Жаңалықтар

Түркияда Instagram желісі бұғатталып, әлеуметтік желіге мобильдік қосымшада да, компьютерде де кіру мүмкін болмай қалған деп хабарлайды Takvim басылымы.

Басылым мәліметінше, Түркиядағы наразылық толқынынан кейін, «ХАМАС» көшбасшысы Исмаил Ханияны өлтіргені жайлы жазбалар жүйелі түрде жойыла басталды. Осыған байланысты Түркияның байланыс басқармасының басшысы Фахреттин Алтун 31 шілдеде Instagram-ның әрекеттеріне наразылық білдіріп Х әлеуметтік желісінде мәлімдеме жасады.

«Instagram Хания туралы жазбаларды жүйеле түрде бұғаттап, оны «цензура әрекеті» деп бағалап отыр»,  – деді Алтун.

Сонымен қатар Түркияның әділет және даму партиясының өкілі Омер Арвас Instagram-дағы әрекеттерге қатысты пікірін білдірді.

«Бұл платформалар адамдар өз...

Екінші тоқсанда Apple компаниясының Қытайдағы сатылымы күтілген межеден төмендеді. Бұл жалпы оптимистік нәтижелерге, соның ішінде жаңа iPad-тың рекордтық сатылымына көлеңке түсірді. Жалпы алғанда, компанияның кірісі 5%-ға өсті. Bloomberg жазғандай, бұл сарапшылардың болжамынан әлдеқайда жоғары. Бейсенбі, 1 тамыз күні кешке тоқсандық есеп жарияланғаннан кейін Apple акциялары постмаркетте 0,6%-ға артты.

Толығырақ

29 маусымда аяқталған 2024 қаржы жылының үшінші тоқсанында Apple-дің жалпы сатылымы 5%-ға өсіп, 85,8 млрд долларға жетті. Ал Уолл-стрит 84,5 млрд доллар болады деп болжам жасаған-ды. Ірі өндіруші қазіргі тоқсанда да кірістің өсу деңгейі дәл осы межеде қалыптасарына сенімді. Сарапшылар 4%-ға өседі деп болжам жасап отыр. «Қаржы жылының төртінш...

2024 жылғы 1 тамызда Ұлттық банк (ҰБ) теңге бағамына қатысты шілде айының қорытынды есебін ұсынды. Оған сүйенсек, өткен айда төл валюта бағамы 1 АҚШ доллары үшін 474,15 теңгеге дейін 0,5%-ға әлсіреді. Сонымен қатар Қазақстан қор биржасындағы сауда-саттықтың орташа күндік көлемі төмендеген. Бұл ретте Halyk Finance сарапшысы Мадина Қабжалалова ұлттық валюта бағамына қатысты талдауы мен болжамын ұсынды.

«Үкіметке Ұлттық қордан валюта сатып алу мен сатудың қатаң ережелерімен қоса, Ұлттық қор қаражатын ай сайынғы пайдалану бойынша нақты жоспар құру қажет. Мұндай жоспар валюта нарығының қатысушыларына да, жалпы халыққа да белгілі болуы керек. Ал ҚР ҰБ бұл кестені нарықтық бейтарапты...

Қазақстан кәсіпкерлерінің бизнесті дамытуға алған шағын несие көлемі 1,5 теңгеге жеткен. Қаржы нарығын реттеу және дамыту агенттігінің статистикасына сәйкес, бұл – микроқаржы ұйымдары (МҚҰ) мен несие серіктестіктері несие портфелінің 64 пайызына тең.

Шағын несиенің басым бөлігі шағын және орта бизнес пен өзін-өзі жұмыспен қамтыған жеке тұлғаларға берілген. Олардың микроқаржы ұйымдары алдындағы міндеттемелері қазіргі кезде 947 млрд теңгеге жетті.

МҚҰ мен несие серіктестіктерінің қызметіне елдегі ірі кәсіпорындар да жүгінеді. Олардың несие портфелінің 28,2%-ын ірі бизнеске берілген займ құрайды.

Шағын несие қай салаларға берілген?

Шағын несиені негізінен ауыл шаруашылығы мен қызмет көрсету саласындағы кәсіпкерлер алады. Олардың үлес...

ҚР Сауда және интеграция министрлігі бірыңғай уақыт белдеуін жою жөніндегі өтінішті қабылдамады. Бұл туралы бүгін, 2 тамызда өткен петиция бойынша қоғамдық тыңдауда айтылды.

«Өтініш берушілердің денсаулыққа немесе тұтынуға әсер еткені жөнінде дәйектері расталмады. Сондықтан қазір әкімшіліктің алдын-ала шешімі бойынша петицияны қанағаттандырудан бас тартылады», – деді вице-министр Қайрат Балықбаев.

Сонымен қатар тыңдалым барысында Денсаулық сақтау бірінші вице-министрі Тимур Сұлтанғазиев Қазақстандағы бірдей уақыт белдеуі тұрғындардың денсаулығына әсер етпейтіні туралы айтты.

«Кейінгі ғылыми деректер мен ғалымдардың қорытындысы бойынша уақыттың бір сағатқа өзгеруі мен оның денсаулыққа айтарлықтай әсері арасында тікелей байланыс жоқ. Біз бұл мәселені талқылау үшін Дүниежүзілік денсаулық сақтау ұйымының сарапшылармен хабарластық. Жалпы...

2,5 мыңға жуық қазақстандық Eolus қаржы пирамидасына критовалюта ретінде 250 млн теңге салып жіберген. Қаржы мониторинг агенттігі шетелден осы қаржыны қайтарды. Агенттіктің хабарлауынша, салынған қаржының қайтарылуы – ТМД елдері арасындағы алғашқы жайт.

Әлемде мұндай нәтижеге бірнеше ел ғана қол жеткізген көрінеді. Пирамиданы ұйымдастырушының мүлкі тәркіленіп, 6 жылға бас бостандығынан айырылды.

«Агенттік заманауи IT-құралдарды пайдалана отырып, 2,5 ай ішінде қазақстандықтардың қаражатын криптовалютаға тартқан «Eolus» жоғары технологиялық қаржы пирамидасын жойды», – делінген ҚМА хабарламасында.

Аталмыш қаржы пирамидасына Алматы, Астана, Шымкент, Павлодар, Өскемен, Ақтөбе, Атырау, Қызылорда, Орал, Көкшетау, Жетісу, Түркістан облысының 2,5 мыңға жуық тұрғыны ақша салған.

«Ойжұмбақ 2» мультфильмі (Inside out 2) әлемдік нарықтағы кассалық рекордтарды тағы да жаңартты. Мультфильм тарихта ең көп қаралған үздік он фильмнің қатарына енді.

Мультфильмнің әлемдік кассасы 1,524 млрд долларға жақындап қалды. Осыған дейінгі «Форсаж» (1,515 млрд доллар жинаған) және «Кек алушылар» (1,521 млрд доллар) фильмдерін басып озды.

Мультфильм ең көп қаралған 10 елдің қатарына: Мексика, Бразилия, Ұлыбритания, Оңтүстік Корея, Франция, Италия, Қытай, Германия, Испания және Аустралия кірді. Алда әлі Жапония нарығы бар. Бұл елде мультфильм 1 тамызда бастап прокатқа шыққан.

Америкалық Disney компаниясының «Ойжұмбақ – 2» мультфильмінің қазақ тіліне аударылған нұсқасы 125 млн теңге касса жинады.

«Ойжұмбақ» мультфильмі бастапқы қаралым...

31 шілдеде АҚШ-тағы негізгі үш қор индексі «қызыл аймаққа» өтті. Бұған «экономика құлдырауы мүмкін» деп сигнал берген статистиканың жариялануы себеп болды. Қытайдың да жағдайы мәз емес. Аспан асты елінде өндірістік белсенділік төмендеп, капиталдың жылыстауы күшейді. Мұндағы хедж-қорлар қаржысын Жапонияға аудара бастады. Осы және өзге де тақырыптар туралы 1 тамызға арналған шолуымыздан оқыңыз.

Макростатистика АҚШ-тағы нарықтарды құлдыратты

Сонымен «қызыл аймаққа» өткен негізгі қор индекстерінің мәні мынадай: Dow 1,21%-ға құлады, S&P 500 индексі 1,37% жоғалтты, Nasdaq 2,3%-ға төмендеді. Мұндай жағдай статистика жарияланғаннан кейін қалыптасып отыр. Ал бұл статистиканың инвесторлардың алаңдаушылығын тудырғаны рас. Yahoo Finance жазғандай, инвесторлар «ФРЖ ставкаларды төмендетуді ертерек...

Ұлттық қауіпсіздік комитеті Шекара қызметі мемлекеттік шекара арқылы есірткінің рекордтық партиясын алып өтпек болған екі шетел азаматын ұстады.

Ақпаратқа сүйенсек, сараптама шекарада тәркіленген күдікті заттардың құрамында героин барын көрсеткен. Оның жалпы салмағы 775 келі, «қара» нарықтағы құны 15 млн АҚШ долларынан артық болуы мүмкін.

«2024 жылы 31 мамырда Түркістан облысындағы Б.Қонысбаев атындағы бақылау-өткізу пунктінде шекарашылар қызметтік итті пайдалана отырып, ауыр жүк көлігінде аяқ киім креміне арналған ыдыстарға жасырылған күдікті заттарды тауып тәркіледі», – делінген ҰҚК хабарламасында.

Қылмыс жасады деген күдікпен екі шетел азаматы ұсталып, сот санкциясымен қамауға алынған.

Мамыр айының басында Мәжіліс депутаттары бірінші оқылымда есіртк...

АҚШ Ресеймен тұтқындар алмасу операциясы аясында алмастырып алған үш азаматты Мэриленд штатында Америка президенті Джо Байден мен вице-президент Камала Харрис күтіп алды. 

CNN ақпаратына сүйенсек, The Wall Street Journal журналисі Эван Гершкович, америкалық теңіз жаяу әскерінің бұрынғы қызметкері Пол Уилан және «Радио Свобода» татар-башқұрт қызметінің журналисі Алсу Курбашева мінген ұшақ Біріккен Эндрюс әуе базасына қонған.

Әуе базасында туыстарынан бөлек оларды АҚШ президенті Джо Байден мен вице-президент Камала Харрис қарсы алған.

Басылым ақпаратына сүйенсек, елге оралған азаматтар Сан-Антониоға ұшып, медициналық тексеруден өтеді.

Тұтқындармен алмасу 1 тамызда Түркия астанасы Анкарада өткен. Ресми АҚШ билігі жоғарыда аты аталған үш азаматтан бөлек оппозициялы...

2 тамыз күні Париж Олимпиадасының басталғанына бір апта болды. Ұлттық олимпиада комитеті бүгін, 2 тамызға арналған қазақстандық спортшылардың жарыс кестесін ұсынды. Қазақстандық спортшылар 7 спорт түрінен сайысқа шығады.

Бокстан шаршы алаңға Қазақстан құрамасынан үш спортшы шығады. Сондай-ақ қазақстандық жеңіл атлеттердің қатысуымен алғашқы жарыстар өтеді.

Ескерту: жарыс кестесі Астана уақытымен көрсетілген

Стенд ату, ерлер

12.30 – Эдуард Ещенко

 Академиялық ескек есу. Е финалы

12.54 Владислав Яковлев

Дзюдо,78 келіге дейін әйелдер арасында

13.00 – Камила Берликаш

Жеңіл атлетика, әйелдер арасында

13.15 – Надежда Дубовицкая, Елизавета Матвеева

Жүзу, 100 метр, ерлер арасында

14.00 – Адильбек Мусин

Семсерлесу. Командалы...

Қазақстанның Ұлттық Олимпиада комитеті боксшы Мұхаммедсабыр Базарбайұлы жекпе-жегінің нәтижесіне қатысты шағым түсірді.

Олимпиада комитеті таратқан ақпаратқа сүйенсек, мәселе 63,5 келі салмақта жұдырықтасқан қазақстандық Мұхаммедсабыр Базарбайұлы мен грузиялық Лаша Гурули арасындағы жекпе-жек нәтижесіне қатысты болып отыр.

Қазақстан осы жекпе-жек қорытындысын түсіндіруді талап етіп, ресми түрде PBU-ға (Paris boxing Unit – Халықаралық бокс федерациясының Париждегі өкілдігі ) шағым түсірген. 

«Қазақстан ҰОК Мұхаммедсабыр Базарбайұлының жекпе-жегіне қатысты шағым түсірді. Біз бұл нәтижемен келіспейміз және PBU-дан түсініктіме талап еттік. Бұл туралы Халықаралық Олимпиада комитеті де хабардар. Біздің ойымызша, қазақстандық боксшы 2024 жылғы Олимпиаданың жартылай финалына жолдама беретін маңызды кездесуде жеңіске жетті», – деді Қазақстан...

Қазақстан Премьер-Министрі Олжас Бектенов пен FIDE Халықаралық шахмат федерациясының президенті Аркадий Дворкович федерацияның 100 жылдығына және 45-ші Дүниежүзілік шахмат олимпиадасын өткізуге арналған алау эстафетасына қатысты.

Үкімет баспасөз қызметінің мәліметі бойынша Олимпиада алауы Қазақстанға FIDE отаны – Парижден келді. 20 шілдеде Дүниежүзілік шахмат күнінде ұйымның мерейтойы ұйымдастырылды. Қазіргі уақытта XXXIII жазғы Олимпиада ойындары өтіп жатыр.

Үкімет басшысы планетаның үздік гроссмейстерлерін қарсы алып, барлық қатысушы мен қонақты мерейтоймен құттықтады. Алдағы FIDE World Team Rapid and Blitz Championships-ке (FIDE жылдам шахмат және блиц бойынша командалық әлем чемпионаты) сәттілік тіледі.

«Бүгінде шахмат – төрткүл дүниені мойындатқан интеллектуалды спорт түр...

Бас прокуратура «балық алаяқтығы» деп аталған істің аяқталғанын хабарлады. Алматы облысы Қонаев қаласының соты аса ірі көлемдегі «көксерке филесі» балық өнімін тасымалдау бойынша үкім шығарды.

2021 жылдың қазаны мен 2022 жылдың қыркүйегі аралығында компания басшысы браконьерден заңсыз ауланған балықты сатып алып, Еуропалық Одақтың әр еліне экспорттаған. 

«Экспортқа рұқсат алу үшін жасанды көксерке өсіруге мүмкіндігі жоқ шаруа қожалығында балықтың шығу тегі туралы жалған құжаттар пайдаланды. Заңсыз экспортталған балық өнімдерінің жалпы құны 210 миллионнан астам теңгені құрады», – деп хабарлады орган.

26 шілде күні сот үкімімен компания жетекшісі ҚК-нің 234-бабының 2-бөлігінің 4-тармағымен кінәлі деп танылды. Ол 210 млн теңге кедендік төлем төлейд...

Құрылыс салушылар ассоциациясы форумында экономист Рақым Ошақбаев тұрғын үй нарығына байланысты пікір бөлісті. Оның айтуынша, елде баспана салу қарқыны жақсы, бірақ түйткілдер де жетерлік.

«Қазақстандағы тұрғын үй құрылысы егемендігіміздің нығаюына байланысты. Отандастарымызды баспанамен қамту көрсеткіші орта әлемдік деңгейден жоғары тұр, тіпті дамыған елдерден жақсы. Жан басына шаққанда жаңа баспана салудан ТМД арасында едәуір алға озып кеттік», – деді Ошақбаев.

Ол дамыған елдерде құрылысшылар жайлы баспана салуға мүдделі екені, тұтынушылардың көңіліне шығуға ұмтылатыны туралы сөз қозғады.

 «Құрылыс саласындағы кейбір мәселелерге тоқталсақ, әлі күнге дейін бірінші әрлеуді қолданамыз. Бұны бір жағынан ерекшелік, бір...

Ресей елдегі «саяси тұтқындарды» АҚШ пен Еуропадағы сотталған азаматтарына ауыстыру туралы келісімге келген. Бұл туралы Тhe Insider басылымы жазды.

Басылым өз дереккөздеріне сүйене отырып, босап шыққан саяси тұтқындардың тізімін жариялаған.

Олардың қатарында саяси белсенді Илья Яшин, саясаттанушы Владимир Кара-Мурза, «Радио Свобода» журналисі Алсу Курмашева, саясаткер Андрей Пивоваров, биолог Олег Орлов, суретші Александра Скочиленко, саяси белсенді Лилия Чанышева, саяси белсенді Ксения Фадеева, TheWall Street Journal журналисі Эван Гершкович, Германия Қызыл айының дәрігері Рико Кригер, мектеп оқушысы Кевин Лик, әлеуметтанушы Демури Воронин, саяси белсенді Вадим Останин, Германия азаматы Патрик Шебель, америкалық әскери журналист Пол Уилан және заңгер Герман Мойжес бар.

Ал Ресей тарапы босатып алған азаматтар қатарында: Германиядан...

Димаш Құдайбергеннің 13 қыркүйек күні Астанада өтетін концертіне билеттердің барлығы сатылып кеткеніне байланысты, әлемге әйгілі әнші келесі күні тағы концерт беретінін  өз Instamgram парақшасында хабарлады.

«Құрметті достар! TICKETON.KZ ресми билет операторының сайтында Астанадағы STRANGER жеке концертімнің екінші күніне билеттер сатылымы ашық екені туралы қуанышты хабармен бөлісемін! Концерт 14 қыркүйек күні сағат 20:00-де «Astana Arena» стадионында өтеді», – делінген жазбада.

Айта кетейік, билеттер құны өзгерген жоқ, таңдалған орындарға байланысты билет кұны 10 мың теңгеден 40 мың теңгеге дейін бағаланып отыр. Ал сахна алдында құрылатын фан-аймағына билеттер 15 мың теңгеден сатылып отыр. Концерт өтетін Астана Арена...

Астанада «Біз Қазақстан Республикасында ЛГБТ-ны ашық және жасырын түрде насихаттауға қарсымыз!» петициясы бойынша жария талқылау өтіп жатыр. Жиынға петицияны қолдайтындар мен оған қарсылық білдіргендер де қатысты.

Отырысты жүргізген Мәдениет және ақпарат вице-министрі Айзада Құрманова 50 мың азамат аталған петицияға қол қойғанын атап өтті.

«Баршаларыңызға мәлім ҚР-ның 50 мың азаматы аталмыш петицияға қосылып қойды. Петиция 10 маусымда жарияланды. Заңнамада белгіленген тәртіпке сәйкес қаралуда. Жұмыс тобының құрамына Парламент депутатары, петиция авторы мен қоғамдық ұйым өкілдерін қосқанда, барлығы 45 адам кірді. 10 шілдеде болған отырыста бірқатар тараптың сұрағы тыңдалды», – деді вице-министр.

Айзада Құрманова жиын басында талқылаудың ережесін...

Азамат Сатыбалды кеткеннен кейін, Шәкен Айманов атындағы «Қазақфильм» киностудиясын уақытша Айдар Омаров басқаратын болады.

Қазақстан Республикасы Мәдениет және ақпарат министрлігі киностудиясының штаттық режимде жұмысын жалғастырып жатқанын хабарлады. 

«Ұлттық киностудия президенті міндетін Айдар Омаров уақытша атқаратын болады», – делінген министрлік хабарламасында.

Бұған дейін Омаров киностудия президентінің орынбасары қызметін атқарып келген.

31 шілдеде Шәкен Айманов атындағы «Қазақфильм» киностудиясының президенті Азамат Сатыбалды қызметінен кеткені белгілі болған. Бұл ақпаратты актер «Курсив» корреспондентіне растады.

Журналистерге берген жауабында Қытайдағы үлкен жобаға қатысатынын, сол себепті қызметінен кетіп бара жатқанын айтқан.

Азамат Сатыбалды бұл қызметке 2023 жылдың 28 шілдесінде тағайындалған болатын. Яғни актер киностудияны дәл...

«Бірінші шина компаниясы» ЖШС «Конденсат» мұнай өңдеу зауытының акционерлеріне әр акциясын 1 283,44 теңгеден сатып алу турлы ұсыныс жасады.

Заң бойынша АҚ акцияларының 30%-ы және одан да көп үлесінің иесі қалған акционерлерге өз акцияларын сатып алған күннен кейін 15 жұмыс күні ішінде сату туралы ұсыныс жіберуге міндетті. Ұсыныс 2024 жылдың 30 шілдесінде жарияланды.

«Бірінші шина компаниясы» ЖШС 2022 жылдың аяғында тіркелген. Ол көтерме саудада тауарлар сату қызметін ұсынады. «Конденсат» акционерлерінің бірі ретінде 2024 жылдың басында тіркеліп, акциялардың 29,99%-ын сатып алды. «Курсивтің» есептеулері бойынша кейін ондағы үлесін 45%-ға дейін артты.

Ақсай қаласында (Батыс Қазақстан облысы) орналасқан «Конденсат» мұнай өңдеу зауыты...

Жапонияның көлік министрлігі Toyota көліктерін сынақтан өткізу кезінде «бармақ басты, көз қысты» әрекетке жол берілгенін мәлімдеді. Ел-жұртты елең еткізген осы бір хабар әйгілі компанияның акцияларын әп сәтте құлдыратып жіберді. Toyota өткен тоқсандағы табысқа толы қаржылық нәтижелерін ұсынғанымен, төмен құлдыраған акцияларды тежеу мүмкін болмады.

Толығырақ

Тарқата айтсақ, бейсенбі, 1 тамыз күні, Токиодағы сауда қорытындысы бойынша әлемдік алпауыттың акциялары 8,5%-ға төмендеді. Трейдерлер Жапония үкіметінің мәлімдемесіне дәл осылай үн қатты. Бұған Toyota-ның табыс пен сату көлеміне қатысты жылдық болжамды жақсартпауы да кері әсер еткен секілді.

Bloomberg жазғандай, компания акцияларына Токио қор биржасындағы жаппай сатылым да белгілі бір дәрежеде қысым көрсеткен. Өйткен...

Оралдық «Ақжайық» футбол клубының бұрынғы директоры ұсталды. Бұл туралы сыбайлас жемқорлыққа қарсы іс-қимыл агенттігі хабарлады.

Сыбайлас жемқорлыққа қарсы іс-қимыл агенттігінің мәліметі бойынша, сотқа дейінгі тергеу барысында «Ақжайық»  ФК ЖШС-нің бұрынғы директоры қамауға алынды. Тергеу жұмыстары жалғасып жатыр.

Айта кетейік, бұған дейін БАҚ-та «Ақтөбе» ФК басқарма төрағасы болған Азамат Шайханың ұсталғаны туралы ақпарат пайда болды, алайда оның бір күн бұрын қызметінен кеткені расталды. Азамат Шайхы 2022 жылдың маусым айының соңында «Ақжайық» футбол клубының директоры қызметінен өз еркімен кетіп, 2023 жылдың қыркүйегінде «Ақтөбе» футбол клубын басқарды

Естеріңізге сала кетейік, «Ақжайық» футболшылары Ақтөбедегі ойынға барудан бас тартып, жалақы төлеуді талап еткен...

3 тамыздан бастап Алматы қаласында айлық жол жүру билеті қымбаттайды. Бұған қоса, жолақысы да көтерілетін болады.

Қалалық әкімдіктің ақпаратына сүйенсек, айлық жол жүру билеті – 9 900 теңге, студенттік айлық жол жүру билеті – 4 200 теңге, мектеп айлық жол жүру билеті – 2 000 теңге, зейнетақы айлық жол жүру билеті – 3 000 теңге болады.

Сондай-ақ Алматыда қалалық мәслихатпен келісілген және сарапшылармен белсенді талқыланған қоғамдық көлікте жүруге 120 теңге тариф 3 тамыздан бастап күшіне енеді.  

Бұдан бөлек, жол ақысын қолма-қол ақшамен төлеу мүмкіндігі алынып тасталады. Яғни енді тек ⁠Onay  филиалдарында және 115 клиенттерге қызмет көрсету орындарында сатып алуға болатын көлік...

Қазақстанда мемлекеттік бюджеттің 60%-ы әлеуметтік саланы қаржыландыруға жұмсалған. Бұл жайлы президент Қасым-Жомарт Тоқаевтың қабылдауында болған премьер-министрдің орынбасары Тамара Дүйсенова айтты.

Ақорданың хабарлауынша, Дүйсенова әлеуметтік саланы қаржыландырудың жаңа әдістерін таныстырған. Жаңа тәсілдердің көмегімен бөлінген қаржының шын мұқтаж жандарға жетуі, мемлекеттік қолдау шараларының ашықтығын, бюджет қаражатының тиімді жұмсалуын қамтамасыз етеді.

Сондай тәсілдің бірі отбасының цифрлық картасы арқылы көрсетілетін қызметтер. Қызметтер цифрлық карта көмегімен азаматтардың әлеуметтік санатына қарай дербес ұсынылатыны туралы баяндады.

«Бұл салаға 14,5 триллион теңге бөлінген. Бұл жалпы мемлекеттік бюджеттің 60 пайызын құрайды»,- деген вице-премьер.

Дүйсенова енгізілген жаңа тәсілдер көмегімен бүгінг...