Жаңалықтар

ТМД елдері Орталық банктерінің 2024 жылдың маусым айындағы жылдық инфляция бойынша мәліметтерге назар аударсақ, Өзбекстанда инфляция 10,55% болып, ең жоғары көрсеткішке жеткен. Ал Ресейдегі өсім 8,59%-ды құрап, оны өңірдегі екінші орынға шығарды. Ал Қазақстан инфляция деңгейі бойынша үшінші орынға орналасты.

Маусым айында ең төмен инфляция Әзірбайжан -0,3%, Армения – 0,8%, Тәжікстан – 3,6% және Молдова елінде 3,8% деңгейінде қалыптасты.

Қазақстан

Қазақстан  2022 жылдың желтоқсан айынан бері жылдық  инфляция бойынша ТМД және ЕАЭО елдері ішінде бірінші орынды алып келді. Елімізде 18 ай бойы жоғары инфляция тіркеліп, көш соңындағы көрсеткіштің ұзақ сақталуына көптеген фактор әсер етті. Ұлттық банктің жылдар бойы жүргізген қатал  ақша-несие саясаты...

Еуропалық одақ кеңесі 2024 жылғы 22 шілдеде Ресейге қарсы экономикалық санкцияларды тағы 6 айға, 2025 жылдың 31 қаңтарына дейін ұзартқанын хабарлады.

«Алғаш рет 2014 жылы енгізілген бұл санкциялар 2022 жылдың ақпан айынан бастап айтарлықтай кеңейтілді. Олар қазіргі уақытта саудаға, қаржыға, технологияға және қосарлы мақсаттағы тауарларға, өнеркәсіпке, көлікке және сәнді тауарларға шектеулерді қоса алғанда, салалық шаралардың кең ауқымын қамтиды», – деп жазылған хабарламада.

ЕО санкциялары Ресейден Еуропа елдеріне шикі мұнай мен кейбір мұнай өнімдерін теңіз арқылы әкелуге немесе тасымалдауға тыйым салуды көздейді. Сонымен қатар бірнеше ресейлік банкті SWIFT-тен ажырату және бірқатар ақпарат құралдарына Еуропалы...

Жапондық сарапшылар Қазақстанның 4 облысындағы гидротехникалық құрылыстарға зерттеу жүргізеді. Бұл жайлы Су ресурстары және ирригация министрлігінің баспасөз қызметі хабарлады.

«Жапондық сарапшылар келесі жылғы су тасқыны кезеңіне дайындық аясында Қазақстанның 4 облысындағы 13 гидротехникалық құрылысқа зерттеу жүргізеді», –   делінген баспасөз хабарламасында.

Бұл мәселе Су ресурстары және ирригация министрі Нұржан Нұржігітовтің Жапонияның Қазақстандағы Елшісі Джун Ямадамен және Жапония Халықаралық ынтымақтастық агенттігінің (JICA) өкілдерімен кездесу барысында көтерілген. Кездесу барысында екі тарап ынтымақтастық орнатуға келіскен.

Шетел мамандары көктемгі су тасқыны кезінде өте үлкен көлемде су қабылдаған гидротехникалық құрылыстардың жағайын тексеруі керек. Олар бүгінде Қостанай...

2024 жылдың мамырында оң аймаққа өткен қазақстандықтардың тұтынушылық сенім индексі (ССІ) маусым айында да өсіп ұлғая түсті. Халықтың инфляциялық күтулерінде пессимистік сипат басым. Әйтсе де біздің сауалнамаға қатысқан респонденттер негізінен интернет пен мобильді байланыстың және тұрмыстық қызметтердің бағасы өскеніне көбірек мән берді. Еңбек нарығына қатысты болжамдар біршама ұстамды деңгейде, ал кредит және депозит сенімдеріне қатысты ұстанымдар өсу бағытында өзгеріп келеді.

Назарларыңызға Freedom Finance Global PLC зерттеу компаниясы United Research Technologies Group әдістемесі бойынша ай сайын жүргізетін тұтынушылардың сенім индексіне қатысты 20-шы зерттеу толқынының нәтижесін ұсынамыз. Естеріңізге сала кетсек, бұл зерттеу 2023 жылдың қараша айынан бері жүргізіліп келеді.

«Оптимистік...

Қазақстандықтар бос уақытын қалай өткізеді және елде ойын-сауық нарығы қалай дамыған? Freedom Finance Global компаниясы зерттеу жүргізді. Зерттеу барысында ойын-сауық индустриясына қатысушылардың объектілеріне және қызметіне, сондай-ақ кейінгі жылы халықтың мінез-құлық ерекшеліктеріне талдау жасалған. Сонымен қатар елдегі барлық 16 жастан асқан 3 000-нан астам адам арасында сауалнама жүргізілді.

Халықтың таңдауы киноға бару. Қазақстандықтар Америка мен елде түсірілген фильмдерге басымдық береді

«Зерттеу барысында бос уақыт өткізудің кең таралған түрі – киноға бару екені белгілі болды», – деп жазды Freedom Finance Global компаниясының талдаушысы Аңсар Абуев.

Зерттеуге сүйенсек, кинотеатрға респонденттер қызықтыратын фильм (54,6%), достарымен (37,6%) немесе балаларымен...

Қытай қаржы саласын қадағалауды күшейтеді. Ойын индустриясы құлдыраудан кейін көтерілуге дайын. Джо Байден сайлауалды жарыстан кеткеннен кейін нарық Трамптың экономикалық жоспарын алаңдаушылықпен зерттеуге көшті. Осы және басқа да тақырыптар туралы өткен демалыс күндеріндегі әлемдік БАҚ шолуын оқыңыз.

Трамптың жеңіске жетуі ықтимал бола түсті: бұл Уолл-стрит үшін нені білдіруі мүмкін

Жексенбі, 21 шілдеде, Джо Байден АҚШ президенті болуға үміткерліктен бас тартуға ұйғарды. АҚШ вице-президенті Камала Харрис осыдан кейін сайлауда Байденді алмастыратынын мәлімдеді, ал Байден оны өзінің ісін жалғастырушы ретінде кандидатурасын қолдады. Кімді жаңа үміткер ететінін бірнеше аптадан кейін өтетін Демократиялық партияның съезі шешеді.

Осы өзгерістер Дональд Трамптың жеңіске жету мүмкіндігін...

Енді қазақстандықтар «Қазпошта» төлем карталары арқылы цифрлық активтерді сатып алып сата алады. Қазақстанның ұлттық пошта желісінің операторы «Қазпошта» АҚ цифрлық активтермен фиат операцияларын жүзеге асыра алатын болады. 

Компания Қазақстанның коммерциялық банктерімен (екінші деңгейлі банктер) қатар осы қызметтерді көрсете алатын ұйымдардың тізіміне ресми түрде енді. Осылайша, «Қазпочта» өз клиенттеріне қаражатты толықтыру және алу бойынша қызметтерді ұсынуға мүмкіндік береді.

«Астана» халықаралық қаржы орталығы ҚР Ұлттық банкімен және Қаржы нарығын реттеу және дамыту агенттігімен бірлесіп, өзара іс-қимыл қағидаларына ұлттық пошта желісінің операторын қосу арқылы фиат арналарының тізімін кеңейтетін нақтылаушы өзгерістер енгізді. Түзетулер ұлттық пошта желісінің операторына фиат арнасы ретінде әрекет етуге, яғни...

«Маңғыстаумұнайгаз» компаниясы өз акционеріне 2023 жыл үшін 36,4 млрд теңге дивиденд төлейді. Бұл компанияға Mangistau Investments B.V. еншілес кәсіпорны арқылы Қытай ұлттық мұнай компаниясы `(CNPC) мен «ҚазМұнайГаз» ҰК теңдей иелік етеді.

Қазақстан қор биржасында жарияланған хабарламада 1 қарапайым және артықшылығы бар акцияға 334 теңге дивиденд төленетіні жазылған. Артықшылығы бар акциялар үшін 363,8 млн теңге төленеді. Ал қарапайым акциялар бойынша 36 млрд теңге бөлінбек. Қаржы акционерлеріне 23-24 шілде күндері аударылады. Былтыр компания 85,4 млрд теңге таза пайда тапқан.

Мамыр айында «Маңғыстаумұнайгаз» көбірек мұнай өндіру үшін жүздеген ұңғыма бұрғылайтыны белгілі болған. Нақтырақ айтқанда, 2024 жылғы «Қаламқас кен орнын...

Жоғары аудиторлық палата Әлеуметтік медициналық сақтандыру қорына аудит жүргізіп, кейбір медициналық ұйымдардың қаражатты орынсыз пайдаланғанын анықтады. Атап айтқанда, кейбір мекемелер медициналық қызметтерге қордан да, емделушіден де қосарланған төлем алып отырған. Ал енді бір ұйымның жеке орны мен медициналық жабдықтары болмағанына қарамастан, қордан қаражат алып келгені белгілі болды. Бұл жайлы Жоғары аудиторлық палатаның баспасөз қызметі хабарлады.

Баспасөз қызметінің хабарлауынша, салаға жүргізілген аудит барысында 3,8 трлн теңге болатын қаражат пен активтер қамтылып, 13 ұйымға тексеріс жүргізілген. Тексеріс барысында аудиторлар қор қаражатының орынсыз жұмсалуын анықтаған.

Сондай-ақ аудит барысында Ұлттық қор қаражатының созылмалы игерілмеу жағдайлары тіркелген. Аудит жүргізілетін кезеңде кепілдендірілген және...

Қаржы министрлігі даму жобаларына республикалық бюджеттен нысаналы трансферт бөлу кезінде жергілікті бюджеттен қоса қаржыландырудың ең төменгі шегін арттыруды ұсынады. «Нысаналы даму трансферттерін қарау және іріктеу қағидаларын бекіту туралы» қаулыға енгізілетін өзгерістің қаулы жобасы «Ашық НҚА» порталында жарияланған.

Егер бұрын әкімдіктер әрбір жаңа жергілікті инвестициялық жобаға кемінде 10 пайыз қаржы (Астана – 3 пайыздан кем емес) бөлуі керек болса, енді бірыңғай норма – кем дегенде 20 пайыз деп белгіленбек.

«Іске асырылуына қаражат республикалық бюджеттен нысаналы даму трансферттері түрінде бөлінетін жергілікті бюджеттік инвестицияларды қаржыландыру көлемі барлық сала бойынша әрбір жаңа жергілікті инвестициялық жоба қатысты жоспарлы...

2024 жылдың қаңтар-маусымында инвесторлар депозиттерге немесе жылжымайтын мүлікке қарағанда Қазақстанның қор нарығында көбірек табыс тапты. Бұл туралы Қазақстан қаржыгерлер қауымдастығы талдау орталығы дайындаған Қазақстанның бағалы қағаздар нарығына шолуында жазылған.

Осы кезеңде қор индекстері 2023 жылдың бірінші жартыжылдығындағы көрсеткіштерден (тиісінше 10,9% және 5,9%) айтарлықтай өсті (KASE 23%-ға, AIXQI – 10,3%).

Сонымен қатар инвесторлар арасында банк секторының акциялары жоғары сұранысқа ие болды. Оның ішінде BCC (+85,6%), Kaspi (+38,8%) және Halyk Bank (+25,7%), сондай-ақ Kcell (+53,6%) бар.

«Индекстік акциялардың сауда көлемі (KASE+AIX) 103,2 млрд теңгені құрады. Бұл соманың жартысынан көбі үш компанияның үлесіне тиді. Атап айтқанда, «Эйр Астана...

Ұлттық киноны қолдау орталығының төрағасы Құрманбек Жұмағали Ш.Айманов атындағы  «Қазақфильм» ұлттық киностудиясы аниматорларының «Алтын адам» анимациялық фильміне қатысты дауға түсініктеме берді.

Анимация мамандары жүзеге асырған жоба құны қанша?

 «Қазақфильм аниматорлары «Алтын адам» анимациялық фильміне қатысты мәселе көтергенін білесіздер. Бұл жағдайдың шиеленісуінің нақты себебін білулеріңіз тиіс деп есептеймін. Жоба Ұлттық кино орталығына 2020 жылы ұсынылып басталған. Жалпы құны 378 млн теңгені құрайды. Келісімшарт бойынша киножоба 2021 жылы аяқталуы тиіс болатын. Бірақ орындаушы жұмысты толық аяқтамай, фильмді өткізбеді” , – деп жазды ол әлеуметтік желідегі парақшасында.

Құрманбек Жұмағалидің айтуынша, 2022 жылы «Қазақфильм» жобаны қайта тапсыра...

Франция астанасына Париж қаласында өтетін Олимпиада ойындары басталмай жатып рекорд жаңартты. Олимпиадаға жалпы саны 8,8 миллион билет сатылып үлгерген.

Халықаралық Олимпиада комитетінің спорт директоры Кит Макконнеллдің айтуынша, жарыстарға 8,8 миллионнан астам билет сатылған.

«Бұл Франциядағы спорттық іс-шара үшін ең үлкен сома», – деді Макконнелл.

Бұған дейін ең көп билет 1996 жылы Атлантадағы ойындарға сатылған. Ол кезде спорт сүйер қауым 8,3 миллион билет алған.

Билеттердің құны қанша?

Париж Олимпиадасының ресми сайтының мәліметі бойынша бір билеттің орташа бағасы шамамен 101 еуро. Қазақстан ұлттық банкінің бүгінгі бағамына сәйкес оның құны шамамен 49 908 теңге болады...

Бюджет қаражатын жымқыру фактілерін жасыру, пара алу секілді тағы да басқа заң бұзушылықтар жасағаны үшін Талдықорған қаласының білім бөлімінің басшысы Ж.Жолдыханов 11 жылға бас бостандығынан айырылды. Бұл жайлы Сыбайлас жемқорлыққа қарсы іс-қимыл агенттігі хабарлады.

«2024 жылдың 17 шілдесінде Жетісу облысының Қылмыстық істер жөніндегі мамандандырылған ауданаралық соты Талдықорған қаласының білім бөлімінің басшысы Ж. Жолдыхановқа қатысты үкім шығарды. Ол 11 жылға бас бостандығынан айырылды және өмір бойы мемлекеттік қызметте қызмет атқара алмайды», – делінген хабарламада.

Бөлім басшысы бас бухгалтерінің бюджет қаражатын жымқыру фактілерін жасырған. Есепшісінің бұл қылмысына көз жұмып қарағаны әрі жұмыстан босатпағаны үшін одан 280 млн теңге көлемінде...

Азия Даму банкі Қазақстанның электр желілеріне 58 млрд теңге инвестиция салмақ. Осы мақсатта «KEGOC» АҚ мен Азия Даму Банкі (АДБ) келісімге қол қойған.

Келісім аясында банк Қазақстаннның оңтүстік аймағындағы электр желісін күшейту жобасын 58,2 млрд теңгеге қаржыландырады. Қазір таңдалған мердігерлер жобалау-сметалық құжаттамасын әзірлеп жатыр. Кейіннен жалпы ұзындығы 475 шақырым болатын екі 500 кВ электр жеткізу желісі салынып, сондай-ақ 500 кВ «Шу», «Жамбыл» және «Шымкент» үш қосалқы станциясы реконструкцияланып кеңейтіледі.

«KEGOC» бұл жоба электр энергиясын, оның ішінде жаңартылатын энергия көздерінен ірі ауқымда генерациялауды желіге интеграциялау, елдің оңтүстігінде электр энергиясын жеткізуді күшейту мен тұрақтандыруға ықпал ететінін атап өтеді.

Transfermarket сайтының соңғы мәліметтеріне сүйенсек, лигадағы ең қымбат ойыншы «Ақтөбе» клубының шабуылшысы Максим Самородов. Оның нарықтағы «бағасы» 1,2 миллион еуроға тең.

Сонымен қатар Қазақстан футбол премьер-лигасында өнер көрсететін шетелдік легионер мен жергілікті таланттардың арасындағы «ең қымбат» футболшылар кімдер?

Табысы жоғары футболшылар бестігі :

Ұлттық құраманың жас ойыншысы Максим Самородов «Ақтөбе» сапында жақсы ойын мәнерін көрсетіп жүр, сондай-а...

1 тамыздан бастап Астанада қоғамдық көлікте жол жүру құны 90 теңгеден 110 теңгеге дейін қымбаттайды деп хабарлайды қала әкімдігі.

Әкімдіктің мәліметінше, қалалық маршруттарда 90 теңгелік тариф 2014 жылдың қыркүйегінде белгіленген.

2020 жылдың наурыз айынан бастап Астанада және қала маңында оқитын 18 жасқа дейінгі балалар, сондай-ақ Ұлы Отан соғысының қатысушылары мен мүгедектер, зейнеткерлер, көпбалалы аналар үшін қоғамдық көлікте жол жүру тегін.

Естеріңізге сала кетейік, бұған дейін Алматы қалалық мәслихаты қалада қоғамдық көлікте жол жүру құнын арттыру туралы шешім қабылдаған еді. Өткен аптада қала мәслихаты тарифті 100-ден 120 теңгеге дейін көтеруге келісті, енді оны әкімдік өз қаулысымен бекітуі тиіс.

«Қазпошта» кассирлері паспорт пен жеке куәлікті рәсімдеуден түскен пайданы жымқырып, мемлекетке 84 млн теңге шығын келтірген. Бұл жайлы Қаржы мониторингі агенттігінің баспасөз қызметі хабарлады.

Баспасөз қызметінің хабарлауынша, агенттік Алматы облысы прокуратурасының үйлестіруімен мемлекеттік қызметтер көрсеткені үшін жасалған төлемдерді аса ірі мөлшерде жымқыру мән-жайы бойынша сотқа дейінгі тергеп-тексеру бастаған.

Тергеп-тексеру барысында агенттік Алматы облысы Жамбыл ауданының халыққа қызмет көрсету бөлімінде қызмет көрсететін «Қазпошта» АҚ кассирлерінің 2021-2023 жылдар аралығында паспорт және жеке куәлікті рәсімдеу барысында мемлекеттік баждың бір бөлігін иемденіп отырғанын анықтаған.

«Көші-қон қызметіне баж соммасы жайлы көрінеу жалған ақпарат енгізілген түбіртекті ұсынып, мемлекетке...

Елімізде 10 563 этникалық қазақ қандас мәртебесін алды. Атамекеніне оралған бұл азаматтарға қандас мәртебесі жаңа шарттармен берілген.

Еңбек министрлігі 2023 жылдың шілде айынан бастап Қазақстанда қандас мәртебесін берудің бес негізгі шартын қамтитын жаңа тәсілдер енгізді.

Қандас мәртебесі келесі шарттарды ескере отырып беріледі:

– қоныс аударушылар мен қандастарды қабылдаудың өңірлік квоталары шеңберінде ҚР Үкіметі айқындаған өңірлерге қоныстандыру үшін (еңбек тапшылығы бар өңірлер);

– демографиялық дамуға қажеттілігі бар даму әлеуеті бар агломерациялар мен ауылдық елді мекендердің, шағын және моноқалалардың, аудандық және облыстық маңызы бар қалалардың аумақтарында қоныстандыру үшін;

– тұрғын үй мәселелерін өз бетінше шешу мүмкіндігімен...

Мәжіліс депутаттары «Болашақ» бағдарламасы аясында дарынды балаларды қолдау бойынша заңнамаға жаңа түзетулер дайындалды. Бұл жайлы Мәжіліс депутат Асхат Аймағамбетов хабарлады.

Депутаттың айтуынша, бұл түзетулер «Болашақ» бағдарламасын кеңейтуді көздейді. Яғни солайша жас талант иелеріне қолдау көрсетілмек. Енгізілетін нормаларға сәйкес талантты оқушылар тек ақшалай сыйлық алып, гранттарды иеленіп қоймай, сонымен бірге «Болашақ» бағдарламасы аясында бакалавриат бағдарламасы бойынша оқуға түсе алады.

«Біз республикалық және халықаралық пәндік олимпиадалар мен ғылыми жобалар конкурстарының жеңімпаздарын «Болашақ» бағдарламасы аясында бакалавриат бағдарламалары бойынша оқытуға мүмкіндік беретін нормаларды ұсындық», – дейді Аймағамбетов.

Ал қолданыстағы заңнамаға сәйкес, қазіргі уақытта «Болаша...

21 шілде кешкі сағат 18.54 шамасында Ақмола облысында «Бүркіт-Авиа» компаниясына тиесілі АН-2 ұшағы апатқа ұшырады. Бұл туралы Көлік министрлігі хабарлады.

Министрлік ақпаратына сүйенсек, Ақмола облысының Жарқайың ауданында АН-2 ұшағы апатқа ұшыраған.

«Тіркеу нөмірі — UPA0141. Апат салдарынан ұшақтың өртенуі орын алды. Бортта бір ұшқыш болды. Ұшақ «Бүркіт-Авиа» ЖШС-ге тиесілі», – делінген хабарламада.

Оқиға орнына Ақмола облысы құтқарушылары келіп, өрт сөндірілді. Министрлік ақпаратына сәйкес, адам шығыны мен зардап шеккендер жоқ.

«Осы оқиға бойынша ҚР Көлік министрлігі авиациялық оқиғаны тергеу жөніндегі комиссия құрады. Көліктегі оқиғалар мен оқыс оқиғаларды тексеру департаментінің қызметкерлері авиациялы...

Ғылыми-техникалық програсс күн өткен сайын таңғалдырып жатыр. Ғалымдар түрлі сынақ жасап, өнертабыстың түр-түрін жариялаудан жалықпайды. Әлемдегі бұл қарқын өте жылдам. Соның ішінде материалдың да неше түрін жасап шығарып жатқандарды атап өту керек. Адамдардың өмірін жеңілдететін, миымызға кіріп-шықпаған жаңа материалдардан не істеуге болады? Ол өмірімізге нендей өзгеріс әкеледі? Kursiv Media тілшісі болашақтың 10 материалына шолу әзірледі.

Биокерамика

Бұл арнайы материал медицинада қолданылады. Ол зақымдалған қатты тіндерді қалпына келтіреді. Өлшемі бір нанометрден бастап жүздеген нанометрге дейін болады. У бөлмейді, уақыт өте келе отырып қалмайды, химиялық тұрғыдан тұрақты, қатты. Сондықтан оны қолданған соң қабынып не биокерамикалық импланттар жылжып кетпейді, жанама әсері жо...

АҚШ-тың қазіргі президенті Джо Байден алдағы президент сайлауынан өз кандидатурасын алып тастайтынын мәлімдеді. Ол өзінің шешімін кейінірек ашып түсіндіруге уәде берді. Өз орнына қазіргі вице-президент Камала Харристі ұсынды.

CNN ақпаратына сүйенсек, Байден бұл шешімді Демократиялық партия мен жалпы АҚШ мүддесі үшін қабылдағанын айтқан. Ол келесі аптада елге үндеу жасап, жағдайды егжей-тегжейлі түсіндіруге уәде берді. Сонымен қатар 2024 жылдың соңына дейін өзінің президенттік міндеттерін орындайтынын айтты.

Өз орнына президенттікке кандидат ретінде қазіргі вице-президент Камала Харристі ұсынып, оны өзі «толық қолдайтынын» айтты. 

«Демократтар бәріміз жиналып, Трампты жеңетін уақыт келді. Осылай жасайық!», – деді Байден.

АҚШ Республикалық партиясы президенттікке ұсынған Дональд Трамп «Байденге қарағанда Харристі жеңу оңайырақ болатынын» айтқан.

Сондай-ақ Трамп The Truth Social әлеуметтік желісінде Байденнің «бұл лауазымға ешқашан лайықты болмағанын» және АҚШ оның президенттігінен «қатты зардап шеккенін...

Қарағандыдағы ферроқорытпа зауытында орын алған оқиғаның мән-жайын арнайы құрылған комиссия тексереді деп хабарлады Қарағанды ​​облысы әкімдігінің баспасөз қызметі. Оқиға орны тексерілді, жазатайым оқиғаның куәгерлеріне сауалнама жүргізілді, техникалық құжаттамамен танысу жұмыстары жүргізіліп жатыр.

«8 адам зардап шеккен Қарағандыдағы ферроқорытпа зауытында болған жазатайым оқиғаның себептері мен мән-жайын анықтау үшін еңбек заңнамасы шеңберінде арнайы комиссия құрылды. Оны еңбек инспекциясы басқармасының басшысы Мұрат Қарақекілов басқарды. Комиссия құрамына барлық уәкілетті мемлекеттік органның өкілдері енгізілді», – деп хабарлады әкімдік.

ҚР ҚК 156-бабының 2-бөлігі бойынша «Абайсызда денсаулыққа ауыр зиян келтіруге әкеп соққан еңбекті қорғау ережелерін бұзу» бойынша қылмыстық іс қозғалды.

Еске сала кетсек, Қарағандының ферроқорытпа зауытында таңғы...