Жаңалықтар

Сауда-саттық қорытындысы бойынша, 12 мамырда теңгенің нарықтық бағамы екі аптада 1,6%-ға (453,39 теңгеден) нығайып, 1 АҚШ доллары үшін 445,99 теңге деңгейінде қалыптасты. Бұл туралы Ұлттық Банк баспасөз қызметі хабарлады.

2023 жылғы  28 сәуір мен 12 мамыр аралығында сыртқы валюта нарығында бірқатар маңызды оқиға болды.

Мысалы, АҚШ ФРЖ инфляциялық қысымды азайту мақсатында мамыр айындағы отырыстың қорытындысы бойынша базалық мөлшерлемені тағы да 5,00-5,25%-ға дейін 25 базистік тармаққа көтерді. Сәуірдегі инфляция туралы деректерде бағаның күткеннен де аз, яғни жылдық есеп бойынша 4,9%-ға өскені көрсетілді. Өндірушілердің сәуір айындағы баға индексі ж/ж 2,3%-ға өсіп, 2021 жылғы қаңтардан бері ең төменгі өсімді көрсетті.

«ҚазТрансОйл» АҚ «Роснефть» ҰК» ЖАҚ-мен Ресей мұнайын Қазақстан Республикасының аумағы арқылы Қытай Халық Республикасына тасымалдау бойынша қызметтер көрсетуге арналған шартқа қосымша келісім жасасты. Бұл туралы «ҚазТрансОйл» АҚ жұртшылықпен байланыс және ішкі коммуникациялар департамент баспасөз қызметі хабарлады.

Құжат 2013 жылғы 24 желтоқсандағы Ресей Федерациясының Үкіметі мен Қазақстан Республикасының Үкіметі арасындағы Ресей мұнайын Қазақстан Республикасының аумағы арқылы Қытай Халық Республикасына тасымалдау саласындағы ынтымақтастық туралы келісімге өзгерістер мен толықтырулар күшіне енген күннен бастап күшіне енеді.

«ҚазТрансОйл» АҚ мен «Роснефть» ҰК» ЖАҚ арасындағы шартқа қосымша келісім шартты 2034 жылғы 1 қаңтарға дейін ұзартуды, жылына 10 млн тонна Ресей мұнайын Қытай Халық Республикасына тасымалдауды...

 QazaqGaz компанияның Басқарма Төрағасы Санжар Жаркешов Астанадағы Қазақстан жер қойнауын пайдаланушылар форумында 2025 жылы IPO-ға шығу жоспарын растады.

Ол QazaqGaz ішкі нарықты субсидиялау салдарынан жыл сайын 180 млрд теңге жоғалтқанын, газды тұтынушыларға текше метріне 15 теңге бағамен, өзіндік құны 24-25 теңге сатқанын еске салды.

«Егер біз сол бағытта жүре берсек, онда IPO сәтті болмайтыны анық. Осыған байланысты біз реформаны енгіздік және 2025 жылға қарай өз пайдасын беруі тиіс», – деп атап өтті компания басшысы.

Ішкі сұранысты оңтайландыру үшін QazaqGaz газ тарифтерін саралайды. Сонымен қатар, QazaqGaz өз аумағында жеке жылыжай, жатақхана мен басқа да нысандарды орналастыра отырып...

Тиісті бэкграундсыз, курс оқып, бағдарламалаушы болу мүмкін бе? Көп орталықтың ішінен сапалысын қалай таңдау керек? Олар классикалық университетке бәсекелес пе, әлде серіктес пе? IT саласына сұраныс артқан сайын ұсыныс та көбейді. Осы тақырыпты DAR University директоры, жоғары білім беру саласында бірнеше жылдық тәжірибесі бар Гүлиза Бөлекбаевамен талқыладық. 

– Гүлиза Хайроллақызы, университетте сабақ беруден мол тәжірибеңіз бар. Еліміздегі IT саласының жағдайынан да хабардарсыз. Отандық оқу орындарындағы білім сапасы қандай? Бәсекеге қабілетті деп айта аламыз ба?

– Академиялық ортадан бизнеске ауысқан кезімде мұндағы талап пен қажет басқаша екенін байқадым. Классикалық университеттің міндеті — студентті жан-жақты етіп шығару. Мысалы, философия, әлеуметтану оқытылады. Оны...

Лондон ICE биржасында өткен сауда-саттықта TTF индексі бойынша маусым айындағы газ фьючерстерінің құны мың текше метр үшін 360 доллардан төмен түсті. Бұл туралы lenta.ru агенттігі хабарлады.

Еуропадағы газдың биржалық бағасы өткен жылдың соңынан бастап төмендеуді жалғастыруда. 2023 жылдың басынан бастап газдың бағасы екі еседен астам төмендеді.

Газ бағасы Еуропадағы жылы және желді ауа-райына, сондай-ақ отынды тұтынуда үнемдеу шараларына байланысты төмендейді.

ЕО жерасты қоймаларындағы газ қоры осы уақытта рекордтық деңгейге жетті.

G7 елдері ішінара Ресейге қарсы сауда эмбаргосын салу жөнінде келісімге келді, деп хабарлайды The Moscow Times.

G7 елдері Ресейге қарсы ішінара сауда эмбаргосын енгізуге келісуге жақындап қалды. Егер эмбарго салынса, кейбір тауарлардың ерекше сезімтал санаттарына қатысты санкция күшейеді. Бұл туралы Reuters агенттігі 19-21 мамырда Хиросимада өтетін G7 саммитіне дайындық барысымен таныс дипломаттарға сілтеме жасай отырып хабарлаған.

АҚШ Батыс одақтастарынан жаңа санкция механизмін бекітуін күтеді.  Егер одақтастар келісімге келсе, «ақ тізімге» енгізілген тауарларды қоспағанда, Ресейге саудаланатын кез келген экспортқа тыйым салынуы мүмкін.

Агенттіктің мәліметінше, Ақ үй тауарлардың барлық санатына сауда эмбаргосын енгізуді ұсынған. Алайда бұл ұсыныс «Жетіліктің» қолдауына...

Фото: Асқар Ахметуллин

Мәжіліс депутаты Екатерина Смышляева Үкіметтің цифрландыру саласындағы жұмысын сынға алды. Ол депутаттық сауалын премьер-министрдің орынбасары Алтай Көлгіновке жолдады.

«AMANAT партиясы бағдарламасының міндеттерінің бірі – балалардың қосымша білім беру қызметіне қолжетімділігін қамтамасыз ету. Бұл мүмкіндік жан басына шаққандағы қаржыландыруы есебінен қамтамасыз етілуі керек еді.Алайда бұл мүмкіндікті жүзеге асырудың тиісті механизмі әлі табылмады. ArtSport-қа қатысты жанжал әлі басылған жоқ, ал жаңа цифрлық құралдар таңғалдырады», – деді Екатерина Смышляева Мәжілістің жалпы отырысында.

Оның айтуынша, ата-аналар арасында орындарды бөлу «жылдамдық» бойынша жүріп жатыр.

«Мысалы, Алматы порталындағы орындар 40 секундта таусылған. Ашығын айтқанда, Үкімет мұндай «әділ» және...

Судандағы қарулы қақтығыстардың басталғанына бір ай болды. Бұл туралы Хабар 24 хабарлады.

БҰҰ-ның мәліметі бойынша, жергілікті армия мен арнайы күштер арасында жандал құрбандарының саны  700-ге жуықтап қалған. Мыңдаған адам жараланған.

Қазір тұрғындардың жағдайы ауыр халде, адамдар үйлерінен шығуға қорқады. Халық азық-түлік пен ауыз суға зәру. Ел аумағында интернет пен байланыс жүйесі жұмыс істемей тұр.

Халықаралық сарапшылар Суданға гуманимарлық дағдарыс, қаупі төніп тұр деп дабыл қағуда.

БҰҰ-ның өкілдері елдегі шиеленіс тыйылмаса 19 млн адам жақын арада аштыққа ұшырауы мүмкін дейді.

Жалпы шиеленіс ел астанасы Хартумде сәуірдің 15-і күні басталған еді. Содан бері 115 мың адам елін тастап...

Қасым-Жомарт Тоқаев 70 жылдығын атап өтуді жоспарлап отырған жоқ. Бұл туралы Президенттің баспасөз хатшысы Facebook парақшасында жазды.

«Президенттің Баспасөз қызметіне бұқаралық ақпарат құралдарынан Мемлекет басшысы туған күнін қалай атап өтетіні туралы сұрақтар келіп түсіп жатыр. Осыған орай ешқандай іс-шара жоспарланбағанын хабарлаймыз. Президент мұндай шараларды қолдамайды», деп жазды Руслан Желдібай.

Оның дерегінше Мемлекет басшысы 17 мамыр күнін жұмыс кестесіне сай өткізеді.

«Бұған дейін хабарлағанымыздай, бұл күні Қасым-Жомарт Тоқаевтың Қытайға мемлекеттік сапары басталады. Қазақстанда да, ҚХР-ға сапар аясында да Президенттің туған күніне байланысты ешқандай іс-шара өткізілмейді» деді Руслан Желдібай.

Қасым-Жомарт Тоқаев 17-19 мамырда...

Фото: kursiv.media

Жамбыл облысында 800 млн теңге субсидияға жалған шот-фактура жазып бергендер ұсталды. Бұл субсидия ауыл шаруашылығын дамытуға бөлінген, деп хабарлайды ҚР Қаржы мониторингі агенттігі.

ҚМА Жамбыл облысы бойынша Департаменті шаруа қожалықтарының реквизиті мен құжатын пайдалана отырып, жалған шот-фактуралар жазып берген бірнеше тұлғаға қатысты қылмыстық істі тергеп жатыр. Шот-фактура өткізілгенімен, тауары да жоқ, қызметі де көрсетілмеген.

«Жалған шот-фактуралар субсидияланатын таңқурай түрлерін жеткізуге жазылып, кейін шаруа қожалықтарының атынан субсидия алуға электронды өтінім берілген. Тексеру нәтижесінде фермерлерде таңқурай егістік алқаптары жоқ болып шықты. Аталған азаматтар мемлекеттен 800 млн теңгеден астам сомаға субсидия алған. Алаяқтық фактілері бойынша 4 қылмысты...

Bank of America  аналитиктері  технологиялық компаниялардың рецессияға байланысты құлдырауын болжайды, деп жазады РБК басылымы Bloomberg агенттігіне сілтеме жасап.

Bank of America сарапшылары рецессия дәл 2008 жылғы құлдырау тұсындағыдай қаржы және технология секторларына әсер ететінін айтады. Қазіргі рецессияға қатысты қорқыныш бұл үрдісті үдете түсуі мүмкін.

Соған қарамастан, технологиялық акцияларға құйылған инвесторлық қаражаттың апта сайынғы көлемі 2021 жылдың желтоқсанынан бері ең үлкен көрсеткіштерге көтерілген. Ал «10 мамырда инвесторлар АҚШ-тың технологиялық секторына 3,8 миллиард доллар құйды», деп хабарлады BofA EPFR Global мәліметтеріне сілтеме жасап.

Ал екінші жағынан, бір апта ішінде қаржы қорларынан 2,1 миллиард долларға жуық қаражат шығарылған. Бұл 2022 жылдың мамырында...

Кәсіпкерлікті дамытуға қатысты конкурс жарияланды. 2021-2025 жылдарға арналған ұлттық жоба шеңберінде гранттық қаржыландыру беру бойынша өткізілетін бұл конкурстың бюджеті 545 млн теңгені құрайды.

Ұйымдастырушысы – Алматы қаласы Кәсіпкерлік және инвестициялар басқармасы.  Конкурсқа өтінімдер «Электрондық Үкімет» веб порталында орналасқан, «Kezekte.kz» ақпараттық жүйесі арқылы қабылданады. Бұл порталға кез келген уақтта өтінім беруге болады.

5 млн теңге көлеміндегі қаражат Қазақстан Республикасы Үкіметінің 2019 жылғы 31 желтоқсандағы № 43 қаулысымен бекітілген Кәсіпкерлікті дамыту жөніндегі 2021-2025 жылдарға арналған жобасына сәйкес экономиканың басым секторларында мемлекеттік гранттар ісін жаңа бастаған кәсіпкерлерге, оның ішінде ісін жаңа бастаған жас кәсіпкерлерге өтеусіз негізде беріледі.

«Кәсіпкер өтінішті веб порталда тіркеген...

Фото: БЦК

ЦентрКредит банкі 2022 жылға жай акциялар бойынша дивиденд төлемейді. Қаржы ұйымы Қазақстан қор биржасын (KASE) 12 мамырда өткен акционерлердің жылдық жалпы жиналысының шешімі туралы хабардар еткен.

Осылайша, банк өз шотында бөлінбеген пайда түріндегі 144,9 млрд теңге көлемінде таза кірісті қалдырады. ЦентрКредит банктің шешімі ҚНРДА-ның мемлекет көмегін алған банктердің дивидент төлеуін шектеу туралы әзірлеп жатқан заң жобасы аясындағы болжамды қадамы. Өйткені мемлекет қолдауын алған банктердің арасында ЦентрКредит банкі де бар.

Банктің ексерілген қаржылық есебіне сәйкес, ЦентрКредит банкінің кірісі былтыр екі есе өсіп, 282,8 млрд теңгеге жеткен. Таза пайда жеті есе өсіп, 145,1 млрд теңгені құрады.

Курсив...

Фото: kursiv.media

Мәжіліс депутаты Асхат Рақымжанов бір жылда емханаға бармаған азаматтарға медициналық сақтандыруға кеткен қаражатының жартысын қайтарып отыру керек деп санайды. Өйткені ол қаражат азамат ауырса да,ауырмаса төленеді Премьер-Министрдің орынбасары Алтай Көлгінов пен Денсаулық сақтау министрі Ажар Ғиниятқа жолдаған сауалында ЖСДП депутаты МӘМС мәселесін көтерді.

«Адамдардың ақшасы желге ұшпауы керек, көп ауыратын азаматтар үшін басқалар төлем төлеуге міндетті емес», деп санайды халық қалаулысы.

Депутат МӘМС жүйесінде олқылықтадың көп екеніне тоқталды. Ол медициналық ұйымдарда бөлінген мемлекеттік қаражаттың ашықтығына қатысты біраз мәселе бар екенін де тілге тиек етіп, цифрландыру үрдісі кенжелеп қалғанын айтты.

«Қазақстандағы экономикалы...

Фото: shutterstock.com

Еуразиялық даму банкі басқарма төрағасы Николай Подгузов Әзербайжан, Түркіменстан елдерінің ЕАДБ-ға қосылуына байланысты пікір білдірді. Бұл пікірін ол Алматыда өтіп жатқан ірі инфрақұрылымдар мен ESG-жоба инвесторларының халықаралық конференциясы, оған қоса Азия және Тынық мұхит аймақтық даму институттарының қауымдастығы (ADFIAP) мүшелерінің 46-шы кездесуінде айтты.

«Мен банк қатысушылары сапында Түркіменстан және Әзербайжанды көргім келеді. Бұл елдер біртіндеп банкке қосылады деп сенемін. Қазір біз даму институты қатысушылары құрамына кіру бойынша Өзбекстанмен белсенді келіссөз жүргізіп жатырмыз. Көптеген ұстанымдар тұрғысынан жақын болып тұрмыз. Әзірге аталған мемлекет – банкке кіруі мүмкін бірден бір кандидат», деді ол. 

Ол сондай-ақ Орталық Азияның инфрақұрылымды...

Фото: shutterstock.com

Мәжіліс депутаты Ермұрат Бапи Қазақстан Республикасы Ұлттық Банкінің төрағасы Ғалымжан  Пірматовқа  сауал жолдап, онда банктердің дивидент төлеуін тоқтататын құжат қабылдауды ұсынды.

2017 – 2021 жылдары экс-президент Нұрсұлтан Назарбаевтың тікелей нұсқауы мен қолдауы бойынша, Қазақстан Үкіметі республикадағы банк секторына орасан зор қаржылық «көмек» көрсетті. Ол көмектің аты «сауықтыру» деп аталған.

«Естеріңізге салайын: триллион теңгемен өлшенетін бұл «сауықтыру» көмегі болашақ ұрпаққа деп белгіленген Ұлттық қордың есебінен берілді. Ұлттық қордың есебінен тойынған банктер өз акционерлеріне дивидент төлеп жатыр. Миллиардтаған доллар көмек алған банктер халықтың қарызын қайтармай тұрып, неге басқаларға дивиденд төлейді? Мәселен, алдағы маусым айында «Халық банкі» өз акционерлеріне...

ҰҚК төрағасының орынбасары Марат Қалқабаев Қазақстанның тұңғыш президенті Нұрсұлтан Назарбаевтың немере інісі – ҰҚК төрағасының бұрынғы орынбасары Самат Әбіш қаңтар оқиғасы бойынша неге жауапқа тартылмағанын айтты.

«Cамат Әбіш қайда? Ол неге жауапқа тартылмады?», деп сұрады журналист Мәжілістің жалпы отырысынан кейін.

«Бұл сұраққа жауабым қысқа болады. Сұраққа жауапқа беруге құзыретім жетпейді. Құқықтық бағаны құқық қорғау органдары, Бас прокуратура берді. Іс бойынша тергеуді ведомствоаралық жедел тергеу тобы жүргізді», – деді төраға орынбасары.

Сондай-ақ ол Самат Әбіштің қазір қайда екенін білмейтінін айтты.

«Білмеймін. Пікір білдіре алмаймын. Ол кісі жұмыстан кетіп қалды. Қателеспесем, Самат Әбіш жұмыстан ақпанда шықты. Ол...

Азия-Тынық мұхит аймағын дамыту қаржы институттары қауымдастығының 46-шы жылдық жиналысы, сондай-ақ инфрақұрылым және ESG-жобалардағы ірі инвесторлардың халықаралық конференциясы өтті. Шараны Еуразиялық даму банкі (ЕАДБ) ұйымдастырды. Конференцияға әлемнің 40-тан астам елінен 240 делегат қатысты.

Конференцияда сөз сөйлеген Премьер-министрдің орынбасары – Қаржы министрі Ерұлан Жамаубаев Мемлекет басшысы Қасым-Жомарт Тоқаевтың шетелдік инвестицияға айырықша мән беретінін жеткізді.

«Елімізде шетелдік капиталы бар 40 мыңға жуық компания жұмыс істейді. Бұл көрсеткіш жыл сайын артып келеді. Қазақстан жоғары дәрежедегі кредиттік рейтингтерге ие. Ғаламдық сын-қатерлерге қарамастан, ағымдағы жылғы І-тоқсанда жалпы ішкі өнім өсімі 4,9 пайызды құрады. Елдің экономикалық тұрақтылығы халықаралық резервтермен қамтамасыз етіледі. Оның көлемі шамамен...

Фото: shutterstock.com

Қазақстан спорт саласын жемкорлық жайлаған елдердің ондығына енді. Sportradar спорттық сараптама компаниясының мәліметінше, 2022 жылы 1212 спорт матчы өте күмәнді өткен. бұл 2021 жылмен салыстырғанда 307 матчқа (34%) көп. Әлем бойынша өткізілген бүкіл күмәнді матчтардың жартысына жуығы осы он елге тиесілі. Қазақстан 2022 жылы 43 күмәнді ойынмен антирейтингте 4-орынға тұрақтаған.

Бразилия(152 күдікті матч), Ресей(92 матч) мен Чехияда (56 матч) жағдай Қазақстанға қарағанда нашар болса, Қытай (41 матч), Грекия (40 матч) мен Аргентинада (39 матч) Қазақстаннан жақсырақ.

Sportradar сарапшыларының пікірінше, спорттағы күмәнді матчтардың өсуіне 2022 жылы әлемнің көп бөлігін шарпыған экономикалық күйзеліс...

Фото: ҚР Премьер-министрінің баспасөз қызметі

Жылу энергиясы тарифін уақтылы өзгерту жылу желілері мен ЖЭО күрделі жөндеуді дер кезінде бастауға мүмкіндік береді. Ал коммуналдық кәсіпорындар тарифті түзету және жаңғырту процесін бастау үшін қажетті құжаттаманы баяу дайындап жатыр. Бұл туралы ҚР Премьер-Министрі Әлихан Смайылов Қазақстан Республикасы Президентінің сайлауалды бағдарламасын іске асыру жөніндегі республикалық штаб отырысында айтты.

«Бұл процесті созбалаңға салуға болмайды. Желілер мен станцияларды күрделі жөндеу жұмыстарын жедел бастау маңызды. Бұл – кезек күттірмейтін міндет. Әсіресе, бұл – құрылыс маусымы қысқа және жылу беру кезеңі ерте басталатын солтүстік өңірлер үшін өзекті мәселе», — деді Премьер-Министр.

Үкімет басшысы...

Фото: shutterstock.com

Жұма күні Dow Jones сәл төмендеп, ал S&P 500 және Nasdaq 100 ұзақ мерзімді тұтыну инфляциясы болжамының күтпеген қысымы және мемлекеттік қарыз көлеміне қатысты алаңдау әсерінен 0,2% және 0,4% төмендеді.

Мичиган университеті есебіне сәйкес, тұтынушылардың көңіл-күйі мамыр айында нашарлаған. Кейінгі 5 жылдағы инфляция болжамы 2011 жылдан бергі ең жоғары деңгейге жеткен. PacWest акциялары құлдырауын жалғастырып, 3%-ға арзандады. Tesla компаниясы АҚШ-тағы өзінің Model X және Model S көліктерінің бағасын көтергендіктен, акциялары 2,4%-ын жоғалтты.

Жұма күні Еуропа нарығының акциялар жасыл түске боялып, жақсы корпоративтік нәтижелерге байланысты Stoxx 600 0,4% және DAX 0,5% өскен Richemont (+3,5%) акциялары Қытайдан...

Қаңтар оқиғасына қатысты іс бойынша Ұлттық қауіпсіздік комитетінің 11 қызметкері сотқа тартылды. Бұл туралы Мәжіліс отырысында ҰҚК төрағасының орынбасары Марат Қалқабаев мәлімдеді.

«ҰҚК-нің 11 қызметкері қылмыстық жауапкершілікке тартылды. Кей іс бойынша тергеу аяқталды. Қылмыстық жауапкершілікке тартылды. Сонымен қатар ҰҚК-да қаңтар айындағы оқиғалар бойынша бірден кешенді қызметтік тергеу жүргізілді. Бұйрық талаптарына және қызмет атқару тәртібіне, оның ішінде лауазымды тұлғаларға жауапкершілік беруге елеулі өзгерістер енгізілді», – деді Қалқабаев.

Айта кетейік, Мәжілісте «Қазақстанның кейбір заңнамалық актілеріне ұлттық қауіпсіздікті қамтамасыз ету және Қазақстанның арнаулы мемлекеттік органдарындағы қызмет мәселелері бойынша өзгерістер мен толықтырулар енгізу туралы» заңның жобасы бірінші оқылымда мақұлданды.
Құжатты депутат Айгүл...

Фото: shutterstock.com

Алматы облысы кеден қоймасында алғаш рет 15 000-нан астам дәрі-дәрмектің қаптамасы таңбаланды, деп хабарлайды ДСМ. Цифрлық таңбалаудың мақсаты – цифрлық бақылау технологиялары арқылы көлеңкелі фармацевтикалық нарықты жою. Дәрілік заттарды таңбалауды дәрілік заттардың қаптамасының әрбір бірлігіне (бастапқы немесе қайталама) өндіруші/импорттаушы жүзеге асырады.

Қазақстанда дәрілік заттарды таңбалау жүйесі 2022 жылғы шілдеден бастап кезең-кезеңімен енгізіліп жатыр, қазіргі уақытта 90 атау дәрі-дәрмекке қолданылады.

Тауарларды цифрлық таңбалау және қадағалау жүйесі Қазақстан аумағындағы дәрілік препараттардың айналымын бақылауға мүмкіндік береді. Бұл айналымның ашықтығын қамтамасыз ету үшін бүкіл әлемде Track&Trace жүйелері қолданылады. Таңбалаудың арқасында ешбір тауар тауар айналымы тізбегіне еш жерден түсе алмайды.

Түркияда жексенбі күні президенттік сайлаудың бірінші кезеңі өтті. Алайда, үміткерлердің ешқайсысы бұл кезеңде қажетті 50 пайыз дауысты жинаған жоқ. Десе де Режеп Тайып Ердоғанның көші ілгері, деп хабарлайды ВВС.

Бұл нақты көрсеткіштер емес. Дауыс санау аяқталған жоқ. Қазіргі таңда қалған 3 пайыз бюллетеньдегі дауыстар саналып жатыр. Егер бұл дауыстар есебінде жағдай өзгермесе, жеңімпаз 28 мамырда өтетін екінші турда анықталады. Негізінен Түркиядағы бұл сайлауды көпшілік тарихи оқиғаға балайды. Себебі, Режеп Тайып Ердоған билік еткен 20 жылда оппозициялық кандидаттың жеңіске жету мүмкіндігі пайда болған.
Шамамен 98,38% бюллетень санақтан өткен. Онда Ердоған 49,34% дауыспен алда келеді. Ал оның басты бәсекелесі – алты...