Жаңалықтар

«Ақтау теңіз порты» арнайы экономикалық аймағының жұмыс істеу мерзімі 2052 жылға дейін ұзартылды. Үкіметтің 2024 жылғы 29 қазандағы «Ақтау теңіз порты» арнайы экономикалық аймағының кейбір мәселелері туралы» қаулысы бекітілді.

 «Ақтау теңіз порты» арнайы экономикалық аймағының жұмыс істеу мерзімі нысаналы индикаторларға қол жеткізу шартымен 2052 жылғы 31 желтоқсанға дейін ұзартылсын»,- делінген құжат мәтінінде.

Құжатта АЭА қызметінің нысаналы индикаторлары жаңартылған. Осылайша, инвестицияның жалпы көлемі 2047 жылға қарай 540 млрд теңгеге, ал 2052 жылға қарай 590 млрд теңгеге жетуі тиіс. Оның ішінде 2052 жылға қарай шетелдік инвестиция 275 млрд теңгені, ішкі инвестиция 315 млрд теңгені құрауы тиіс...

Алматы қаласы Бостандық ауданында орналасқан Monblanc элиталы қымбат тұрғын үй кешені Әділет департаментінің қатысуымен сүрілді. Бұл туралы қалалық әкімдік баспасөз қызметі хабарлады.

Ақпаратқа сүйенсек, Ерменсай шағын ауданында орналасқан тұрғын үй кешенінің құрылысы сот шешімімен заңсыз деп танылған.

«Нысанға жүргізілген жоспардан тыс тексеру барысында «MGM Development» ЖШС аталған тұрғын үй кешенінің құрылысын СЖТ-сыз, эскиздік жобаны келісусіз, құрылыс-монтаж жұмыстарының басталғаны туралы хабарламасыз, мемлекеттік сараптама, авторлық және техникалық қадағалаусыз бастағаны анықталды», – делінген хабарламада.

Осыған дейін әкімдік заң бұзушылықтарды жою үшін компанияға бірнеше рет ескерту жасаған. 2022 жылы 21 желтоқсанда жасалған ескерту орындалмағандықтан, 2023 жылы 25 сәуірде қала...

Талғарлық жасөспірім Шерзат Болаттың қазасынан кейін «Хуторлық Хасан» атымен танылған Хасан Қасымбаев ұсталды. Бұл жайлы Алматы облыстық полиция департаментінің баспасөз қызметі хабарлады.

Полиция департаментінің хабарлауынша, күдікті Шерзаттың Болаттың қазасына қатысты қозғалған қылмыстық іс бойынша ұсталған жоқ. Ол осыдан 2-3 жыл бұрын болған қылмыстық іс бойынша тергелмекші.

«2024 жылдың 2 қарашасында азамат А.-ның денсаулығына қасақана ауыр зиян келтіру және 2021 жылдың маусым айында жасалған ұрлыққа күдікті азамат Қ. ұсталып, уақытша ұстау изоляторына қамалды»,- делінген баспасөз хабарламасында.

Полиция басқармасының хабарлауынша, қазіргі уақытта аталған қылмыстардың барлық мән-жайлары жан-жақты тергеліп жатыр. Толық және объективті зерттеуді қамтамасыз ету...

Миллиардер Уоррен Баффет 2024 жылдың үшінші тоқсанында да Apple және Bank of America акцияларын сатуды жалғастырды. Және оның орнына ешнәрсе сатып алмаған. Осылайша миллиардерге тиесілі Berkshire Hathaway конгломераты қаржылық жағынан рекордтық 325,2 млрд долларға жетті.

Bloomberg ақпаратына сүйенетін болсақ, Berkshire Hathaway операциялық кірісі сақтандыру қызметінен түсетін кірістің төмендеуіне байланысты өткен жылмен салыстырғанда бір тоқсан ішінде 6% (10,09 млрд долларға дейін) төмендеген. Үшінші тоқсанда Уоррен Баффет өзінің маңызды пакеттерін қысқартып, орнына өзге акциялар сатып алудан бас тартты. 

Қаржы конгломераты үшінші тоқсанда бірде-бір акция сатып алған жоқ. Осыған дейінгі ірі сауда 2023 жылдың төртінші тоқсаны мен 2024 жылдың бірінші тоқсанында жасалған...

Валенсия провинциясындағы Пайпорта қаласының тұрғындары Испания королі Филипп VI-ны балшықпен атқылады. Бұл туралы Reuters хабарлады.

Король аймаққа жойқын су тасқынынан зардап шеккендерді қолдау үшін келген болатын. Жергілікті халық билік тарапынан табиғи апаттың қаупі туралы дер кезінде ескертілмегенін және апаттан кейін баяу әрекет еткенін сынға алды. Апат салдарынан 200-ден астам адам қайтыс болды.

Филипп VI бұл сапарға жұбайы Летисиямен, премьер-министр Педро Санчеспен және басқа да шенеуніктермен бірге келді. Сапар барысында наразылық акциясына қатысушылар оларды балшық және басқа да заттармен атқылады.

AFP агенттігінің мәліметінше, наразылық толқыны негізінен премьер-министр Санчес пен Валенсия аймағының басшысы Карлос Масонға бағытталды. Сонымен қатар, корольдің бұған...

АҚШ-тағы президент сайлауы – бүкіл дүние назарында. Мұхиттың ар жағындағы саяси тартыс біздің азаматтарды да бей-жай қалдырмағаны анық. Бұған негіз де жоқ емес. Еліміздегі ең ірі салық төлеуші компаниялар – америкалық кәсіпорындар. Сондықтан ондағы саяси ахуал әлемге әсер етпей қоймас. 

Сайлауалды науқаны аясында БАҚ беттерінде екі үміткердің трибуналардан сөйлеп жатқан, сайлаушылармен бірге түскен суреттері жиі жарияланып жүр. BBC фотоқызметі олардың көпшілік көре қоймаған, әсіресе жас кезіндегі фотоларын жариялады. 

Демократтар партиясы атынан үміткер Камала Харристің балалық шағы Калифорния штатындағы Оклендте өткен. Ал Республика партиясының өкілі әрі АҚШ-тың 45-президенті Дональд Трамп Нью-Йорктегі Куинс ауданында өскен.  

Харристің анасы Шьямала Гопалан Харрис...

Қазақстандық боксшылар Черногорияның Будва қаласында өткен жастар арасындағы әлем чемпионатында 17 жүлде алып, 73 000 доллар табыс тапты. Бұл туралы Қазақстан бокс федерациясы хабарлады.

Жастар арасындағы әлем чемпионатында Қазақстанның құрамасы жалпы алғанда 17 медаль иеленді: 6 алтын, 1 күміс және 10 қола. Бұл сайысқа қатысқан жеңімпаздар мен жүлдегерлер үшін Халықаралық бокс қауымдастығы (IBA) арнайы ақшалай сыйақы тағайындады: «алтын» үшін – 8 000 доллар, «күміс» үшін – 4 000 доллар, ал «қола» үшін – 2 000 доллар. Сондай-ақ, ширек финалистерге 1 000 доллар көлемінде сыйақы қарастырылған.

Жастар арасындағы әлем чемпиондары болып Бексұлтан Боранбек (51 кг), Торехан Сабырхан (67 кг), Өнер...

Молдовадағы президенттік сайлаудың екінші турындағы алдын ала ақпарат бойынша қазіргі президент Майя Санду жеңіске жетті.

Елдің ЕуроОдаққа қосылу процесін бастаған президент Майя Санду Ресейге бағытталған саясатты қолдайтын бұрынғы бас прокурор Александр Стояноглодан озып кетті. Қазір Орталық сайлау комиссиясы бюллетеньдердің 98 пайызын есептеп үлгерді.

Осы саналған бюллетеньдер есебі бойынша Санду 54,94% дауыс жинаса, Социалистік партияның өкілі Стояногло 45,06% алған. Бастапқы да Стояногло көш бастағанымен шетелде тұратын Молдова азаматтарының берген дауысы Сандуды алға шығарды.

«Молдова, бүгін жеңіске жеттің. Бірлігіміздің, демократиямыздың және лайықты болашаққа деген адалдығымыздың арқасында өз күшімізді көрсеттік», – деп жазды Санду Х әлеуметтік желісінде. 

2 қараша күні кино қауымдастық өкілдері Алматы қаласында Қасым-Жомарт Тоқаевқа бейнеүндеу жариялап, Ш. Айманов атындағы «Қазақфильм» ұлттық кино студиясына» басшылық еткен азаматтарды айыптады. Осыған байланысты «Қазақфильм» президентінің міндетін атқарушы Айдар Омаров шағым айтушылардың сын-пікірі шындыққа сәйкес келмейді деп жауап берді.

«Құрметті киноматографтар! «Қазақфильм» киностудиясы ғимаратының ауласында болған жайтқа жауап бергім келді. Мемлекет басшысына жолдаған бейнеүндеуі мен онда айтылған детальдар шындыққа сәйкес келмейді. Бұған дейін, 2 қараша күні, киноматографияшылар одағы өкілдерімен және сала ардагерлерімен осы мәселе жөнінде кездесіп, сол кезде олардың ақпараты дұрыс емес екенін түсіндірген едік. Сол кезде ардагерлер одағына басшылық ететін Асанәлі Әшімов бұл...

Жыл басынан бері Чехияның 60 азаматына Украинада Ресейге қарсы соғысуына рұқсат берді. Бұл жөнінде «Чехия радиосы» хабарлады.

Жалпы Президент кеңсесіне Украина әскерінің сапында болуға Чехия азаматтарынан 181 өтініш келіп түскен.

Киев жағындағы шайқастарға заңды түрде қосылу үшін Чехия азаматтары өз елінің Президентінен шетелдік қарулы күштерде қызмет етуге рұқсат алуы керек.

Ресей Украинаға басып кіргеннен кейін кейін Президенттің рұқсатынсыз Украина армиясына қосылған чех еріктілері өздерін ақтау жөнінде жазбаша түрде кешірім сұрай алады. Бұл жағдайда оларға қатысты қылмыстық қудалау тоқтатылады немесе іс қозғалмайды. Құжатқа Чехия премьер-министрі де қол қоюы керек.

Бүгін Kursiv Media Ақтау қаласына ұшақтар қона алмай жатқаны туралы жазды. Әуе компанияларының ішінде FlyArystan рейстердің кешігу себебін түсіндірді.

2 қарашада сағат 06:40-та Атыраудан Ақтауға ұшақ көтерілуге тиіс болған. Бірақ қолайсыз  ауа райына байланысты рейс шегерілді.

«Әуекомпания өкілдеріне жүгінген жолаушыларға сусындар, ыстық тамақ және қонақ үйге орналастыру ұсынылды. Барлық жолаушылар билет құнын толық қайтару немесе тегін қайта брондау мүмкіндігіне ие болды. Ақтау – Ыстамбұл тоғысу рейсін жіберіп алған жолаушылар да толық қайтарым немесе тегін қайта брондауды рәсімдей алады», – деп жазды компанияның баспасөз қызметі.

KC7277 рейсі бойынша Атыраудан енді кешкі сағат 22:00-ге таяу ұшқан әуе...

Қазақстан «Болашақ» халықаралық стипендиялық бағдарламасына үміткерлерді іріктеудің жаңа ережелерін ұсынып отыр, деп жазды ҚазТАГ.

Өзгерістердің бірі – халықаралық және республикалық олимпиадалардың жеңімпаздарын бакалавриат сатысында оқыту үшін жеке квота бекітілмек.

Тағы бір жаңалық – студенттер екі серіктес ЖОО базасында ғылыми зерттеулер жүргізе алатын Split PhD докторантурасын енгізу ұсынылды. Басым мамандықтар тізімі басым бағыттар тізімі деп өзгертілді.

«Қосымша Қазақстан Республикасы Президентінің «Болашақ» халықаралық стипендиясын тағайындауға үміткерлерді іріктеу қағидалары бекітілсін. Осы қаулыға қосымшаға сәйкес «Болашақ» халықаралық стипендиясын жұмсау бағыттары айқындалсын», — делінген қаулы жобасында.

 «Болашақ» халықаралық стипендиясы иегерлерінің өтініштерін қарайтын комиссия пайда болады. Құжатта шығындарды өтеу және стипендиаттарды...

Ақтау қаласындағы «МАЭК» ЖШС қазіргі уақытта тұщы суға арналған резервуарды толтыра алмай отырғандарын мойындады. Қала тұрғындары ауыз суға зәр болып отырғандарын айтып, билікке жиі шағымданады. Бұл жөнінде Lada.kz басылымы жазды.  

Кәсіпорын жылыту жүйесін толтыруға су қорының біраз бөлігін жұмсағанын растады. Жылыту маусымы басталғалы «МАЭК» ыстық сумен қамтамасыз етуге басымдық берген. Осының салдарынан Ақтауда ауыз су тапшы болып отыр.

«Каспий тұщыту зауытын кеңейту жұмысы таяуда аяқталады. Ауыз су өндірісін ұлғайту арқылы кезең-кезеңімен іске қосу жоспарлануда. Құйылыс-Меловое кен орнынан (ұзындығы 46 шақырым) су құбырын қайта жаңғырту бойынша құрылыс-монтаж жұмысы да соңғы сатыда. ҚМЖ аяқталғаннан кейін аталған...

Американың B-52 ұзақ қашықтыққа ұшатын стратегиялық бомбалаушы ұшақтары Таяу Шығыстағы CENTCOM аймағына келді. Бұл туралы X әлеуметтік желісі арқылы АҚШ Орталық қолбасшылығының (CENTCOM) баспасөз қызметі мәлімдеді.

«Майнот Әскери-әуе күштері базасында (Солтүстік Дакота) орналасқан Бесінші қанаттың бөлігі ретінде B-52 Stratofortresses ұша CENTCOM-ның жауапкершілік аймағына келді», – делінген хабарламада.

АҚШ-тың Орталық қолбасшылығы Таяу Шығыс, Шығыс Африка және Орталық Азиядағы әскери күштерді басқарады.

2 қараша күні АҚШ қорғаныс министрі Ллойд Остин Таяу Шығыста қосымша күштерді орналастыруға бұйрық берді. АҚШ қақтығыс аймағына, атап айтқанда, зымыранға қарсы қорғанысқа арналған эсминецтерді, жойғыштар эскадрильясын және жанар-жағармай құю ұшақтарын, сондай-ақ бірнеше В-52 ұшағын...

Маңғыстау облысында «Кезби» ЖШС-ның атқарушы директоры Ержан Кезбаев ақша жымқырғаны үшін тергеледі. Оған компанияның қоса салықтан жалтарғаны анықталып отыр. Қаржы мониторингі агенттігінің Маңғыстау департаменті қылмыстық іс  қозғады.

Аталған ЖШС 2021 жылы «Өзенмұнайгаз» АҚ-мен келісім жасасқан. «Кезби» жұмыс істеген бригадаға сағатына 65 мың теңге төлейтінін хабарлаған.

Одан бөлек жұмысшылардың әлеуметтік жағдайы ескеріліп, төлейтін сома – 87 мың теңгеге өсті. Оның ішінде медициналық сақтандыру және басқа төлемдер қарастырылған.

Бірақ уақыт өте 321 млн теңгенің мақсатты түрде жұмсалмағаны мәлім болды.  

«Ол компания қызметкерлеріне жалақы төлеу үшін «Өзенмұнайгаз» АҚ бөлген 321 млн теңгені жымқырып, сондай-ақ 1,5 млрд теңгеге жуық сомаға салық төлеуден...

АҚШ-тың Колорадо бокстан 19 жасқа дейінгі жастар арасында өтіп жатқан әлем чемпионатында Асылхан Көшербай (65 келі) күміс жүлдегер атанды. Ол шаршы алаңда австралиялық Купер Макконелмен бокстасты. Судьялар шешімімен қарсыласы басым түсті.

Бұл чемпионатта қазақстандық Даниял Райымбеков те екінші орын алған еді. Ақтық  кездесуде оған уэльстік Дэниел Питт қарсы шықты.

Әлем чемпионаты алғаш рет Халықаралық Дүниежүзілік бокс федерациясының қолдауымен өтуде.

3 қазанға қараған түні Ақтауда рейстер кешіккен. Бұл жөнінде елдегі ақпарат құралы жазды.

Әуежайға түнгі және таңғы рейстер уақтылы келмеген. Редакцияға түнгі және таңғы көптеген рейстердің Ақтау әуежайына уақытында келмей, кесте бойынша ұша алмайтыны хабарланды. Жолаушылар әуежайдың онлайн-таблодан  Атырау, Баку, Ыстамбұл және Астраханнан кемінде төрт рейстің кешігетіні туралы хабардар болған.

Баку, Алматы және басқа қалаларға бірнеше рейстің ұшуы да кейінге қалдырылды.

Ақтау халықаралық әуежайының баспасөз қызметі ұшақтардың кешігу себебі ауа райы жағдайына, атап айтқанда тұманға байланысты екенін хабарлады. Жолаушылар әуе компаниясының кешігуі туралы алдын ала хабарланған.

«Қазіргі уақытта ұшу-қону жолағында көру мүмкіндігі жақсарды. Ұшу және ұшып кету кестеге сай жоспарланған...

Қазақстан жыл басынан бері он айдың ішінде 2,2 млн тонна астық өңдеп үлгерді. Астықты ішкі нарыққа және басқа мемлекеттерге тасымалдады.

Ведмство қырмандағы жұмыс аяқталғанын хабарлады.

«2024 жылдың қыркүйек-қазан айларында 2,2 млн тоннадан астам астық өңделді, бұл өткен жылдың сәйкес кезеңімен салыстырғанда 40%-ға жоғары. Арпа экспорты әсіресе қарқынды дамып, тек Иран нарығына 150 мың тоннаға жетеді», – деп жазды АШМ баспасөз қызметі.

Министрлік «Азық-түлік келісімшарт корпорациясы» жаңа нарыққа шығуды көздеріп отырғанын мәлімдеген. Қытай, Өзбекстан, Қырғызстан елдің астығын қабылдауға дайын отыр. Осы мемлекеттермен ауыл шаруашылығы өнімдерін жеткізуге 19,5 млн АҚШ доллар болатын келісімшарт жасалған.

Қазақстан ішкі нарықта тауар...

ҚР Президенті  Қасым-Жомарт Тоқаев Сербия Президенті Александр Вучичке көңіл айтып, жеделхат жолдады. Нови-Сад қаласындағы теміржол вокзалында болған оқыс оқиғадан бірнеше адам қаза тапты. Соған байланысты осы елде үш күн бойы қаралы күн жарияланды.

«Осындай ауыр сәтте достас Сербия халқының қайғы-қасіретіне ортақтасып, барша қазақстандықтардың және жеке өз атымнан Сізге, жақындарынан айырылған отбасыларға қайғыра көңіл айтамын. Оқыс оқиғада бақилық болғандардың туыстарына сабыр, ал зардап шеккен жандардың тез арада сауығып кетуін тілеймін»,– деді Президент.

1 қарашада Вокзал сыртында демалып отырған адамдардың үстінен бетон шатыр құлап түсті. 14 кісі ауыр жарақат салдарынан қаза тапты. Олардың арасында екі бала бар...

Алматы облысында елдегі алғашқы вольфрамды қайта өңдеу зауыты ашылды, Бұл туралы Өнеркәсіп және құрылыс министрлігі хабарлады.

«Құны 300 млн доллар болатын жоба халықаралық экологиялық және өнеркәсіптік стандарттарды ескере отырып құрылды. Зауыт жергілікті халыққа 1000 жұмыс орнын ашады. Жоба қуатты артқанда жыл сайын 3,3 млн тонна кен өңдеп, 65% вольфрам концентратын өндіреді», – делінген хабарламада.

Өнеркәсіп және құрылыс министрлігі объектілердің дайындығы: шлам қоймасы – 60%, байыту фабрикасы – 60%, сыртқы сумен жабдықтау объектілері – 85%, сыртқы электрмен жабдықтау – 100% (110 кВ желісіне қосылған), ішкі электрмен жабдықтау – 90% құрайтынын хабарлаған.

Жобаны Jiaxin International Resources Investment...

Қазақстан киногерлері сала басшылығының заңсыз әрекеттерін тию үшін президент Қасым-Жомарт Тоқаевқа ашық хат жолдады. Ашық хат мәтінін 2 қарашада Алматыдағы «Қазақфильм» киностудиясының алдына жиналған сала өкілдері оқыды.

Үндеу жасауға жиналған киногерлер бұл қадамға амалдары таусылғандықтан барып отырғандарын айтты.

«Үкімет пен «Қазақфильмнің» кино ісіне жауапты шенеуніктердің бассыздығы мен біліксіздігі және жауапкершіліксіздігі салдарынан кино саласындағы жағдай күннен күнге күрделеніп, қордаланған проблемалардың дер кезінде шешілмеуі салдарынан шегіне жеткен одан әрі ушыға түсуде», – делінген ашық хатта.

Жиналғандар 2021-2023 жылдары «Қазақфильм» жұмысына өзгеріс енгізу үшін мемлекеттен бөлінген миллиардтаған қаржының тағдырын бейхабар екенін айтты.

Олардың сөзінше, саладағы мамандар айлап...

Қазақстан іздеу салған «Титан» компаниялар тобының басшылары ағайынды Михаил және Александр Сутягинскийлердің бизнесіне қатысы бар азаматтар Ресейде қамауға алынды.

Ресей тергеушілерінің мәліметінше, кәсіпкерлерге 10 жылдан астам уақыт бойы ұйымдасқан қылмыстық топ қысым көрсетіп, «Титан» компаниялар тобынан 1,6 млрд. рубль (шамамен 30 млрд теңге) мұнай өнімдерін ұрлаған.

РБК дереккөзінің хабарлауынша, іс бойынша «Титан» бас директорының шикізатпен қамтамасыз ету жөніндегі бұрынғы орынбасары Юрий Жигадло, сату департаментінің бұрынғы директоры Сергей Писмиченко және мұнай өнімдерін сату департаментінің бұрынғы директоры Игорь Зыков қамауға алынған.

Оларға аса ірі мөлшерде алаяқтық жасады, қару-жарақ контрабандасы мен заңсыз айналым жасады, ақшаны немесе мүлікті ұрлады және заңдастырды деген күдікке...

Үкімет 2025 жылға болжам ұсынған кезде инфляцияны төмен бағалауға тырысады. Себебі оны жоғары бағалау жалақы, зейнетақы мен жәрдемақыны индексациялағы алып келеді. Бұл туралы KURSIV MEDIA арнасына экономист Меруерт Махмұтова айтып берді.

«2025 жылғы болжамды ұсынғанда үкімет инфляцияны төмен бағалауға тырысады. Себебі үкімет 2023 жылғы инфляцияны бағалағанда 10 пайыз деп болжаған. Ал ол 22 пайызға жетті. Егер осы мөлшерде бағаласа, зейнетақы, ең төменгі жалақы мен жәрдемақыларды да индексациялауға тура келетін еді», – деді экономист.

Маманның айтуынша, үкімет 2023 жылға болжам жасағанда Ресей мен Украина арасында соғыс басталатынын білмеген. Соғыс жағдайына байланысты елге келетін көрші ел азаматтары туралы ақпарат та ескерілмеген. Бұған қоса, осы кезеңде дүниежүзінде нарық өзгерген.

Алматы энергетика және байланыс университеті және Ресейдің Қазан, Новосибирск және Севастополь қалаларындағы жоғары оқу орындарымен бірге «инженерлік тарату желілерін цифрлық модельдеу жөніндегі» жаңа бағдарламасы бойынша оқу жүйесін бастады. Жобаға қатысу үшін Қазақстан мен Ресейден 51 студент іріктеліп алынған.

Халықаралық бағдарлама бір жылға арналған. Үздік студенттер тағылымдамадан өте алады. Оқыту Energynet.LAB интеллектуалды бөлінген энергетика саласындағы ғылыми-білім беру зертханаларының базасында өтеді.

«Бағдарлама электр желілерін модельдеуге бағытталатын болады. Электр энергетикасы бизнес-процестерінің санасы мен түсінігін өзгертуге, сондай-ақ осы саладағы жаңа технологияларды тануына жол ашады», – деді конструкторлық бюроның қызметкері Артем Тарасов.

Оқыту бағдарламасы үш блоктан тұрады: теориялық және...