Жаңалықтар

Екібастұзда 1 жыл бұрын салатанатты шара кезінде мейрамханада тамақтанған азаматтар жаппай уланып ауруханаға түскен. Бір жыл өткенде бұл іске қатысты сот шешімі шықты. Мейрамхана иесі қоғамдық тамақтану саласында қызметпен айналысу құқынан айырылып, бас бостандығын шектеу жазасына кесілген. Бұл туралы Бас прокуратураның баспасөз қызметі хабарлады.

Жайсыз оқиға 2024 жылдың сәуірінде болған. 14-16 сәуір аралығында Астана, Қарағанды, Павлодар және Екібастұз қалаларындағы медициналық мекемелерге әртүрлі тамақ улану белгілерімен 56 азамат жүгінген. Олардың барлығы Екібастұз қаласындағы мейрамханада өткен салтанатты шараға қатысқанын мәлімдеген. Бұдан кейін мейрамхана тексеріліп, тергеу жүргізілген. Нәтижесінде мейрамхана иесінің қоғамдық тамақтану орнында санитарлық нормаларды дұрыс сақтамағаны анықталған.

Қарашығанақ кен орны операторына миллиондаған айыппұл салынды. Karachaganak Petroleum Operating B.V. қоршаған ортаға зиян келтіргені үшін 739,5 млн теңге айыппұл арқалаған. Бұл туралы Батыс Қазақстан облысының прокуратурасы хабарлады.

Мұнай компаниясы қоршаған ортаға зиянды қалдықтарды бекітілген шектен артық төккен. Жалпы көлемі 264 тонна зиянды қалдық шығарылған.

«Осыған байланысты қадағалау актісі бойынша Компания ӘҚБтК-нің 328-бабы бойынша әкімшілік жауапкершілікке тартылды (Қоршаған ортаға жол берілетін антропогендік әсер ету, нормативтерін бұзу), жалпы сомасы 739 568 808 теңге айыппұл толығымен өндірілді», – делінген прокуратура хабарламасында.

1979 жылы ашылған Қарашығанақ – әлемдегі ең ірі мұнай-газ кен орындарының бірі. Кен...

Мессенджерде Алматы орталығында оқ атылып жатқаны туралы ақпарат тарады. Қаланың полиция департаменті KursivMedia тілшісіне дыбыстың Ұлттық ұланның әскери бөлімі орналасқан маңнан шыққанын, ол жерде жоспарлы оқу-жаттығу өткізілгенін хабарлады.

«Оқ атылған дыбыс туралы азаматтардан түскен ақпарат тексерілді. Жақын жерде Ұлттық ұланның әскери бөлімі орналасқаны, ол жерде жоспарлы оқу-жаттығу өткізілгені анықталды», – деп хабарлады департаменттің баспасөз қызметі.

Айта кетейік, 2025 жылдың 21 сәуірінде Шымкент қаласы әкімінің орынбасары Руслан Берденовке оқ атылды.

Шымкент қаласының орынбасары, экс-депутат Руслан Берденовқа шабуыл жасалды. Неге оқ атылғаны қатысты БАҚ-та неше түрлі нұсқалар айтылды. Соның бірі – құрылыс саласындағы бәсекелестік болуы мүмкін. Kursiv Media осы істе аты аталған мекемені тексеріп көрді.

«Тұрғын үй Шымкент» ЖШС кімге тиесілі?

Берденовқа оқ атылғаны туралы алғаш хабарлағандардың бірі – партияласы, блогер Бейбіт Әлібеков. Ол телеграм арнасында күдіктінің әкімдік жанындағы ЖШС-ның жетекшісі болғанын жазды.

Күдікті байланысты деген кәсіпорын – «Тұрғын үй Шымкент» ЖШС. Мекеменің инстаграмдағы парақшасында директоры ретінде Ернар Жиембай есімді азамат көрсетілген.

Мемлекеттік сатып алу сайтындағы дерекке сүйенсек, бұл мекеме 2016 жылы маусымда тіркелген. Толығымен...

Шымкент қаласы әкімінің орынбасары Руслан Берденовке жасалған шабуыл ел ішінде үлкен резонанс тудырды. Қоғам белсенділері, депутаттар, спортшылар мен танымал тұлғалар қолдау білдіріп, жалған ақпаратқа сенбеуге шақырып отыр.

Айдарбек Қожаназаров, «Республика» партиясының төрағасы:

«Жаңалықты естіп, есеңгіреп қалдық. Қазір өміріне қауіп жоқ. Операция бірнеше сағатқа созылды. Бірақ әзірге тек бір дүниенің астын сызып айтқым келеді: Жалған ақпаратқа сенбеңіздер. Руслан – нағыз азамат! Мемлекетшіл жігіт! Отбасына аман-есен оралуына тілектеспін», – деді.

Руслан Берденовтің досы Әлімжан Ақаев өз Instagram парақшасында досына атылған оқ емес, оған жабылған жала жанға ауыр батқанын жазды:

«Досымыз өмір мен...

Теңіз кен орнында «Кәсіби таңдау» ЖШС қойма қызметкерлері жалақыны 50%-ға көтеруді талап етіп, наразылыққа шықты. Бұл туралы жергілікті «АқЖайық» басылымы хабарлайды.

Басылымның жазуынша, бастаманы көлік департаментінің қызметкерлері қолдап, өз кезегінде еңбекақыларын 100%-ға өсіруді сұрады.

17 сәуірде қызметкерлер ТШО бас директоры Уильям Лакоби, COCR жетекшісі Аджай Майк және «Кәсіби таңдау» ЖШС басшысы Айнұр Смитке жазбаша өтініш жолдаған. Олар инфляция мен күнкөрістің қиындағанын алға тартып, қазіргі жалақы тұрмысқа жеткіліксіз екенін атап өткен. Сондай-ақ еңбекақыны арттыру еңбек өнімділігіне оң әсер ететінін де мәлімдеген. Қызметкерлер үш күн ішінде ресми жауап беруді сұрады.

Ал 21 сәуір күні жұмысшылар өз талаптарын бейнеүндеу арқылы...

Шымкент қаласы әкімінің орынбасары Руслан Берденовке жасалған қарулы шабуыл төңірегіндегі әңгіме көптің ойын сан-саққа жүгіртуде.

Алдымен қарулы шабуылға шенеунік күдіктінің әйеліне қырындағанынан кейін жасалғаны туралы ақпарат тарады.

Алайда Шымкент қаласы Ішкі саясат басқармасының басшысы Айгерім Жұмақұлова шенеунік күдіктінің жұбайымен тілдескенін жоққа шығарды. Мұны оған күдіктінің әйелі айтқан.

Шабуылдың себебін бұдан өзге де факторлармен байланыстырып жатқандар көп.

Руслан Берденов қысқа уақытта өзіне қалай назар аудартты

Ол алдымен табысты кәсіпкерлік қызметтен костюм киіп, галстук таққан депутаттыққа ауысып, көптеген талқы тудырды.

Букмекерлермен күресі

Депуттаттық қызметінде әдетте артында үлкен ықпалды топтар тұратын салаларға байланысты шулы мәлімдемелер...

Астанада жылу беру тоқтатылды. Өңірде  күн суытып, үскірік күтілетініне қарамастан 21 сәуір күні қалада жылу беру маусымы аяқталды. Бұл туралы елорда әкімдігінің қаулысында айтылған.

 «Астанада 2024-2025 жылыту маусымы 2025 жылдың 21 сәуірінен бастап аяқталсын», – делінген құжатта.

Айта кетейік, алдағы күндері Қазақстанда тұрақсыз ауа-райы болжанып отыр. Елдің солтүстігінде және орталық аудандарында үсік жүреді деп күтілуде. Алайда әкімдік елордада жылы болады деп сендіріп отыр.

Еске салайық, Шымкент әкімдігі жылыту маусымы 7 сәуірде аяқталғанын хабарлаған еді.  Ал, Алматыда жылыту маусымы 10 сәуірде аяқталады.

Жазушы, драматург Әкім Тарази 92 жасқа қараған шағында дүниеден өтті. Қаралы хабарды әлеуметтік желідегі парақшасында Қазақстан Жазушылар одағының мүшесі Мирас Асан жеткізді, деп хабарлайды KursivMedia.

«Қазақ әдебиетінің тағы бір алып бәйтерегі құлады… Классик қаламгер Әкім Тарази ағамыз бақиға бет бұрыпты»,- деп жазды ол.

Қазақстан президенті Қасым-Жомарт Тоқаев аса көрнекті жазушы, драматург, Қазақстанның Еңбек Ері Әкім Таразидің қайтыс болуына байланысты оның жұбайы, Мемлекеттік сыйлықтың иегері Роза Мұқанова мен балаларына көңіл айтты.

«Әкім Тарази бүкіл саналы ғұмырын сөз өнеріне арнаған, төл әдебиетіміз бен мәдениетімізді төрге оздырған ұлтымыздың біртуар перзенті еді. Дарынды...

Яндекс Таксидегі сапар бағасын технология басқарады, оның міндеті белгілі бір аудандағы бос машиналар үлесін ұстап отыру. Сондықтан даладағы ауа-райы қандай болса да, сіздің сапарыңыз үшін жүйеде бос көліктер табылады және қажетті орынға жететініңізге сенімді боласыз. Әлеуметтік желіде көптеген адамдар өмірді қиындату үшін сұраныс көп кезде қызмет көрсету тобы бағаны ойдан шығарады деп жазады. Алайда әр сапардың бағасын қолмен басқару техникалық тұрғыдан мүмкін емес.

Бұл қалай жұмыс істейді? Нақты уақыт режимінде сұраныс, ұсыныс, ауа-райы жағдайын ғана емес, сонымен қатар жолаушылар мен жүргізушілердің мотивациясын түсіну қажет. Жүргізуші жетпеген жағдайда оларды тарту немесе көлік бос жүрмес үшін тапсырыс арттыру қажет болады.

Яндекс Такси баға формуласын ашу туралы шешім қабылдады. Команда мамандарының қатысуымен деректі фильм...

«Қазгидромет» дауылды ескерту жасады. Мекеме болжамына сәйкес, 22-25 сәуір аралығында ауа райы күрт нашарлап, қауіпті гидрометеорологиялық құбылыстар мен қар көшкіні қаупі артып, апатты жағдай көбеюі мүмкін. Сол себепті ТЖМ қазақстандықтарды сақтық танытуға шақырды.

Күн қатты ысиды

Бір қызығы, Қазақстанның кей өңірінде аптап ыстық күтілсе, кей өңірінде үсік жүруі мүмкін. Мәселен, батыс өңірлерде күн ысып, ауа райы бағамы 25-30 градусқа дейін көтеріледі деп күтіледі. Атап айтқанда, Батыс Қазақстан, Атырау, Маңғыстау облыстарында және Қызылорда облысында күн ысиды.

«Температуралық фонның жоғарылауы және жауын-шашынсыз ауа райы болжануына байланысты жоғары өрт қауіпі күтіледі», – деп хабарлайды...

2025 жылғы 1  сәуірдегі жағдай бойынша жергілікті атқарушы органдардың рұқсатымен Қазақстан аумағында 13 891 шетел азаматы еңбек етеді. Олардың дені – қытайлықтар. Бұл туралы Еңбек және халықты әлеуметтік қорғау министрлігі хабарлады.

Министрліктің мәліметінше, еңбек мигранттары келетін негізгі елдер мыналар: Қытай – 4 885 адам, Өзбекстан – 1 614 адам, Түркия – 1 124 адам, Үндістан – 1 150 адам.

Шетелдік жұмыс күшін тартуға рұқсаттардың арасында мынадай санаттар бар:

Біріншісі, басшылар мен олардың орынбасарлары. Олар үшін 570 рұқсат берілген.

Екіншісі, құрылымдық бөлімшелердің басшылары, 2 439 рұқсат берілді.

Тартылған шетелдік жұмыс күшін негізгі бөлігі – үшінші санат. Оларға мамандар мен жатады. Қазір...

Жеделділіктің 4-санатындағы шақыртуларға қызмет көрсететін емхана жанындағы мобильдік бригадалар жұмысына өзгеріс енгізіледі. Бұл туралы Денсаулық сақтау министрлігі хабарлады.

ДСМ мәліметінше, бұл жедел жәрдемнің келуін ұзақ күту шағымдарына байланысты және шұғыл қызмет жұмысының тиімділігін арттыру мақсатында жасалып отыр.

Не өзгереді

Министрлік мәліметінше, статистика жедел жәрдем шақыртуларының 50%-дан...

Eurasian Resources Group (ERG) компанияны сату туралы ешкіммен келіссөздер жүргізіп жатқан жоқ. Соңғы аптада БАҚ-та тараған жаңалыққа қатысты компания арнайы мәлімдеме жасады.

«Компанияны сату туралы ешқандай келіссөздер жоқ. ERG тұрақты және жоспарлы түрде дамуын жалғастырып келеді. Бизнес үдерістерінде ешқандай өзгерістер жоқ», – деді ERG Директорлар кеңесінің төрағасы және бас атқарушы директоры Шухрат Ибрагимов.

Компания баспасөз қызметі 2024 жылдың соңында директорлар кеңесі компанияның жаңа стратегиясын бекіткенін де атап өтті. Бұл стратегия ERG кәсіпорындарына инвестиция салуға және оларды дамытуға бағытталған.

«ERG-дің басты мақсаты – ұзақ мерзімді өсім мен барлық мүдделі тараптар үшін...

Шымкент қаласы әкімінің орынбасары Руслан Берденовке жасалған қарулы шабуыл төңірегіндегі оқиға қоғамда үлкен резонанс туғызды. Әлеуметтік желілер мен бірқатар бұқаралық ақпарат құралдарында шенеунікке тағылған «әйелге қырындағаны» туралы болжам тарады. Алайда бұл ақпаратты Шымкент қаласының ішкі саясат басқармасының басшысы Айгерім Жұмақұлова жоққа шығарды.

Айгерім Жұмакұлова шабуыл жасаған азаматтың жұбайымен тілдескенін және ол әйелдің Руслан Берденовпен ешқашан таныс болмағанын жеткізді.

Күдіктінің жары бүгін тергеу амалдарына қатысу үшін құқық қорғау органдарына келді. Әйел Берденов мырзамен жеке таныстығы жоқ екенін айтты. Ендеше, қандай «қырындау» жайлы сөз болуы мүмкін? – деді Айгерім Жұмакұлова.

Ішкі саясат өкілі сонымен қатар әлеуметтік...

АҚШ-тың Федералды сотында нарықтағы бәсекелестікті қалпына келтіру үшін Google-ға қарсы шараларды бекіту бойынша тыңдаулар басталды. Әділет министрлігі техноалпауыттан Chrome браузерін сатуға мәжбүрлемек. Сондай-ақ смартфондарда бастапқы іздеу жүйесі болу туралы келісімдерді бұзуды және бәсекелестердің де деректерге қолжетімді болуын талап етіп отыр. Бұл туралы The Wall Street Journal хабарлады.

Судья Амит Мехта бұған дейін Google-дің онлайн-іздеу саласындағы монополиясын заңсыз деп шешкен. Енді ол тараптардың уәждерін үш апта бойы тыңдайды.

«Сот интернетті тұтас бір ұрпақ үшін бақылап отырған монополияны тоқтату мүмкіндігіне ие», – деді АҚШ-тағы Әділет министрлігінің өкілі Дэвид Далквист.

Айыптауға сәйкес, әлемдік іздеу нарығыны...

Шымкент қаласы әкімінің орынбасары Руслан Берденовке шабуыл жасаған күдікті туралы түрлі ақпарат тарап жатыр.

«Чиновник» телеграм арнасы күдіктінің аты-жөнін жариялап, ол әкімшілікке қарасты «Тұрғын үй Шымкент» ЖШС-де маман болып істегенін жазды.

Телеграм арнаның дерегінше, шенеунікке «Сайга-12» аңшы мылтығынан үш оқ атылған. Оның мұндай әрекетке баруына Берденовтің әйеліне қырындағаны себеп болған-мыс.

Енді бір деректе күдікті аталған компанияның басшысы екені айтылуда.

«Шабуылға құрылыс саласына қатысты мүдде қақтығысы себеп болған» делінеді тараған мәліметте.

Ал блогер Бейбіт Әлібеков Берденовке кейінгі кезде букмекерлік кеңселерге қарсы қызметіне қатысты қоқан-лоқы жасалғанын жазды.

Шымкент қаласы әкімінің орынбасары Руслан Берденовке қарулы шабуыл...

Жасанды интеллект өте қатты қарқынмен дамып жатыр. Барлық салаға дерлік еніп жатыр. Соған байланысты жаңа трендтер шығып, дүрмекке ілесуге тура келеді. Kursiv Media тілшісі 2030 жылға қарай жасанды интеллект саласында қандай маңызды трендтер пайда болатынын талдап көрді. Еңбек нарығындағы трансформация мен этникалық челленждер қандай болмақ?

Қазір AI-дың ахуалы қандай?

Жасанды интеллектіні осыдан бірнеше жыл бұрын футуристік концепция ретінде қабылданатын. Ал кейінгі кездері ол әдепкі жұмыс құралына айналып шыға келді. Олай дейтініміз — AI қазір мәтін мен код жазады, сурет салады, керек болса видео дайындап береді. Адамның дауысын танып, күрделі деректердің өзін ұршықша иіреді. ChatGPT сынды GPT-модельдер, Midjourney, DALL·E сияқты визуал генераторлар, компьютер вижн жүйелер бизнес, білім саласы...

KursivMedia автомобиль нарығындағы сатылым көшбасшыларының тиімді ұсыныстары туралы материалдар сериасын жалғастырады. Бұл жолы наурыз айында 2738 авто сатып, тізімде екінші сатыға жайғасқан Chevrolet брендінің арнайы ұсыныстары туралы баяндаймыз.

Кейінгі жылдары тек үздіктер қатарынан көрініп келе жатқан бренд бүгінде өзінің үш моделіне арнайы ұсыныс әзірлеген.

Chevrolet Tracker

Бренд сайтында Chevrolet Tracker кроссоверін Allur Finance-тан айына бар болғаны 111 269 теңгеден бастап сатып алуға болатыны айтылады.

Ол үшін 30% мөлшерінде бастапқы жарна құю қажет. Сонда көлікті 4 пайыздық мөлшерлемемен 84 айға алуға болады. Chevrolet Tracker 11 590 000 теңгеден басталады.

Оnix пен Cobalt 

Аталған екі модельге...

Шымкент қаласы әкімінің орынбасары Руслан Берденов жарақатымен ауруханаға жеткізіліп, шұғыл түрде ота жасалды. Бұл туралы қалалық Денсаулық сақтау басқармасы хабарлады.

Ведомствоның мәліметінше, операция кезінде қан кету тоқтатылып, жарақат салдарынан келген зақым қалпына келтірілген. Қазір шенеуніктің өміріне қауіп жоқ.

«Пациенттің жағдайы – тұрақты ауыр. Науқас дәрігерлердің жіті бақылауында. Барлық қажетті медициналық көмек көрсетіліп жатыр», – делінген ресми хабарламада.

Оқ ату оқиғасы 21 сәуір күні сағат 20:30 шамасында әкімдік ғимаратының маңында болған. Полицияның хабарлауынша, Берденов «Сайга-12» маркалы қарудан үш рет оқ жарақатын алған – жамбас пен иығына тиген. Оқ атқан күдікті ұсталып, уақытша қамау изоляторына қамалды.

Елордада 21 сәуірде Ұлттық қауіпсіздік комитеті қызметкерінің денесі табылды. Бұл туралы комитеттің баспасөз қызметі хабарлады.

«21 сәуірде Астана қаласындағы тұрғын үй кешенінің ауласынан Ұлттық қауіпсіздік комитеті қызметкерінің мәйіті табылды.

Полиция органдары сотқа дейінгі тергеп-тексеруді бастады. Болған оқиғаның мән-жайы нақтылануда» делінген комитет хабарламасында.

Комитет оқиғаға қатысты бұдан өзге ақпарат жарияламады.

Кеше мемлекеттіктік мекеме қызметкеріне қатысты көпті елең еткізген тағы бір оқиға болды. Шымкентте әлдекім қала әкімінің орынбасары, экс-депутат Руслан Берденовке қарумен шабуыл жасады. Күдікті ұсталды. Дәрігерлер шенеуніктің өміріне қауіп төніп тұрмағанын хабарлады.

Ford Motor Company америкалық автокөлік алыбы Қытайға автомобиль экспортын уақытша тоқтатты. Бұл шектеуге F-150 Raptor, Mustang, Bronco, сондай-ақ люкс санатындағы Lincoln Navigator сияқты танымал модельдер ілікті. Бұған себеп — АҚШ пен Қытай арасындағы сауда соғысының ушығуына байланысты импорттық баж салығының күрт өсуі.

Баж салығы саяси қысым құралы ма?

АҚШ президенті Дональд Трамп Қытайдан әкелінетін тауарларға қосымша 25 пайыздық тариф енгізгеннен кейін, Қытай үкіметі бірден қарсы шаралар қабылдап, оған америкалық автокөліктер де ілікті. Соның нәтижесінде кейбір Ford модельдеріне қатысты жалпы баж салығы 150%-ға дейін өсті. Бұл олардың Қытай нарығында бәсекеге қабілеттілігін жоққа шығарды. Бұл жағдайға қатысты компания түсініктеме берді.  

«Біз АҚШ-тан Қытайға экспорт көлемін қолданыстағы кедендік баж салығына сәйкес қайта қарастырдық», – деп...

Шымкент қаласы әкімдігі ғимаратының жанында атыс болып, қала әкімінің орынбасары Руслан Берденов жарақат алған. Бұл туралы қалалық ПД хабарлады.

Полиция мәліметінше, Руслан Берденов ауруханаға жеткізілген.

«Қазіргі уақытта оған қажетті медициналық көмек көрсетілуде. Аталған қылмысты жасаған күдікті ұсталып, уақытша ұстау изоляторына қамалды. Аталған факті бойынша қылмыстық іс қозғалды» делінген полиция хабарламасында.

Полиция оқиғаның барлық мән-жайы тергеу барысында анықталатынын хабарлаған.

Экс-депутат Руслан Берденов осыдан екі ай бұрын ғана Шымкент қаласы әкімінің орынбасары қызметіне тағайындалған.

Берденов еңбек жолын белгілі кәсіпкер Марғұлан Сейсембайдың компаниясында бастап, өзі де бизнеске бет бұрған. Дәріхана, мейрамхана салаларында бизнесі бар. Екі жыл...

«Келесі Рим папасы кім болады?» деген сауал Папа Франциск қазасынан кейін туындайтыны анық. Кейбір БАҚ-тар үміткерлердің тізімін жасаған.

Telegraph ақпаратына қарағанда, келесі Рим папасы азиялық немесе африкалық адам болуы да ғажап емес.

Теория бойынша, кез келген шоқынған католик ер адам Папа бола алады.  Бірақ іс жүзінде бұл лауазымға конклав кезінде жиналатын кардиналдар ішінен таңдалады.

2013 жылы Папа Бенедикт XVI қызметінен кеткенде, Аргентинадан шыққан Хорхе Марио Бергольоның (Папа Франциск) таңдалуын ешкім күтпеген еді. Бұл жолы да айқын үміткерлер жоқ. Дегенмен Ватиканда бірнеше ықтимал кандидаттың есімі аталып жүр.

Кардинал Луис Антонио Тагле, 67 жаста – Филиппиннен шыққан, либерал көзқарастарымен танымал...