыскерлер үшін төлем жасай ма? Осы және өзге де жиі қойылатын 8 сауалға  қордың баспасөз қызметі жауап береді.

«2021 жылы Қорға 632,9 мың жеке кәсіпкерден 15,9 млрд теңге көлемде аударым мен жарна түсті. Биыл медициналық сақтандыруға төлеушілер саны 691,2 мыңға жетті. Олар 5 айда жүйеге 10,3 млрд. теңге төледі» КеАҚ жеке және заңды тұлғалармен жұмыс жөніндегі департамент директоры Забира Оразалиева.

– Жеке кәсіпкерлер міндетті әлеуметтік медициналық сақтандыруға өз пайдасы  үшін қанша төлем жасайды?

– Жеке кәсіпкерлер мен...

Президенттің төрағалығымен елдің көлік-транзиттік әлеуетін дамыту жөнінде кеңес өтіп, Қасым-Жомарт Тоқаев жүк жеткізетін балама бағыттарды, сондай-ақ тасымалдау ісін әртараптандыруды пысықтауды тапсырды.

Қасым-Жомарт Тоқаев көлік-логистика саласының Қазақстан экономикасында ерекше рөл атқаратынын атап өтті. Оның айтуынша, өңірлердің өзара қарым-қатынасын жандандыру үшін бұл саланың маңызы зор. Дегенмен, геосаяси жағдай мен санкциялық текетірес дәстүрлі көлік-логистика желісін өзгеріске ұшыратты.

Президенттің пікірінше, отандық өнімнің экспортқа қауіпсіз әрі үздіксіз шығарылуын қамтамасыз ету үшін кешенді шаралар қабылдау қажет. Мемлекет басшысы еліміздің Орталық Азия аймағындағы көшбасшылығын сақтап, Қазақстанды сенімді транзиттік хаб ретінде дамыту керек екенін айтты. Осы мақсатта балама теміржол бағыттарын қалыптастыру қажет. Бұл жерде Достық – Мойынты, Бақты...

Аграрлық несие корпорациясы 2022 жылдың алғашқы жарты жылдығында аграрлық салаға 182 млрд теңгеден астам сома бөлінді, деп хабарлайды баспасөз қызметі.

2022 жылдың бірінші жартыжылдығында корпорацияның желісі бойынша 7900-ден астам жобаны қаржыландыруға 182,5 млрд теңге бөлінді. Жалпы биыл агробизнесті дамытудың басым бағыттары бойынша 330 млрд теңгенің несиесін беру көзделген.

Корпорация несиелеуді «Кең дала», «Агробизнес», «Іскер» атты үш бағдарлама бойынша жүргізеді. «Кең дала» бағдарламасы көктемгі егіс және күзгі жиын-терін жұмыстарына несие береді. Биылғы жартыжылдықта аталған бағдарлама аясында 2,5 мыңнан астам диқанға жалпы сомасы 70 млрд теңгеге тең қаржы бөлініп, 3,7 млн гектардан астам егістік алқап игерілді.

Бұған қоса, 70 млрд теңге...

Новороссийск қаласының Приморский аудандық соты «Каспий құбыр желісі консорциумы» (КТК) теңіз терминалының жұмысын 30 тәулікке тоқтатты. Ространснадзор анықтаған тәртіп бұзушылықтарды анықтау мақсатында сот осындай шешім шығарған. Вице-премьер Виктория Абрамченконың наурыз айында «КТК-Р» АҚ қауіпті өндірістік нысандарының техникалық жағдайын бағалау және оларды пайдалану кезінде экологиялық талаптарды сақтау мақсатында жүргізген тексеруінің нәтижесінде Ространснадзор мұнайдың апатты төгілуін жою жоспары (ЛРН) бойынша бірнеше құжаттық бұзушылықтарды анықтапты.

6 маусымда консорциумға анықталған бұзушылықтарды жою туралы нұсқама берілген, сонымен қатар Әкімшілік құқық бұзушылы туралы кодекстің 14.1.2. бабының 4 тармағы бойынша әкімшілік құқық бұзушылық жайлы хаттама толтырылған.

Әу баста Ространснадзор КТК жұмысын 90 тәулікке тоқтату туралы арыз түсірген...

Әдетте еңбек шарты десе, көз алдымызға жазбаша түрде жасалған құжат келеді. Десе де, кейінгі кездері электронды еңбек шарты да үлкен ауқым алып келе жатыр. 2019 жылдың шілдесінде сол кездегі премьер-министр Асқар Маминнің қаулысымен үкіметке Қазақстан Республикасындағы еңбек мәселелеріне қатысты заңдарға өзгеріс енгізуге қатысты заң жобасы ұсынылған еді. Ол жобаның ішіндегі заңнамалық актілер мен өзгерістер еліміздің Еңбек кодексіне тікелей қатысты болған. Сөйтіп жыл соңында бірінші оқылымнан кейін-ақ жақсы бағаланып, қабылданған. Сол өзгерістің ішіндегі жағымдысы — қажет құжаттарды электронды түрде рәсімдеуге, яғни электронды цифрлық қолтаңба қоюға мүмкіндік беру. Осылайша сол кезден бері жұмыс берушілер қызметкерлерімен электронды түрде еңбек шартын жасаса алатын болды...

7 шілдедегі мәлімет бойынша, 1 734 адам коронавирус инфекциясынан (–1 677+ және 57 КВИ-) емделуде, олардың ішінде 263 пациент стационарда, 1 471 науқас амбулаториялық деңгейде ем қабылдап жүр.

КВИ+, КВИ- шалдыққандардың арасында 12 адамның жағдайы ауыр, ӨЖЖ аппаратында жатқадар. жоқ.

Антикор елордадағы стадионды апатты деп тану үшін пара алған ТЖД басқарма басшысына қатысты тергеу амалдарын бастады.

«Антикоррупциялық қызметі Қ.Мұңайтпасов атындағы Орталық стадионды объектіні апаттық жағдайда деп тануға жәрдем көрсеткені үшін Нұр-Сұлтан қаласы бойынша Төтенше жағдайлар департаменті басқарма басшысына қатысты компания директорынан 5 миллион теңге сомасында пара алу фактісі бойынша тергеп-тексеру амалдарын бастады» делінген хабарламада.

Тергеу жалғасуда. Өзге ақпарат тергеу мүддесінде жария етуге жатпайды.

Жеңілдетілген салық режиміндегі жеке кәсіпкерлер 15 тамызға дейін алғашқы жарты жылдықтың есебін тапсырады. Осы ретте ең оңай әрі ыңғайлы «упрощенкаға» қатысты сауалдарға жауап бергенді жөн көріп отырмыз. Бұл қандай режим? Кімдер қолдана алады? Қандай төлемдер міндетті? Есепші жалдауды қажет етпейтін, әр кәсіпкер өз бетімен тапсыра алатын салық режимі жайлы осы материалдан толығырақ біле аласыздар. Алғашқы жарты жылдықтың есебін тапсыратын уақыт басталды. 15 тамызға дейін үлгеруіңіз керек. 

Қай жеке кәсіпкерлік осы режимді қолдана алады?

«Упрощенка» бойынша жұмыс істейтін жеке кәсіпкерлікте әрі кеткенде басшысын қосқанда 30 қызметкерден аспауы керек. Сондай-ақ, басқа қалаларда бөлімшелері, салық салынатын нысандары, филиалдары болмауға тиіс. ҚР...

Кәсіпкер Алмас Әбдіғаппаров бір миллион долларды жымқырды деп танылып, 7 жылға бас бостандығынан айырылды, деп хабарлайды Zakon.kz.

Былтыр 27 шілдеде Parmigiano Group басшысы Алмас Әбдіғаппаровтың екі айға қамауға алынғаны белгілі болды. Ол алаяқтық жасады, бөтеннің мүлкін жымқырды деген күдікке ілінді.

Әбдіғаппаров ҚР Қылмыстық кодексінің 189-бабының 4-бөлігінің 2-тармағы (Кінәліге сеніп тапсырылған бөтеннің мүлкін аса ірі көлемде иемдену немесе жымқыру, яғни ұрлау) бойынша қамауға алынды.

Еске сала кетейік, Parmigiano Group компаниясының басшысы Алмас Әбдіғаппаров екі айға қамауға алынған еді. Қалалық соттың баспасөз қызметі Әбдіғаппаровқа «сеніп тапсырылған шетелдік мүлікті аса ірі көлемде заңсыз иемденді немесе жымқырды» деген күдікке ілінгенін түсіндірді.