Жаңалықтар

2023 жылғы 1 сәуірден бастап көлеңкелі айналымды қысқарту және салықтар бойынша шығындарды болғызбау үшін ЕАЭО елдерімен өзара саудада тауарларға ілеспе жүкқұжаттарды міндетті ресімдеу енгізіледі. Бұл туралы Мемлекеттік кірістер комитеті хабарлады.

Айта кетейік, бұрын жоба ерікті негізде пилоттық режимде жұмыс істеген. Жүкқұжаттар шекарадан өткенге дейін электрондық түрде ресімделеді.

Осылайша, іске асырылатын жүйе тауарлардың шекара арқылы өтуін бақылау процесін автоматтандыруға мүмкіндік береді.

ҚР Экология және табиғи ресурстар министрі Зүлфия Сүлейменова БҰҰ-ның Нью-Йорктегі штаб-пәтерінде ұйымның Бас хатшысы Антониу Гутерришпен кездесті. Бұл туралы ҚазАқпарат хабарлады.

Зүлфия Сүлейменова БҰҰ Бас хатшысын Қазақстанның су ресурстарын орнықты басқару саласындағы жоспарлары туралы хабардар етті. Бас хатшы Қазақстанның күш-жігерін жоғары бағалап, ҚР-дың Орнықты даму мақсаттарына қол жеткізу саласындағы белсенді ұстанымын атап өтті.

Айта кетейік, Зүлфия Сүлейменова БҰҰ-ның Су конференциясында қазақстандық делегацияны басқарып отырған болатын.

Сондай-ақ келіссөз барысында Қазақстанның Орталық Азия және Ауғанстан елдері үшін Орнықты даму мақсаттары жөніндегі БҰҰ Өңірлік хабын құру бастамасы талқыланды. Идея бойынша штаб-пәтер Алматы қаласында орналастырылмақ.

Қазақстан Сыртқы істер министрінің орынбасары Роман Василенко сайлауды байқау жөніндегі ЕҚЫҰ Демократиялық институттар және адам құқықтары жөніндегі бюросы миссиясының басшысы Оуэн Мерфимен қорытынды кездесу өткізді. Бүл туралы ҚР Сыртқы істер министрлігі хабарлады.

Тараптар Қазақстандағы миссияның жұмысын қорытындылап, ЕҚЫҰ миссиясы 20 наурызда жариялаған парламенттік сайлауды байқау бойынша Алдын ала нәтижелер мен тұжырымдар туралы мәлімдемесінің кейбір тармақтарын талқылады. 

Министрдің орынбасары байқаушыларға атқарылған жұмыстары үшін алғысын білдіріп: «Қазақстан ЕҚЫҰ-ның еліміздің демократиялық дамуы саласындағы халықаралық қолдауын бағалайды», – деп атап өтті. 

О. Мерфи аталған сайлау «өзін-өзі ұсынған кандидаттарға сайлауға қатысуға мүмкіндік беріп, саяси өмірге бәсекелестік элементтерін әкелгенін және сайлаушылардың таңдау жасау мүмкіндігін ұлғайтқанын» атап...

 Toyota Жапонияда Camry маркалы жеңіл көлікті сатылымын 43 жылдан кейін тоқтатпақ. Бұл туралы ҚазАқпарат хабарлады.

43 жылдық флагмандық автомобиль өндіруші ретінде танымал болып қала беретін елдерге назар аудара отырып, Toyota Motor Жапония нарығында Camry седанын сатуды тоқтатуды жоспарлап отыр.

Осылайша Toyota жапондық дилерлерге жыл соңында отандық клиенттер үшін Camry өндірісін тоқтататыны туралы хабарлады. Экспорт үшін өндіріс жалғасады.

Ішкі сатылымдар кезең-кезеңімен аяқталады және Toyota көптеген жаңа тапсырыстарды қабылдауды тоқтатты. Жаңа Camry модельдері тек сыртқы нарықтарға сатылмақ.

Франция президенті Эммануэль Макрон жақын арада Қытайға барады. Онымен бірге Еурокомиссияның басшысы Урсула фон дер Лейен сапарға шығады. Бұл туралы РИА Новости хабарлады.

Бірақ саясаткер сапардың нақты күнін хабарлаған жоқ.

20 наурызда Си Цзиньпин Ресейге үш күндік сапармен келді. Келіссөздер қорытындысы бойынша мемлекет басшылары екі бірлескен құжатқа қол қойды. Ресей президенті Владимир Путин мен Си Цзиньпин Ресей мен Қытай арасындағы қатынастар әскери-саяси одақ емес және үшінші елдерге қарсы бағытталмағанын атап өтті.

Мемлекет басшысы «Газпром» компаниясының басқарма төрағасы Алексей Миллерді қабылдады. Бұл туралы Ақорда баспасөз қызметі хабарлады.

Президент Қасым-Жомарт Тоқаев «Газпром» компаниясының басқарма төрағасы Алексей Миллермен энергетика саласындағы өзара іс-әрекеттің басым бағыттарын талқылады.

Сондай-ақ кездесу барысында газ саласындағы бірлескен жаңа жобаларды жүзеге асыру мәселесі қарастырылды.

Қазақстанда азаматтар мен бизнес үшін бірқатар жаңа цифрлық сервисті іске қосу және «Электрондық үкіметтің» архитектурасын жаңғырту жоспарланып отыр. ҚР Премьер-Министрі Әлихан Смайыловтың төрағалығымен өткен Цифрландыру мәселелері жөніндегі комиссия отырысында осы және басқа да мәселелер қаралды. Бұл туралы Үкімет баспасөз қызметі хабарлады.

Цифрлық даму, инновациялар және аэроғарыш өнеркәсібі министрі Бағдат Мусин бүгінгі таңда мемлекеттік органдардың биыл іске асыру жоспарланып отырған 66 цифрлық бастамасының тізбесі пысықталғанын баяндады.

Олардың ішінде мүгедектікті белгілеу үшін медициналық-әлеуметтік сараптаманы цифрландыру, мектепке дейінгі ұйымдарға қабылдау үшін бірыңғай цифрлық кезекті іске қосу, ауыл шаруашылығы жануарларын есепке алу бойынша Vet Mobile қосымшасын енгізу, әскерден босату немесе оны уақытша кейінге...

Қазақстан Ұлттық Банкі ҚРҰБ кадр резервіне алынған кандидаттардың тізімін бекітті. Бұл туралы Ұлттық банк баспасөз қызметі хабарлады.

Іріктеу кезінде барлығы 417 ізденушінің түйіндемесі мен эссесі қаралды. Іріктеудің қорытындысы бойынша 74 кандидат кадрлық резервке алынды.

Үміткерлерді іріктеу кезінде олардың біліміне, жоғары біліктілік деңгейіне, жұмыс тәжірибесі мен халықаралық деңгейдегі кәсіби сертификаттарының болуына мән берілді.

Тиісті Ережеге сәйкес, резервке алынғандар жыл ішінде Ұлттық Банктегі бос орындарға жұмысқа алынуы мүмкін.

Биылғы жылдың 1 сәуірінен бастап «ҚТЖ» ҰК» АҚ Достық-Мойынты учаскесінің екінші жолдарын салу кезеңінде Қытайдан Орталық Азия елдеріне қарай және кері қайтатын жүк транзиті қозғалысын уақытша Алтынкөл – Қорғас торабына қайта бағыттайды. Бұл туралы «Қазақстан темір жолы» ҰК» АҚ-ның ресми баспасөз қызметі хабарлады.

Алтынкөл – Қорғас өткелі арқылы ҚХР-дан ОА-ға жүк тасымалдау Достық – Алашанькоу торабымен салыстырғанда 500 км қысқа және 10-15% арзан.

Бүгінгі таңда Достық – Алашанькоу түйісуі бойынша тасымалдау үлесі ОА-да жалпы көлемнің 20%-нан аспайды.

Алтынкөл және Қорғас станциялары жүктерді қабылдау мен жіберу терминалдық мүмкіндіктер мен заманауи инфрақұрылымға ие.

2023 жылдың ақпан айында екінші деңгейлі банктер мен банктік емес жекелеген айырбастау пунктерінде жалпы салмағы 83,0 келі 2 653 алтын құйма сатылды. Бұл туралы ҚР Ұлттық Банк хабарлады.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 4,0 тонна 117 862 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында өте жоғары сұранысқа ие түрі – 10 грамдық құйма. Жалпы сатылған құймалар арасында оның үлесі 26% – 30 542 дана. Одан кейін 5 грамдық алтын құйма...

Астаналық маман студенттер арасында туберкулез дертінің өсуіне алаңдаушылық танытып жатыр. Бұл туралы ҚазАқпарат хабарлады.

«Жоғары оқу және орта арнаулы кәсіптік білім беру орындарында студенттер арасында туберкулезбен сырқаттану жағдайы алаңдатады. Өткен жылы студенттер арасында туберкулез инфекциясын жұқтыру 37 жағдайы тіркелді. Бұл 2021 жылмен салыстырғанда 13 жағдайға жоғары. Студенттердің туберкулезге шалдығуының негізгі себептері – медициналық көмекке уақтылы жүгінбеу, денсаулыққа немқұрайды қарау», – деді Астана қаласы санитарлық-эпидемиялогиялық бақылау департаменті басшысының орынбасары Жанна Пралиева қалалық коммуникациялар қызметі алаңында өткен брифингіде.

«KTZ Express» АҚ мен «Славтранс-Сервис» АҚ арасында контейнерлік тасымалдарды дамыту және жүктердің қосымша көлемін тарту бойынша стратегиялық ынтымақтастық туралы келісім жасалды. Бұл туралы  «Қазақстан темір жолы» ҰК» АҚ баспасөз қызметі.

Сондай-ақ, Келісім шеңберінде Қазақстан – Ресей (Мәскеу торабы), Қырғызстан – Ресей (Мәскеу торабы) бағыттары бойынша контейнерлік пойыздарды ұйымдастыру жоспарлануда.

Росатом мен ҚХР Атом энергиясы агенттігі жылдам нейтронды реакторлар мен ядролық отын циклін жабу саласындағы ұзақ мерзімді ынтымақтастық бағдарламасына қол қойды. Бұл ақпаратты Росатом баспасөз қызметі таратты.

Бұл келісім 21 наурыз ҚХР Төрағасы Си Цзиньпиннің Ресейге мемлекеттік сапары аясында жасалған.

Құжатқа «Росатом» мемлекеттік корпорациясының бас директоры Алексей Лихачев пен Қытай Халық Республикасы Атом энергиясы агенттігінің басшысы Чжан Кэцзянь қол қойған.

«Құжат кешенді сипатқа ие. Ол бірден бірнеше негізгі бағыттарды қамтиды: ағымдағы бағыттар бойынша өзара іс-қимылды кеңейту, сондай-ақ жылдам нейтронды реакторлармен байланысты жаңа жобаларды іске асыру; уран-плутоний отынын өндіру; пайдаланылған ядролық отынмен (ПЯО) жұмыс...

Мемлекет басшысы «Астана» халықаралық қаржы орталығының басқарушысы Ренат Бектұровты қабылдады деп хабарлады Ақорданың баспасөз қызметі.

«Президентке «Астана» халықаралық қаржы орталығының инновациялық қаржы өнімдері мен қызметтерді дамыту, еліміздің инвестициялық тартымдылығын арттыру, сондай-ақ АХҚО-ның жаңарған даму стратегиясы аясында негізгі бизнес-серіктестермен өзара байланыс жұмыстары туралы мәлімет берілді» делінген хабарламада.

Сонымен қатар, Мемлекет басшысына орнықты қаржыландыру құралдарының аясын одан әрі кеңейту және еліміздің көмірсутегі бейтараптығына жету мақсатын қаржыландыруды жүзеге асырудағы Орталықтың рөлі жөнінде баяндалды.

Өз кезегінде Қасым-Жомарт Тоқаев шетелден инвестиция тарту үшін қажетті инфрақұрылым құрып, жағдай жасауда, сондай-ақ қор нарығы мен ел экономикасын дамытуда АХҚО-ның маңызды рөл атқаратынын...

Пантеонға жерленетін кісілер тізімінен президенттердің отбасы мүшелері алынып тасталады. Сонымен қатар мемлекеттік хатшылар, Конституциялық кеңес төрағалары да онда жерленбейтін болды. «ҚР Тұңғыш Президенті – Елбасы туралы» ҚР Конституциялық заңы күшін жойғандықтан, тізімнен «ҚР Тұңғыш Президенті – Елбасы Нұрсұлтан Назарбаев» тармағы да сызылған. Мәдениет және спорт министрлігі ұсынған «Ұлттық пантеон туралы ережені  бекіту туралы» қаулысына өзгерістер енгізу туралы» құжатты қоғамдық талқылау 7 сәуірге дейін жалғасады.

«Отбасы мүшелері Ережелердің 5-тармағында Пантеонда жерленетін тұлғалардың нақты регалийлері айқындалуына орай алып тастау ұсынылады. Сонымен қатар, қолданыстағы заңнамаға сәйкес «отбасылардың мүшелері» ұғымы қарастырылмаған. Сонымен бірге, осы Ережемен тұлғалардың жұбайы немесе зайыбын жерлеу мүмкіндіг...

Әлемдік сауда айналымы 2022 жылы рекордтық көрсеткіштерге жетті. 2021 жылы сауда көлемі 28,5 триллион доллар болса, 2022 жылы бұл көрсеткіш 10 пайызға өсіп, 32 триллион долларды құраған. Бұл жөнінде Біріккен Ұлттар Ұйымының Сауда және даму жөніндегі конференциясында белгілі болды. Мамандар әлемдегі экономикалық жағдайдың нашарлауына және жыл соңындағы белгісіздікке қарамастан, мұның рекордтық көрсеткіш екенін атап өтті.

Мұндай көрсеткіштер ішінара «жасыл» яғни экологиялық таза тауарларға деген сұраныстың артуымен байланысты екен. Эко тауарлар 2022 жылдың екінші жартысында 4%-ға артық сатылған. Ол тауарлардың айналымы бір жыл ішінде жалпы құны 1,9 триллион долларды құрап, 2021 жылмен салыстырғанда 100 миллиардқа артқан.

Атап айтқанда, электрлі және...

Риддер қаласында төтенше жағдай режимі жарияланды. Оған ЖЭО-да болған апат себеп. Бұл туралы ШҚО әкімі Даниал Ахметов хабарлады.

«Қаланың жылу электр орталығының жұмысында үлкен кемшіліктер бар, жаңа RNGK компаниясының иесі қаңтардан бастап ешқандай жұмыс жүргізбеді… Қазір біз жылыту маусымын аяқтауға мүмкіндік беретін режимді қамтамасыз ету үшін станцияның барлық басқаруын өз қолымызға алуға мәжбүрміз», деп жазды облыс әкімі  Instagram парақшасында

Оның айтуынша, өткен кезеңде 3 миллиард теңгеден астам берешек қалыптасып, мазут, көмір, электр энергиясын жеткізуде олқылықтар болған. Сонымен қатар қараша айынан бастап шұғыл жөндеу және қалпына келтіру жұмыстарын жүргізген компаниялардың жұмысшыларына еңбекақы әлі төленбеген...

Қазақстан авиация қауіпсіздігі саласында еуропалық талаптар мен стандарттарды енгізеді. Еуропа азаматтық авиация конференциясының өкілдері Клайф Райт мен Абигаил Хансен Қазақстанға келіп, ИИДМ Азаматтық авиация комитеті мен «Қазақстанның авиациялық әкімшілігі» АҚ өкілдерімен кездескен.

Сапардың мақсаты – үздік еуропалық тәжірибені және авиациялық қауіпсіздік стандарттарын енгізуді көздейтін CASE-1 және CASE-2 еуропалық оқыту жобаларының тиімділігін бағалау.

CASE-1 жобасы 2017-2019 жылдары өтіп, осы жоба аясында авиация инспекторлары мен авиациялық қауіпсіздік қызметінің қызметкерлері еуропалық авиациялық қауіпсіздік талаптарын зерделейтін семинарларға қатысқан.

Ал CASE-2 жобасы биыл басталған, ол авиациялық қауіпсіздік саласындағы еуропалық талаптар мен стандарттарды енгізуге қолдау көрсете отырып, ЕКАК-ты ұлттық деңгейде қамтамасыз етуд...

Алматы облысы бойынша Сыбайлас жемқорлыққа қарсы қызмет Мамандандырылған ауданаралық экономикалық облыстық соттың судьясына және Алматы облысы Мемлекеттік кірістер департаменті бөлімшесінің қызметкеріне қатысты сотқа дейінгі тергеу жүргізуде. Бұл туралы ведомстваның баспасөз қызметі хабарлады.

Ақпаратқа сәйкес, судья мемлекет алдында салық берешегі бар 2 кәсіпорынды банкрот деп тану туралы азаматтық істер бойынша шешім шығарғаны үшін салық органы қызметкерінің делдалдығымен пара алды деп күдіктенеді», делінген хабарламада.

Қылмыстық процесстік кодекстің 201-бабына сәйкес тергеу мүддесі үшін өзге ақпарат жария етуге жатпайды.

Айта кету керек, Конституцияның 77 – бабы 3-тармағының 1 тармақшасына және Қылмыстық-процесстік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінә сотты...

Алған несиесі бойынша субсидия алатын агроөнеркәсіп кешені субъектілерінің саны азаяды. Енді ауыл шаруашылығы өнімдерін өндіру немесе қайта өңдеу саласындағы басым жобалар бойынша тауарлардың бекітілген тізбесіне сәйкес қызмет ететін субъектілерге ғана субсидия беріледі. Ондағы мақсат ауыл шаруашылығы өнімдерін өндіру және (немесе) қайта өңдеу саласындағы ЭҚЖЖ-ға сәйкес келмейтін бір күндік фирмалардың, жалған кәсіпорындар мен субъектілердің субсидия алуын болдырмау. Бұл туралы Ауылшаруашылығы министрлігінің баспасөз қызметінен хабарлады.

«Бұдан басқа, субсидиялаудың ашықтығын арттыру және бюджет қаражатын мақсатсыз пайдалануды болғызбау мақсатында субсидиялау тетігін іске асыру бөлігінде қаржы институттары мен қарыз алушыларға қойылатын талаптар күшейтілді. Қағидалардың жаңа редакциясына сәйкес, қаржы институты қарыз...

Несие өтеу мерзімін 90 күн кешіктірген борышкерге қайтадан қарыз берілмеуі мүмкін. Қаржы нарығын реттеу және дамыту агеттігін осындай бастама көтеріп отыр. «Банк, микроқаржы және коллекторлық қызметті реттеу мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасы Ашық НҚА сайтында жарияланған.

«90 күнтізбелік күннен астам банктік қарыз және (немесе) микрокредит бойынша мерзімі өткен берешегі бар Кәсіпкерлік қызметті жүзеге асыруға байланысты емес жеке тұлғаға банктік қарыз беруге тыйым салынады», делінген құжатта.

ҚНРДА бұл қадам азаматтардың банк пен микроқаржы ұйымдары алдындағы қарыз жүктемесін азайту үшін керек дейді.

Бұл тыйым жеке тұлғаны...

Экономикалық зерттеулер институты еліміздегі кәсіпкер жастардың портретін жариялады.

2022 жылдың соңында Қазақстанда 30 жасқа дейінгі жастардың басшылығымен 400 мыңға жуық бизнес субъектісі жұмыс істеді. Сол жылы «Даму» Қоры көмегімен жас кәсіпкерлерге жалпы сомасы 61,3 млрд теңгені құрайтын 3 827 жобаға қолдау көрсетілді.

Жас кәсіпкерлер мен іскер әйелдер арасында сауда саласы ерекше танымал (41,9%). Заңды тұлғалар мәртебесіндегі кәсіпкерлер ЖК-ге қарағанда (тиісінше 2,3% және 1,9%) құрылыспен (15,9%) және кәсіби, ғылыми және техникалық қызметпен (5,9%) айналысады.

Жас кәсіпкерлер, жалпы бизнес сияқты, Алматыда (16,7%) және Астанада (11,4%) көп. Халық тығыз қоныстанған Түркістан облысында жасы 30-ға дейінгі жеке кәсіпкерлер бизнес иелерін...

Қазақстандықтар Мәжіліс сайлауының қорытындысына қарсы петиция жариялады. Қасым-Жомарт Тоқаевтың атына жолданған петицияда сайлау нәтижесін жарамсыз деп тану ұсынылған. Бұл құжатқа бір тәулікке жетпей төрт мыңнан астам адам қол қойған.

Онда Қазақстан Республикасы Парламенті Мәжілісінің және мәслихаттарының депутаттарының кезектен тыс сайлауын заңсыз, жарамсыз деп тану және осы сайлаудың нәтижелерін жою; тиісінше АСК және ОСК төрағалары шешімдерінен бас тартып, сайлау хаттамаларының күшін жою, сайлау құжаттарын «бұрмалауға» және дауыстарды дұрыс емес санауға қатысы бар адамдарды қылмыстық жауапкершілікке тарту,; Сайлауды қайта өткізу кезінде сенім болу үшін ОСК құрылымдарына сайлау комиссияларының құрамына қоғам өкілдерін енгізу; Сайлау нәтижесіне еш әсер етпейтіндіктен, бюллетеньдерден «Барлығына қарсы...

23 наурызда сағат 07.50-де Риддер ЖЭО № 6 қазандық аймағындағы жанармай беру галереясында көмір шаңы пайда болды. Жарылыс толқыны шамамен 80 м. шаршы метр қоршау құрылымдарын қиратты. Қазандықтарға көмір беру сағат 13-00-де қалпына келтірілд. Бұл туралы Энергетика министрлігі хабарлады.

Министрлік дерегінше, Риддерге Атомдық және энергетикалық қадағалау мен бақылау комитетінің басшылығы аттанған. Комиссия технологиялық бұзушылықты тергеп-тексереді, оның нәтижесі 10 жұмыс күні ішінде дайын болады.

«Қазіргі уақытта ЖЭО-да 6 қазандықтың 2-і жұмыс істейді. Қалған 4 қазандықта ақауларды жою бойынша жөндеу жұмыстары жүргізілуде. Жылу желісінің температурасы 70/46 градус графикте 45/35 градусты құрайды», делінген Энергетика министрлігінің мәліметінде.

Ал, Бас...