Жаңалықтар

Сот «Қайрат» футбол клубын Орталық стадионды жалға алғаны үшін 131 млн теңге төлеуге міндеттеді. Алматы қаласының Спорттық нысандар дирекциясы клубтан 131 млн теңге өндіріп алу жөнінде арыз түсірген. Бұл туралы BESMedia басылымы хабарлады.

Дирекция «Қайрат» клубының 2021–2023 жылдар аралығында стадионды төмендетілген тарифпен жалға алып келгенін алға тартқан. Нәтижесінде тиісті көлемде кіріс кірмеген. Жүргізілген аудит және қалалық ревизиялық комиссия клубтың расымен стадионды төмен тарифпен жалға алып келгенін, нәтижесінде мемлекеттің тиісті кіріс ала алмай қалғанын растаған.

Алайда, дирекцияның бұл талабымен «Қайрат» клубының өкілдері келіспей, келісімшартта жылдық жалдау ақысы 30 миллион теңге көлемінде бекітілгенін, ал 2021 жылғы келісімшарт бойынша талап...

Автокөлік әлемі Mercedes-Benz пен BMW-ны әрдайым мәңгілік қарсылас ретінде қабылдап келді. Бұл брендтер ондаған жылдар бойы технология, дизайн және бедел тұрғысынан бәсекеге түсіп, неміс премиум сегментінің эталонын қалыптастырды. Алайда заман өзгерді. Car and Driver дерегінше, Mercedes-Benz қазір BMW-дан қозғалтқыш сатып алу жөнінде келіссөздер жүргізіп жатыр. Егер мәміле жүзеге асса, Штутгарт тарихта тұңғыш рет өз көліктерінің моторын басты қарсыласына сеніп тапсырады.

Қандай мотор және қай модельдерге қойылмақ?

Сөз төрт цилиндрлі, 2,0 литрлік турбоқозғалтқыш BMW B48 жайында. Бұл агрегат сенімділігімен әлдеқашан дәлелденген: ол BMW-дің 3 және 5 сериялы модельдерінде, сондай-ақ X1 мен X3 кроссоверлерінде қолданылады.

Mercedes бұл моторды CLA...

Бүгін Францияның Монако қаласында УЕФА Чемпиондар Лигасының жеребе тарту рәсімі өтті. Қазақстан чемпионы «Қайрат» өз қарсыластарын анықтады.

Жеребе қорытындысы бойынша алматылықтар келесі клубтармен ойнайды: Реал Мадрид (үйде), Арсенал (қонақта), Брюге (үйде), Интер Милан (қонақта), Олимпиакос (үйде), Спортинг Лиссабон (қонақта), Пафос (үйде), Копенгаген (қонақта).

Чемпиондар лигасының жаңа форматы бойынша негізгі кезеңге 36 клуб қатысады. «Қайрат» жеребе алдында 4-қоржынға орналасты.

Матч күнтізбесі:

Қазгидромет 29-30 тамызға арналға ауа райы болжамын жариялады.

Синрптиктердің болжамынша, елдің басым бөлігінде батыс антициклонының әсерінен жауын-шашынсыз ауа райы сақталады.

Алайда 29 тамызда солтүстік-батыс циклонының ойпатының өтуіне байланысты елдің солтүстік, орталық және шығыс аймақтарында ауа райының тұрақсыз сипаты болжанады, 30 тамызда тұрақсыз ауа райы Қазақстанның оңтүстік-шығысын да қамтиды.

Жаңбыр, найзағай күтіледі, 30 тамызда елдің солтүстігінде, шығысында және орталығында бұршақ пен екпінді желмен бірге қатты жаңбыр болжанады. Республика бойынша желдің күшеюі, батыста, солтүстікте, солтүстік-батыста түнде және таңертең тұман күтіледі.

Батыста ауа температурасы +20…+31°С шегінде, оңтүстік-батыста +27…+35°С болады.

Ауа температурасының төмендеуі күтіледі:

2025 жылы талапкерлерге грантқа түсу ең қиын болған мамандықтар қатарында «Халықаралық қатынастар», «Аударма ісі» және «Бизнес және басқару» мамандықтары бар. Аталған бағыттар бойынша бір орынға 16 адамға дейін таласқан жағдайлар болған. Бұл туралы Ғылым және жоғары білім вице-министрі Гүлзат Көбенова мәлімдеді.

Ең танымал және сұранысы аз мамандықтар қайсы

Көбенованың айтуынша, биыл талапкерлер ең көп қызығушылық танытқан мамандықтар – гуманитарлық және басқару бағыттары болған.

«Бір орынға ең көп – 16 адамнан келген мамандықтар – «Халықаралық қатынастар» мен «Аударма ісі», – деді ол Орталық коммуникациялар қызметіндегі брифингте.

Сонымен қатар вице-министр кейбір мамандықтарда конкурс өте төмен деңгейде қалып отырғанын атап өтті.

Қала әкімінің өкімімен Шымкент қаласы әкімінің орынбасары лауазымына Ержан Сейтенов тағайындалды, – деп хабарлады қала әкімінің баспасөз қызметі.

Ержан Іргебайұлы 1974 жылғы 18 қыркүйекте Қызылорда облысы, Жаңақорған ауданында туған.

Еңбек жолын 1990 жылы Жаңақорған темір-бетон конструкцияларын өндіру кәсіпорны жұмысшысы болып бастаған.

2002-2016 жылдар аралығында жеке секторда жауапты басшылық қызметтер атқарған.

2016-2021 жылдар аралығында Алматы қаласының Жердің пайдаланылуы мен қорғалуын бақылау, Жасыл экономика, Тұрғын үй саясаты басқармаларының басшысы.
2021-2023 жылдары Алматы қаласы Алмалы ауданының әкімі лауазымында қызмет атқарды.

2023 жылғы қазан айынан бастап бүгінгі күнге дейін Шымкент қаласы әкімінің аппарат басшысы болған.

Бұған дейін, Арман Сәбитұлы қала әкімінің орынбасары атанған...

Ішкі істер министрлігі Жамбыл облысында екі жасөспірімге қатыгездік көрсету фактісі бойынша тергеу аяқталғанын хабарлады

«Жамбыл облысы Талас ауданының тұрғынына қатысты екі кәмелетке толмаған баланы жүйелі түрде ұрып-соққаны үшін қозғалған қылмыстық іс тергеліп бітіп, айыптау актісімен бірге прокурорға жіберілді. Бұл істі сот қарайтын болады», – делінген хабарламада

Бұған дейін Талас ауданында құлдықта болған екі жасөспірімнің ісі бойынша күдікті қамауға алынғанын хабарлағанбыз. Жапа шеккен балалар Тараз қаласындағы Балаларды қолдау орталығына орналастырылып, оларға психологиялық және құқықтық көмек көрсетілген.

Сондай-ақ жергілікті полиция қызметкерлеріне қатысты қызметтік тексеріс тағайындалған.

Астана қаласында полиция қызметкерлері алаяқтық жасаған 40 жастағы ер адамды қолға түсірді, – деп хабарлады ІІМ.

Тергеу барысында анықталғандай, күдікті тауар сатып алу сылтауымен банктің мобильді қосымшасында жалған QR-код көрсетіп, сатушыларды алдаған. Ол төлем жасалғандай көрініс жасап, жалпы сомасы 45 мың теңге болатын мүліктік пайда тапқан. Қазіргі уақытта оның екі қылмыстық эпизодқа қатысы бар екені белгілі болды.

Жедел-іздестіру іс-шаралары барысында полиция бейнебақылау жазбаларын зерделеп, куәгерлерден түсініктемелер алып, күдіктінің жеке басын анықтап, оны ұстаған

Аталған факті бойынша Қылмыстық кодекстің 190-бабы (Алаяқтық) бойынша сотқа дейінгі тергеу амалдары жүргізілуде.

Астана қаласы полиция департаменті азаматтарды тауар немесе қызмет үшін төлем қабылдаған кезде қаражатты...

«Қайрат» футбол клубының қақпашысы, «Қайрат»-«Селтик» ойнының басты қаһарманы Темірлан Анарбеков өзін бір күнде жұлдыз еткен матчтан кейін алғаш рет жанкүйерлеріне жүгінді.

Ол Instagram парақшасына жазба жариялап, көпге алғысын жеткізді.

«Бүкіл Қазақстанға және әр жанкүйерге қолдау көрсеткені үшін рақмет! Бұл жетістік – бәріміздің ортақ жеңісіміз! Бірге біз мықтымыз», – деп жазды «Қайрат» қақпашысы.

Темірлан Анарбеков Чемпиондар лигасы іріктеу турнирінің плей-офф кезеңіндегі пенальти сериасына дейін жеткен Қайрат-Селтик арасындағы қарымта матчта үш бірдей соққыны қайтарып, командасына жеңіс сыйлаған.

Чемпиондар лигасының топтың кезеңіне өткен Қайрат қай топқа түсетіні жеребе барысында белгілі болады.

Almatinec_live instagram парақшасында өзен арнасына түсіп кеткен көліктің суреті жарияланды.

Суреттен көлік суға артқы жағымен түсіп кеткені көрінеді. Желіде артқа жүрерде иесі газ педалін аямай басқанға ұқсайды деп топшылап жатыр.

Автордың айтуынша, оқиға Орталық саябақтың төменгі жағында Каперник көшесі маңында болған.

Қалалық полиция департаменті оқиғаға қатысты түсінік берген жоқ.

Бұған дейін, Маңғыстауда екі жұмысшы қайнаған суға күйіп қалған оқыс оқиға туралы жазғанбыз.

Мәжіліс төрағасы парламент палаталарының бірлескен отырысын шақыру туралы Өкімге қол қойды. Бұл туралы мәжілістің баспасөз қызметі хабарлады.

Бірлеске отырыс 2 қыркүйек күні 11.00-де өтеді.

«Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті Палаталарының бірлескен отырысы 2025 жылғы 2 қыркүйекте сағат 11.00-де Астана қаласында шақырылсын», – деп жазылған Өкім мәтінінде.

Бұған дейін, президент биылғы жолдауын 8 қыркүйекте жариялайтыны хабарланған.

Корейлік әнші әрі рэпер Psy-ды полиция тергеуге алды. Әнші медициналық заңнаманы бұзды деген күдікке ілінген, деп хабарлады Yonhap агенттігі.

Полицияның хабарлауынша, Psy 2022 жылдан бері Сеулдегі университет ауруханасында Xanax пен Stilnox секілді психотроптық препараттардың рецептерін бармай алған болуы мүмкін. Сонымен қатар, оның менеджері мен өзге адамдар дәріні оның атынан алып жүрген деген дерек бар.

Полиция күдікті жағдайды құпия дерек арқылы анықтап, жуырда ауруханаға рейд жасап, тиісті медициналық құжаттарды қолға түсірген. Қазіргі заң бойынша, рецепт сенімхат арқылы жазылмауға тиіс.

Xanax пен Stilnox – ұйқы бұзылысы, мазасыздық және депрессияны емдеуге қолданылатын психотроптық дәрілер. Олар жоғары тәуелділік тудырғандықтан, дәрігердің тікелей қарауы мен рецепті міндетті талап...

Телефоннан бөлінетін электромагнитті сәуленің халық денсаулығына әсері бар. Бұл туралы Қазақстан Республикасының Денсаулық сақтау министрлігінің Санитариялық-эпидемиологиялық бақылау комитеті хабарлады.

Техника саны артқан сайын электромагнитті сәуленің әсері күшейеді

«Радиожиілікті электромагниттік өрістер денсаулық пен қоршаған ортаны ластаушылар ретінде жиі анықталады. Қазіргі уақытта ұялы байланыстың қарқынды дамуына байланысты, ұялы телефондардың және басқа да электрондық құрылғылардың қолданылуымен адамдардың өмір сүру ортасы электромагниттік өрістер көздерімен айтарлықтай қамтылған», – делінген комитет хабарламасында.

Техника көбейген заманда адамдардың электромагниттік сәулеге ұшырау жағдайы жиілейтіні мәлім. Өйткені барлық тұрғын аудандардың 90%-нан астам бөлігінде бір немесе бірнеше оператордың сымсыз желісі қосылған...

«Қазақтелеком» топ-менеджерлері 2024 жылы шамамен 634,5 млн теңге сыйақы алған. Бұл туралы Kursiv.Media Қазақстан қор биржасында (KASE) жарияланған мәліметке сүйене отырып хабарлайды. Компания акцияларының 80%-ы «Самұрық-Қазына» қорына, яғни үкіметке тиесілі.

2024 жылы «Қазақтелеком» акционерлік қоғамы басқарма мүшелерінің жалақысы көбейді. Былтыр топ-менеджерлер компаниядан 634 млн 562 мың теңге алды. Салыстырар болсақ, 2023 жылы басқарма мүшелеріне 442 млн теңге төленген еді.

Компанияның басқарма құрамында, ресми сайтындағы мәліметке сәйкес, қазір жеті адам бар. Олар:

Бағдат Мусин – басқарма төрағасы (2024 жылғы 10 маусымнан бастап);
Арнұр Нұрқатов – төрағаның бірінші орынбасары (2024 жылғы 18 шілдеден);
Абылайхан Оспанов – бас...

Қоғам белсендісі Санжар Боқаев Алматыдағы Уәлиханов-Жамбыл көшелерінің қиылысынан алынған брусчаткалар жеке адамдарға сатылып жатқанын мәлімдеді.

Белсенді Уәлиханов көшесіндегі ескі өрнектастарды тиеген көліктің ізіне түсіп, оның артынан Алматы облысы Қарасай ауданы Жандосов ауылында тұратын жеке адамның үйіне дейін еріп барады. Жаңа әкелген тастарды түсіргелі жатқанда бөгет жасап, әрекет заңсыз екенін айтады. Видеодан ол жердегілер өрнектастарды сатып алғанын айтқаны көрінеді.

Видеодан өрнектастарды тиеген тағы бір көлік қала сыртына барып тұрып, әкімшіліктің базасына оралғанын көруге болады. Белсенді мұны «шамасы әкімдіктегілер менің ізіне түскенімді айтып қойса керек» деп топшылайды.

Санжар Боқаев ауыстырылған брусчаткалар мінсіз жағдайда болғанын, әлі де көп жыл қызмет ететінін, оларды...

Бүгін 28 тамыз күні Алматы қаласында электрсамокаттарды пайдалану ережелерін бақылау мақсатында ауқымды рейд ұйымдастырылды. Оған патрульдік экипаждармен қатар, шерингілік компаниялардың самокаттарын пайдаланған 50 полиция қызметкері қатысты.

Мұндай формат тәртіп сақшыларына құқық бұзушылықтарға жылдам әрекет етуге, автокөліктер кіре алмайтын аумақтарда және халық көп жиналатын орындарда тиімді жұмыс істеуге мүмкіндік береді. Сонымен қатар, алдын алу шараларын дер кезінде жүргізуге жол ашады.

Қазіргі уақытта полиция тарапынан самокаттарды қызметтік мақсатта тұрақты қолдану мүмкіндіг...

Алматыда 40 қабатты Rams Beyond ғимаратының құрылысы тоқтады. Бұл туралы мәжіліс депутаты Бақытжан Базарбек фейсбуктегі парақшасында жазды.

«Біз бүгін Алматыдағы 40 қабатты РАМС-тың құрылыс-монтаж жұмыстарын тоқтаттық. Рейд кезінде Мемлекеттік архитектуралық-құрылыс бақылауы (МAҚБ) жазбаша талап берді», – деп жазды ол.

Бұған дейін алматылықтар үй кешенінің құрылысын тоқтатуды талап етіп, E-petition.kz  платформасына петиция жариялаған еді. Ғимараттың орнына тұрғындар үшін қоғамдық саябақ салу керек деп есептейді. Петиция авторлары биік ғимарат құрылысы алматылықтар үшін қауіпті деген пікірде.

Kursiv Media болған жағдай туралы Rams Beyond баспасөз қызметіне сауал жолдады.

Қаладағы ең биік ғимарат деп...

Жуырда электрондық цифрлық қолтаңбаны (ЭЦҚ) алу тәртібі өзгерген болатын. Енді бұл қызмет толық онлайн форматқа ауыстырылды. Алайда азаматтар биометриядан өту кезінде  біршама қиындықтар туындап жатқанын айтып шағымдануда. ҚР Ұлттық куәландырушы орталығының баспасөз қызметі мұндай жағдайда не істеу керектігін түсіндірді.

Алғашқы қарағанда бәрі өте ыңғайлы болып көрінеді, үйден шықпай-ақ камераны қосып, бірнеше минут ішінде ЭЦҚ-ны рәсімдейсіз. Алайда іс жүзінде көптеген азаматтар биометриядан өту барысында қиындық көруде.

Уақытты зая кетірмес үшін бірқатар маңызды жайтты ескерген жөн:

Жарық. Ең дұрысы – күндіз терезенің қасына отырып, не бетіңіз толық көрінетіндей жарық шамды қосу. Егер жарық шамы артыңызда болса, жүйе сізді танымай қалуы мүмкін.

Камера...

Өзбекстан билігі, атап айтқанда, Наманган қаласының әкімдігі имамдардың әйелдеріне хиджабтарын шешуді бұйырған.

«Озодлик» радиосының хабарлауынша, жергілікті әкімдік әйелдерді арнайы жиналысқа шақырған. Қойылған талап – орамалды басқаша тағу.

Орамалды қалай тағу керек?

Өзбек билігі талабынша, орамалды араб үлгісіндей мойынға орауға болмайды. Жергілікті дәстүр бойынша артынан түйіндеп тағу қажет. Ал бұл талапты орындамағандардың күйеулері мешіттен шеттетілмек. Бұл талаптар Өзбекстан билігінің нұсқауы бойынша белгіленген.

Имамдардың, имам-хатибтердің және мутаваллилардың әйелдерін жинау міндеті Өзбекстан мұсылмандары басқармасының Наманган облыстық бөлімінің басшысы Мусахон Аббосидиновқа жүктелген. Бұл жөнінде осы кездесуге қатысушылардың бірі айтып берген.

Аудиожазбада не айтылған?

Басылымның жазуына қарағанда, журналистердің қолына...

Жамбыл облысы Жаңатас ауданында жасөспірім жүкті болды. Осыдан екі жыл бұрын ол мәслихат депутатының күйеуінен аяғы ауыр болып, мәжбүрлі түрде түсік жасатқызған еді.

Кәмелетке толмаған студенттің жүкті болғанын Kursiv Media тілшісіне облыстық білім басқармасы растады.

«Қысқы каникул кезінде техникалық және кәсіптік білім беру мекемесінің 1 курс студентінің жүкті екені анықталды. Аталған жағдай бойынша құзырлы органдарға дереу хабарланды. Кәмелетке толмағанның анасымен жауапкершілік мәселелері жөнінде түсіндіру жұмыстары жүргізілді», – деп жазылған хабарламада.

Қазір жасөспірімді академиялық демалысқа шығармақшы. Жергілікті БАҚ-тің жазуынша, студент болашақ сәбидің әкесін жарияламаған. Қазір аудандық ауруханада есепте тұр. Анасы және бауырымен бірге...

«Самұрық-Қазына» Қытай нарығына панда-облигациялар шығарып, сырттан қарыз алады. Бұл туралы премьер-министр Олжас Бектеновтің «Самұрық-Қазына» қорының директорлар кеңесімен өткізген отырысында айтылған.

«Қаржыландыру көздерін әртараптандыру аясында Қордың директорлар кеңесі ҚХР нарығында панда-облигациялардың дебюттік шығарылымы арқылы Сыртқы қарыз алуды мақұлдады», – делінген үкіметтің баспасөз хабарламасында.

Отырыс барысында «Самұрық-Қазына» ұлттық әл-ауқат қоры» АҚ басқарма төрағасы Нұрлан Жақыпов есеп беріп, 2025 жылдың 7 айында Қордың кірісі мен EBITDA бойынша нақты мәндері жоспарланғаннан тиісінше 6% және 15%-ға асып түскенін айтқан.

Жобалар туралы

Сонымен бірге Жақыпов жиын барысында негізгі өндірістік және қаржылық көрсеткіштер туралы айтқан.

2025 жылы мемлекеттік білім гранттарын бөлу мен студенттердің стипендиясы туралы ҚР Ғылым және жоғары білім вице-министрі Гүлзат Көбенова ОКҚ алаңында өткен брифингте мәлімдеді.

Вице-министрдің айтуынша, биылғы ұлттық бірыңғай тестілеуге 210 мыңнан астам талапкер қатысқан. Соның ішінде 160,5 мың түлек (76,35%) шекті балды жинап, жоғары білім алуға мүмкіндік алды. ЕНТ-ның орташа балы – 69,42.

Мемлекеттік гранттарға биыл 113 мыңға жуық өтініш түсіп, бұл өткен жылмен салыстырғанда 9 мыңға артық. Үкімет тарапынан 93 232 грант бөлінді, оның 77 084-і – бакалавриат бағдарламасына арналған. Конкурс қорытындысында гранттар 99% игерілген.

Сонымен қатар вице-министр студенттердің әлеуметтік жағдайына ерекше тоқталды. Оның айтуынша, соңғы бес жылда стипендия...

ҚазАвтоЖол 2025 жылдың көктемінен бастап халықаралық және республикалық маңызы бар автомобиль жолдарында көлік құралдарының орташа қозғалыс жылдамдығын тіркеу жүйесі енгізілгенін хабарлады.

Орташа жылдамдық қашықтықты жүріп өтуге жұмсалған уақыт бойынша есептеледі.

Биылғы наурыз-тамыз айларындағы талдау деректері бойынша орташа жылдамдықты арттырудың 109 мыңнан астам фактісі анықталған.

Ең көп бұзушылық тіркелген учаскелер:

• Шымкент-Қызылорда – 54 863,
• Астана-Щучинск – 29 330,
• Астана-Павлодар – 18 188.

Ең аз бұзушылық төмендегі бағыттарда байқалды:

• Павлодар-Семей-Қалбатау – 3 882,
• Шымкент-Тараз – 1 980,
• Павлодар-РФ шекарасы (Омбы) – 526,
• Орал-РФ шекарасы (Саратов) – 365,
• Жібек Жолы-Теміртау – 164.

Орташа жылдамдыққа бақылау жүргізілетін учаскелер:

• Астана-Щучинск...

АҚШ-қа барған шетелдік студенттердің елде тек төрт жылға дейін қалуына болады. Трамп әкімшілігі осындай ұсынысын жариялады. Егер ол күшіне енсе, бірнеше жыл қатарынан елде оқуын жалғастыратын студенттер үшін үлкен кедергі болмақ.

АҚШ-тың Ішкі қауіпсіздік министрлігінің пресс-релизіне сүйенсек, бұл ұсыныс шетелдік студенттерді бақылауға бағытталған. Ведомство өкілінің сөзінше, көптеген азаматтар «АҚШ-тың жомарттығын пайдаланып, колледж қабырғасында мәңгі студент болып жүре береді».

«Бұрынғы әкімшілік тым ұзақ уақыт бойы шетелдік студенттерге АҚШ-та іс жүзінде шектеусіз мерзімге қалуға мүмкіндік беріп келді. Бұл ұлттық қауіпсіздікке қауіп төндіріп, ел азаматтарын қолайсыз жағдайға қалдырды», – деп мәлімдеді министрліктен.

1978 жылдан бер...