Жаңалықтар

Экология және табиғи ресурстар министрі Ерлан Нысанбаев Аралды жаңбыр суымен толтыру жобасын көтеріп жүрген Алтай Айнабектің бастамасына күдікпен қарайтынын жеткізді.

Министрдің айтуынша, Алтай Айнабектің әдісі – бұл адам сеніңкіремейтін, нақты қолдануға дәлелі жоқ тәсіл.

«Нақты сол күндері «Қазгидрометтің» болжамы бойынша жаңбыр жаууы керек болатын. Алғашқы он күндегі болжам нақты болды. Дүние жүзінде болжаммен айналысатын ғалымдар мен тиісті мекемелер осы тәсілді зерттеуінше, бұл адам сеніңкіремейтін, нақты қолдануға дәлелі жоқ тәсіл. Көрсеткен Арал өңіріндегі жаңбырды айтсақ, бұған қызығушылық таныттық, өзіміздің «Қазгидромет» мамандарын шақырдық. Біздің болжам бойынша сол күндері жаңбыр жаууы керек болған. Сол себептен дүние жүзін...

Қазақстанда жолаушылар вагоны тапшы. Көлік министрі ҚТЖ бұл мәселеге уақтылы мән бермегенін айтты. Ұлттық компания вагондарды дер кезінде жаңартуға қаражат бөлмеген. Бұл жайлы ведомство басшысы Марат Қарабаев Үкімет сағатынан кейін өткен брифингте айтты.

Журналистер министрден вагон тапшылығының, билет тапшылығының себебін сұрады.

«Бұған осыдан 5-10 жыл бұрын уақтылы дұрыс шешім қабылданбағаны себеп. Жаңа вагон сатып алуға айтарлықтай мән берілмеген. Компания қаражатты одан басқа ірі жобаларды жүзеге асыруға жұмсаған. Бұл жайлы біз талай рет айтқанбыз. Алдыңғы жылы министрлік осы мәселені ескеріп, ҚТЖ ұлттық компаниясында қозғалмалы құрам санын көбейту туралы шешім қабылдады. Мәселен, 2017-2018 жылдарды алып қарайтын болса...

Ұшақты кешіктірген компанияларға салынатын айыппұл көлемі артуы мүмкін бе? Бұл сұраққа Көлік министрі Марат Қарабаев жауап берді. Ведомство басшысы ұшақты кешіктірген әуе компанияларына енді жауапкершілік арта түсетінін мәлімдеді.   Нақтырақ айтсақ, жазалау шаралары қатаңдай түседі.   

Үкімет отырысынан кейін өткен брифинг барысында БАҚ өкілі Scat және FlyArystan компанияларына 3,6 млн теңге айыппұл салынғанын еске салды.

«Есептеп қарасаңыз, оларға ұшағы кешіккен жолаушыларға қонақүй жалдағаннан гөрі айыппұл төлей салу тиімді. Бұл айыппұлдар өз міндеттері мен заң талаптарын орындауға мәжбүр болатындай етіп, әуе тасымалдаушылардың жауапкершілігін қатайтуды көздемейсіз бе?», – деп сұрады БАҚ өкілі

Министр бұл кемшіліктер үшін салынатын айыппұл көлем...

«Бурабай» ұлттық саябағындағы Жұмбақтасқа туристердің шығуына және тастың бетіне жазуға тыйым салынуы мүмкін. Бұл туралы Үкімет отырысынан кейін Экология және табиғи ресурстар министрі Ерлан Нысанбаев айтты.

Ведомство басшысының сөзінше, бұл шара туристер ағының артуына байланысты қабылданбақ. Алайда Жұмбақтастың маңында жүзуге шектеу қойылмайды.

«Ол жерде жүзуге және онда бару тыйым салынбайды. Бірақ, менің ойымша, бұл жартастарға шығуға тыйым салу туралы шешім қабылдау керек. «Бурабай» ұлттық паркінің басшылығымен сөйлесемін» – деді министр.

Жұмбақтас – «Бурабай» мемлекеттік ұлттық табиғи паркінің экологиялық аймағында, Бурабай кентінен шамамен 4 шақырым жерде орналасқан.

Еске сала кетсек, 2024 жылғы 22 мамырда депутаттар вандализм үшін...

Air Astana компаниясы 7 Airbus әуе кемесін лизингке алады. Air Lease Corporation-мен жасалған келісімге сәйкес, A321neo LR ұшақтары 2026 жылдан бастап жеткізілмек.

«2024 жылғы 26 шілдеде Air Astana тобы Airbus A321LR жеті ұшағының операциялық лизингі туралы Air Lease Corporation-мен келісім жасады. Ірі мәміле Директорлар кеңесімен мақұлданған», – делінген хабарламада.

Аталмыш келісім компанияның әуе паркін 2028 жылға қарай 80 ұшаққа жеткізу жоспарына сай келеді.

Қазіргі уақытта «Эйр Астананың» әуе паркінде 54 ұшақ бар. Ақпан айындағы IPO алдында тасымалдаушы маневр жасауы оңай және жолаушыларды тезірек отырғызып және түсіруге мүмкіндік беретін тар фюзеляжды ұшақ сатып алуды жоспарлап...

Қарағанды – Балқаш ақылы автожолында көліктер үшін жол жүру тарифі 40% өсіп, әр шақырымы 2 теңге болады. Бұл туралы Үкіметтің баспасөз алаңында Көлік министрі Марат Қарабаев айтты.

«Тарифті жолды күтіп ұстау және алынған қарызды қайтару үшін көбейтуді жоспарлап отырмыз. Қазір дәстүрлі түрде 1 километр үшін 1 теңге 25 тиын төлейді. Енді біршама өсіріп, 1 километр үшін 2 теңгеден көп баға қоятын боламыз», – деді министр.

Қарабаевтың сөзінше, жоба құны 317 млрд теңге болған. Қарағанды  – Балқаш жол учаскесін салу үшін «ҚазАвтоЖол» компаниясы халықаралық қаржы институттарынан, дәлірек айтқанда, Азия Даму банкі, Еуропа инвестициялық банкі және Дүниежүзілік банктен...

Маусым айында Қазақстаннан трансшекаралық ақша аударымдарының көлемі 73 млрд теңгені құрады. Бұл бір жыл бұрынғыдан 16,6%-ға аз, деп хабарлады Ұлттық банк.

Ақша аударымдары бағыттарының арасында бұрынғыдай Өзбекстан көш бастап тұр. Аталған елге бір айда 28,7 млрд теңге жөнелтілді (2023 жылғы маусыммен салыстырғанда 8%-ға аз).

Аударылған қаражат бойынша Өзбекстанның үлесі 39,3%-ды құрады. Қазақстаннан ең көп ақша аударылған бес елдің қатарына Ресей (19,6 млрд теңге және 26,9%), Түркия (10,6 млрд теңге және 14,5%), Грузия (4,9 млрд теңге және 6,7%) және Қырғызстан (2,6 млрд теңге, 3,6%) кірді.

Ай сайынғы көрсеткіштерде транзакциялардың жалпы көлемінің төмендеуі 1,1%-ды құрады.

Қазақстан резиденттері пайдаланатын төлем...

2024 жылғы 29 шілдеде су айдындарының мониторингі барысында Жайық-Каспий облысаралық бассейндік балық шаруашылығы инспекциясы Атырау ЖЭО-сының каналында балық қырылғанын анықтады. Бұл туралы «Ақ Жайық» басылымы хабарлайды.

Басылым мәліметінше, канал Атырау ЖЭО-сына тиесілі. Ондағы су температурасы 39,5 градус цельсий, оттегінің мөлшері – 6 мл/дм3. Оған жылу электр орталығының қазандықтарын салқындататын су ағызылып, шабындық жерді суару үшін қолданылады.

Жайық-Каспий облысаралық балық шаруашылығы инспекциясы барлық мүдделі мемлекеттік органды хабардар еткен. Сондай-ақ балық өлген жерді тексеру үшін арнайы комиссия тағайындалды.

«Тексеру барысында көктемгі су тасқыны салдарынан Жайық өзені жағадан шығып, Соколок арнасына құйылды. Сондай-ақ, су тасқыны кезінде Соколок...

Ресей Федерациясының Мемлекеттік Думасы ел азаматтығын алу үшін әскерге баратын мигранттардың армиядағы қызмет уақытын арттырғысы келеді. Заңға түзетулер жуық арада қабылданып, мигранттарды әскерге шақыру жасы да өзгеруі мүмкін. 

Мемлекеттік думаның спикері Вячеслав Володин мигранттарды әскери есепке қою туралы заң жобасын дайындауды ұсынған. Заң күшіне енген сәтте Ресей Федерациясы азаматтығын алу кезінде әскери есепке қою іске асырылады. Азаматтықты сатып алғандар әскери қызметті 12 ай емес, екі жыл өтейді.

Әскерге шақыру жасы Ресей азаматтығын алуға үміті бар мигранттарға әсер етеді. Нақты қай жастан қай жасқа дейін өзгеріс болатыны айтылмады. Қазір 18-30 жас аралығындағы ер адамдар әскери қызметке шақырылады.

Мемлекеттік Дума әскерге шақырылған мигранттардың жасын қай мерзімге дейін ұзартқысы келетінін нақтылау туралы әлі де...

Алакөлге құлаған дельтаплан оқиғасынан соң, туристерге қызмет көрсететін барлық ұшақ тексеріледі. Көлік министрі Марат Қарабаев тіркелмеген және ұшуға рұқсат беретін сертификаты жоқ барлық әуе кемесі қатаң бақыланатынын мәлімдеді.

«Дельтапландардың осы түрі немесе Ан-2 ұшағына тексеру жүргіземіз, Ан-2 ұшағына келетін болсақ, бізде 263 бірлік бар, бірақ 94-і ғана ұшуға жарамды, қалғандары жарамды емес. Дегенмен ұшу жарамдылығы және ұшқыштың рұқсат сертификатынсыз жұмыс істеп жатқан фактілер кездесіп отыр. Оның дәлелі осы дельтаплан оқиғасы», – деді Марат Қарабев Үкімет отырысынан кейін өткен брифингте.

Министр әрбір әуе кемесі белгілі бір мерзімге ұшуға жарамдылық сертификатын алатынын түсіндірді. Алайда Алакөлге құлаған дельтапланда...

Алматыда «Graff» тұрғын үй кешені сүріліп жатыр. Бұл жайлы Алматы қаласының сәулет-құрылыс бақылау басқармасының басшысы Данияр Қырықбаев хабарлады.

Сот шешімімен бұзылып жатқан тұрғын үй кешені Ерменсай ш/а, 7, 7 / 71 учаскесінде орналасқан. Нысан үш жер телімінде тиісті рұқсат құжатынсыз салынған.

2023 жылдың 20-шы қаңтарында басқарма тапсырыс берушіге бұзушылықтарды жою туралы нұсқама бере отырып, әкімшілік шаралар қабылдаған. Ал кейін Бостандық аудандық сотына ғимаратты бұзу туралы арызбен жүгінген.

«Былтыр 24 шілдеде аудандық соттың шешімімен басқарманың заңсыз құрылысты бұзу туралы талап арызы қанағаттандырылды. 2023 жылдың 19 қазанында апелляциялық сот бірінші сатылы соттың шешімін...

Ұлттық қордың 3,5 трлн теңге қаржысы облигациялық қарыз ретінде берілген. Қаржы министрлігінің есебіне сәйкес, сол қарыздың 453 млрд теңгесі қайтарылған. Қазіргі кезде 3,09 трлн теңгесі облигациялық қарыз ретінде есепте тұр.

Ұлттық қор активтерін басқаратын Ұлттық банк облигациялық қарызды түрлі жобаларға берген. Олардың қатарында тұрғын үймен қамтудан бастап, «ЭКСПО» нысандарын салу мен темір жол құрылысын қаржыландыру бар.

Қаржы министрлігінің мәліметіне сәйкес, облигациялар, ең бірінші, ҚР Үкіметінің, ҚР ҰБ мен ҚҚА-ның экономиканы және қаржы жүйесін тұрақтандыру жөніндегі 2009 – 2010 жылдарға арналған бірлескен іс-қимыл жоспарын іске асыру үшін сатып алынған.

Сонымен қатар «өңдеуші өнеркәсіптегі ШОБ жобаларын қаржыландыру және ШОБ-ты...

Өнеркәсіп компанияларының акциялары өткен аптада АҚШ-тың ең көп сатылатын секторына айналды – хеджқорлар оларды рекордтық қарқынмен сатып жатыр. Сарапшылар қысқамерзімді маусымдық бәсеңдеу болады деп отыр. 2024 жылы «толыққанды» аю нарығын көре алмаймыз-ау. Осы және басқа да тақырыптар туралы 29 шілдедегі әлемдік БАҚ шолуынан оқыңыз.

Goldman Sachs: хеджқорлар өнеркәсіптік компаниялар акцияларын рекордтық қарқынмен сатып жатыр

Геосаяси өзгерістерге байланысты хеджқорлар өнеркәсіптік компаниялардың акцияларынан сатып құтылуға көшкен деп жазады Bloomberg. Олар Дональд Трамптың АҚШ президенті болып сайланып, шетелдік тауарларға тариф енгізуі ықтималдығының артуына осылай дайындалып жатыр. Бұдан басқа тағы АҚШ пен Қытай экономикасының өсу қарқыны баяулауына қатысты қауіптену де күшейіп келеді.

Қала сыртындағы және облыс аралық жолдарда апат саны азаймай тұр. Өйткені республикалық жолдардың тек 3%-ы ғана қауіпсіздік талаптарына сәйкес келеді. Осындай мәлімет келтірген Ішкі істер министрі Ержан Сәденов шұғыл түрде 4 және одан да көп жолағы бар 6 мың шақырымнан астам жол салу қажет екенін айтты.  

Министр Үкімет отырысында елдегі жол қауіпсіздігі мәселесін көтерді. Ведомство басшысының дерегінше жыл сайын елімізде жол апатынан 2 мыңнан астам адам опат болып, 19 мың адам жарақат алады.

«Бұл – орны толмас шығын. Апат санының өсуіне бірінші тіркеу тәсілдерінің өзгеруі әсер етті. Екінші – автотранспорттың өсуі. Үшінші – инфрақұрылымның жағдайы. Төртінш...

Павлодар мұнай-химия зауытында жоспарлы жөндеу жұмыстары аяқталды. Жанар-жағармай өндіріп, жөнелту басталды. Бұл туралы «Қазмұнайгаз» компаниясы хабарлады.

28 шілдедегі жағдай бойынша өндірілген және жөнелтілген жанар-жағармай материалдары:

Латын Америкасының тоғыз мемлекетінің үкіметі Венесуэлада өткен президенттік сайлаудың қорытындыларына байланысты Америка мемлекеттері ұйымының төтенше кездесуін өткізуге шақырды. Бұл туралы америкалық AP News агенттігі хабарлады.

Аргентина, Гватемала, Доминикан Республикасы, Коста-Рика, Панама, Парагвай, Перу, Уругвай және Эквадор қол қойған декларация Венесуэладағы сайлау нәтижелерін толық қайта қарауды талап етеді.

Сонымен қатар «халықтың еркі мен демократияның іргелі принциптерін»қорғауға тиіс Америка мемлекеттері ұйымының Тұрақты Кеңесінің шұғыл отырысын өткізу қажет деп мәлімдейді. Декларацияға қол қойған елдер Венесуэлаға тәуелсіз бақылаушылар жіберуді талап етті.

Айта кетейік, Венесуэла президентінің сайлауы 28 шілдеде өтті. Қазіргі президент Николас Мадуро 51,2% дауыспен жеңіске жетті. Ал оның қарсыласы Эдмундо Гонсалес 44,2% жинады...

Тараз қаласы әкімдігінің қызметкерлері мекеменің балансындағы мүлікті тіркеуден заңсыз шығарып, мемлекетке 100 млн теңге залал келтірген. Бұл жайлы Қаржы мониторингі агенттігінің баспасөз қызметі хабарлады.

«Қаржы мониторингі агенттігі Жамбыл облысының прокуратурасымен бірлесіп, Тараз қаласы әкімдігінің қаржы бөлімінің лауазымды тұлғаларына қатысты бірқатар заң бұзушылықтар бойынша сотқа дейінгі тергеп-тексеруді бастады», – деп хабарлайды агенттік.

Агенттіктің хабарлауынша, қала әкімшілігінің қызметкерлері мемлекет кірісіне түскен тауарлық-материалдық құндылықтардың есепке алынбауын өз мақсаттарына пайдаланған. Олар ресми құжаттарды қолдан жасап, соттардың үкімдері бойынша тәркіленген коммерциялық жылжымайтын мүлік пен халық тұтынатын тауарларды мекеменің балансынан заңсыз шығарып отырған.

Шенеуніктердің мұндай заңсыз әрекетінен...

Kaspi.kz 2023 жылы «Magnum E-commerce Kazakhstan» ЖШС акцияларының 90 пайыз үлесін иеленген. Қаржытех тобы компанияның жарғылық капиталына 5 миллиард теңге инвестиция салған. Бұл жайында Kaspi.kz-тің 2023 жылғы аудиторлық есебінде жазылған.

2023 жылдың ақпан айында топтың еншілес компаниясы – «Kaspi Магазин» «Magnum E-commerce Kazakhstan» ЖШС-нің 51 пайыз акциясын иелеген. Сол кезде компанияның жарғылық капиталына 5 млрд теңге инвестиция салды. 2023 жылдың барысында тағы да 30,01 пайыз акциясы топтың меншігіне өткен. Бұл акциялар басқарылмайтын қатысу үлесін өзгерту нәтижесінде туындаған түзету ретінде қабылданған.

Алдағы үш жылда қаржытех тобы компаниясы E-Magnum-ға 65 миллиард теңге инвестициялауды көздеп отыр.

Magnum E-commerce Kazakhstan...

Бұрынғы Экономика министрі Әлібек Қуантыров президенттің өкімімен Сыртқы істер министрлігіне жаңа қызметке тағайындалды. Бұл жайлы Ақорда хабарлады.

«Мемлекет басшысының өкімімен Әлібек Сакенұлы Қуантыров Қазақстан Республикасы Сыртқы істер министрінің орынбасары лауазымына тағайындалды»,- делінген Ақорда хабарламасында.

Айта кетейік, Әлібек Қуантыров 2022 жылдың қаңтарынан 2024 жылдың ақпанына дейін Ұлттық экономика министрі болған. Оған дейін 2021 жылдың ақпанынан 2022 жылдың қаңтарына дейін экономика вице-министрі қызметін атқарған.

Экс-министр Томск мемлекеттік университетінде, сондай-ақ «Болашақ» стипендиясы бойынша Мичиган университетінде оқыған.

2022 жылдың басынан «Самұрық-Қазына» қоры мен «Бәйтерек» холдингінің директорлар кеңесінің мүшесі болды. Алайда экс-министр отставкаға кеткеннен кейін бір ай...

«ҚазТрансОйл» 6 айда 23,2 млн тонна мұнай тасымалдаған. Бұл 2023 жылдың I жартыжылдығындағы көрсеткіштен 1 млн тоннаға немесе 5%-ға артық. Компаниялар тобы жыл басынан бергі өндірістік қорытындысын шығарды.

«2024 жылдың қаңтар-маусым айларында жеке «ҚазТрансОйл» АҚ магистральдық мұнай құбыры жүйесі арқылы 22 млн 265 мың тонна мұнай тасымалдады, бұл 2023 жылдың бірінші жартыжылдығымен салыстырғанда 912 мың тоннаға немесе 4%-ға артық», – делінген хабарламада.

Есепті кезеңде «Қазақстан-Қытай құбыры» ЖШС мұнай құбырлары арқылы 9 млн 127 мың тонна мұнай тасымалданған, бұл 2023 жылғы І жартыжылдық көрсеткішінен 161 мың тоннаға аз.

Сонымен қатар «МұнайТас» СБҚК» ЖШС...

«Жалтырбұлақ» компаниясы «Астана» халықаралық қаржы орталығына тіркеледі. Акционерлердің жалпы жиналысында осындай шешім қабылданды. Жиналыста дауыс беру қорытындысымен Әлімбек Сейдуллаев компанияның бас директоры болып тағайындалды.

«Әлімбек Сайдуллаевқа барлық құжатты жеке-дара ресімдеуге компанияны тіркеу үшін құрылтайшы-акционерлердің атынан барлық қажетті және тиісті әрекетті жасауға, тіркеу процесінен кейін барлық қажетті және тиісті әрекеттерді жасауға өкілеттік берілсін», – делінген Қазақстан қор биржасы жариялаған құжатта.

«Жалтырбұлақ» АҚ-ның жарғылық капиталы 500 000 000 теңге, акциялар саны – 500 000 дана, акцияның номиналды құны – 1000 теңге деп бекітілді.

Қазақстан қор биржасындағы 1 шілдедегі ақпарат бойынша компания акциялары Б. Жамалов (31,88%), Г. Досаева (25,67%), Б...

2024 жылғы қаңтар-маусымда банктердің таза пайдасы 1 157 млрд теңгені құрады. Бұл 2023 жылдың тиісті кезеңімен салыстырғанда 9,9%-ға көп.

Биылғы 1 шілдедегі жағдай бойынша банк секторының активтері негізінен өтімді активтердің 5,8%-ға немесе 1,2 трлн теңгеге өсуі есебінен 3,9%-ға немесе 2,1 трлн теңгеге ұлғайды (2024 жылдың басынан бері 7,5%-ға немесе 3,9 трлн теңгеге өсу). Осылайша 55,3 трлн теңгені құрады.

Екінші деңгейдегі банктердің өтімділігі жоғары активтері 16,3 трлн теңгені немесе активтердің 29,4%-ын құрады. Бұл банктерге міндеттемелеріне толық көлемде қызмет көрсетуге мүмкіндік береді.

2024 жылғы маусымда екінші деңгейдегі банктер экономикаға берген кредиттер 2,0%-ға 30,1 трлн теңгеге жетті (2024 жылдың басынан бері 7,7%-ға өсу). Оның ішінде ұлттық валютада 1,5%-ға 27,6 трлн теңгеге дейін, шетел валютасында 7,4%-ға 2,5 трлн теңгеге...

Жамбыл облысындағы трассада жүк көлігінің жанып кеткеннен кейінгі «қаңқасы» түсірілген бейнежазбасы тарады. Автокөліктер тиелген жүк көлігі өртеніп кетті. Желі қолданушылары ыстықтан болуы мүмкін деп топшылайды.

«Қатты қызып кеткен сияқты. Қысқа тұйықталу да боулы мүмкін. 8 жап-жаңа көлік өртеніп кетті. Қазір ыстық, көліктерді бақылаңыз, температураны қадағалаңыз. Алдымен баллондарға мұқият қараңыз. Өйткені бетон, көлік қызып жатыр. Ең бастысы, жүргізушілер тірі», –  дейді кадрдегі дауыс.

Жамбыл облысы төтенше жағдайлар департаменті бұл оқиға Қордай ауданы аумағында болғанын хабарлады. «Қорғастан» шыққан техника Ресейге бет алған.

«Сағат 22:33-те Қордай ауданында Алматы – Ташкент республикалық тас жолының 177-шақырымында...

Астана полициясы әйелге қол жұмсады деп айыпталған қоғам белсендісі Арман Шораевқа қатысты жүргізілген қылмыстық істің аяқталғанын растады. Тараптар татуласу туралы шешім қабылдаған.

«Осы фактіге байланысты «Ұрып-соғу» бабы бойынша қылмыстық іс қозғалды.

ҚР Қылмыстық кодексінің «Татуласуға байланысты қылмыстық жауаптылықтан босату» 68-бабына сәйкес қылмыстық құқық бұзушылық жасаған адам мен жәбірленуші, егер олар өзара татуласса, оның ішінде медиация тәртібімен келтірілген залалды өтесе, қылмыстық жауаптылықтан босатылуға жатады.

«Тараптар өз құқықтарын пайдаланып, сотқа дейінгі тергеуді тоқтату туралы арыз жазды. Сотқа дейінгі тергеп-тексеруді тоқтату туралы қаулыны қадағалау органы бекітті», – деп хабарлады Астана полициясының департаменті.

Интернетте бұған дейін белгісіз ер адамның әйелді ұрып-соғып жатқаны жайлы бейнежазба тарады. Михаил Козачковтың Telegram...