Жаңалықтар

Алматыда көшеде ойнап жүрген 2 жасар бүлдіршінге шабуыл жасаған 13 жастағы аутизм диагнозы бар жасөспірімнің үстінен қылмыстық іс қозғалды. Оқиға балалар алаңында болған.

Алматы қаласының бала құқықтары жөніндегі уәкілі Диана Ерлан бұл жағдайға қатысты пікір білдірді. Оның айтуынша, жасөспірім екі жасар баланы жерге лақтырып, оның қолын сындырған. Аталған фактке қатысты қылмыстық кодекстің 107-бабы («Денсаулыққа қасақана орташа ауырлықтағы зиян келтіру») бойынша іс қозғалды.

«Алматы қалалық Психологиялық қолдау орталығы тарапынан психологиялық көмек ұсынылды. Жәбірленуші тарап 2 жасар бала, медициналық көмекпен қамтамасыз етілді, әрі қарай оңалту шараларынан өтеді. Қазір бала ата-анасымен бірге үйінде. 13 жастағы жасөспірім де...

Қазақстан Даму Банкі (ҚДБ) Алматыдағы екі қонақүй құрылысына миллиардтаған қаражат бөледі. Бұл туралы Kursiv.Media банк мәліметі мен қаралып жатқан жобалар тізіміне сүйене отырып хабарлайды.

Radisson қонақүйі

Жоспар бойынша, Алматы қаласында салынуы мүмкін Radisson Turkistan құрылысы 11,9 млрд теңгеге бағаланған. Бизнес-кластағы апарт-қонақүйге қажетті қаражаттың 7 млрд теңгесін (70%) ҚДБ бөледі.

«156 нөмірлі қонақүй Radisson брендінің халықаралық стандартына сай болады. Бренд қызмету көрсету сапасы жоғары, әлемнің қонақүй саласындағы көшбасшылардың бірі», – делінген банк мәліметінде.

ҚДБ дерегінше, қарыз алушы – Everest Development компаниялар тобына кіретін Upstate компаниясы. Оның бенефициары – Бағлан Нұрбосынов.

Кәсіпкер...

Көрерменнің ерекше ықыласына бөленген «Келінжан» телехикаясының алтыншы маусымына арнайы жаңа саундтрек жазылды. Танымал әнші Ұланғасыр Қами туындының ресми саундтрегін ұсынды.

Сериалдың продюсері Гүлнұр Мамасарипова әлеуметтік желідегі парақшасында қалың көрерменге арнап алғыс білдіріп, жаңа маусымның тұсаукесері 1 қыркүйекте сағат 21:45-те «Хабар» арнасында өтетінін еске салды. Алтыншы маусым 40 бөлімнен тұрады.

«Бұл маусым біз үшін ерекше. Сондықтан көрерменнің қолдауы аса қажет. Саундтректен бастап сериалдың әрбір бөлімі тың серпін сыйлайды деген сенімдемін», – деп жазды продюсер.

«Еуразиялық банк» АҚ-нің Өзбекстандағы еншілес ұйымының лицензиясы тоқтады. Елдің Орталық банкі осындай шешім қабылдады.

Банк лицензиясын алып тастауға жарғылық капиталының ең төменгі талаптарға сай болмауы себеп болған.

«Бұл шешім жарғылық капиталдың мөлшері заңнамада белгіленген ең төменгі талаптарға сәйкес келмеуіне, сондай-ақ банктер және банк қызметі туралы заңнаманың басқа да талаптарының орындалмауына байланысты қабылданды», – деп жазылған Орталық банк мәлімдемесінде.

«Өзбекстан Республикасы Орталық банкі туралы» заңның негізінде банк лицензиясын мәжбүрлеп жою және ликвидациялық комиссия құру туралы шешім қабылдады. Нақты қандай басқа да талаптар екені жайлы реттеуші нақтыламаған.

«Нацбанка» телеграм арнасының жазуынша...

Hyundai Elantra 2025 жылғы жаңартылған нұсқасының суреттерін жариялады. Бұған дейін тек қалың камуфляжбен жабылған көлік кузовын ғана көруге мүмкіндік болса, енді камералар алғаш рет ішкі салонды да көрсетті.

Басты жаңалық, Hyundai-дың жаңа Pleos OS операциялық жүйесіне негізделген мультимедиа. Орталықта – үлкен экран, ал цифрлық аспаптар панелі кішірейіп, алдыңғы әйнекке жақын орналасқан. Ал маңызды мәліметтер проекциялық дисплейге шығарылады.

Айта кетйік мұндай тәсілді Toyota да өз электр көліктерінде қолданып жүр.  Ал дәстүрлі түймешелер сақтала ма, жоқ па, ол жағы әзірге белгісіз.

Pleos OS жүйесі дауыс арқылы басқаруға басымдық береді, орнатылған нейрожүйе командаларды күнделікті сөйлесу стилінде түсіне алады. Яғни көлік жүргізушімен «еркін тілдесетін»

Орыстардың бәрі қазақша сөйлейтін Қазақстанның қаласы анықталды. Қазақ тілін үйрететін орталық тұрғындарға сауал қойып, бұған көз жеткізді.

QazLine орталығы «Шымкентте орыстардың бәрі қазақша сөйлейді» деген пікірдің рас екенін білу үшін этникалық орыстар арасында блиц-сауалнама жүргізген.

«Біз бұл теорияны тексеріп, Шымкентте шындығында да бәрі қазақ тілін білетініне көз жеткізіп отырмыз», – дейді орталық өкілдері.

Ұйымдастырушылар шымкенттік орыстардан «Қызғалдақ субұрқағына қалай баруға болады?» деп жол сұрайды.

Жолыққан адамдардың дені қонақжайлылық танытып, қазақ тілінде еркін жөн сілтей білген.

Бір қызығы, жастардың тілінде ешқандай мүкіс жоқ. Жас буын таза сөйлейтіні байқалып отыр. Орта жастағы, егде адамдарда акцент байқалғанымен, мемлекеттік...

Түркістан жедел жәрдем станциясының фельдшері 26 жасар Құдырет Мүтәліпов соққыға жыққан адамның үстінен қылмыстық іс қозғалды. Бұл туралы облыстық полиция департаменті хабарлады.

Департамент мәліметінше, Түркістан қаласында қызмет көрсету кезінде медицина қызметкеріне жасалған шабуыл фактісі бойынша қылмыстық іс қозғалған. Күдікті анықталып, полицияға жеткізілген.

«Алдын ала мәліметтер бойынша, жүкті науқасты тексеру кезінде оның жұбайы фельдшерді ұрып, денесіне зақым келтірген. Медицина қызметкері екінші тараппен татуласуына байланысты өтініш жазу мен кез-келген талаптан бас тартқан. Қазіргі уақытта болған оқиғаның барлық мән-жайын анықтауға бағытталған қажетті іс-шаралар жүргізілуде. Тергеу нәтижелері бойынша тиісті шешім қабылданатын болады», – делінген полиция хабарламасында.

26 тамыз күн...

Шымкент мұнай өңдеу зауытында екі жұмысшы қаза тапты. Бұл туралы  PetroCouncil Қазақстанның мұнай-газ ассоцияциясы хабарлады.

Апат туралы

Бұл ақпаратты ассоцияцияға «ПетроКазахстан Ойл Продактс» компаниясы растаған. Алдын-ала ақпаратқа сенсек, 2025 жылдың 26 ​​тамызында сағат 14:30-да Шымкент мұнай өңдеу зауыты кеңшарының аумағында апат болған. Салдарынан екі қызметкер қаза тапқан.

«Жеңіл көтергіштің аударылуы салдарынан мердігер «КРС» ЖШС-нің екі оқшаулағыш маманы қаза тапты. Оқиғаның мән-жайы анықталуда», – делінген ассоцияция хабарламасында.

Компания жұмыс тобы құрылып, оқиға себебін анықтауға кіріскенін хабарлаған. Ал зауыт жұмысын тоқтатпай штаттық режимде жұмысын жалғастырған.

Оқиғаға байланысты полиция қылмыстық іс...

Оқу жылы басталатын уақыт таяп қалды. Осы орайда Денсаулық сақтау министрлігінің Санитариялық-эпидемиологиялық бақылау комитеті ата-аналарға мектеп формасын таңдауға қатысты кеңес берді.

Мектеп формасын қалай таңдау керек?

Комитет балаларға сапалы әрі денсаулығына зиян келтірмейтін киім таңдаудың маңыздылығына тоқталған. Ол үшін мектеп формасын тек сатуға рұқсат етілген орындардан алу ұсынылған. Сонымен бірге тауарды сатып алмас бұрын, оның маркировкасы мен мата құрамына мән беру керек.

Мектеп формасынан өткір жағымсыз иіс шығып тұрса, алмаған абзал.

«Сауда объектісінде тауардың сапасы мен қауіпсіздігін растайтын құжаттары болуы керек», – деп есертеді комитет.

Аяқ-киімді қалай...

Бүкіл әлеуметтік желіні шулатқан 600 мыңның тортына қатысты сот процесі басталды. Бірақ ақысын төлеуден бас тартқан блогер Аселина Батыр алдын ала тыңдалымға қатыспады. Бұл жайлы кондитер Нұршат Ақбергеновтың адвокаты Аржан Сәдуақас мәлімдеді.

«Кеше алдын ала тыңдалым процедурасы өтті. Өкінішке орай, Аселина және оның өкілдері қатыспады. Енді екі аптадан кейін бірінші процесс басталады. Бірақ екінші тарап қатыспады, елемеді. Бұл негізінен – сотқа және процесс қатысушыларына деген құрметсіздік», – деді адвокат.

Оның сөзінше, Аселинаның сотқа келмеуі мәселені бейбіт түрде шешуден бас тартқаны дегенді білдіреді.

Құрақ көрпе тігуші кәсіпкер, блогер Аселина Батыр мен кондитер...

Қазақстанда есепшоттардан ұрланған ақшаны қайтару рәсімі жеңілдетілді. Енді күмәнді операциялар бойынша бұғатталған қаражатты қайтару үшін сот шешімі емес, прокурордың санкциясымен тергеу органдарының хабарламасы жеткілікті. Бұл туралы Ұлттық банк жаңа түзетулер аясында хабарлады.

Сонымен қатар, антифрод-орталықта күмәнді банк карталары мен электрондық әмияндардың дерекқоры құрылатын болды. Бұған қоса, күмәнді транзакцияларды бұғаттау мерзімі 3 күннен 5 күнге ұзартылды — бұл банктерге тексеру жүргізуге көбірек уақыт береді.

Сонымен қатар, банктік шоты алаяқтық күдікке байланысты бұғатталған тұлғалар үшін зейнетақы, шәкіртақы, жәрдемақы немесе жалақы аясында жүзеге асырылатын әлеуметтік төлемдер мен өзге де ақша аударымдарына қолжетімділік сақталады.

Сондай-ақ, Қазақстанда «дропперлік» үшін қылмыстық жауапкершілікті 

Сенат Төрағасы Мәулен Әшімбаев пен Шахмат федерациясының президенті Тимур Турлов ҚР Парламенті Палатасының Ашық шахмат кубогы – «Senat Open» республикалық турнирінің финалдық кезеңінің ашылу салтанатына қатысты. Биылғы жарысқа еліміздің түкпір-түкпірінен 3 мыңнан астам әуесқой шахматшы қатысып, өз бақтарын сынады.

Финалға жиналған қатысушыларды құттықтаған Мәулен Әшімбаев президент Қасым-Жомарт Тоқаевтың тапсырмасына сәйкес шахматты дамытуға ерекше назар аударылып отырғанын атап өтті. Оның айтуынша, 2027 жылға дейінгі шахматты дамыту жөніндегі кешенді жоспар қабылданған. Ал Сенат пен Қазақстан шахмат федерациясы бірлесіп ұйымдастырған «Senat Open» турнирі – осы бағыттағы маңызды бастамалардың бірі.

«Бұл турнир екінші рет өткізіліп отыр. Жыл сайын оған...

Жетісу облысында балық өнімдерімен айналыстан 4 компания заңда белгіленген нормадан көп балық экспорттап, мемлекетке 80 млрд теңге көлемінде залал келтірген. Бұл туралы Жетісу облысының прокуратурасы хабарлады.

Жетісу облысының табиғат қорғау прокуратурасы өңірдегі балық ресурстарының айналымына тексеріс жүргізген. Тексеріс жұмыстары барысында жергілікті серіктестіктердің Еуропа елдеріне балық өнімдерін заңсыз экспорттағанын анықтаған.

Балық шаруашылығымен айналысатын компаниялар сұр схемаларды пайдаланған. Мәселен, бір балық шаруашылығы субъектілері 20-дан астам еншілес кәсіпорын құрған.

Бұл еншілес компанияларда бекітілген су қоймалары болмаған және балық аулауға квота мен экспортқа рұқсат қағазы берілмеген.

Бірақ соған қарамастан кәсіпорын шетелге балық өнімдерін экспорттап отырған. Бір компанияға негізінен 270 тонна көлемінде...

Франция бір ғасырдан астам уақыттан кейін Мадагаскарға үш бас сүйекті қайтарды. Олардың бірі сакалава халқының XIX ғасырдағы патшасына тиесілі. Оның басын кезінде француз жауынгері шапқан. Бұл туралы Kursiv.Media CNN мәліметіне сүйене отырып хабарлайды.

Патша мен екі генерал

Франция билігі алғаш рет өзге елге адамның бас сүйегін қайтарып отыр. Себебі жергілікті үкімет 2023 жылы отанына жерлеу үшін адам қалдықтарын шетелге беруді көздейтін заң қабылдаған.

1890-жылдары Франция Африканың оңтүстік-шығысындағы аралға шабуылдап, сакалава халқының патшалығын басып алды. Осылайша Мадагаскарда француз колониясы пайда болды.

Франция мәдениет министрлігінің дерегінше, үш бас сүйектің бірі Тоэро патшаға тиесілі. 1897 жылы француз жауынгерлері оны...

Оқу-ағарту министрлігі қазақстандық педагогтердің цифрлық құзыреттілігін арттыруға бағытталған оқыту басталғанын хабарлады.

Жаңа бағдарламаны министрлікке қарасты «Өрлеу» біліктілікті арттыру ұлттық орталығы ЮНЕСКО-мен бірлесіп іске қосқан.

Ведомство бағдарлама халықаралық тәжірибе негізінде әзірленіп, қазақстандық оқу жүйесіне бейімделгенін айтады.

Оқыту барысында педагогтер:

«Бағдарлама жасанды интеллектіні педагогтің орнын алмастырушы емес, кәсіби қызметін жеңілдететін сенімді құрал ретінде қолдануға бағытталған. Ол мұғалімге шығармашылыққа көбірек уақыт бөлуге мүмкіндік береді», – делінген министрлік...

2 маусымда Астанада жолаушылар автобусы апатқа ұшырап, 15 адам зардап шеккен еді. Солардың арасында 8 жастағы Алуа төсекке байланып, дәрігерлер өмірін сақтап қалу үшін екі аяғын кесуге мәжбүр болды. Апаттан кейін әкімдік Алуаның отбасына үй берілетінін, автопарк қаржылай көмектесетінін айтты. Екі ай өткеннен кейінгі жағдай қандай? Берілген уәде орындалды ма? Kursiv Media тілшісі анықтап көрді.

«Үй күтіп отырмыз»

Алуаның жағдайын білу үшін оның анасының інісі Бахтияр Териковпен сөйлестік. Ол әлеуметтік желіде @help_aluabeken парақшасында жылу жинап, сол жерде қарындасының жағдайы жайлы ақпарат жариялап отырды.

8 жастағы Алуа – үйдегі бес баланың үшіншісі. Өзінен үлкен ағасы мен әпкес...

2025 жылдың қыркүйегінде Қазақстан мен Өзбекстан қалаларын байланыстыратын үш бірдей теміржол туры іске қосылады. Бұл туралы Kazakh tourism хабарлады.

Туроператорлар саяхатшыларға қос елдің мәдени мұрасымен танысып, Ұлы Жібек жолының ізімен жүруге мүмкіндік ұсынады. Барлық турлар Алматы қаласынан басталып, ұзақтығы 5–7 күнді қамтиды. Бағдарламаға мәдени іс-шаралар, кәсіби гидтердің сүйемелдеуімен экскурсиялар, заманауи вагондарда жайлы орналастыру, көлікпен әрі ішінара тамақпен қамтамасыз ету кіреді.

Алғашқы сапарды «Khan-Turan Travel» туроператоры ұйымдастырады. «Jibek Joly 5.0» деп аталатын бағдарлама 21 қыркүйекте басталады. Бұл – биылғы бесінші тур.

Бағдарда Алматы, Түркістан, Ташкент, Самарқанд пен Бұқара қалалары бар. Саяхатшылар Отырардағы ұлы ойшыл Әбу Насыр әл-Фарабидің туған жерімен...

Блогерлер ұйымдастырған ұтыс ойындарының құпиясы ашылды. Блогер aly_blogg желідегі ұтыс ойындарының қалай өтетінін әшкереледі.

Оның айтуынша, көлік, пәтер және қомақты ақша «ұтқандардың» дені – жалдамалы актерлер. Олар блогермен келісіп, азын-аулақ ақшаға жолы болғыш адамның рөлін ойнап береді. Қымбат сыйлықтарды ешкім ұтпайды. Қаражат пысықай блогердің қалтасында қалады.

«Мен өзім төрт жыл бұрын блогерлерге көмектесетін компанияда жұмыс істегенмін. Ұтып алған адамдардың көбі – актерлар. Біз мамандығы бар, актерлік шеберлігі актерларды тауып беретінбіз. Блогерлер олармен азын-аулақ ақшаға келісім жасайды», – деді aly_blogg.

Оның сөзіне қарағанда, ұтыс ойнататын блогерлердің қулығына құрық бойламайды. Жалданған актерлер, келісім бойынша, «ұтып алдым...

2025 жылдың 7 айында негізгі капиталға тартылған инвестиция көлемі 9,9 трлн теңгеге жеткен. Бұл туралы Үкімет есебінде жазылған.

Үкімет келтірген мәліметтерге сенсек, 2025 жылдың жеті айында негізгі капиталға салынған инвестиция көлемі 9,9 трлн теңгеге жеткен. Бұл өкен жылдың сәйкес кезеңіндегі көрсеткіштермен салыстырғанда 16,1%-ға артық. Өткен жылы капиталға тартылған инвестиция көлемі 8,3 трлн теңгені құраған.

Жалпы осы жылдың 7 айында елге тартылған инвестициялардың негізгі бөлігі тау-кен өнеркәсібі саласына бөлінген. Сонымен бірге мынадай салаларға тартылған:

28 тамыз – Қазақстандағы Қарулы Күштері Тылының құрылған күні. Қарулы күштер елдегі маңызды стратегиялық құрылым ретінде саналады. Үкімет шешімімен әскери техниканы жанармаймен қамтамасыз ететін Бірыңғай оператор бекітілді.

Оған сәйкес, 2014 жылдан бері елдің Қарулы күштеріне «ҚазМұнайГаз-Аэро» ЖШС жанармай тасымалдайды. 11 жыл ішінде мекеме Қорғаныс министрлігіне 500 мың тоннадан астам отын тасымалдаған. Тек жеткізуге ғана жауап бермейді. Шалғай бөлімшелерге дейін күрделі логиканы ұйымдастырады, арнайы жанармай түрлерін жыл бойы сақтайды.

«ҚазМұнайГаз-Аэро» ЖШС – «ҚазМұнайГаз» компаниясының еншілес ұйымы. Тек әскерилерге ғана емес елдегі стратегиялық маңызды құрылымдарға жанармай тасымалдайды. Осы уақыттан бері мемлекеттік тапсырыс берушілерге жалпы көлемі 1 млн мұнай өнімдерін...

Жыл басынан бері Қаржы Мониторинг агенттігі 34 блогердің заңсыз онлайн-ойындарды жарнамалауға қатысы барын анықтады.

Аталғандардың ішінде Қайсар Қамза, Шыңғысхан Көпбаев («Baller»), Айтмаханов Тәуіржан, Тұрғанов Наиль, Диляра Аманқосқызы, Ринат Шамшырақ және басқа да танымал контент жасаушылар бар.

11 блогер әкімшілік жауапкершілікке тартылса, 23 адамға қатысты материалдар Мәдениет министрлігіне жолданды. Көпшілігі заңды бір реттік емес, жүйелі түрде бұзып жүргені анықталды.

Мысалы, хип-хоп орындаушы «Baller» (шын есімі – Шыңғысхан Көпбаев) жыл басынан бері бес рет әкімшілік жауапқа тартылған. Ал 600 мыңнан астам жазылушысы бар музыкант-блогер Ринат Шамшырақ онлайн-казино жарнамалағаны үшін іріктелгендердің қатарында.

Сонымен қатар блогер «Niko_nett» пен инфлюенсер Қайсар Қамза да ерекше...

Шығыс Қазақстан облысында жер сілкінісі тіркелді. Қазақ ұлттық деректер орталығының жедел мәліметтеріне сүйенсек, жер сілкінісі 28 тамыз күні Астана уақытымен 07:54-те орын алған.

Магнитудасы 4,5 болған жер сілкінісінің ошағы Шығыс Қазақстан облысына қарасты Күршім ауылынан оңтүстік-шығысқа қарай 7 шақырым жерде болған.

Еске салайық осыған дейін Қазақстанның оңтүстігінде де жер сілкінген болатын. Жер сілкінісінің ошағы – Қырғызстан аумағында. Сейсмикалық толқындардың әсері Жамбыл және Түркістан облыстарының бірқатар елді мекендерінде сезілді.

27 тамызда Маңғыстау атом энергетикасы комбинаты (МАЭК) аумағында екі жұмысшы қайнаған суға күйіп қалды. Бұл туралы Kursiv.Media жергілікті Lada басылымының мәліметіне сүйене отырып хабарлайды.

Оқиға сәрсенбі күні түскі сағат 14:30 шамасында, МАЭК аумағындағы №3 турбогенераторды жөндеп жатқан уақытта болған. Қайнаған суға күйген екі жұмысшыға медициналық көмек көрсетілген. Олардың беруі үйге қайтса, екіншісі ауруханаға түсті.

Маңғыстау облысының еңбек департаменті оқиғаны тексеру үшін арнайы комиссия жасақтады.

Lada басылымы 2024 жылғы 23 желтоқсанда МАЭК-те бір жұмысшы қаза тапқанын еске салды. Сол кезде полиция оқиғаның мән-жайы туралы толық ақпарат таратпады. Алайда, басылым дерегінше, комбинатта жөндеу цехының шебері қаза тапқан. Кейін оқиға орнында...

Алматыда 250 орындық жаңа заманауи студенттік жатақхана ашылды. Бұл туралы Алматы әкімдігінің баспасөз қызметі хабарлады.

Әкімдік хабарлауынша, ғимарат жеке инвестициялар есебінен салынған. Жаңа жатақхана қазіргі стандарттарға сай жабдықталған.

«Ғимаратта студенттердің қауіпсіздігін қамтамасыз ететін бейнабақылау жүйесі орнатылған. Әр бөлмеде жеке санитарлық торап, тұрмыстық техника және өздігінен ас әзірлеуге арналған жабдықтар қарастырылған. Мұнда тек тұруға ғана емес, сонымен қатар оқуға және демалуға да жағдай жасалған», – делінген әкімдік хабарламасында.

Баспасөз қызметінің мәліметінше, жатақханаға алғашқы студенттер легі қоныстана бастаған. Жаңа ғимаратта бірден үш ірі жоғары оқу орнының жастары тұра алады.

Олар: