Жаңалықтар

Ішкі істер министрлігі көліктердің әйнегін қараңғылау талаптарын түсіндірді. Әкімшілік полиция комитетінің ерекше тапсырмалар жөніндегі аға инспекторы Ақтоты Боранованың айтуынша, жолда жүру қағидаларына сәйкес көлік құралдары Техникалық регламенттердің талаптарына сай болуы керек.

Бұл ретте ол екі негізгі мәселені атап өтті. Біріншісі, жүргізуші орнынан көруді шектейтін қосымша жабындардың болуына жол берілмейді. Оларға барлық пленка, перде, жапсырма жатады. Бұл талап тек алдыңғы әйнекке және алдыңғы бүйір әйнектерге қатысты.

«Екіншісі, әйнектерді қараңғылауға және бояуға тек оларды дайындаған кезде ғана рұқсат етіледі. Себебі шыны жасайтын кәсіпорын оның жарық өткізгіштігін тексереді. Ол кем дегенде 70% болуы керек және олар әйнекке сертификат...

Қазақстанда 2024 жылғы 1 қазаннан бастап пойыз билеттері 20% қымбаттайды. Тарифтің өсуі 140 жолаушы тасымалының 62 бағытына әсер етеді. Көлік министрлігі бағаны көтеруді вагондар паркін жаңарту және пойыздардағы қызметті жақсарту үшін қажет деп түсіндірді.

«Елімізде 140 жолаушы бағыты жұмыс істейді, оның 62-сіне жол жүру ақысының қымбаттауы әсер етеді. Мәселен, барлық стандартты облысаралық пойыздардың орташа тарифі 6 377 теңге болса, 7 652 теңге болады. «Тальго» пойыздарымен жүрудің орташа құны 10 579 теңгені құраса, 12 695 теңге болады. Бұл автокөліктер паркін жаңарту, көрсетілетін қызметті жақсарту және жұмысшылардың жалақысын арттыру үшін қажет», – деп хабарлады Көлік министрлігінің баспасөз қызмет...

«Қашаған» кен орнында жөндеу жұмыстары жүргізіледі. Бұл туралы Каспий құбыр консорциумы хабарлады.

NCOC Атыраудағы кеңсесінде Консорциум өкілдері NCOC басқарушы директоры Джанкарло Руюмен кездесті.

«Тараптар «Қашаған» кен орнынан жүк жөнелтушілердің мұнайды кен орнындағы алдағы жөндеу жұмыстары аясында және оны жүзеге асыру барысында жеткізу, сондай-ақ өтінімдерге сәйкес ағымдағы және болашақтағы мұнай жеткізілімдерін жүзеге асыру мәселелерін талқылады», – деп хабарлады КҚК.

«Қашағанда» жөндеу жұмыстары қазан-қараша айларына жоспарланған. Бұл ретте Атырауға Каспий құбыр консорциумының делегациясы мұнай жеткізу мәселесін талқылау үшін келді.

«Сондай-ақ Қазақстанның энергетикалық ресурстарын КҚК мұнай құбыры арқылы экспорттық нарықтарға тасымалдау...

ERG құрылымына кіретін «Шұбаркөл Көмір» компаниясы 2024 жылдың бірінші жартыжылдығындағы кірісін 2023 жылдың сәйкес кезеңімен салыстырғанда 2,5 есеге, яғни 41,5 млрд теңгеден 16,1 млрд теңгеге дейін қысқартты. Бұған Қазақстан қор биржасының (KASE) сайтындағы деректер дәлел.

Көрсеткіш негізінен қаржылық кірістің 4 есеге, яғни 6,9 млрд теңгеге дейін төмендеуіне байланысты. Сондай-ақ қаржылық шығыстардың 4 есеге 10,4 млрд теңгеге дейін өсуі де ықпал етті. Түсім 8,5%-ға, 61 млрд теңгеге дейін азайды. Жалпы және операциялық пайда да төмендеді.

Жыл басынан бері активтер 12,2%-ға өсіп, 254,5 млрд теңгеге жетті. Бұл негізінен сауда және басқа дебиторлық берешектің үштен біріне, берілген несиелердің 72 есеге ұлғаюына және...

Қазақстандық автошабандоз Таиландтағы демалысының алғашқы күнінде теңізге батып кетіп қайтыс болды. Ақпаратты Қазақстан СІМ растады. Informburo басылымы марқұмның әйгілі автошабандоз екенін жазады.

Қазақстандық Евгений Сапогов демалысының бірінші күні теңізге батып кетті. Informburo ақпаратына сүйенсек, қаза тапқан азамат – Қазақстанда автокросс пен раллиде өнер көрсеткен титулды автошабандоз. 

Ер адам демалысқа Пхукетке ұшып келген. Елде 60 күн болу үшін виза алған. Көп ұзамай ол өзі тұрған қонақүйдің жанында теңізге батып кеткен. Бастапқыда бұл туралы Phuket News хабарлаған.

БАҚ Сапоговтың қайтыс болғаны туралы ақпаратты 31 шілде күні түстен кейін ТЖ жөніндегі провинциялық орталықтың қызметкерлері айтқанын жазады. Олар оқиға туралы полицияға хабарлаған...

Осы аптадағы акциялар нарығының құлдырауы алдағы уақытта кірістің төмендейтінін аңғартқандай болды. Әрі бұл ұзаққа созылуы да ықтимал. Vanguard инвестициялық компаниясы осындай болжам жасап отыр. Қазіргі сәттегі акциялардың жоғары бағасы 10 жылдық кезеңде облигациялардың тиімді инвестицияға айналуына жол ашпақ.

Толығырақ

Ірі технологиялық компаниялар кірісінің нәтижесінде қор нарығы айтарлықтай өсті. Алайда қазіргі уақытта акциялардың бағасы тым жоғары сияқты болып көрінеді деп жазды Barron’s Vanguard экономисі Кевин Хангқа сілтеме жасап. Сонымен қатар АҚШ-тағы пайыздық мөлшерлемелердің жоғарылығына байланысты облигациялар қазір соңғы жылдармен салыстырғанда әлдеқайда тиімді. «Акциялардан гөрі дәл осы сәтте облигациялар тартымдырақ», – дейді Ханг.

Vanguard алдағы он жылдағы америкалық акциялардың жылды...

Археологтар Шығыс Қазақстан облысында 20-ға жуық ескерткіштер мен қола монеталар, жебе ұштары және былғары, жібек сынды көне заттарды тапты. 

Мәдениет министрлігінің ақпаратына сүйенсек, Катонқарағай және Үлкен Нарын аудандарындағы «Берел» мемлекеттік тарихи-мәдени қорық мұражайы ұйымдастырған археологиялық жұмыстар басталған.

«Қазақ Алтайының ежелгі және орта ғасырларының тарихи-мәдени мұрасы» жобасы аясында археологтар ауқымды зерттеулер жүргізіп, қазақтардың жерленуін, қоныстарын, бекіністері мен қыстауларын қоса алғанда, бұрын белгісіз болған 20-ға жуық ескерткішті тапқан.

Қола дәуірінен бастап этнографиялық қазіргі заманға дейінгі әртүрлі дәуірлерге жататын 14 ескерткіш қазылған. Табылған заттардың ішінде металлургиялық пункті бар ерте темір дәуірінің қонысы, XIX ғасырдың аяғы мен ХХ ғасырдың басындағы қазақ қыстауы және...

Бірыңғай жинақтаушы зейнетақы қорының мәліметтері бойынша, шілдеде жалпы сомасы 72,1 млрд теңгеге 62,7 мың өтініш орындалды. Маусым айымен салыстырғанда өтініштер саны 64%-ға, өтініштер сомасы 81%-ға өсті.

Шілдеде БЖЗҚ-дан жалпы шешіп алған қаржының 40,5 млрд теңгесі тұрғын үй жағдайын жақсартуға жұмсалды. 20,8 млрд теңге емделуге бағытталды.

«Бұл өсім маусым айының соңында басталған зейнетақы алуды қандай да бір жолмен шектеу қажеттілігі туралы пікірталас аясында тіркеліп отыр. Содан кейін Еңбек министрлігі бұл идеяны жалпы мақұлдап, қазақстандықтардың болашағына алаңдаушылық білдірді», – деп хабарлады Бірінші кредиттік бюро.

Еске сала кетсек, Үкімет кулуарында Еңбек және халықты әлеуметтік қорғау...

Астанада ФИДЕ мен KazChess ұйымдастырған рапид және блиц бойынша командалық әлем чемпионаттары аяқталды. Әлемдік клубтық біріншілікте ғаламшардың 315 үздік шахматшысы бас қосты. Айталық, іс-шараға әлемнің бірнеше дүркін чемпиондары және ерлер мен әйелдер рейтингінің бірінші нөмір иелері Магнус Карлсен мен Хоу Ифань, қазіргі әлем чемпиондары Цзюй Вэньцзюнь мен Дин Лижэнь шахматшылары қатысты.

Ян Непомнящий, Александра Костенюк, Нодирбек Абдусатторов бастаған WR Chess құрамасы чемпиондары атанды. Күмісті Арджун Эригайси сияқты рейтингі жоғары үнділік шахматшылардан құралған MGD1 командасы алды. Қоланы Al-Ain ACMG UAE командасы және 17 жасар қазақстандық шахматшы Мұхтар Айнақұл ойнаған Chessy командасы өзара бөлісті.

Турнирдің жалпы жүлде қоры...

Еуропа елдеріне Түркияның газ құбырлары арқылы тасымалданған ресейлік газ көлемі шілде айында артқан. Бұл бағытта Еуропаға жеткізілген газ көлемі бірінші жартыжылдықта 40,5 пайызға өсіп, 9,26 миллиард текше метрді құраған.

Ал шілде айында бұл көлем әдеттегіден көп болған. Бұл айда аталмыш газ құбыры арқылы айдалған газ көлемі 1,5 млрд текше метрден асқан. Бұл маусым айындағы көрсеткіштен 29%-ға көп екен. Ал жылдық көрсеткіште өсім 9%-ды құраған.

«Түрік бағыты» арқылы Ресейден ЕО-ға жіберілген газдың орташа тәуліктік көлемі шілдеде 48,9 миллион текше метрді құраған. Бұл 2023 жылдың тамызынан бергі ең жоғары көрсеткіш саналады.

Еуропалық Одақ Ресейдің газ транзитіне шектеу енгізген...

Атырау облысындағы «Теңіз» және «Королевское» кен орнын игеретін «Теңізшевройл»  ЖШС 2024 жылдың қаңтар-маусым айларында 14,4 млн тонна (114,6 млн баррель) мұнай өндірді деп хабарлады компанияның баспасөз қызметі.

2023 жылдың сәйкес кезеңінде көрсеткіш 14,9 млн тоннаны (118,9 млн баррель) құрады. Осылайша, көрсеткіш 3%-ға төмендеді.

2024 жылдың бірінші жартыжылдығында ТШО 669 мың тонна сұйытылған газ (өсім 5,5%) және 1,4 млн тоннадан астам күкірт (2023 жылдың бірінші жартыжылдығы деңгейінде) сатты.

Сондай-ақ есепті кезеңде ТШО Қазақстанның газ құбыры желісіне 575 млн текше метрден астам құрғақ газ өндіріп, жеткізгенін (өсім 22,6%) хабарлады.

«Теңіз» мұнай-газ кен орны – Қазақстандағы ең ірі кен орындарының бірі. Оны...

Париж Олимпиадасында 40-тан астам спортшы COVID-19 жұқтырды. Бұл туралы Дүниежүзілік денсаулық сақтау ұйымының өкілі Мария фон Керков хабарлады.

ДДҰ мәліметінше, соңғы бірнеше айда әлемнің көптеген елінде COVID-19 өсуі байқалды.

Бұған дейін Аустралия судобы құрамасының 5 спортшысынан COVID-19 анықталған. Сондай-ақ вирус жүзуден британдық әлем чемпионы Адам Питиден, аустралиялық жүзуші Лани Паллистерден табылды. Айта кетейік, Олимпиада басталғанға дейін Франция билігі елдегі эпидемиологиялық жағдай тұрақты деп мәлімдеді.

Естеріңізге сала кетейік, дүйсенбі, 5 тамыз күні бірқатар Олимпиада ойыншылары ішек инфекциясын жұқтырған. Швейцариялық триатлоншылар Адриен Бриффод пен Симон Вестерманн ішек инфекциясына байланысты эстафетадан шығып қалды. Сондай-ақ Бельгия құрамасы да аралас эстафеталық триатлонға қатысудан...

Салық жобасынан оңайлатылған салық режимі мен бөлшек сауда салығы алынып тасталады. Оның орнына жылдық айналымы 500 млн теңгеге дейінгі шағын бизнес субъектілері үшін арнайы салық режимі енгізілген. Кәсіпкерлер жаңа Салық кодексі шағын және орта бизнес жағдайын нашарлатады деп санайды.

«Қазақстанның Тәуелсіз бизнес одағы» заңды тұлғалар мен жеке кәсіпкерлер қауымдастығының төрағасы Берік Зайыровтың айтуынша, қолданыстағы бөлшек салықтың басты артықшылығы – кәсіпкерлерге қосымша құн салығының есебінсіз 2,2 млрд теңгеге дейін сауда айналымын жүргізуге мүмкіндік береді.

«Бұл кәсіпкерлерді шағын бизнестен орта бизнеске көшуге ынталандыратын бөлшек сауда салығы. Кәсіпкерлер бөлшек салыққа енді ғана сене бастады. Оны бір жылдан кейін...

Алматыдағы Райымбек даңғылында BRT жобасының құрылысы 2025 жылдың сәуірінде басталады. Бұл туралы қалалық мобилділік басқармасының басшысы Сағындық Телібаев айтты.

«Күзде біз BRT дәлізінің бірінші кезеңінің екі учаскесіне, яғни Пушкин көшесінен Сейфуллин даңғылына дейін және Сейфуллин даңғылынан Ахрименко көшесіне дейінгі мердігер ұйымды анықтау үшін байқау жариялауды жоспарлап отырмыз. Биыл инженерлік желілерді қайта құру жұмыстарын бастап, «Саяхат» маңында ірі аялдама кешендерінің құрылысын аяқтаймыз. Ал негізгі құрылыс-монтаждау жұмыстарын келесі құрылыс маусымынан бастаймыз», – Телібаев.

Бұған дейін Алматы қалалық мәслихатының сессиясында Сағындық Телібаев BRT жобасының құрылысы 2024 жылы басталады деген.

Алайда Алматыда көлік саласындағы сарапшылар, урбанистер және БАҚ өкілдер...

БҰҰ-ның Азық-түлік және ауыл шаруашылық ұйымының дерегінше, 2024 жылдың шілдесінде азық-түлік бағасының индексі орта есеппен 3,1%-ға төмендеді. Бұл маусым айындағы көрсеткіштен сәл аз.

Ұйымның мәліметінше, дәнді дақылдарға баға индексінің төмендеуі өсімдік майы, ет өнімдері және қант бағасының индексінің өсуін өтеуге мүмкіндік берді. Ал сүт өнімдері бағасы индексінің мәні өзгеріссіз қалды.

Шілдеде маусыммен салыстырғанда, астықтың барлық негізгі түрлеріне әлемдік экспорттық бағалардың төмендеуі тіркелді. Бұл үрдіс екінші ай қатарынан сақталуда. Күздік бидай жинау науқаны жалғасып жатқан Солтүстік жарты шарда маусымдық ұсыныстың ұлғаюы, Канада мен Америкадағы жалпы қолайлы ауа райы жағдайлары және осыған байланысты көктемгі бидайдың мол өнімін күту де бидайды...

Қан, лимфома және геморрой инфекцияларына қарсы дәрі-дәрмектерді әзірлейтін Citius Pharmaceuticals онкологиялық ауруларды емдеу бизнесін NASDAQ тізіміне енген жеке компанияға бөліп бермек. Дүйсенбі, 5 тамыз күні аталған жаңалықтан кейін Citius Pharma-ның бағасы әлемдік қор нарықтарындағы жаппай сатылымға қарамастан, шамамен 3%-ға өсті.

Толығырақ

Капиталы шамамен 168,5 миллион долларға тең Citius Pharma онкологиялық ауруларды емдеуге бағытталған бизнесін SPAC-тың биржаға IPO-сыз шығу үшін құрылған әрі NASDAQ-та тіркелген TenX Keane Acquisition компаниясымен біріктіреді. Мәмілені SPAC компаниясының акционерлері мақұлдап, бірігуге келісім берді деп хабарлады 5 тамызда Citius Pharma.

Біріккен компанияның атауы Citius Oncology деп өзгертіліп, NASDAQ-тағы сауданы жалғастырады. Citius Oncology Citius Pharma онкологиялық активтерін, атап...

Орталық Азия елдері энергетикалық ресурстарды тұрақты жеткізудің жаһандық бұзылысына тап болып отыр. Осындай мәлімет келтірген Энергетика министрі Алмасадам Сәтқалиев Орталық Азия елдері үшін энергетикадағы тәуекелдерді болжау тетіктерін құруды ұсынады.

Бүгін, 6 тамызда, Астанада алғаш рет Орталық Азия мемлекеттері энергетика министрлерінің бірінші отырысы өтті. Оған Қазақстан, Қырғызстан, Тәжікстан, Түрікменстан, Өзбекстан, Әзірбайжан елдерінің  энергетика министрлері мен өкілдері қатысты.

Бірінші болып сөз алған Алмасадам Сәтқалиев энергетика саласындағы 6 мемлекетке ортақ мәселелерге тоқталды. Сәтқалиевтің айтуынша, бүгінде Орталық Азия елдері энергия жеткізудегі жаһандық кедергілер мәселесімен бетпе-бет келіп отыр. Министр мұнай мен газ бағасының ауытқуы мен геосаяси жағдай елдер арасындағы энергия жеткізу мәселесіне теріс ықпалын тигізіп жатқанын айтады.  

Апелляциялық сот Талдықорған полициясының бұрынғы басшысы Марат Көштібаевқа қатысты үкімді өзгеріссіз қалдырды. Бұл туралы «Курсивке» Жетісу облыстық сотының баспасөз қызметі хабарлады. Көштібаев осыған дейін өз кабинетінде адам зорлағаны үшін 11 жылға сотталған.

«Жетісу облысы сотының қылмыстық істер бойынша апелляциялық алқасы Көштібаевқа қатысты үкімді өзгеріссіз қалдырды», – делінген хабарламада.

Жетісу облыстық сотының ақпаратына сүйенсек, Марат Көштібаевқа 2023 жылғы 12 қарашада қызметтік міндеттерін атқару кезінде жәбірленушіні полиция ғимаратындағы өз кабинетінде зорлады деп айып тағылған. 

Прокурор оған ұсынылған бап бойынша ең көп жаза мерзімін — 12 жыл тағайындауды сұраған. Сот 30 сәуірде оны 11 жылға соттау туралы шешім...

«Атамекен» ұлтттық кәсіпкерлер палатасы жаңа «Салық кодексін» осы күйінде қабылдауға қарсы. Палата өкілдері қазіргі заң жобасы өте шикі деп отыр. ҰКП Басқарма төрағасының орынбасары Тимур Жаркенов ел үкіметі мен Президент әкімшілігіне заң жобасын одан әрі жетілдіруді сұрап, өтініш жолдайтындарын мәлімдеді.

Тимур Жаркенов жаңа кодекстің мәтінінде талас тудыратын баптар көп екенін айтады. Жаңа заң бизнестің де, мемлекеттің де мүддесін ескере отырып қабылдануы тиіс деп тұжырымдайды.

«Үкімет пен Президент әкімшілігіне жолданған сараптамалық қорытындымызда Салық кодексі жобасының басым бөлігі шикі екенін атап өттік. Не заңды сол күйінде қалдыру, не Салық кодексін қайта қарау мерзімін едәуір ұзарту...

Алматы мен Астанадан басқа барлық аймақта жатақхана тапшылығы мәселесі шешілді. Үкімет отырысында Ғылым және жоғары білім министрі Саясат Нұрбек осылай деп баяндады.

«Жатақхана құрылысына мемлекеттік тапсырыс беру тетігі оңтайландырылды. Бір орынның нормативі 40% көтеріліп, мемлекеттік тапсырысты орналастыру мерзімі 8 жылдан 6 жылға дейін қысқарды. Бұл тетіктер заманауи дизайндағы «жасыл қалашық» концепциясымен және шетелдік стандарттарға сәйкес келетін студенттік резиденция форматындағы жатақханалар салуға мүмкіндік берді. Астана және Алматы қалаларында жер телімдерінің тапшылығын ескере отырып, Қазақстан Республикасы Ғылым және жоғары білім министрлігі осы қалалардағы ғимараттарды жатақханаға айналдыруға мемлекеттік тапсырыстың көлемін 92 АЕК-тен 182 АЕК-ке дейін ұлғайту бойынша жұмыс...

Экс-министр Қуандық Бишімбаев азаматтық некедегі жары Салтанат Нүкенованы өлтірген мейрамханада өнер көрсеткені үшін белгілі «Ирина Кайратовна» тобы сын астында қалды.

Hola News басылымының ақпаратына сүйенсек, Салтанат Нүкенова қайтыс болған BAU мейрамханасының орнына жаңа мейрамхана ашылып, оның ашылу салтанатында «Ирина Кайратовна» өнер көрсеткен. Желі қолданушылары топтың осы әрекетін сынға алды. Алайда екінші бір тарап топты жақтап, «әлемнің әр бөлігінде адамдар қайтыс болып жатқанын» жазуда.

Астанадағы гастро орталықта орналасқан BAU мейрамханасы атауын Zima.ast деп өзгертіп, жұмысын жалғастырған. Салтанат Нүкенова қайтыс болған VIP-бөлме жұмыс кабинеті болып өзгерген.

Айта кетейік, бұған дейін BAU мейрамханасы мен гастро орталықтың иелері қатарында Қуандық Бишімбаевтың анасы Альмира Нұрлыбекова бар...

АҚШ соты Alphabet-тің іздеу жүйесіндегі монополиясын сақтау үшін заңсыз әдістерді қолданғанын хабарлады. Компания Google-ді смартфондар мен веб-браузерлердің әдепкі іздеу жүйесіне айналдыру үшін миллиардтаған қаражат жұмсаған. Сөйтіп нарықтағы бәсекелестікті өз пайдасына бағындыра білген. Өндірушілермен эксклюзивті келісімдер жасау арқылы Google-ді әлемдегі ең көп қолданылатын іздеу жүйесіне айналдырған. Әрі бұл қадам Alphabet-ке жылына 300 млрд доллардан астам табыс әкелді деп жазды Bloomberg.

Толығырақ

Дүйсенбі, 5 тамызда, Вашингтондағы федералды судья Амит Мехта мәлімдегендей, Alphabet Google-ді смартфондар мен веб-браузерлердің әдепкі іздеу жүйесіне айналдыру үшін алдын-ала орнату туралы эксклюзивті келісімдер жасаған. Ал мұндай тәжірибе кез келген бәсекелестің нарықтағы жолын жабары даусыз.

Қазақстанның Қайталама шикізатты қайта өңдеушілер қауымдастығы мен KazWaste қалдықтарды басқару жөніндегі қауымдастық бірлесіп, жеке тұлғаларға салынатын жеке табыс салығын (ЖТС) алып тастауды ұсынып жатыр. Айтуларынша, бұл елдегі қоқыс өңдеу көлемін 30 пайызға жеткізуге мүмкіндік береді.

Ал әзірге Қазақстанда қоқыс өңдеу көлемі небәрі 15 пайызды құрайды екен. Қауымдастық өкілдері бұл көлемді жеке тұлғаларға салынатын салықты алып тастау арқылы арттыруға болатынын айтады.

«Қазақстанда бүгінгі таңда қалдықтардың тек 15%-ы ғана қайта өңделуде. Қолданыстағы салық жүйесі қалдықтарды жинау саласының ерекшеліктерін мүлдем ескермейді. 10 кг макулатура өткізгісі келген адам қабылдау пунктіне жеке куәлігін алып келуі керек, онда оның көшірмесі алынады...

Алматы қаласы аудандық санитарлық-эпидемиологиялық бақылау басқармасының басшысына айыппұл салынды. Бұл туралы қала прокуратурасы хабарлады.

«Бизнес өкілінің шағымы бойынша Түрксіб ауданының Cанитарлық-эпидемиологиялық бақылау басқарма басшысының рұқсат құжаттарынан айыру туралы заңсыз бұйрығы анықталды. Қадағалау актісі бойынша аталған бұйрықтың күші жойылып. Басқарма басшысы Қазақстан Республикасының Әкімшілік құқық бұзушылық туралы кодексінің 173-бабы бойынша жауаптылыққа тартылды», – деп хабарлады прокуратура.

Ведомство кәсіпкерлердің құқықтарын қорғау жұмысы ерекше бақылауда екенін атап өтті. Бұл ретте шағым түсірген бизнес өкілі – Samal су шығаратын компания екенін атап өтті.

Бұған дейін 25 шілдеде Samal суын өндіруші «Бизнес Парк Навигатор» компаниясы лицензиясынан...