Жаңалықтар

Астана қаласындағы Назарбаев Зияткерлік мектебінің оқушысы Фариза Фазыл беделді The New York Times Open Letter Contest халықаралық байқауында әлем бойынша үздік он қатысушының қатарына кірді. Биылғы байқауға дүниежүзінің түкпір-түкпірінен он мыңға жуық қатысушы өтініш білдірген. Солардың ішінен тек 10 ашық хат әлемге танымал The New York Times басылымында жариялану мүмкіндігіне ие болды.

Фариза байқауға жолдаған хатында қазақ қоғамындағы қыз балаларға қойылатын есімдерге байланысты дәстүрді сөз еткен. Бұл тақырып оған үлкендердің әңгімелерінен, достарының тәжірибесінен және әлеуметтік желілер мен медиадағы пікірталастардан кейін ой салған. Өз басынан мұндай жағдай өтпесе де, Фариза бұл мәселені жүрегімен сезініп, терең толғаныс пен көркем тіл...

Перизат Қайрат пен Ғайни Алашбаеваға қатысты қылмыстық істегі жәбірленуші Руслан Тумашев сотталушылардың жазасын жеңілдетуге қарсы екенін айтты, деп хабарлайды KursivMedia.

«Қаражатты мобильді қосымша арқылы Biz Birgemiz қайырымдылық қоры шотына аудардым. Бұл қор туралы алғаш рет экономикалық тергеу қызметінің қызметкерлерінен естідім. Айыптау тарапының ұстанымын толық қолдаймын, прокурор пікіріне қосыламын.

Жәбірленушілердің біразы (сотталушының – ред.) жасына немесе жағдайына қарай жазаны жеңілдетуді сұрап жатыр. Меніңше, мұндай әрекетті түбегейлі тоқтату керек», – дейді жәбірленуші.

Тумашев жасына немесе басқа жағдайға жеңілдік жасамауды сұрап отыр.

Сондай-ақ азаматтық талабын қанағаттандыруды сұрады.

Тағы бір жәбірленуші Әмина Аймағанбетова қорға 1 миллион теңге аударған...

2025 жылғы 1 тамыздан бастап Қазақстан аумағындағы ChatGPT жазылымына қосылған құн салығы (ҚҚС) қосылады. Bluescreen.kz басылымының жазуынша, OpenAI компаниясы бұл туралы пайдаланушыларға электрондық пошта арқылы хабарлаған.

Мысалы, ChatGPT Plus жазылымы бұрын 20 доллар тұрса, енді 22,40 доллар болады. Себебі бұл сомаға 12% ҚҚС қосылады.

Егер заңды тұлға немесе жеке кәсіпкер болсаңыз, Қазақстанда ҚҚС төлеуші ретінде тіркелген болсаңыз, онда бұл салықты төлемеуге болады.

Ол үшін 2025 жылғы 1 тамызға дейін аккаунтыңыздың салық деректері бөліміне өзіңіздің БСН-ді (БИН) енгізуіңіз керек. Уақытында енгізбеген жағдайда, салық жеке тұлға ретінде төленеді және кейін оны есептен шығара алмайсыз.

2025 жылғы мамырдан бері OpenAI Қазақстанда ҚҚС...

Әлемдегі жүздеген гуманитарлық ұйымдар мен құқық қорғаушылар Газаны аштық жайлап жатыр деп дабыл қақты. Оған әскерилердің гуманитарлық көмекті бұғаттап тастағаны себеп деп жазады Reuters.

Дүниежүзілік денсаулық сақтау ұйымының басшысы Тедрос Адхан Гебрейесустың сөзінше, мыңдаған тонна азық-түлік, таза су мен дәрі-дәрмек секторға кірмей, сыртта қалып жатыр.

«Мұны жаппай аштық деуден басқа қалай айту керегін білмеймін. Бұл адамның ісі, мұның бәрі блокаданың кесірінен», – деді Тедрос баспасөз конференциясында.

Тедрос БҰҰ мен гуманитарлық серіктестер наурыз бен мамыр аралығында 80 күн бойы Газа секторына азық-түліктерді жеткізе алмағанын айтады.

Бұған дейін палестиналық ХАМАС тобымен қақтығысып жүрген...

Қасым-Жомарт Тоқаев Өзбекстан Президенті Шавкат Мирзиеевпен телефон арқылы сөйлесті. Ақорда мәліметінше, сөйлесу барысында Қазақстан Президенті Өзбекстан басшысын туған күнімен шын жүректен құттықтап, бауырлас өзбек халқының игілігі жолында атқарып жатқан жауапты мемлекеттік қызметіне толағай табыс тіледі.

Қасым-Жомарт Тоқаев Шавкат Мирзиеевтің беделді көшбасшылығының арқасында Өзбекстан тұрақты даму жолына түсіп, әлеуметтік-экономикалық бағытта елеулі жетістіктерге жетіп жатқанын атап өтті.

Әңгіме барысында екі ел арасындағы стратегиялық және одақтастық сипаттағы қатынастардың жоғары деңгейде екеніне назар аударылды. Тараптар сенімге, тату көршілікке және өзара қолдауға негізделген ынтымақтастықтың нығая түскенін айтты. Сауда-экономикалық, мәдени-гуманитарлық және білім-ғылым салаларындағы серіктестік те дамып келеді.

Қазақстан Президентінің айтуынша, бүкіл Орталық Азияның орнықты дамуы...

Тамыз айында Қазақстанда бір ғана ресми мереке бар. Ол 30 тамыз Конституция күні. Биыл бұл күн сенбіге сәйкес келіп отыр. Еңбек кодексіне сәйкес, егер мемлекеттік мереке демалыс күніне келсе, онда демалыс келесі жұмыс күніне ауыстырылады. Осылайша, 30 тамыз сенбіге түскендіктен, 1 қыркүйек, дүйсенбі күні демалыс болады.

Нәтижесінде қазақстандықтар 30, 31 тамыз және 1 қыркүйек күндері, яғни үш күн қатарынан демалады.

Сонымен қатар ҚР Оқу-ағарту министрі Ғани Бейсембаев 2025–2026 жаңа оқу жылының 2 қыркүйекте басталатынын мәлімдеді. Министрдің айтуынша, бұл шешім 1 қыркүйек демалыс күніне ауысына байланысты қабылданған.

Ресейдің Амур облысында Ан-24 ұшағы жоғалып кетіп, Тында қаласының маңында құлағаны туралы ақпарат шықты. Бұл туралы шұғыл қызметтерге сілтеп «Интерфакс» агенттігі хабарлады.

«Тындадан 15 шақырым жерде, тау беткейінен Ан-24 ұшағының сынықтары табылды. Ұшақ толық қираған», – деген шұғыл қызмет өкілдері.

«Ангара» әуе компаниясына тиесілі Ан-24 ұшағы бейсенбі күні жергілікті уақытпен 07:36-да (Мәскеу уақытымен 00:36) Хабаровск-Благовещенск-Тында бағыты бойынша ұшып шыққан. Тында әуежайынан бірнеше шақырым жерде радарлардан жоғалып, байланысқа шықпай қалған.

Шұғыл қызметтердің мәліметінше, ұшақ бортында 46 адам болған болуы мүмкін, оның ішінде 40 жолаушы.

Риа-новости агенттігі бортта 43 адам болғанын, олардың бәрі қаза тапқан болуы...

Энергетика министрлігі Қазақстан мұнайын Ресейдің теңіз порттары арқылы тасымалдау тоқтағаны туралы ақпаратты жоққа шығарды. Баспасөз қызметінің Kursiv.media-ға берген мәліметіне сәйкес, қазіргі кезде ел мұнайы Қара теңіздегі порттар арқылы тиеліп жатыр.

«Усть-Луга портындағы жағдай бойынша, көлік инфрақұрылымын қорғауды арттыру мақсатында қосымша шаралар енгізілгеніне байланысты «ҚазТрансойл» АҚ «Невская трубопроводная компаниясы» ЖШС-мен келіссөз жүргізіп жатыр», – деліген жауапта.

Бұған дейін Reuters агенттігі Ресейдің жаңа ережесіне байланысты Қазақстан мұнайын Қара теңіз арқылы тасымалдау уақытша тоқтағанын хабарлаған. Атап айтқанда, шетелдік танкерлердің ресейлік порттарға кіру үшін енді Федералдық қауіпсіздік қызметінен арнайы рұқсат алуы қажет. Бұл талап Каспий құбыр желіс...

23 шілде күні Шымкентте елуге жуық көше мен бірнеше ықшам ауданда жарық сөніп қалды. «ОңтүстікЖарықТарнзит» жауапкершілігі шектеулі серіктестігінің хабарлауынша, бұған аптап ыстықта электр энергиясына жүктеме артып, электр желілерінің тозығы жеткені сеп болған.

Соңғы күндері Шымкентте аптап ыстықта қаланың бірнеше ықшам ауданында жарықтың сөнуі жиіледі. Бұған наразы тұрғындар әлеуметтік желі арқылы біріннен соң бірі шағымданып жатыр.

«Оңтаев көшесі 42 үй тұрғынымын. Неге бізде үнемі жарықты өшіре береді. Күн ыстық, үйде бала-шаға бар. Көрші үйлерде қариялар бар. Дүкендердегі мұздатқышта заттың бәрі еріп жатыр. Кім жауап береді соған?», – дейді қала тұрғыны әлуметтік желіде.

Жарықтың жиі сөніп жатқанын...

Оқу-ағарту министрі Ғани Бейсембаев биылғы оқу жылы 2 қыркүйек күні басталатынын мәлім етті.

Министр мұның себебін 1 қыркүйек жылда жексенбіге түсетінімен түсіндірдірді. Алайда биыл 1 қыркүйек дүйсенбіге сәйкес келіп тұр. Десе де 2025 жылғы демалыс күнтізбесінде 1 қыркүйек қызылмен белгіленген. Ол 30 тамыз Конституция күні сенбіге келіп, ол күнгі демалыс дүйсенбіге жылжытылуымен байланысты.

Министр педагогикалық кеңес шешімімен символикалық маңызы болғандықтан, 1-сынып оқушылары үшін сабақты 1 қыркүйекте бастауға рұқсат етілгенін жеткізді. Оны мектеп ана-аналармен келісе отырып шешеді.

Бұған дейін, балабақшаға бармаған 65 мың бала тамызда 1-сыныпқа даярлық курсынан өтетінін хабарлағанбыз. Оның аясында балалардың физикалық, коммуникативтік, зияткерлік, шығармашылық және әлеуметтік-эмоционалды...

Енді Түркия азаматтары Қазақстан аумағында 90 күн бойы визасыз жүре алады. Үкіметтің көші-қон туралы жарлығын өзгертуді көздейтін құжат жобасы НҚА порталында жарияланды.

Құжатқа сәйкес, түрік азаматтары республика аумағында үш ай бойы визасыз жүре алады. Бірақ мұндай тәртіп 180 күндік кезеңде бір мәрте қолданылады.

«Жобаны қабылдау мақсаты – Түркиямен тығыз ынтымақтастық орнату, сонымен бірге Қазақстанда қолайлы инвестициялық және туристік климат құру, экономикалық дипломатияны жандандыру», – деп жазылған құжат жобасында.

Бұған қоса, Иран, Қытай және Үндістан азаматтарына 14 күн, сонымен бірге жарты жылда 42 күнге дейін визасыз жүруге рұқсат беріледі.

Тағы 60 елдің, оның ішінде...

Перизат Қайрат пен Ғайни Алашбаеваға қатысты қылмыстық іс сотта қаралып жатыр. Жарыссөз барысында жәбірленуші ретінде «ForteBank» АҚ маркетинг жөніндегі директоры Антон Ким қатысты.

«Қайрат пен Алашбаеваға қатысты қаралып жатқан іс барысында олардың кінәсі толық дәлелденді деп есептеймін. Азаматтық талап-арызымды толық көлемде қанағаттандыруды сұраймын. Жазаға қатысты айтарым, прокурордың ұстанымын қолдаймын. Тек Алашбаеваның жасы мен денсаулығын ескеруді сұраймын», – деді Ким.

Айтуынша, осындай оқиғалар қайырымдылық туралы қоғамдық пікірге теріс әсер етеді.

«Біз реформалар мен өзгерістер туралы жиі айтамыз, қоғамның әл-ауқатын арттырып, зорлық-зомбылықты жою қажет дейміз. Алайда осындай оқиғалар қоғам мен мемлекеттің, үкіметтік емес...

Ұлттық экономика министрлігі бюджет кірісін тиімді жоспарлай алмай отыр. AERC сарапшыларының пайымдауынша, Қазақстанда мемлекеттік бюджетті жоспарлау ісіндегі елеулі қате жыл сайын қайталанып келеді. Әсіресе, салық түсімдері бойынша болжам жүйелі түрде орындалмайды. Бұл жағдай елдің қаржылық тұрақтылығына қауіп төндіріп, экономика өсімін тежейді.

AERC сарапшыларының есебіне сәйкес, 2001 жылдан бері Қазақстанда салық түсімдері бойынша орташа қате 17%-ды құрады. Оның ішінде корпоративтік табыс салығы (КПН) бойынша қателік 19%, ал қосылған құн салығы (ҚҚС) бойынша — 16%. Мұндай жүйелі ауытқулар бюджеттің шығыс бөлігінің негізсіз ұлғаюына, тапшылықтың теңгерілмеуіне және қарыз жүктемесінің артуына әкеледі.

Мысалы, 2024 жылы бастапқыда 15,8 трлн теңге салық түсімі жоспарланған, алайда...

Астана қаржы орталығы (AIX) ресейлік Globaltrans компаниясының жаһандық депозитарлық қолхаттарына (GDR) делистинг жасауды мақұлдады. Бұл жайлы компания сайтында жарияланған. Компанияда қазақстандық кәсіпкер Қайрат Итемгеновтің үлесі бар.

Делистинг яғни депозитарлық қолхаттарды AIX ресми тізімінен шығару осы жылдың 21 тамызынан бастап күшіне енеді. Ал 4 тамыздан бастап ол қағаздармен сауда жасау тоқтайды.

Globaltrans – Ресей мен ТМД елдерінде теміржол арқылы жүк тасымалдаумен айналысатын компания. 2004 жылы құрылған, штаб-пәтері Біріккен Араб Әмірліктерінің Абу-Даби қаласында орналасқан, ал операциялық кеңсесі Мәскеуде (Ресей) жұмыс істейді.

Қайрат Итемгенов — Aqniet Group бақылау кеңесінің төрағасы әрі негізгі акционері. Бұл топ Europharma және ArzanPharm брендтерімен танымал дәріханалар...

Қазақстандық композитор Нұрзат Рахатов Ұлыбританияға маусымдық жұмысқа кетіп, фермада еңбек етіп жүргенін айтты. Бұл туралы әлеуметтік желіде блогер Данияр Билялов жариялаған видеодан белгілі болды.

Нұрзат Рахатов Қазақстаннан алғаш рет 2024 жылдың мамыр айында табыс табу үшін шетелге кеткенін айтты.

Мектепте мұғалім болып жұмыс істедім, бірақ Қазақстанда мұғалімдердің қанша жалақы алатынын білесіздер. Жалақы аз, ал отбасымызда жыл сайын сәбилер дүниеге келіп жатыр. Қосымша жұмыс іздедім. Содан Англияға маусымдық жұмысшылар қажет деген хабарландыруды көріп, сол бойынша келдім, — деді ол.

Композитордың айтуынша, фермадағы ауыр жұмысқа қарамастан, бос уақытында ән жазуды тоқтатпаған. Музыкамен айналысу – оның бала...

Денсаулық сақтау министрі Ақмарал Әлназарова Үкіметтегі баспасөз конференциясында медицина қызметкерлерін қорғауға арналған заңға қандай өзгерістер енетінін айтты.

Министрдің сөзінше, аталған мақсатта қылмыстық кодекске бас бостандығын шектеуден айыруға дейінгі шараларды қамтитын жаңа 158-1 бап енгізу туралы бастама көтерілген.

«Егер зорлық-зомбылық жасау қаупі тіркелсе, бұл үшін 2 жылға дейін бостандығын шектеу жазасы көзделеді. Ал егер бір дәрігерге немесе медицина қызметкеріне қатысты зорлық-зомбылық жасалса, 2 жылдан 7 жылға дейін бас бостандығынан айыру жазасы қарастырылады, ал шабуыл төтенше жағдай кезінде болса, 10 жылға соттау ұсынылуда. Бірнеше медицина қызметкеріне қатысты қауіп төндірген жағдайда 15 жылға дейін бас бостандығынан айыру жазасы...

2025 жылы Қазақстандағы жоғары оқу орындарына (ЖОО) түсу үшін 93 мың грант бөлінеді. Бұл туралы бейсенбі, 24 шілдеде премьер-министрдің орынбасары Ермек Көшербаев хабарлады. Грант саны былтырға қарағанда 19 мыңға аз. 2024 жылы 112 мың грант бөлінген.

Вице-премьер Ермек Көшербаев үкіметтегі баспасөз мәслихатында білім беру саласында атқарылып жатқан жұмыстар туралы баяндады. Оның айтуынша, биыл ЖОО-ға түсу үшін, магистратура мен докторантураны қоса алғанда, 93 мың грант бөлінеді.

Студенттік стипендиялар мен колледждерді қаржыландыру екі есе өсті.

Республикада жетекші шетел университеттерінің 24 филиалы ашылды. Жаңа жатақханалар ашылып, орын тапшылығы 72%-ға қысқарды.

Вице-премьер жыл басынан бері елде 13 мың балаға 172 балабақша ашылғанын хабарлады...

Бірінші сыныпқа баратын бүлдіршіндер мектеп алдындағы бастапқы мүмкіндіктерін теңестіру үшін ұйымдастырылған қысқамерзімді «Балақайлар мектебі» бағдарламасынан өтіп жатыр. Бұл туралы Оқу-ағарту министрлігінің баспасөз қызметі хабарлады.

Биыл екінші рет ұйымдастырылған бағдарлама балабақшаға бармаған балаларға арналған. Ол мемлекеттік жалпыға міндетті мектепке дейінгі тәрбие мен білім беру стандартына сәйкес әзірленген.

Жаздың екі айында мектепалды даярлық курстарын шамамен 25 мыңға жуық бала оқыған. Оқыту мерзімі бір айға есептелген. Сабақтар күн сайын 30 минуттан, 10 минуттық үзілістермен өтеді.

«Балаларға бастауыш сыныптың білікті мұғалімдері немесе мектепалды даярлық педагогтері сабақ береді. Әсіресе, балалардың физикалық, коммуникативтік, зияткерлік, шығармашылық және әлеуметтік-эмоционалдық дағдыларын дамытуға, сондай-ақ мектепке деген о...

2025 жылғы 23 шілдеде Қазақстан қор биржасындағы (KASE) сауда-саттық нәтижесінде доллар бағамы 538,64 теңгеге жетіп, тарихи рекорд орнатты. Бір күн ішінде ұлттық валюта 6,21 теңгеге әлсіреді. Сауда көлемі де жоғары болды — 270,9 млн доллар.

Теңгенің құнсыздануына не себеп

Қазақстан қаржыгерлер қауымдастығының сарапшылары бұл жағдайды макроэкономикалық көрсеткіштермен түсіндіру қиын екенін айтады. Олардың пікірінше, қазіргі теңге әлсіреуіне негізінен психологиялық және алыпсатар фактор әсер етіп жатыр. Нарық қатысушылары дүрбелеңге еріп, жаппай доллар сатып алуына байланысты көкқағаз құны шарықтады.

Сарапшылардың айтуынша, теңгенің әлсіреуі импорттық тауарлардың қымбаттауына алып келеді. Бұл өз кезегінде инфляциялық қысымды күшейтіп, базалық мөлшерлеменің жоғары...

Ресей шабуылдаушы дрондар үшін Қытайдан бөлшектер сатып алып жатыр. Бірақ құжаттарда оны «өндірістік тоңазытқыш қондырғылары» деп жасырын көрсеткен. Бұл туралы еуропалық арнайы қызмет өкілдеріне сілтеме жасап Reuters жазады.

Келісім-шарттар мен кедендік құжаттарды тексерген журналистер мәліметінше, Қытайдан келген бөлшектер алдымен Мәскеуге апарады. Ол жерден «Купол» атты ресейлік қорғаныс кәсіпорны орналасқан Ижевск қаласына жеткізеді. Еуропалық арнайы қызмет нақтылауынша, құжаттарда тоңазытқыш бөлшектері деп көрсету арқылы Ресей-Қытай шекарасынан тексеріссіз өткен.

Reuters зерттеушілеріне «Куполдың» ішкі құжаттарын тексерудің сәті түскен. Онда кәсіпорынның Ресей Қорғаныс министрлігімен осы жылы 6000 дрон шығаруға келіскені жазылған. Салыстыру үшін 2024 жылы «Купол» 2000 дрон жасап шығарған еді.

Франция президенті Эммануэль Макрон мен оның әйелі Брижит блогер Кэндис Оуэнсті сотқа берді. Ол Францияның бірінші ханымын «еркек» деп атаған. Бұл туралы Reuters хабарлайды.

Агенттік мәліметінше, арыз АҚШ-тағы сотқа сәрсенбі күні түскен. Макрон отбасы Делавэр штатының Жоғарғы сотына шағымданған. Франция президенті мен бірінші ханымы блогерді «адамның ар-ұжданына тиді», фан-базасын толтыру үшін шыли өтірік мәлімет таратты деп айыптаған.

Блогер Оуэнс 72 жастағы Брижит Макронды Жан-Мишель Тронье деген атпен дүниеге келді деген. Жан-Мишель бірінші ханымның ағасының есімі.

«Оуэнс олардың сыртқы келбетін, некесін, достарын, отбасын, жеке өмірін сынап, осының бәрін езіп-жаншу үшін пайдаланды» делінген сотқа түскен арызда.

Оуэнстің өзі сәрсенбідегі подкастында айыптауды...

Алматыда дабыл қағылды. Сондай-ақ қала тұрғындарына құлақтандыру хабарламалары жіберілген.

«Алматы қаласының төтенше жағдайлар департаменті Алматы қаласы азаматтық қорғаудың құлақтандыру жүйесіне техникалық тексеру жүргізіп жатыр. Сабыр сақтауды сұраймыз», делінген хабарламада.

Бұған дейін Төтенше жағдайлар министрлігі 23-24 шілдеде республикалық «Жер-2025» командалық-штабтық оқу-жаттығуы өтетінін хабарлады. Оның барысында зілзала кезіндегі әрекеттер пысықталады. Тоғыз өңірде дабыл қағылады.

Алматы, Шымкент қалалары мен Абай, Жетісу, Алматы, Шығыс Қазақстан, Жамбыл, Қызылорда және Түркістан облыстарында «Баршаның назарына!» сирена-сөйлеу құрылғылары іске қосылатыны айтылды.

Илон Масктің саясаттағы мансабы бизнесіне кері әсерін тигізді. Алты ай бойы Tesla автокөліктерінің саудасы төмендеп жатыр. Екінші тоқсанда жарияланған қаржылай есепке сүйенсек, компания машина жеткізуді 13%-ға азайтқан. Бұл соңғы жылдардағы ең сәтсіз қаржылай есеп болды деп жазады Bloomberg сарапшылары.

Электромобильден бөлек энергия өндіру және сақтаумен айналысатын Tesla Energy-дың да түсімі азайған. Бірақ қуаттау бекеттерінің көбірек ашылуы есебінен ғана компания саудасында аздаған өсім тіркелді.

Жалпы Teslа-ның жалпы түсімі 12%-ға арзандап, 22,5 млрд долларды құрады. Бұған дейін сарапшылар 22,74 млрд доллар көрсетеді деп болжаған еді. Екінші тоқсанда компанияның таза пайдасы 1,17 млрд долларды құрады. Бір жыл бұрын көрсеткіш 1,4 млрд долларға те...

Елімізде кейінгі үш жылда тұрмыстық зорлық-зомбылық фактілері бойынша өтініштер саны 35%-ға азайған. 2025 жылдың басынан бергі көрсеткіш былтырмен салыстырғанда 20%-ға төмендеген. Бұл туралы құқық бұзушылықтың алдын алу жөніндегі ведомствоаралық комиссияның отырысында айтылды.

Сондай-ақ ішкі істер министрлігі отбасылық-тұрмыстық қылмыстар саны 34,9%-ға қысқарғанын мәлімдеді.

Премьер-министр Олжас Бектенов зорлық-зомбылықтың алдын алу, ведомствоаралық үйлестіруді нығайту, халық арасында ақпараттық жұмысты кеңейту және үкіметтік емес ұйымдармен өзара іс-қимыл жөніндегі шаралар мен психологиялық көмек көрсету шараларын күшейту қажеттігіне назар аударды.

Жиында тұрмыстық зорлық-зомбылықтың куәгері болған балалар мәселесі де талқыланды. Білім министрлігіне мұндай кәмелетке толмағандарды ерте анықтау және қолдау тетігін әзірлеу тапсырылды. 

Отырыс соңында Бектенов жергілікті атқарушы...