Жаңалықтар

Қазір еліміздің химия саласында 49 жоба іске асырылып жатыр. Алдағы он жылда бұл салаға 4,8 трлн теңге инвестиция келуі қажет. Бұл туралы үкімет отырысында өнеркәсіп және құрылыс министрі Ерсайын Нағаспаев баяндады.

Министрдің сөзінше, 49 жобаның ішінде ең негізгілері мұнай және металлургия саласына қажет химия өнімдерін шығаруды көздейді. Қазір министрлік алдында шикізаттық модельден бас тарту деген мақсат тұр.

«Осы мәселе бойынша өндірісі жоғары дамыған Қытайлық инвесторлармен, атап айтқанда China Energy және East China Engineering and Technology сияқты ірі компаниялармен жұмыстар жүріп жатыр», – деді Нағаспаев өз баяндамасында.

Тағы бір маңызды жоба – агрохимия...

Демографиялық дағдарыс Жапонияны алқымнан алды. Он төрт жасқа дейінгі балалардың саны халықтың 12 пайызынан аспай отыр.  

СNN ақпаратына қарағанда, Жапонияда балалардың саны 44 жыл бойы қатарынан қысқарып жатыр. Қазір рекордты деңгейге жеткен.

Жапондар бала тууды қойды

Ішкі істер және коммуникация министрлігінің мәліметі бойынша, 1 сәуірде 14 жасқа дейінгі балалардың саны 13,66 млн болған. Былтырғы көрсеткіштен 350 мыңға қысқарған.

Айта кетерлік жайт, 2023 жылы АҚШ-тағы балалардың үлесі 21,7 пайыз болса, Қытайда 17,1 пайыз болды.

Мемлекет шаралары қауқарсыз

Жапония үшін демографиялық дағдарыс ең өзекті мәселеге айналды. Туу көрсеткіші жыл сайын азайып келеді. Мемлекеттің жастарды отбасын...

Жыл сайын Қазақстанда 18-27 жас аралығындағы барлық жігіт көктемде сәуірден маусымға дейін, күзде қазаннан желтоқсанға дейін әскерге шақырылады. Әскери қызмет әр ер азаматтың борышы мен міндеті, алайда уақытша және тұрақты негізде әскерден босатылатын жағдайлар да бар.

Отан алдындағы борышты өтеу

Қазақстандағы әскери тәртіп бірнеше бағыттарға бөлінеді:

Қазақстан электр энергиясын тасымалдау саласындағы ұлттық оператор – KEGOC АҚ былтыр 59,5 млрд теңге таза пайда тапқан.

2024 жылғы шоғырландырылған қаржы есебіне сәйкес, 2024 жылғы таза пайда көлемі 2023 жылғы 43,4 млмр теңгемен салыстырғанда 37%-ға артқан.

Компанияның негізгі қаржы көрсеткіштерінде да айтарлықтай өсім байқалады. Атап айтқанда, иынтық активтер көлемі 2024 жылдың соңында 1,1 трлн теңгені құрап, бір жыл ішінде 9,5%-ға артқан. Ал меншікті капитал көрсеткіші 770 млрд теңгеге жетіп, 12,3% өсімді көрсетті.

2024 жылы жалпы 319,9 млрд теңгеге электр энергиясына сатқан. Соның 286,4 млрд теңгесі қазақстандық тұтынушыларды түскен. Ал Ресей тұрғындары 31,2 млрд теңгеге Қазақстан электр...

Лондон биржасында Brent маркалы мұнайдың бір баррелі 60 доллардан төмен саудаланып жатыр. Материал жарияланған сәтте мұнайдың маусымдағы фьючерсі 59,5 доллар деп бағаланды.

Мұнай бағасының бір аптаның ішінде 7-8 долларға арзандауына OPEC+ ұйымының шешімі себеп болды. Өйткені мұнай экспорттаушы елдер маусым айындағы мұнай өндірісін тағы 411 мың баррельге арттыруға келісті. Сауд Арабиясы бастаған мұнай өндірушілер бірнеше айдан бері Қазақстанды жазалау науқанын жүргізіп жатыр.

Экономикасы шикізат экспортына тәуелді Қазақстан үшін мұнайдың қымбат болғаны жөн. Оның үстіне, 2025 жылғы бюджетте мұнайдың бір баррелі 75 доллар деп есептелген. Республика бюджетіне ақша жетпей жатқан тұста мұнай құнының арзандауы экономикаға қосымша қысым түсіреді.

Оны...

Энергетика министрлігі «Мұнай-газ-химиясы өнеркәсібі туралы» заң жобасын әзірлеп жатыр. Құжатты «ҚазМұнайГаз» ҰК», «KazEnergy» қауымдастығы және мұнай-газ-химиясы өнімдерін өндірушілермен бірлесіп дайындайды. Бұл туралы үкімет отырысында энергетика министрі Ерлан Ақкенженов айтты.

Заң жобасының мақсаты – мұнай-газ химиясы саласын дамыту үшін ашық әрі тиімді құқықтық негіз қалыптастыру. Жаңа заң алдында

Ақкенженовтың сөзінше, заңның консультативтік құжаты Заң жобалау қызметі мәселелері жөніндегі ведомствоаралық комиссия мүшелеріне келісуге жолданды. Әділет министрлігі оны Үкіметтің 2025 жылға арналған заң жобалау жұмыстарының жоспарына...

5 мамыр – жаңа өмірдің бастауында тұратын ерекше жандардың, яғни акушер мамандардың кәсіби мерекесі.

Қазақстанда жыл сайын шамамен 370 мың босану тіркеледі. Бұл әрбір сәби дүниеге келгенде, жанында міндетті түрде акушер болады деген сөз. Олар болашақ ананың перзентханаға келген сәтінен бастап, үйіне оралғанша жанынан табылып, тек медициналық көмек көрсетіп қана қоймай, моральдық тұрғыда да үлкен демеу болады. Бұл — әйел үшін де, оның сәбиі үшін де ең жауапты, ең сезімге толы сәттер.

Маңғыстау облысының әкімдігі Жеңістің 80 жылдығына орай Ұлы Отан соғысына қатысқан ардагерлерге 5 млн теңгеден біржолғы материалдық көмек береді. Бұл туралы облыс әкімдігінің баспасөз қызметі хабарлады.

Баспасөз қызметінің мәліметінше, соғыс кезінде жаралану, контузия алу, мертігу немесе ауру салдарынан мүгедек болған және ҰОС ардагерлеріне теңестірілген 100 адамға де көмек көрсметіледі. Ондай адамдарға 60 АЕК мөлшерінде, яғни 235 920 теңге біржолғы төлем беріледі.

Сонымен қатар өңірде ҰОС ардагерлеріне теңестірілген 104 адам бар. Оларға 50 АЕК яғни, 196 600 теңге мөлшерінде бір реттік материалдық көмек беріледі.

Ал 5 млн теңгені Ұлы Отан соғысының ардагрлері Ольга Заривняк пен Василий Салазкинге...

Қаржы министрлігі «Кәсіпкердің бірыңғай жеке кабинеті» (КБЖК) атты цифрлық қызметті іске қосады. Оған сәйкес кәсіпкерлерге қажет барлық жүйелер бірігіп, бірыңғай платформаға салады.

Қазір еліміздегі бизнес иелері электронды шот-фактуралар жүйесі (ЭШФ), бірыңғай салықтық төлем (БСП), Кеден, E-Qazyna-тізім, Салықтық әкімшілендіру ақпараттық жүйесі (СӘАЖ) және Qoldau тәрізді түрлі ақпарат жүйелерімен жұмыс істейді. Бірақ кәсіпкерлердің барлығы олардың бар екені жайлы және мүмкіндіктері туралы барлығы бірдей білмейді. (КБЖК) жобасы сол қызметтерді біріктіріп, бір платформаға жинайды.

«КБЖК кәсіпкерді тіркеуден бастап салық жеңілдіктерін алу мен сатып алуға дейінгі барлық циклді қамтиды. Аталған кабинеттің көмегімен салық есебін беруге, артық төлемді қайтаруға...

Алдағы бірнеше күнде ауа райы нашарлайды. Кей өңірде жоғары өрт қаупі сақталса, енді кейбір аймақта үсік жүреді. Бұл туралы «Қазгидромет» мәліметтеріне сілтеме жасап, Төтенше жағдайлар министрлігі хабарлады.

Өзендерде су деңгейі көтеріледі

Күннің жылынуына байланысты Солтүстік Қазақстан облысында Есіл өзенінде су деңгейі көтеріліп жатыр. Бір тәулікте 22 см-ге көтеріліп жатқан өзеннің қауіпті деңгейі 1130 см құрайды. Ал қазіргі таңдағы көрсеткіш 1116 см. Қауіпті деңгейге жеткенде маңайда теміржолды су басуы мүмкін. Облыстағы Сергеев су қоймасының да жағдайы алаңдатарлық.

«Сергеев су қоймасы бөгетінің қырынан асып төгілуіне байланысты өзендегі су деңгейі көтерілді. Су деңгейінің одан...

9 мамыр – бұл жай ғана мемлекеттік мереке емес, ол – Қазақстан халқының тарихи жадындағы ең маңызды күндердің бірі. Бұл күн бүкіл ел болып Ұлы Отан соғысында халқымыздың көрсеткен ерлігін еске алатын, ардагерлерге құрмет көрсетіп, бізге бейбіт өмір сыйлаған қаһармандарды ұлықтайтын күн. Қазақстанда Жеңіс күні жыл сайын ерекше аталып өтеді. Зұлмат соғыс жылдарынан бері қаншама уақыт өтсе де, соғыс оқиғаларына деген қызығушылық, оның салдары мен тарихи маңызына деген құрмет еш бәсеңдеген емес. Бұл күн жадымызда сақталған батырлықтың, елдік пен ерліктің белгісі.

Жеңіс күнінің тарихы

9 мамыр мерекесінің тарихы 1945 жылдың көктеміне, нақтырақ айтқанда, 8 мамыр күні кешке фашистік...

Биыл елімізде жалпы ұзындығы 13 мың шақырым болатын автожолға жөндеу жүргізіледі. Бұл жайлы Көлік министрлігінің баспасөз қызметінен хабарлады

Ведомствоның мәліметінше, бір мың шақырымнан асатын бірнеше жаңа автожол салынып, кейбірі толығымен қайта жаңартылады. «Қарағанды – Жезқазған», «Ақтөбе – Ұлғайсын», «Атырау – Доссор» бағыттары мен Сарыағаш, Рудный, Петропавл және Қызылорда қалаларын айналып өтетін жолдар салынады.

Өткен жылдары басталған республикалық маңызы бар жолдарды қайта жаңғырту жобалары да жалғасады. Жалпы ұзындығы 2 мың шақырымнан асады. Олардың қатарында: «Қалбатау – Майқапшағай», «Құрыты – Қонаев», «Қызылорда – Жезқазған» және «Ұзынағаш – Отар» автожолдары бар.

Өңіраралық және ауданаралық автожолдарға жөндеу жүргізуге де назар салынады. 7 мың шақырым...

Талдықорған қаласында 2024 жылдың күзінде қаза тапқан жасөспірім Шерзат Полаттың ісі бойынша сот процесі жалғасып жатыр, деп хабарлайды Kursiv.Media.

Сот отырысында сотталғандардың ата-анасы әлеуметтік желіде жарияланған видеоға қатысты сотқа наразылық білдірді. Бұған дейін желіде сотталушылардың сотталушылар орындығынан күліп шыққан сәті түсірілген видео тарады.

«Сот тексеру жүргізіп жатыр. Нәтижесі қосымша жарияланады», – деді судья Ержан Жанұзақов желіде тараған видеоға қатысты.

Сондай-ақ сотталушыларды фото-видеоға түсіруге болмайтынын тағы бір рет ескертіп өтті.

Содан кейін сот залына куә Сәкен Әкежанов шақырылды. Куә қайғылы оқиға болған «Қамажай» дүкеніне қарама-қарсы үйде тұрады.

«Ойбайлап жатқан әйелдің дауысын естідім. «Скорый...

Жамбыл облысының қолөнершілері қызғалдақ бейнесі салынған алып киіз кілем жасап, Қазақстан рекордтар кітабына енді. Бұл туралы облыс әкімдігінің баспасөз қызметі хабарлады.

Аумағы 200 шаршы метр болған бұл киіз кілемді 100 шебер үш ай бойы дайындаған. Қолшеберлер барлығы бес түрлі қолөнер бірлестігінің өкілдері.

Алып кілем «Қызғалдақтар мұрасы» халықаралық фестивалі аясында жұртшылыққа алғаш рет таныстырылып, көпшіліктің назарына ұсынылды. Киіз бұйым бірден Қазақстан рекордтар кітабына еніп, ерекше мәдени жетістік ретінде тіркелді.

«Қазақ халқының тұрмысында киіздің орны ерекше. Биылғы ақпан айының ортасында бес бірлестіктің 100-ге жуық өкілі осы жобаны жүзеге асыру үшін бас біріктірді. Шығармашылық топ қызғалдақ бейнесі салынған ерекше...

АҚШ президенті Дональд Трамп Голливудты құтқару үшін шетел фильмдеріне баж салығын 100%-ға көтерді. Бұл туралы ол өзіне тиесілі Truth Social әлеуметтік желісіне жазды.

Трамптың пікірінше, отандық киноөндіріс «өліп барады». Себебі өзге де елдер америкалық киноөндірушілерді өзіне тартып жатыр.

«Басқа да елдердің ұйымдасқан әрекеті ұлттық қауіпсіздікке төнген қауіп. Оны үгіт-насихатқа да жатқызуға болады. Біз Америкада түсірілген фильмдерді көргіміз келеді», – деп жазды Трамп.

Сауда министрі Говард Лютник «Осы іспен айналысып жатқанын» X әлеуметтік желісінде хабарлады.

Алайда Лютник те, Трамп та шетел киносына баж салығы қалай енгізілетіні туралы ештеңе түсіндірмеді.

Биыл қаңтарда Трамп Голливудтың үш...

Елімізде мерекелік демалыс күндеріне байланысты жұмыс аптасы қысқарады. Бұл жолы 7 мамыр – Отан қорғаушылар күні мен 9 мамыр – Жеңіс күніне орай қазақстандықтар небәрі үш күн ғана жұмыс істейді.

Осы аптада 5 және 6 мамыр — жұмыс күндері, ал 7 мамыр – Отан қорғаушылар күніне орай ресми мереке. 8 мамыр — әдеттегі жұмыс күні, ал 9 мамыр – Жеңіс күніне байланысты демалыс болып есептеледі. 10 және 11 мамыр — сенбі және жексенбіге сәйкес келеді.

Осылайша, мерекелік күндер қазақстандықтарға бір апта ішінде тынығуға қосымша мүмкіндік береді.

Еске сала кетейік, 9 мамыр Жеңіс күніне орай Астана қаласында мерекелік шеруге қорғаныс...

2025 жылдың сәуір айындағы мәліметтерге көз жүгіртсек, Қазақстанның екінші деңгейлі банктерінің қаржылық ахуалында ауқымды өзгерістер мен терең трендтер байқалып отыр. Бір қарағанда көрсеткіштер айтарлықтай орнықты көрінгенімен, ішкі динамика күрделі және банк секторы ішінде үлкен саралану жүріп жатқанын көрсетеді.

Жалпы банк секторы активтерінің көлемі 61,9 трлн теңгеге жетіп, жыл басынан бері 0,7% өсіммен ерекшеленді. Бұл – жүйе тұрақтылығының белгісі болғанымен, нақты өсімді бірнеше банк қана қамтамасыз етіп отыр. Мәселен, актив өсімінің басым бөлігін Bereke Bank (+9,0%) мен Отбасы банк (+1,9%) қамтамасыз еткен. Ал Kaspi мен BCC секілді ірі банктердің активтері тиісінше -0,2% және -1,9% төмендеген – бұл нарықтағы үлес үшін күрестің жаңа кезеңге...

Қытай автонарығындағы бәсекенің күшеюі мен өнімге сұраныстың төмендеуі аясында Porsche өз электромобильдеріне қатысты жаһандық стратегиясына күмән келтіре бастады. Шанхай автосалонында сөйлеген сөзінде компанияның бас директоры Оливер Блюме алдағы екі-үш жыл ішінде егер сату көрсеткіштері оң динамика көрсетпесе, марка Қытайда электрлі модельдерін сатуды тоқтатуы мүмкін екенін ашық айтты. Бұл мәлімдеме Porsche-нің электромобильдерге жаппай көшу стратегиясы Қытайда қиындықтарға тап болғанын мойындау ретінде қабылданды.

Компанияның мұндай шешім қабылдауының басты себебі – сұраныстың төмендігі мен автокөліктердің бағасының қымбат болуы. Қытайлық тұтынушылар үшін Porsche-нің бағалары тым жоғары. Әсіресе, электромобильдер сегментінде. Мұнда баға мен сапа арақатынасы аса маңызды. Блюме атап өткендей, неміс бренді бағаны төмендетіп, «баға...

АҚШ-тың Мемлекеттік департаменті 2026 жылғы Diversity Immigrant Visa Program (DV-2026) немесе грин-карта лотереясының қорытындыларын жариялады. Енді қатысушылар ресми сайт арқылы өз нәтижелерін тексере алады.

Нәтижелерді қалай тексеруге болады?

DV-2026 бағдарламасына өтінім беру 2024 жылдың 2 қазанында басталып, 7 қарашада аяқталған еді. Нәтижелерді тексеру үшін қатысушылар Мемлекеттік департаментінің ресми сайтына кіріп, тіркеу кезінде берілген Confirmation Number-ді (кодты) енгізуі керек. Бұл қызмет 2026 жылдың 30 қыркүйегіне дейін қолжетімді болады.

АҚШ Мемлекеттік департаменті тек ресми сайт қана шынайы ақпарат ұсынатынын ескертеді. Үшінші тарап сайттарынан немесе жеке тұлғалардан келетін ұсыныстар – алаяқтық. Персоналдық деректерді бейтаныс адамдарға бермеңіз.

Грин-карт дегеніміз...

Chevrolet Cobalt, Labo, Onix, Tracker және Damas автокөліктері Өзбекстанда дилерлік компаниялар арқылы зауыт бағасымен сатыла бастады.

Айталық, UzAuto Motors АҚ-ның ресми дилері Driver’s Village компаниясы Chevrolet Cobalt көлігіне келісімшарттар ашылғаны туралы ресми түрде жария етті.  

Келісімшарт негізінде сатылады

Бұл туралы дилер өзінің Instagram парақшасында жариялады.

Driver’s Village «UzAuto Motors» АҚ көліктерін партиямен, 100% алдын ала төлем арқылы сатып алып, клиенттерге келісімшарт негізінде сатылатынын мәлімдеді.

Сондай-ақ көліктерді жеткізу мерзімі өзгермейтіні айтылды.

Коммерциялық банктер арқылы сатылады

Атап айтқанда, бұл дилерлік орталық «UzAuto Motors» АҚ зауытында шығарылған Chevrolet Cobalt, Labo, Onix, Tracker және Damas көліктерінің партияларын (әр партия 12–50 көліктен тұрады...

Бүгін, 4 мамыр күні, Францияның Ле-Ман қаласында футзалдан UEFA Чемпиондар лигасының финалдық кездесуі өтеді. Қазақстандық жанкүйерлер үшін бұл тарихи сәт болғалы тұр. Алматылық «Қайрат» командасы финалда испаниялық «Пальма» клубымен күш сынасады. Ойын Астана уақытымен сағат 23:00-де басталады. Тікелей эфирде кездесуді Qazsport арнасы көрсетеді.

Жартылай финалдағы жеңіс

«Қайрат» жартылай финалда Испанияның «Картахена» клубын 3:2 есебімен тізе бүктіріп, жанкүйерлерін қуантқан еді. Бұл жеңіс қазақстандық футзал тарихындағы айтулы оқиғаға айналды. Айта кетейік, бұл – «Қайраттың» Чемпиондар лигасының финалына алғаш шығуы емес, 2013 және 2015 жылдары «Қайрат» Чемпион атанған еді.

Ал финалдағы қарсылас – испаниялық «Пальма» командасы жартылай финалда Португалияны...

Алматы қаласында ашық аспан астында отандық фильмдерді тегін көрсету жобасы басталды. Бұл туралы қала әкімдігі хабарлады.

Фильмдер көрсетілімі мегаполистің сегіз ауданында аптасына бір рет өткізіліп отырады. Нақты мекенжайлар әзірге жарияланған жоқ. Жобаның басты мақсаты – қала тұрғындарын қазақстандық кино өнерінің үздік туындыларымен таныстыру, сондай-ақ отандық кинематографияны насихаттау.

«Бұл жай ғана фильм көретін жер емес. Бұл – адамдардың бір-бірімен араласатын, мәдениет алмасатын және ұлттық киноға құрмет білдіретін орта. Мұндай шаралар адамдар арасындағы байланысты нығайтып, шабыт беріп, қаламызды жылы әрі достық ортаға айналдырады деп сенеміз», – деді Алматы волонтерлерінің фронт-офис жетекшісі Багдат Анарбаева маусымның ашылуында.

Toyota Camry – автомобиль нарығында кеңінен танымал және көптен бері сенімділік, жайлылық символына айналған модель. 2026 жылы тоғызыншы буынның негізінде жаңа, спорттық және стильді нұсқасы – Nightshade Edition моделі таныстырылмақшы. Ол классикалық седан емес. Авто агрессивті дизайн элементтері мен жаңартуларды қамтиды.

Toyota Camry тарихы

1982 жылы алғаш рет нарыққа шыққан Toyota Camry көптеген елеулі өзгерістерге ұшырады. Әр жаңа буын әзірлеген сайын модель жаңа технологиялармен жабдықталып, сипаттамалары жақсарады.

Toyota Camry-дің бірінші буыны (XV10) 1991 жылы шыққан еді. Ол сенімділігі және  жайлылығымен көпшілік көңілінен шығып, жылдам танымал болды. Әр жаңа ұрпақ модельді одан әрі жетілдіріп, динамикасын арттырды. Екінші буын (XV20) бұдан...

Telegram мессенджерінің негізін қалаушы Павел Дуров платформада жаңа мүмкіндік пайда болғанын хабарлады. Енді топтық қоңырауларға жүздеген адамды қосуға болады.

Бұл туралы Дуров өз Telegram арнасында хабарлады:

«Енді Telegram-дағы кез келген қоңырауға (соның ішінде жеке сөйлесулерге де) сілтеме, QR-код немесе тікелей шақыру арқылы 200 адамға дейін қосуға болады. Ал егер бұл жеткіліксіз болса, Telegram топтарындағы дауыс және бейнеқоңыраулар ондаған мың қатысушыны қолдайды», — деді Дуров.

Дуровтың айтуынша, Telegram арқылы жүргізілетін барлық қоңыраулар сквозной шифрлау (end-to-end encryption) және блокчейнге ұқсас технология арқылы қорғалған. Бұл – қоңырауға үшінші бір тұлғаның жасырын қосылуына жол бермейтін сенімді қорғаныс...