Жаңалықтар

Қазақстанның туристік аймақтарындағы көрікті орындарды мобильді қосымша арқылы 3D-форматта тамашалауға болады. Kazakh Tourism және Yandex Qazaqstan компаниялары Карты қолданбасында Алматы мен Астананың көрнекі жерлерінің 3D-өлшемді үлгілері пайда болды. 

Қосымша арқылы Астанада «Бәйтерек» монументін, «Мәңгілік ел» салтанатты қақпасын, «Астана Опера» театрын, Орталық мешітті, EXPO халықаралық көрме орталығын көруге болады. Алматының 3D модельдерінің ішінде «Қазақстан» қонақүйі, Абай атындағы Қазақ ұлттық опера және балет театры, «Көктөбе» телемұнарасы, сондай-ақ 27 маусымда Yandex Qazaqstan Day технологиялық конференциясы өтетін «Медеу» спорт кешені бар.

«Басты міндетіміз — шартты белгілерге азырақ сүйеніп, шынайы өмірден таныс нысандарды көбірек көрсететін заманауи, интуитивті карталарды жасау. Осылайша Kazakh Tourism...

Жыл басына бері экономика берілген несие көлемі 35,8 трлн теңгені құрады. 2024 қаңтарынан бергі өсім 3,5 пайыз болған. Бұл сомаға банктердің бизнеске берген несиесі, халықтың алған ипотекасы, МҚҰ-ның ұсынған қарызы, квазимемлекеттік ұйымдардың («Бәйтерек» ҰХБ еншілес ұйымдары) нақты секторға берген несиесі жинақталған. Ұлттық банк дерегі бойынша, экономикаға берілген несиенің жартысына жуығы – банк секторының бизнеске берген несиесі. Берілген несие жыл басынан 0,4 – ға өсіп, 16,5  трлн теңгені құраған. Ал халықтың алған несиесі 5 айда 6,2% өсім көрсетіп, 19,3 трлн теңгеге жетті.

«Қарыз алушылардың санаттары бойынша кредиттердің жалпы көлемінің 46,1% – ы бизнес кредиттеріне тиесілі (бизнес...

Биыл 7420 түлек «Алтын белгі» алған. Бұл жайлы Оқу-ағарту министрлігінің баспасөз қызметі хабарлады.

Министрліктің хабарлауынша, 2024 жылы 186 мың оқушы 11 сынып бітірген. Оның ішінде 7420 түлек «Алтын белгімен» марапатталса, 13 727 түлек жалпы орта білім туралы үздік аттестат алған.

Айта кетейік, 2023-2024 оқу жылын 3,8 млн-нан астам оқушы аяқтаған болатын. Ал 2024-2025 оқу жылында бірінші сыныпқа 370 мыңнан астам бала барады деп күтілуде.

Сонымен бірге министрлік орта білім беру ұйымдарында 2024-2025 оқу жылының басталу және аяқталу мерзімдерін бекітті. 

Министрдің бұйрығына сәйкес, алдағы оқу жылы 2024 жылғы 1 қыркүйектен – 2025 жылғы 25 мамырға...

«Астана-Зеленстрой» ЖШС-нің бұрынғы бас директоры жемқорлық қылмыстар жасады деген күдікпен ұсталды. Бұл жайлы Сыбайлас жемқорлыққа қарсы іс-қимыл агенттігінің баспасөз қызметі хабарлады.

«Астана қаласы бойынша Сыбайлас жемқорлыққа қарсы қызмет «Астана-Зеленстрой» ЖШС бұрынғы бас директорына қатысты сотқа дейінгі тергеу жүргізуде»,  – делінген .

Агенттіктің хабарлауынша, күдікті қылмыстық істі тоқтату үшін құқық қорғау органдарының лауазымды адамдарын алаяқтық жасауға итермелеп, 15 млн теңге сомасында пара беруге оқталған.

Экс-директор компанияда қызмет еткен жылдары Астана қаласының жергілікті атқарушы органдарының тапсырысын орындау кезінде қаржылық заңбұзушылықтар жасаған деген күдікке ілігіп отыр. Атап айтқанда, көпжылдық бұталарды отырғызу бойынша орындалған жұмыстардың құнын...

Елімізде тағы бір петицияға қол жинау басталды. 16 маусымда «Тұрмыстық зорлық-зомбылық туралы» заң күшіне енген күні epetition.kz порталында осы заңға қарсы петиция пайда болды.

Петиция авторлары әйелдер құқығы мен балалардың қауіпсіздігіне қатысты заңдарға тосқауыл қоюды талап етуде. Авторлар қабылданған заң дәстүрлі тәрбие беру үдерісін криминализациялайды және билік азаматтардың жеке істеріне араласатынын айтады. Мұның кесірінен ата-аналардың көпшілігі айыппұл төлеп, есепке алынып, тіпті ата-ана құқығынан айырылуы мүмкін деп қорқады.

«Мен Қазақстанда зорлық-зомбылықпен күресу деген желеумен ата-ананы кінәлі ететін презумпцияға жол беретін, ата-ананың беделін түсіретін заңның орындалуына қарсымын. Ата-аналар – лоббистік қылмыскерлер емес. Бұл заңды бұғаттауды талап етемін!«,– делінген петиция мәтінінде.

Бұдан бөлек петиция авторы жауапкершілік...

Алматы халықаралық әуежайы аумағында автотұрақтар кезең-кезеңімен жабылады. Бұл туралы әуежай баспасөз қызметі хабарлады.

«Алматы халықаралық әуежайы аумағында автотұрақ орындарын көбейту мақсатында жөндеу-құрылыс жұмыстары жүргізілуіне байланысты автотұрақтар кезең-кезеңімен жабылады», – делінген әуежай хабарламасында.

Әуежай баспасөз қызметі жолаушыларға Ахметов көшесі маңынан кіретін Оңтүстік автотұрақты пайдалануды ұсынды. Сондай-ақ әуежайға келуді алдын ала жоспарлауды сұрайды. 

Ақпаратқа сүйенсек, жөндеу жұмыстары 2024 жылдың қыркүйек айына дейін аяқталады деп жоспарланған.

Алматы әуежайының жаңа терминалы 1 маусымнан бастап іске қосылып, таңертең терминалға Лондоннан Алматыға ұшып келген алғашқы жолаушыларды қарсы алды.

31 мамырда президент Қасым-Жомарт Тоқаев Алматыға жұмыс сапарымен келіп, Алматы халықаралық әуежайының жаңа терминалын...

Ресейдің Орал қаласында Қазақстан азаматын украиналық ұранды айтқаны үшін 13 тәулікке сотталды. Бұл жайлы Ресей басылымдары жазған.

Басылым хабарлауынша, Ресейдің Свердлов облысының Ревдинск қалалық соты полиция бөлімшесінде «Слава Украине» деп ұрандатқан Қазақстан азаматы Андрей Хохловқа 500 рубль көлемінде айыппұл салып, 13 тәулікке қамауға алу туралы үкім шығарған. Айыппұл ұсақ бұзақылық жасағаны, яғни балағат сөздер айтқаны үшін салынса, 13 тәулікті экстремистік ұйымның сәлемдесу атрибутын насихаттағаны үшін алған. Яғни, Ресей полициясы ер адамның бұл әрекетін экстермистік нышандарды,  УНА-УНСО және «Правый сектор» атты экстермистік ұйымдарының сәлемдесу атрибутын насихаттау деп бағалаған.

«Маусымның 4-і күні Хохлов балағат сөздер айтқаны...

НАТО Қытай мен Ресей альянсының қаупіне байланысты ядролық қаруды жауынгерлік дайындыққа келтіруді талқылап жатыр.

DW ақпаратына сүйенсек, Солтүстік Атлантикалық альянс блогының елдері Ресей мен Қытайдың өсіп келе жатқан қаупі жағдайына байланысты ядролық қаруын жауынгерлік дайындық жағдайына келтіру талқылайды. Бұл туралы 16 маусымда НАТО-ның бас хатшысы Йенс Столтенберг айтты.

«Ядролық қару жауынгерлік дайындықта болуы керек. Қанша қаруды дайындау керек екендігін нақты айта алмаймын. Бірақ біз бұл мәселелерді талқылауымыз керек», – деді Столтенберг.

Бас хатшының айтуынша, НАТО-ның ядролық стратегиясының ашықтық болуы керек. 

«Біздің мақсатымыз ядролық қарусыз бейбіт әлем. Алайда қару бар кезде...

Ресей әскері Украинаның түкпір-түкпірінен кетсе, Киев ертең-ақ Мәскеумен бейбіт келіссөздер жүргізуге дайын. Бұл туралы Швейцариядағы бейбітшілік саммитінде Украина президенті Владимир Зеленский айтты.

«Ресей президенті Владимир Путин соғысты тоқтатпайды және әскери немесе дипломатиялық жолмен болсын, «кез келген жолмен» тоқтатылуы керек», – деп мәлімдеді Зеленский бейбітшілік саммитінің жабылу рәсімінде.

BBC ақпаратына сүйенсек, Украина президенті батыс елдерінің көмегі соғыста жеңіске жету үшін жеткіліксіз екенін атап өтті. Алайда саммит барысында елге халықаралық қолдаудың тұрақты сақталатыны белгілі болды. Саммитке келген елдер Украинаның аумақтық тұтастығы үшін жұмыс істеуге дайын екендірін білдірді.

Қорытынды құжат қабылданып, онда Ресейге соғыс кезінде «халықты жаппай...

Көп жұмысты қатар алып жүре алатын, бірнеше саладан хабары бар мамандар қазір алтынмен тең. Бұрын бір саланың жілігін шағып, майын ішкендер құнды болса, кейінгі кездері жан-жақты мамандарға сұраныс артты. Оларды T-shaped қызметкерлер деп атайды. Көп функцияны алып жүре алатын мұндай маманның қандай артықшылығы бар? Компанияға олар қаншалықты қажет? Бұл қабілетті қолдан дамытуға бола ма? Осы туралы айтамыз. 

T-shaped маман деген кім?

Жалпы алғанда компаниядағы барлық қызметкерді шартты түрде үш топқа бөліп қарастыруға болады. Бизнесте, жобада не бір бөлімнің ішінде осы үш топ өкілі де кездесуі мүмкін. Сонымен бірге бір ғана түрінен тұратын команда болатын да кездер жоқ емес...

17 маусым күні біраз өңірде ауа райы ыстық болады.

«Қазгидромет» мәліметі бойынша Маңғыстау облысында 36-41 градус қатты ыстық күтіледі. Қызылорда да қапырық. Күндіз 40 градус ыстық сақталады. 

Ақмола облысының батысында, солтүстігінде, шығысында, әсіресе, күндізгі уақытта жасын ойнайды. Күндіз облыстың солтүстігінде, шығысында бұршақ жауып, дауыл соғады. Астана да бұршақ астында қалуы мүмкін.

«Қостанай облысының солтүстік-батысында, шығысында, оңтүстігінде найзағай күтіледі. Солтүстік-батыстан жел соғады, найзағай кезінде екпіні 15-20 м/с. Күндіз облыстың оңтүстігінде 36 градус қатты ыстық күтіледі», – делінген ауа райы болжамында.

Ақтөбе облысында күндіз 35-38 градус, Батыс Қазақстан облысында  35-39 градус қатты ыстық сақталады.

Қазақстаның біраз өңірінде жел...

Ростовтағы №1 тергеу абақтысында кепілге алынғандар босатылды. Арнайы жасақ ИГИЛ лаңкестік ұйымының мүшелерінің көзін жойған.

«Ресейдің федералдық қылмыстық атқару қызметінің Ростов облысындағы №1 тергеу изоляторында кепілге алынғандарды босату бойынша арнайы операция барысында қылмыскерлер жойылды. Кепілге алынған қызметкерлер босатылды, олар зардап шеккен жоқ», – деп хабарлады Ресей федералды жазаны орындау қызметі.

Алты тұтқын тергеу абақтысы терезесінің торын бұзып, кезекші бөлімге басып кірген. Сотталушылар  федералды жазаны атқару қызметінің Ростов облысы бойынша жедел басқарма бастығы, подполковник Алексндр Богма мен кезекші ауысым инспекторы, кіші сержант Виктор Кончаковты кепілге алды. Тұтқындар қолында қайрақтар, пышақтар және өрт сөндіруге арналған...

Қазақстан мегаполистеріндегі сервистік кеңселердің үлесі қарқынды өсуде. Оған жалға алушылардың сұранысы, сондай-ақ әдеттегі кеңселерге қарағанда мұндай кеңселерге инвестициялардың өтелу көрсеткішінің жоғары болуы әсер еткен. Девелоперлер бұл форматтан қанша табыс таба алады және нарық қай деңгейде «икемді кеңселерге» толығады, осы мәселе «Курсив» материалында.

Bright Rich брокерлері сервистік кеңселерді болашағы зор инвестициялық бағыттардың бірі деп айтады. Бүгінгі таңда Алматыдағы кеңселер нарығындағы олардың үлесі шамамен 3%. Бірақ алдағы жылдары бұл көрсеткіш 10%-ға дейін өсуі мүмкін. Басқа елдердегі жағдайдан байқағанымыз: ортаның «икемді» кеңселерге қанығу шегі – кеңсе нарығының оннан бір бөлігінде екен. Қалған 90%-ы классикалық кеңсе нарығында қалады.

Коворкингтер сервистік кеңселерге айналып жатыр...

Ресейдің Ростов-на-Дону  қаласындағы «СИЗО-1» деп аталатын мекемесінде тұтқында отырған ИГИЛ мүшелері екі қызметкерді кепілге алды. Олар қару-жарақ беруді, өздерін бостандыққа шығаруды талап етіп отыр.

Ақпарат құралдарында жарияланған мәліметтер бойынша кезекші бөлімге басып кірген Акеев, Гиреев, Цицкеев өздерін «ИГИЛ жақтасымыз» деп мәлімдеген. Олар тағы да үш тұтқынды үгіттеп, қатарына тартқан. Алғашқы үшеуі 2023 жылы Қарашай-Черкес республикасы Жоғарғы сотының ғимаратын басып алуды жоспарлаған. Соның алдында Черкесск қаласында қауіпті террористік ұйым мүшелерімен байланысқа шыққан.

Террористер тергеу абақтысында басқарма бастығы мен инпсекторды кепілге алып отыр. Қазіргі уақытта мекеме айналасында арнайы жасақ топтасқан.

Кейінгі жылдары Ростовта осы тақілеттес оқиғалар орын алуда. 2024 жылдың 24 маусым...

Түркістан облысында шегірткеге қарсы күрес аяқталды. Үкімет бұл өңірде жағдай тұрақтанды деп есеп берді. Орталық жедел штаб отырысында 340 мыңнан астам гектар жер өңделгені мәлім болды. Бұған дейін зиянкес 271,5 мың гектар жерге таралады деп есептелінген.

Ақтөбе облысында 414 мың га, Қостанай облысында 140 мың га жерге пестицидтер себілді.

«Абай, Алматы, Атырау, Шығыс Қазақстан, Жетісу, Батыс Қазақстан облыстарында шегіртке үйіріне қарсы химиялық өңдеу жұмыстары жалғасып жатыр. Жамбыл және Қызылорда облыстарында өңдеу жұмыстары аяқталды.

Ақмола, Қарағанды, Павлодар, Солтүстік Қазақстан және Ұлытау облыстарында итальялық прусқа, сондай-ақ Ақтөбе, Жамбыл, Батыс Қазақстан және Қостанай облыстарында азиялық шегірткеге қарсы қорғау  шаралары...

Ресей Федерациясының Ұлттық есеп айырысу депозитарийі АҚШ-тың қара тізіміне енгеннен кейін Euroclear ресейлік компаниялардың активтерін босату үдерісін тоқтатты. DW басылымы осы жөнінде жазды. 

Брюссельде Euroclear Bank Ұлттық есеп айырысу депозитарийімен (ҰЕА) байланысты барлық актив бойынша қызмет ету шараларын кідіртті.

«Қазір біз «(ҰЕА-ға қарсы санкциялардың) Euroclear Bank-ке әсерін талдап жатырмыз. Келесі ескертуге дейін ҰЕА тікелей немесе жанама түрде қатысатын активтерге қызмет көрсету процестері тоқтатылды», – делінген Euroclear өз клиенттеріне жолдаған хатында.

АҚШ санкциясы салдарынан рубль құлдырауда

2 маусымда АҚШ Қаржы министрлігінің Шетелдік активтерді бақылау басқармасы (OFAC) Мәскеу биржасын (MOEX брендімен жұмыс істейтін) SDN тізіміне енгізді. Қазақстан...

Президент Қасым-Жомарт Тоқаев Қазақстан  халқын Құрбан айт мерекесімен құттықтады. Тоқаев дін мен дәстүрдің сабақтастығын  атап өтті.

– Қадірлі отандастар! Құрбан айт құтты болсын! Бұл – имандылық пен мейірімділіктің, адамгершілік пен адалдықтың, жанашырлық пен жауапкершіліктің мән-маңызын арттыра түсетін мейрам. Барша мұсылмандар асыға күтетін қастерлі мерекенің тағылымы зор. Құрбан айтта, ең алдымен, сауабы мол игі амалдар жасалып, елді ізгілікке бастайтын құндылықтар кеңінен дәріптеледі. Сол арқылы халқымыздың рухани тұтастығы нығая түседі. Ата дініміздің ұлағаты біздің салт-дәстүрімізбен тығыз сабақтасып жатыр, – деді Қасым-Жомарт Тоқаев.

Президент халықтың біртұтас болуы қиындықтан алып шығатын басты қасиеті екенін айтты.

Парето заңы немесе 80/20 ережесі туралы жиі естіген боларсыз. Осы ереженің арқасында уақыт пен ресурсты дұрыс басқаруға болады. Мұндай пропорция ауадан жасалмаған. Кәдімгідей заңдылықтарға сүйеніп, есептегеннен шыққан. Мәні сол — әлдебір іске күшіңіздің 20 пайызын салсаңыз, ол сізге 80 пайыз нәтиже береді. Kursiv Media тілшісі Парето қағидасы туралы материал әзірледі.

Парето заңы деген не?

Мұны басқаша 80/20 ережесі немесе «Дисбаланс қағидасы» деп те атайды. Бұл заңдылықты экономист, әлеуметтанушы Вильфредо Парето енгізген. Ережеге сәйкес, нәтиженің 80 пайызы іске 20 пайыз күш салғанның әсерінен болады дегенге саяды. Бұл пропорция табиғатта да, тіпті автомат жүйелерде де кездеседі. Әрине, аздап өзгеруі мүмкін...

Швейцарияда Украинадағы соғысты тоқтату жолдарын талқылауға арналған халықаралық конференция басталды. Оған 100 мемлекет пен сегіз үкіметаралық ұйым өкілдері қатысады деп хабарлады Швейцария үкіметі.

Швейцарияның орталығындағы Бюргенсток курортында Украинадағы соғысты тоқтату жолдарын талқылауға арналған жаһандық бейбітшілік саммиті басталады. Жергілікті билік органдарының мәліметтері бойынша, 160 мемлекет шақырту алған, алайда 90-ы ғана қатысуға тіркелген.

«Бейбітшілік саммиті» аталатын бұл жиынға әлемнің түкпір-түкпірінен  57 мемлекет және үкімет басшыларын қосқанда 100 делегация қатысады. Кездесудің басты мақсаты Украинаның «бейбітшілік формуласын» талқылауға арналған. Саммит барысында  «бейбітшілік формулалары» – ядролық қауіпсіздік, азық-түлік қауіпсіздігі және гуманитарлық өлшем бойынша жалпы отырыстар мен пікірталастар қамтылады деп күтілуде.

«Саммит...

Қазақстан Германияға жыл соңына дейін 1 млн тонна мұнай жеткізуді жоспарлап отыр. Бұл жайында  «ҚазМұнайГаз» компаниясының басқарма төрағасы Асхат Хасеновтің Karachaganak Petroleum Operating B.V. бас директоры Марко Марсилимен кездесуінде мәлім болды.

Тараптар Қарашығанақ кен орнында қуаттылығы жылына 4,5 млрд текше метр шикі газды қайта өңдеу зауытын салу жобасының ағымдағы жағдайын талқылады.

Сондай-ақ қазіргі уақытта өндіру деңгейін жылына 10-11 млн тонна деңгейінде ұстап тұру үшін кен орнын кеңейту жобасы іске асырылуда. Қабаттық қысымды ұстап тұру және қабаттың мұнай беруін арттыру мақсатында қосымша 5-ші және 6-шы газды қабатқа кері айдау компрессорларын орнату көзделген.

Былтыр Қарашығанақ мұнайы 1 млн тонна...

Компания өз бизнесін цифрлық трансформациялауға бет алғанда, ең бірінші, жобаның бизнес-кейсін талдау керек болады. Қандай бизнес-әсер мен қандай шығын қажет болатынын түсіну – цифрлық трансформацияны іске асыру керек пе әлде барлығын сол қалпында қалдырған жөн бе деген сауалға жауап беруге көмектеседі. Одан әрі қарай трансформацияның экономикалық нысаналығын көргендер үшін оның табысты болуы үшін не істеу керек деген сұрақ туындайды.

Өкінішке қарай, цифрлық трансформациялау табысты болатынына кепіл беру мүмкін емес. McKinsey зерттеуіне сәйкес, трансформациялаудың 70%-ы өзінің қойған мақсатына жетпей жатады. Осыған қарап-ақ, біраз нәрсені түсінуге болады. Алайда егер табысқа қол жеткізуге әсер ететін факторларға мән беретін болсақ, онда біршама табысты болуға...

Елімізде егінді ақбөкен мен шегірткеден сақтандыру мүмкіндігі қарастырылады. Бұл жайында вице-премьер Серік Жұманғариннің төрағалығымен өткен кеңесте айтылды.

Жиында  АӨК-дегі сақтандыру түрлерін кеңейту мәселесі талқыланды. Айта кетейік, Қазақстанда өсімдік шаруашылығы саласында 4 сақтандыру компаниясы және тағы 3 мал шаруашылығында жұмыс істейді. Сақтандыру операторы – «Аграрлық несие корпорациясы» АҚ.

Ауыл шаруашылығы вице-министрі Ербол Тасжүрековтің мәлімдеуінше, 2021 жылы сақтандыру сыйлықақыларын субсидиялауға республикалық бюджеттен 1 млрд теңге, 2023 жылы – 2,5 млрд теңге, 2024 жылы – 2,7 млрд теңге бөлінген.  

«2023 жылы өсімдік шаруашылығы саласында 142 шарт жасалып, 279 074 га алаңы сақтандырылған. 2024 жылдың 5 айының қорытындысы бойынша 261 шарт жасалды, оны...

Утилизациялық алым мен автокөлік өндірісін қолдауға қатысты басқа да шаралар төңірегіндегі өршіген әлеуметтік шиеленісті жою үшін үкімет пен өндірушілер осы саладағы қызметтің бұрынғыдан да ашық болуы мен халық алдындағы жауапкершілікті қамтамасыз етуге ұмтылуы керек. Үкіметтің өнеркәсіптік саясатына қоғамның сенімсіздік танытуы елді реиндустриялизациялау процесіне елеулі кедергі келтіруі мүмкін.

Нөлге көбейту

Саяси реформалардың өнеркәсіптік саясатқа қалай әсер етуі мүмкін екендігінің бір мысалы қазір көз алдымызда өрбіп жатыр: 10 мамырда қоғам белсендісі Санжар Боқаев (бұрын Алматы қаласы әкімдігінің ішкі саясат басқармасының басшысы және «ҚазТрансГаз» басқарма төрағасының кеңесшісі қызметін атқарған) мемлекеттік e-Petition ресурсында «ҚР халқы утилизациялық алымға және алғашқы тіркеуге қарсы» атты петиция...

Президент Қасым-Жомарт Тоқаев аса көрнекті мемлекет және қоғам қайраткері, мәдениеттанушы, шығыстанушы ғалым, I дәрежелі «Барыс» орденінің иегері, дипломат Мұрат Мұхтарұлы Әуезовтің дүниеден өтуіне байланысты оның отбасы мен жақын туыстарына көңіл айтты.

«Мұрат Мұхтарұлы ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді. Қазақ әдебиеті мен мәдениетін, тарихын терең зерделеп, соңына өлшеусіз мол мұра қалдырды. Қазақстанның халықаралық дәрежедегі беделінің артуына өзінің саяси-қоғамдық істерімен зор үлес қосты. Ғибратты ғұмыр кешіп, кемел де кемеңгер әке жолын лайықты жалғаған Мұрат Мұхтарұлының жарқын бейнесі мен қадірлі есімі халқымыздың жүрегінде мәңгі сақталады. Марқұмның иманы саламат...