Жаңалықтар

Ұлттық экономика министрлігінің болжамына сәйкес, бюджет кірісі 2025 жылы 15,6 трлн теңгені құрайды. Ал 2027 жылға қарай бұл көлем 18,2 трлн теңгеге дейін артуы мүмкін. Бұл жайлы Мәжілісте Ұлттық экономика министрі Нұрлан Байбазаров айтты.

ҰЭМ 2025 – 2029 жылдарға арналған әлеуметтік-экономикалық даму болжамын ұсынды. Болжамның базалық сценарийінде мұнайдың бағасы барреліне 75 АҚШ доллары көлемінде, ал доллардың есептік бағамы 470 теңге көлемінде есептелген.

Солайша 2025 жылы ЖІӨ-нің нақты өсуі 5,6%-ды, 5 жыл ішінде жалпы ішкі өнімнің орташа жылдық өсуі – 5,4% құрайды деп болжанып отыр.

«Номиналды жалпы ішкі өнім 2025 жылғы 150,8 трлн...

2030 жылға дейін Ұлттық қорға 100 млрд доллар жиналуы үшін Үкімет 2026 жылдан бастап Ұлттық қордан алынатын қаржыны жылына 5 млрд долларға дейін қысқартуға тиіс. Бұл туралы Мәжілістің жалпы отырысында Ұлттық экономика министрі Нұрлан Байбазаров мәлімдеді.

Жиында депутат Наталья Савельева «Ұлттық қордан алынатын қаржы жыл сайын артып жатыр, ендеше 2030 жылға қарай қордағы қаржыны мақсатты 100 мың долларға қалай жеткіземіз» деп сұрады.

«Республикалық бюджет жобасына сәйкес, Ұлттық қордан 2 трлн теңге кепілдендірілген трансферттен бөлек, 3,3 трлн тгеңге нысаналы трансферт те алынады. Сонда жыл сайын ұлттық қордан 5,3 трлн теңге көлемінде ақша бөлінейін деп отыр...

Қазақстандық банктер «Золотая корона» төлем жүйесімен жұмыс істеуді тоқтатқаннан кейін, шетелге ақша аударымдары қысқарған. Осы жайлы мәліметті Ұлттық банк статистикасынан бақылауға болады.

Ұлттық банк ұсынған 2024 жылдың қыркүйек айына арналған есепте шетелге аударымдар қысқарған. Өткен айдың қорытындысы бойынша көрсеткіш 63,8 млрд теңгені (тамызға -17,4%), 131,6 мың транзакцияны (-28,3%) құрады. Аударым жүйелері арасында 71,2% үлесі бар «Золотая корона» әлі де көш бастап тұр. 

Бұған қоса, қыркүйекте Қазақстанға жасалған аударымдар да қысқарған: 18,5 млрд теңге (-7,5%), 55,9 мың транзакция (-6,1%).

Ұлттық банк дерегіне сүйенсек, негізгі ақша аударымдары «Золотая корона», Western Union, MoneyGram жүйелерімен жасалып отырған. Бұл үш жүйе жыл бойы көшбасшылық позициясын бермей келеді.

Қазақстаннан...

Changan Auto Kazakhstan ресми дистрибьюторы UNI-V жаңа SPORT комплектациясының сатылымы басталғанын хабарлады. Бұл жаңа модель заманауи технологиялар мен спорттық стильді бағалайтын жүргізушілерге арналған.

UNI-V SPORT моделі 1,5 литрлі төрт цилиндрлі қозғалтқышпен жабдықталған, оның қуаты 181 ат күшіне ие. Сонымен қатар жаңа модельде Super Race режимі қосылды, ол арнайы батырманы басқанда іске қосылып, артқы спойлер көтеріліп, қозғалтқышынан спорттық жарыс автокөлігіне тән дыбыс естіледі.

Күз-қыс мезгілінде ыңғайлы болуы үшін UNI-V SPORT рулінде жылыту, алдыңғы және артқы орындықтарында, сондай-ақ екі әйнегін электрмен жылыту және жаңбыр датчигімен жабдықталған.

Спорттық модельдің динамикасы мен жарқындығы сыртқы дизайнында да көрініс тапты. Дизайнерлер автомобильге автоматты түрде шығатын...

АҚШ еңбек нарығы баяулап келеді. Сондықтан қараша айында Федералдық резервтік жүйе (ФРЖ) мөлшерлемені 25 базистік тармақтан артық төмендетпейді деп болжап отыр нарық қатысушылары. Қытай үкіметі 10 трлн юань көлемінде жаңа қарыздық бағалы қағаздар шығаруды жоспарлауда. Бірақ оның басым бөлігі жергілікті қарыздарды қайта қаржыландыруға жұмсалмақ, бұл экономикаға дем беруге арналмаған. Осы және өзге де тақырыптар туралы 29 қазандағы әлемдік БАҚ шолуынан оқыңыздар.

АҚШ-та бос жұмыс орындарының саны 2021 жылдың қаңтар айынан бергі ең төменгі деңгейге түсті

ФРЖ үшін экономиканың маңызды көрсеткіші – АҚШ еңбек нарығы баяулап келеді. Қыркүйек айында елде жаңа бос жұмыс орындарының саны жасалған болжамдардан да төмендеді деп...

Келесі жылы Ресейде азық-түлік бағасы 8-20%-ға қымбаттайды. Бұл туралы Экпортерлер мен импортерлер қауымдастығының вице-президенті, «Лекс Альянс» заңгерлік компаниясының басқарушы серіктесі Артур Леер мәлімдеді.

Болжам бойынша, сүт шамамен 10-15%-ға, яғни бір литрі 90 рубльге (460 теңге) дейін қымбаттайды. Ет өнімдерінің бағасы да елеулі түрде өспек. Сиыр етінің бір келісі 800 рубль (4 мың теңге) тұратын болады.

Импорт тапшылығы болса, жеміс-жидек пен көкөніс бағасы 15,20%-ға шарықтауы мүмкін. Картоптың бір келісі 40 рубльге (208 теңге) дейін көтеріледі. Ал қызанақ 150 рубльден (780 теңге) сатылмақ.

21 қазанда Ресейдегі жылдық инфляция көлемі 8,52%-ға жетті.

Ресейде азық-түлік бағасының қымбаттауы Қазақстан нарығына тікелей әсер етеді. Бұл...

Ұлттық қордан 2025-2027 жылдар аралығында 2 трлн теңге көлемінде кепілдендірілген трансферт бөлінеді. Бұл жайлы Мәжілісте Ұлттық экономика министрі Нұрлан Байбазаров айтты.

Министр депутаттар қарауына «Қазақстан Республикасының Ұлттық қорынан 2025-2027 жылдарға арналған кепілдендірілген трансферт туралы заң жобасын» ұсынды. Оған сәйкес, мұнайдың кесімді бағасы 2025 жылы барреліне 42,3 АҚШ доллары, 2026-2027 жылдарға барреліне 41 және 39,4 АҚШ доллары көлемінде бекітілген.

«Осыны ескере отырып Ұлттық қордан кепілдендірілген трансферттің мөлшері 2025-2027 жылдарға жыл сайын 2 трлн теңге көлемінде айқындалды. Жоспарлы кезеңде Ұлттық қордық таза валюталық активтері болжам бойынша 2025 жылы 62,2 млрд АҚШ долларын, 2026-2027 жылдары 69,9-78,7 млрд...

Қырғызстан президенті Садыр Жапаров елдің мемлекеттік әнұранын ауыстыру туралы бастаманы қолдайды. Бұл туралы ол «Кабар» ақпараттық агенттігіне берген сұхбатында айтты. 

Президенттің айтуынша, елдің қазіргі әнұраны өзектілігін жоғалтқан. Себебі 33 жыл бұрын жазылған.

«Оны жаңартудың несі жаман? Қазіргі әнұран 33 жыл бұрын біз тәуелсіздікке қол жеткізген кезде жазылған. Бұл ән қырғыз халқына: «Енді сенің тағдырың сенің қолыңда, алға жүр» деген үндеумен қуанышпен және толқумен жазылды. Содан бері 33 жыл өтті. Біз толыққанды мемлекетке айналдық. Бізді бүкіл әлем біледі. Сонымен, жүз жылдан кейін біз «бостандыққа қол жеткіздік және тәуелсіз ел болдық» әнін жалғастырамыз ба? – деді президент.

Шымкентте Қазақстан шахмат федерациясы Халықаралық шахмат федерациясының және Freedom Holding Corp компаниясының қолдауымен ұйымдастырған әйелдер арасындағы 2024-2025 жылғы ФИДЕ Гран-приінің 2-ші кезеңі басталды.

Шымкенттегі турнирге әлемнің үздік он шахматшысы келді, олардың арасында Қазақстан әйелдер құрамасының көшбасшысы – 45-ші шахмат Олимпиадасының күміс жүлдегері Бибісара Асаубаева да бар.

Шахмат федерациясының мәліметінше, турнирдің жалпы жүлде қоры 80 000 еуроны құрайды, ал, финалдық кезеңде 120 000 еуро қорытынды кестесінде үздік он қатысушы арасында бөлінеді.

Сонымен қатар, гран-при сериясында ең көп ұпай жинаған екі қатысушы ФИДЕ 2026 жылғы турнирге қатысу құқығына ие болады.

Еске сала кетейік, қазақ айында Шымкентте шахматта бірнеше турнир өтті. Бұған...

24-28 қазан аралығында Каспий теңізінің жағалауынан 289 итбалықтың өлексесі табылды. Бұл туралы ғалым Әсел Баймұқанова әлеуметтік желіде жазды.

Ғалымның жазуынша, итбалықтардың бір бөлігінде арқанға оралған, бір бөлігінде балықшылардың торынан алған жарақаттар бар. Жүкті болған аналықтар саны да біршама. Алайда ешқандай жарақатсыз қайтыс болған итбалықтар да бар.

Ғалым олардың өлімдерінің себебін іздеу қиын болатынын жазған. Оған тек биологтар ғана емес, экологтар, технологтар мен химиктерді шақыру керек екендігін атап өткен.

«Солтүстік Каспийдің келуіне әлі ерте. Әрі итбалықтар ұрықтандырып, жүкті бола алуы олардың денсаулықтарында кінәрат болмағанын көрсетеді. Демек олар жүкті болады, сосын белгісіз жағдайдан кейін қайтыс болады», – деп жазған ғалым.

Ақтаулы...

Ұлытау облысында көктемгі су тасқыны кезінде үйлердің су астында қалуына себепші болған басшыларға қатысты тергеу аяқталды. Бұл жайлы Қаржы мониторингі агенттігінің баспасөз қызметі хабарлады.

«Қаржылық мониторинг агенттігі Ұлытау облысы Табиғи ресурстар басқармасының басшысына қатысты лауазымдық өкілеттіктерді теріс пайдалану фактісі, сондай-ақ «Жезді өзенін санациялау» жобасы шеңберінде тиісті түрде жұмыс атқармаған тұлғаларға қатысты қылмыстық істерді аяқтады», – делінген баспасөз хабарламасында.

Агенттіктің хабарлауынша, тергеу барысында құрылыс нормалары дұрыс орындалмаған және жобалау құжаттамасынан да ауытқулар анықталған. Нәтижесінде бұл олқылықтар Жезді өзенінің су өткізу қабілетінің төмендеуіне алып келген.

Ал облыстың табиғи ресурстар басқармасының басшысы бұл жұмыстарды...

Саран әкімі Еркін Баулықов жылу беру маусымының басталуында жіберген олқылықтары үшін қызметінен босатылды. Бұл туралы Қарағанды облысының әкімдігі хабарлады.

«Қарағанды облысы әкімінің өкімімен Саран қаласының әкімі Еркін Баулықов қалада жылу беру маусымының басталуында олқылық жібергені үшін атқаратын қызметінен босатылды», – делінген хабарламада.

Әкімдіктің мәліметінше, Саран қаласы әкімінің міндетін осыған дейін оның орынбасары болған Мақсат Қайрешов уақытша атқарады.

Баулықов Саран қаласының әкімі қызметінде бір жылдан астам ғана уақыт отырды.

Еске сала кетейік, қазан айының ортасында құрылысы 10 жылға созылып, биыл салынып біткен жаңа орталық қазандықтағы ақауларға байланысты Сарандағы 168 үй жылусыз қалған еді.

15 қазан күн...

30 қазанда Қытай үш ғарышкер отырған «Шэньчжоу-19» кемесін өзінің орбиталық станциясына аттандырды. 

Қытайдың жеке «Тяньгун» («Аспан сарайы») орбиталық станциясына аттанған ғарышкерлер қатарында әйел адам бар. Ол бұл станцияға жол тартқан алғашқы әйел болмақ.

Үш ғарышкер алты ай бойы станцияда қызмет етіп, ғылыми зерттеулер жүргізуі тиіс.

«Шэньчжоу-19» ғарыш кемесі Цзюцюань ғарыш айлағынан ұшырылған. Оны әуеге көтеру үшін қытайлық «Чанчжэн-2F» зымыран тасымалдауышы қолданылған.

Цзюцюань ғарыш айлағы Қытайдың солтүстік батысында Моңғолия шекарасына жақын Ганьсу провинциясында орналасқан. Бұдан бөлек, Қытайда тағы үш ғарыш айлағы бар: Шаньси провинциясында Тайюань, Сычуандағы Сичан және Хайнаньдағы Вэньчан айлақтары.

2021 жылы Қытай жеке ел ретінде өз ғарыш станциясын іске қосқан. Станция...

Алматыда боксшы Жанқош Тұраровқа қатысты зорлау айыбы бойынша сотқа дейінгі тергеу аяқталды. Бұл туралы Алматы полиция департаменті хабарлады.

Алматы қаласының полиция департаментінің мәліметінше, тергеу барысында сот-медициналық және сот-биологиялық сараптамалар жүргізілген және зорлау фактісі расталмаған.

«Іс жүргізу аясында сот-медициналық және сот-биологиялық сараптама жүргізіліп, қорытындысы бойынша зорлау дерегі расталмады. Қазақстан Республикасы Қылмыстық іс жүргізу кодексінің 35-бабы 1-бөлігінің 2-тармағы негізінде сотқа дейінгі тергеуді тоқтату туралы түпкілікті шешім қабылданды. Әуезов аудандық прокуратурасы бұл шешіммен келісті», – делінген хабарламада.

Еске сала кетейік, бұған дейін боксшының үстінен белгілі композитор Қалдыбек Құрманәлінің қызы Әнару Құрманәлі арыз түсірген еді.

Айта кетейік, 33 жастағы Жанқош Тұраров үйленген...

Италияндық Cassa Depositi e Prestiti мемлекеттік банкі Қазақстанда несие беру желісін ашуды жоспарлап отыр. Бұл туралы Қазақстан Сауда министрі Арман Шаққалиевпен кездесу кезінде Италия сыртқы істер министрінің орынбасары Эдмондо Чириелли айтты.

Қазақстанға ресми сапармен келген Чириелли италияндық мемлекеттік банктің несие желісін Қазақстанда ашуға ниеттеніп отырғанын айтты.

«Қазақстан Орталық Азияда негізгі орынға ие және Еуропаны өңірмен байланыстырады. Екіжақты сауда көлемі едәуір өсті және біз қол жеткізілген нәтижелерге қанағаттанамыз. Қазақстанда Cassa Depositi e Prestiti мемлекеттік банкінің несие желісін ашуды жоспарлап отырмыз», – деді Чириелли.

Кездесу барысында Сауда министрі Арман Шаққалиев екі ел арасында тауар айналымы туралы ақпарат...

Қытай билігі барлық деңгейдегі әкімшілік құрылымдарға, сондай-ақ партиялық және мемлекеттік органдарға жаңа энергия көзін пайдаланатын көліктерді (NEV) көбірек пайдалануды бұйырды. Көрші ел тапсырыс беру арқылы электр көліктерді өндірушілерді қолдау шараларын күшейтпек.

Үкімет нұсқауларына сәйкес, жыл сайынғы автокөлік сатып алудағы NEV үлесі кем дегенде 30% болуы керек деп жазды Қытай басылымына сүйенген Интерфакс. Сатып алынатын қызметтік көліктердің бағасы 180 мың юаньнан (25,2 мың доллар) аспауы қажет. Бұған қоса, билік электромобильдерді зарядтау станцияларын орнатуға ынталандырып отыр.

«Кейбір аймақтарда қазірдің өзінде осы саясатты ұстануда және оның аясының кеңейе түсуі BYD және Leapmotor сияқты брендтерді қоса алғанда, орташа баға...

Алматының экс-басшысы Бақытжан Сағынтаевтың бұрынғы күйеу баласы, Qazaq Banki акционері Ибрагимнің суицид жасауына ешкім кінәлі емес. Осындай қорытындыға келген тергеушілер айғақ таппай, істі жауып тастады. Бұл туралы KursivMedia-ға Алматы полициясы хабарлады.

«Жүргізілген жедел-іздестіру шаралары кешенінің нәтижелері бойынша Қазақстан Республикасы Қылмыстық кодексінің 35-бабы 1-бөлігі 2-тармағының негізінде қылмыстық іс тоқтатылды», – делінген хабарламада.

Ведомство бұл шешімді Алматы қаласы Алмалы ауданының прокуратурасы бекіткенін баса айтты.

Қылмыстық кодекстің бабына сай құрамында «қылмыстық құқық бұзушылықтың болмауына байланысты» іс қысқартылды деп көрсетілген.

Ибрагим 2018 жылы Германиядан экстрадицияланып, Bank RBK-дан ақша жымқырғаны үшін сегіз жылға бас бостандығынан айырылды. Ол 2024 жылдың басында...

2024 жылы америкалық арман орта есеппен 4,4 миллион долларды құрайды деген. Investopedia статистикасын TENGENOMIKA телеграм-арнасы назарға ұсынды.

Онда үй жағдайында өмір сүру бойынша орташа бағам болжаммен есептелінген. Оның ішінде үйлену, екі баланы тәрбиелеу, үй сатып алу, отбасына жаңа көліктер сатып алу, зейнеткерлікке ақша жинау, жыл сайынғы еңбек демалысы және тағы басқа шығындар қарастырылды.

Көпшілік көз тіккен Америкада зейнеткерлікке шығу үлкен дайындықты талап етеді. Ең кем дегенде зейнет жасына жеткенше қорға 1,6 миллион доллар жинақтау керек.

Ал үй сатып алу үшін 20% бастапқы жарна мен 30 жылдық ипотеканы ескере отырып, жалпы сомасы 930 мың АҚШ доллары қажет.

Одан кейін бір...

Қазақстандық кәсіпкерлер жеке халыққа қызмет көрсету орталығын ашып, мемлекеттік қызмет арқылы табыс таба алады. Мемлекеттік корпорация кейбір функцияларды жеке секторға бергісі келеді. Дегенмен әркім жеке деректерге қол жеткізе алмайды. Мұның бәрі кәсіпкердің серіктес болу жолын таңдауына байланысты. Жаңа жобаны қолға алған адамдар дербес деректің таралмауына жауапты болады.

«Азаматтарға арналған үкімет» үш сервисті ұсынады.

«Мемлекеттік корпорация агенті мекеме атынан мемлекеттік қызмет көрсетеді. Агент осы үшін ақы алады. Халыққа қызмет көрсететін жеке орталық құратындар «жүйе серіктесі» деп аталады. Сонымен қатар тағы бір жол ХҚКО сенімгерлік басқаруға беріледі», – деп түсіндірді мемкорпрация.

Серіктес болуға өтінімдер 28 қазан...

Қайрат Сатыбалдының мемлекетке қайтарған мүлкі аукционға қойылған. Алматыда құрылысы аяқталмаған «Орион» бизнес орталығының ғимараты аукционда 6,2 млрд теңгеге (қосымша құн салығын қоса алғанда, 12%) сатылды. Нысанның ауданы – 21,5 мың шаршы метр. Орталық 0,63 га жер телімінде орналасқан.

Аукцион 2024 жылдың 24 қазанында өткен. Кепілдік жарнасы – 110 760 мың теңгені құрады. Нысанды теңгерім ұстаушы – «Қайтарылған активтерді басқару компаниясы» ЖШС сатқан.

2024 жылдың тамызында Қазақстанның экс-президенті Нұрсұлтан Назарбаевтың немере інісі түрмеден босатылып, оған бас бостандығын шектеу жазасы тағайындалды. Ол 783 млрд теңгенің заңсыз мүлкін мемлекетке қайтарған.

2022 жылдың қыркүйегінде Қайрат Сатыбалдыұлы «Қазақтелеком» АҚ және «CFTS» АҚ жымқырғаны үшін алты жылға...

«ҚазАвтожол» АҚ Қызылорда – Жезқазған жолын жөндеу үшін Азия даму банкінен (АДБ) 291 млн доллар қарыз алады. Бұл туралыАДБ баспасөз қызметі хабарлады. Яғни банк несиесіне Қызылорда – Жезқазған тас жолының 208 шақырымы жаңғыртылады.

Жолды қалпына келтіру жол жүру уақытын төрт сағаттан екі сағатқа дейін қысқартады. Жоба жасанды кедергі жолақтарын орнатуды, қауіпсіз жаяу жүргіншілер өткелдерін жасауды және жол айрығын салуды қамтиды. Бұл шаралар жол-көлік оқиғаларының санын айтарлықтай азайтып, жолдың осы бөлігіндегі қауіпсіздікті күшейтеді.

«Реконструкция сонымен қатар көрші елдермен стратегиялық сауда жолдары болып табылатын Орталық Азия өңірлік экономикалық ынтымақтастық (ОАӨЭЫ) бағдарламасының үш дәлізі (1, 2 және 6) арасындағы...

KursivМedia Есіл жағасындағы Дариға Назарбаеваға тиесілі болған резиденцияның қора-қопсысы бұзылып жатқанын анықтады. Бұл туралы Астана қаласының сәулет, қала салу және жер қатынастары басқармасына арнайы сауал жолдады. Құзырлы орган мемлекеттік қызмет көрсету шеңберінде Тәшенов және Аман көшелерінің қиылысындағы нысандарды бұзуға рұқсат бергенін растады.

«Бұл жобаны іске асыру нысандарды бұзуды, аумақты игеруді қарастырады: жағалауды абаттандыру, сондай-ақ канал арқылы жаяу жүргіншілерге арналған көпір салу», – делінген басқарманың жауабында.  

Астана қаласының сәулет, қала салу және жер қатынастары басқармасының мәліметінше, бұл аудан көпорталық аясында дамитын болады. Бұл аймақта құрылыс салған кезде жайлылық деңгейін арттыру көзделеді. Яғни білім беру...

Өнеркәсіп және құрылыс министрі Қанат Шарлапаев Өскемендегі «Азия-Авто» кәсіпорнының тағдырына қатысты пікір білдірді. Ведомство басшысы кәсіпорынды сатып алатын инвестор табылмай жатқанын айтады.

«Азия-Авто» кәсіпорны жұмысын тоқтатқан уақытта сол кезде облыс әкімі болған Даниал Ахметов сот процестері өткеннен кейін басқа инвестор келетінін мәлімдеген. Тіпті сол кездің өзінде бірнеше инвестор қызығушылық танытып отырғанын да айтқан. Осындай мәліметті келтірген БАҚ өкіліне министр Шарлапаев экс-әкімнің сөзі үшін жауап бермейтінін айтты.

«Азия-Автоның» тағдыры туралы айтатын болсақ, әркім өз сөзіне жауап береді. Бұрынғы әкімнің не айтқанын білмеймін, естіген жоқпын. Бірақ, әрине, осындай үлкен аумақ болса, үлкен ғимарат болса, инфрақұрылыммен қамтамасыз етілсе, оны...

Қазақстан қор биржасындағы кешгі саудада теңге сараланған бағамы дүйсенбімен салыстырғанда 0,8%-ға (3,89 теңгеге) құнсызданып, 1 долларға 491,70 теңгені құрады.

Өткен аймен салыстырғанда ұлттық валюта бағамы 10,24 теңгеге әлсіреген. Қазақстанның ақша айырбастау пунктерінде доллар 491-495 теңге аралығында сатылып жатыр. Төл валютаның күрт құлдырауына не себеп? «Курсив» тілшісі мұның себебін экономист Бауыржан Шурмановтан сұрады.

Сарапшы мұны соғыс салдарынан Ресей экономикасында туындаған мәселермен байланыстырды. Оның пайымынша, рубль құнсызданып, Қазақстанның төл валютасына қысым жасап жатыр.

«Ресей соғыстың зардабын енді тарта бастады. Соғыс, санкциялар РФ экономикасын әлсіретті. Қазір қолға алынған шаралар көмектеспейді. Олар бұған көне бастады...