Жаңалықтар

Ұлттық Банк 2022 жылдың IV тоқсанында кредиттеу бойынша банктерде жүргізілген сауалнаманың қорытындысына қатысты ҰБ Қаржылық тұрақтылық және зерттеулер департаментінің директоры Олжас Кубенбаевтың түсіндірмесін жариялады.

Қазақстан Ұлттық Банкінің Ірі, орта және шағын бизнесті несиелеуге қатысты сауалнамасының нәтижесіне сәйкес, кредиттеу шарттары қатаңдатылғандықтан бизнес тарапынан кредитке сұраныс төмендеді. Негізінен, кредиттеу шарттарының қатаңдауы сыйақы мөлшерлемесінің өсуінен көрінді.

Шағын бизнес тарапынан кредитке деген сұраныстың төмендеуі, әсіресе, ірі банктерде байқалды. Респонденттер шағын бизнес тарапынан сұраныстың төмендеуін кредиттік ресурстар құнының өсуімен байланыстырады. Дегенмен, жекелеген банктерде скорингтік кредиттік өнімдерге өтінімдердің саны өсе түсті. Бұл жағдай жүйе бойынша кредиттік өтінімдердің жалпы санын көбейтуге түрткі болды. Мәселен, есепті тоқсанда...

Түркиядағы ең ауыр жер сілкінісінен кейін Қазақстанның Сыртқы істер министрлігіне және шет елдердегі мекемелеріне ҚР азаматтарынан 1200-ден астам өтініш келіп түсті. Атқарылған жұмыстың нәтижесінде апат аймағында жер сілкінісі кезінде қалып қалған 190-нан астам отандастарымыздың орналасқан жері анықталды. Бұл туралы СІМ ресми өкілі Айбек Смадияров мәлімдеді.

Оның дерегінше, қираған инфрақұрылымды, апатты жағдайды және тұрғын үйлердің толық бұзылуын ескере отырып, біздің дипломаттардың көмегімен отандастарымызды қауіпсіз жерлерге (Анкара және Стамбул қалаларда) жеткізу үшін автобустар ұйымдастырылды, тамақтандырылды және баспана берілді. Қаражаты жоқ кейбір азаматтарға Қазақстанға дейін әуе билеттерін сатып алуға жәрдем көрсетілді.

«Отанына оралуға ниет білдірген 78 азаматымыз апат аудандарынан...

Америка Құрама Штаттары бір жыл бойы Ресеймен соғысып жатқан Украинаға тағы 500 млн доллар көлемінде әскери көмек бермек. Бұл туралы Украинаға келген Ақ үй басшысы Джо Байден мәлімдеді деп жазады, dw.com.

Бұл көмектің ішінде HIMARS доңғалақты шассиіндегі бірнеше зымыран жүйесіне арналған оқ-дәрілер де бар. Байден Вашингтонның Украинаны қажетінше қолдайтынын жеткізді.

АҚШ Президенті Укранинаның бір жол бойы жауға қарсы тұра алғанын, соның арқасында демократия аман қалғанын атап өтті.

Жаңа көмек пакетінің егжей-тегжейі 21 ақпанда жарияланады.

Бүған дейі Украина ақпарат құралдары екі президенттің Михайловский алаңында қатар жүріп бара жатқанын түсіріп, екі мемлекет басшысы серуендеп жүргенде әуе дабылының дауысы естілген...

G7 елдері мен Еуропалық Одақ шенеуніктері болашақта ресейлік гауһар тас саудасын шектеуге жол ашатын жаһандық Гауһар айналымын бақылау жүйесін құруды талқылауда. Бұл туралы Bloomberg мәселемен таныс дереккөздерге сілтеме жасап хабарлады, деп жазады Интерфакс.

Бельгия Премьер-Министрі Александр Де Кроо Ресейден шыққан гауһарды «қанды тасқа» теңеді  (соғыс қимылдары жүргізіліп жатқан елдерде өндірілген және көтерілісшілерді қаржыландыру үшін қолданылатын гауһар тастарды анықтау термині). «Ресейдің гауһар тастардан түсетін кірісі ресейлік гауһарлардың Батыс нарықтарына жете алмаған жағдайда ғана тоқтауы мүмкін. Бельгия осы мақсатта база құру үшін серіктестерімен жұмыс істейді», – деді Де Кроу politico басылымына берген мәлімдемесінде.

Сонымен қатар, бельгиялық шенеуніктер гауһар тастардың шығу тег...

АҚШ Президенті Джо Байден Киевке келді. Ол Украина басшысы Владимир Зеленскиймен кездесті деп жазады Bloomberg.

Украина ақпарат құралдары екі президенттің Михайловский алаңында қатар жүріп бара жатқанын түсірген. Екі мемлекет басшысы серуендеп жүргенде әуе дабылының дауысы естілген.

Зеленский де парақшасында АҚШ Президентімен бірге түскен суретін жариялап, Байденнің келгенін растады.

«Джозеф Байден, Киевке қош келдіңіз! Сіздің сапарыңыз – барлық  украиндықтарға аса маңызды қолдау барын білдіреді», деп жазды Зеленский

20 ақпан күні таңертең елдің Сыртқы істер министрлігіне сілтеме жасаған «Украинская правда» газеті, Киев аса маңызды қонақтарды күтіп отырғанын жазған болатын, алайда ол қонақтың кім екені айтылмаған еді.

Bloomberg дерегінше...

Қаңтар айында негізгі капиталға тартылған инвестиция көлемі 755,1 млрд теңгені құрады. Бұл кейінгі жылдардағы ең жоғары көрсеткіштің бірі. 2022 жылғы қаңтар айымен салыстырсақ, өсім 18 пайызы құрады, деп жазады Бірінші несие бюросы.

Инвестиция салудағы ең тартымды сала – тау-кен өнеркәсібі болып қала береді. Бұл салаға талтылған инвестицияның 43%-ға жуығы (немесе 323,5 млрд. теңге) құйылған. Бұл цифр бір жыл бұрынғы көрсеткіштен 12,6 пайызға артық. Шикі мұнай мен газ өндіруге 270,7 миллиард инвестиция құйылған. Яғни Қазақстанға құйылған инвестицияның әрбір үшінші теңгесі дәл осы салаға тиесілі.

Ал инвестициялы тартымдылығы жағынан екінші орынға жылжымайтын мүлікпен жасалатын операциялар орналасқан. Бүкіл инвестицияның шамамен...

Әділет министрлігі Digital Justice – цифрлық Әділет жобаларының портфелін іске асыруда, ол «Е-заң көмегі», «Аттестаттау реинжинирингі», «МИБ цифрландыру», смартфондардан мемлекеттік қызметтердің қолжетімділігі, атқарушы өндіріс және т.б. сияқты 7 жобадан тұрады- деп хабарлайды аталмыш министрліктің баспасөз қызметі.
Мәселен, «Е-заң көмегі» жобасы адвокаттардың, заң консультанттарының қызметін автоматтандыруға, олардың процеске қатысушылармен және басқа да мүдделі тараптармен «онлайн» өзара іс-қимыл жүргізуге арналған. Жүйеде қылмыстық сот ісін жүргізудің сотқа дейінгі сатысында мемлекет кепілдік берген заң көмегінің процестері автоматтандырылған, ол үшін Бас прокуратураның «Е-қылмыстық ісімен» тиісті интеграциялар бар.
Қазіргі уақытта 53 мемлекеттік қызметтің ішінен Egov Mobile мобильді қосымшасында 28 мемлекеттік қызмет, 13 сервис және...

Meta Platforms Inc. компаниясы Facebook пен Instagram-ның аккаунттарын растағысы келетін пайдаланушыларына ақылы тексеру қызметі – Meta Verified енгізеді, деп хабарлайды interfax.kz.

Марк Цукербергтің айтуынша, әлеуметтік желілердің браузер нұсқасын ғана ашатын жазылым құны айына – $11,99, мобильді қосымшаны пайдаланушылар үшін айына $14,99 болады.

Жазылым осы аптада Австралия мен Жаңа Зеландияда қолданысқа еніп, содан кейін бірте-бірте басқа елдерге тарайды.

Монетизацияның жаңа әдісі Meta кірісін арттыруға бағытталған. Кейінгі кезде компанияның жарнамадан түсетін кірісі төмендеп келеді. Өйткені Apple 2021 жылы пайдаланушыларына инернеттегі іс-әрекетін бөгде адамдардың бақылауына тыйым салуға рұқсат берді. Көптеген ірі IT платформалар мақсатты жарнама қызметін сату үшін...

Мемлекеттік грант – бұл жаңа бизнесті бастау және дамыту үшін қайтарымсыз негізде берілетін 400 еселенген айлық есептік көрсеткіш мөлшеріндегі бастапқы капитал. Бұл туралы business.enbek.kz хабарлады.

Business.enbek.kz порталында 20 ақпаннан бастап 2021-2025 жылдарға арналған кәсіпкерлікті дамыту жөніндегі ұлттық жоба шеңберінде биылғы берілетін гранттардың 1-легі бойынша жаңа бизнес идеяларды жүзеге асыруға өтінімдер қабылдау басталады. Республика бойынша бірінші лекте 2 577 адамға гранттар беру жоспарлануда.

Айта кету керек, гранттар беруге өтінімдер қабылдаудың 2-легі 15 мамыр мен 26 мамыр аралығында өтеді. Ол кезде 2697 грант беріледі.
10-21 шілде аралығында өтетін 3-легте 1973, 4-15 қыркүйекке жоспарланған 4-легте 1753 грант беріледі.

Мемлекеттік грант – нысаналы мақсаты жаңа...

Қазақстанда қаңтар айының қорытындысы бойынша жалпы құны 101,6 млрд теңге болатын құрылыс жұмыстары орындалды. Бұл өткен жылдың сәйкес кезеңімен салыстырғанда 12,5% – ға көп. Бұл туралы DATA HUB телеграм арнасы хабарлады.

Кәсіпорындардың меншік нысандары тұрғысынан шетелдіктер компаниялардың үлесі артты. Олардың орындаған жұмыстардың жалпы көлемінің 40%-ға жетті. Яғни (39,8 млрд теңге) құрады. Тиісінше, жеке компаниялардың үлес салмағы 72,8% – дан (64,9 млрд теңге) 60,7% – ға (61,7 млрд теңге) құрады. Ал мемлекеттік компаниялардың үлес салмағы-0,4% – дан (317,8 млн теңге) 0,2% – ға (175,3 млн теңге) дейін қысқарды.

Құрылыс нысандарына келетін болсақ, тұрғын емес ғимараттар мен құрылыстар саны артты. Олар...

Ұжым мәдениетінде заманына қарай жаңа бағыт пайда болып отыратыны бар. Мысалы, кейінгі жылдары well-being мәдениеті түсінігі қосылды. Компанияда бірлік пен береке орнап, қызметкерлері қажып кетпес үшін қолданылатын тың құрал мен әдіс десек болады. Бүгінгі материалымызда осы туралы айтамыз.   

Well-being деген не?

Ағылшын тілінен аударғанда «әл-ауқат» дегенді білдіреді. Бұл терминді корпоратив мәдениетке қатысты қолданғанда адамның толықтай көңілінен шығатын ортада жұмыс істеуіне мүмкіндік беру дегенге саяды. Яғни well-being бағдарламалар қызметкерлердің ішкі күйін реттеуге арналған комплекстерден тұрады. Бұл жұмысшылардың жағдайын жақсартып қана қоймай, мекеменің нарықтағы бәсекеге қабілетті болуына жол ашады. 

Жұмыс барысында жайбарақат күйде жүргеннің қандай пайдасы бар? Мысалы, әріптестермен арада жақсы...

Қасым-Жомарт Тоқаев Конституциялық Сот төрағасы Эльвира Азимованы қабылдады, деп хабарлады Ақорданың баспасөз қызметі. Кездесу барысында Президентке Конституциялық Сот өз жұмысын бастағаны, өкілеттігін жүзеге асыруға кіріскені, сондай-ақ биылғы 1 қаңтардан бері азаматтардан келіп түскен өтініштер жөнінде мәлімет берілген.
Эльвира Азимова конституциялық іс жүргізуге қабылданған өтініштер мен конституциялық бақылау аясында жоспарланған шаралар туралы айтты.

«Қасым-Жомарт Тоқаев конституциялық іс жүргізудің барлық сатысының ашықтығын және Конституциялық Сотқа жүгіну тәртібі туралы азаматтардың хабардар болуын қамтамасыз етудің, сондай-ақ Ата заңның сақталуына бақылауды күшейтудің маңызды екенін атап өтті», делінген хабарламада.

Кәсіпорын елордалық әуе айлағы үшін жаңа жүк түрлерін – ауыл шаруашылығы өнімдерін, теңіз өнімдерін, автомобильдерді, қосалқы бөлшектер мен дәрілік заттарды тиеуді жүзеге асыруға бағытталған. Бұл туралы «Нұрсұлтан Назарбаев халықаралық әуежайы» АҚ баспасөз қызметі хабарлады.

Ел Президентінің тапсырмаларын орындау шеңберінде «Нұрсұлтан Назарбаев халықаралық әуежайы» АҚ транзиттік әлеуетті және жүк тасымалын дамыту жөніндегі жұмысты жалғастыруда.

2020 жылы кәсіпорын өз қызметінің стратегиясын түзетіп, әуе кемелеріне қызмет көрсету және жанармай құю үшін Қазақстан астанасына шетелдік жүк және транзиттік рейстерді тарту жөніндегі жұмысты жандандырды. Нәтижесінде 2021-2022 жылдары 4 мыңға жуық жүк транзиттік рейсіне қызмет көрсетілді.

Сонымен қатар, елордалық әуежай бірқатар ірі жүк авиакомпанияларына орналасуды ұсынды...

2022 жылдың желтоқсан айында екінші деңгейлі банктерде сақталған депозит көлемі 2021 жылдың сәйкес кезеңімен салыстырғанда 52%-ға өсіп, 50,49 трлн теңгені құрады, деп хабарлайды Ұлттық банк.

Өсім негізінен заңды тұлғалар депозиті есебінен байқалған. Заңды тұлғаларға депозиттердің 91,3% пайыз тиесілі болса, жеке тұлғалардың жинағы 8,7%-ды немесе 4,4 трлн теңгені құрайды.

Ұлттық банктің статистикасы көрсеткендей, банктік емес заңды тұлғалардың көпшілігі мерзімді депозиттерге басымдық береді: 46 трлн теңге. Осындай динамика жеке тұлғалар арасында да байқалады. Мерзімді депозит көлемі жеке тұлғаларға тиесілі 4,4 трлн теңгенің 4,3 триллионын құрайды. Сондай-ақ, елдегі базалық мөлшерлеме жоғары болғандықтан, мерзімді депозиттердің басым бөлігі теңгемен сақталған.

Банктік емес...

Кедендік бақылау барысында Алматы қаласы бойынша Мемлекеттік кірістер департаментінің «Жетісу» кеден бекетінің (бұдан әрі-Департамент) лауазымды адамдары Алматы қаласының әуежайындағы халықаралық почта жөнелтілімдерін бақылау учаскесінде Қазақстаннан Америка Құрама Штаттарына көне монеталарды заңсыз әкетуге жол бермеді. Бұл туралы ҚР ҚМ Мемлекеттік кірістер комитетінің баспасөз қызметі хабарлады.

Құжаттарға арналған қаптама қапшығының қабырғаларында монеталарды жасыру фактісін кеден қызметкерлері қондырғының рентгенографиясын пайдалана отырып, сканерлеу барысында анықтады.

Ұсталған монеталар V-XIII ғасырлар аралығында Орта Азия аумағында монета әдісімен жасалған және тарихи құндылыққа ие.

Департамент басшысының орынбасары Дәурен Мұстафиннің айтуынша, табылған заттар Қазақстан Республикасының заңнамасына сәйкес елден әкету міндетті декларациялауға жататын және уәкілетті органның рұқсаты болған жағдайда...

ҚР Ақпарат және қоғамдық даму министрлігі кеше түнде журналист Вадим Борейконың операторының басынан өткен жағдайға байланысты мәлімдеме жасады.

«ҚР АҚДМ журналистік қызметке кедергі келтіруге жол бермейді және барлық қажетті көмекті көрсетеді», делінген хабарламада.

Алматы қаласының Ішкі істер департаменті сотқа дейінгі тергеп-тексеру амалдарын бастап, тиісті сараптама тағайындады. Мәселенің мән-жайы нақтыланып жатыр.

Айта кетейік, журналист Вадим Борейко кеше түнде операторының екі көлігін белгісіз біреулер жарып жібергенін жазған. Ол өзінің facebook парақшасында өртенген көліктердің суретін жариялаған.

Бұған дейін Борейконың пәтерінің сыртқы есігіне біреулер құрылыс көбігін құйып кеткен болатын.

Сонымен қатар, журналист Динара Егеубаеваның көліг...

Ауыл шаруашылығы министрлігі биыл маусымдық ауылшаруашылық жұмыстарына дизель отынын бөлудің жаңа тетіктерін іске қосады. Бұл туралы АШМ баспасөз қызметі хабарлады.

Ведомство дизель отынын бөлудің барлық процестерін, оның ішінде дизель отынын жеткізу жөніндегі операторларды айқындау жөніндегі комиссияның жұмыс тәртібін және операторларды айқындау шарттарын, сондай-ақ дизель отынының көлемін субсидиялаудың бірыңғай мемлекеттік ақпараттық жүйесінде электрондық қалыптастыру және бөлу процесін қамтитын қағидалардың жобасын әзірледі.

Шаруалар   үшін жанармай көлемін қалыптастыру және бөлу ауыл шаруашылығы дақылдарының түрлері бойынша 1 гектарға дизель отыны шығысының нормативтеріне сәйкес, егіс алқаптарын ескере отырып жүргізілетін болады.

Дизель отынын алушылардың тізілімі gosagro.kz. порталында автоматтандырылған режимде жасалады.

Қазіргі уақытта қағидалар жобасы салалы...

Астанада «ҚазТрансОйл» АҚ бас директоры Талғат Құрманбаев Қытай Ұлттық мұнай-газ барлау және игеру компаниясының (China National Oil and Gas Exploration and Development Company Ltd.) және Қытай Мұнай Барлау және Игеру Компаниясы (CNPC Exploration and Development Company Ltd.) қытайлық қатысушысының өкілі Мэн Сяндунмен кездесті. Бұл туралы «ҚазТрансОйл» АҚ жұртшылықпен байланыс және ішкі коммуникациялар департаменті хабарлады.

Кездесуде тараптар «МұнайТас» Солтүстік-Батыс құбыр компаниясы» ЖШС және «Қазақстан-Қытай Құбыры» ЖШС бірлескен кәсіпорындарын басқару аясындағы ынтымақтастық мәселелерін талқылады және бұрын қол жеткізілген уағдаластықтарды сақтауға бейілділіктерін білдірді.

Сондай-ақ, Қазақстан мен Қытай арасындағы энергетика саласындағы өзара тиімді ынтымақтастықты одан әрі дамытудың ықтимал жолдары талқыланды.

2022 жылы Қазақстанда такси қызметін ұсынатын компаниялардың табысы 16% өсіп, 5 млрд теңгеге жетті. Бір жылда такси ақысы 12,2% қымбаттаған деп жазады, Energyprom.kz.

Өңірлер бойынша алсақ, Атырау облысында қатты қымбаттап, бір жылда бірден 37,5% өскен. Одан кейін Жетісу және Абай облыстары келеді: 33% және 31,2%.

Ақмола облысында аса қымбаттамаған: 0,5%. Қарағанды, Түркістан және Ұлытауда баға бір жыл бұрынғы деңгейде қалған.

Қай елде такси арзан?

Numbeo дерегі бойынша, 1 шақырымға ең арзан тасымал қызметі Египет (0,16 АҚШ доллары), Пәкістан (0,19 АҚШ доллары) және Беларусьте (0,2 АҚШ доллары) тіркелген.

Арзан елдер ондығына...

Адам құқықтары жөніндегі ұлттық орталықтың орынбасары Алуа Надирқұлова Қазақстандағы «Бизнес және адам құқықтары» жобасы аясында адам құқықтары аспектісінде кәсіпкерлік қызметтің басшылық қағидаттарын іске асыру мәселелері жөніндегі жұмыс кеңесіне қатысты. Бұл туралы ҚР Адам жөніндегі уәкіл баспасөз қызметі хабарлады.

БҰҰДБ елордалық кеңсесі ұйымдастырған іс-шараға мүдделі мемлекеттік органдардың, халықаралық ұйымдардың, үкіметтік емес сектордың және құқық қорғау бағытындағы қоғамдық бірлестіктердің өкілдері де қатысты.

Омбудсмен кеңсесінің өкілі қатысушыларды Қазақстанда жүргізіліп жатқан конституциялық реформа туралы хабардар етті, оның шеңберінде азаматтар үшін бұзылған құқықтарды қалпына келтіру және осындай бұзушылықтардың алдын алу бойынша жаңа мүмкіндіктерді айқындайтын «Адам құқықтары жөніндегі уәкіл туралы» және «Конституциялық Сот туралы» Конституциялық Заңдар қабылданды. Ол...

19 наурыз күні қазақстандықтар Мәжіліс пен мәслихаттардың депутаттары сайлайды. Депуттаттық үміткерлерді тіркеуді аяқтаған Орталық сайлау комиссиясы қорытындысын жариялады.

Бір мандатқа -15 адам

2004 жылдан бері биыл алғаш рет Мәжіліске депутаттар бір мандатты округтер арқылы сайланады. 98 депутаттың 29-ы бір мандатты округтер бойынша жеңіске жеткендер болады.  Орталық сайлау комиссиясы Төрағасының орынбасары Константин Петровтың айтуынша, 29 округ бойынша 609 кандидат ұсынылған: 7 саяси партиядан 79 кандидат, төрт қоғамдық бірлестіктен 5 кандидат, 525 немесе 86,21 % – өзін-өзі ұсынушылар.

Солардың ішінде 435 үміткер тіркелген. Яғни бір мандатқа 15 адам таласады.

Астана қаласында бәсеке жоғары болып тұр: бір...

Ресейлік астықты Қазақстан арқылы Өзбекстан, Ауғанстан мен Тәжікстанға заңсыз экспорттағандар анықталды. Тасымалданған астық құны – 1 млрд теңге.

Сұр импортының схемасын ҚМА Павлодар облысы бойынша департаменті облыстық көлік прокуратурасымен бірлесіп анықтаған.

«ЖШС 2021-2022 жж. 1 млрд теңгеден астам сомаға 8,3 мың тонна ресейлік астықты Өзбекстан, Ауғанстан және Тәжікстанға экспорттаған», дейді ҚМА.

Бұл ретте қазақстандық компания жеңілдетілген экспорттық тарифті пайдалану үшін отандық шаруа қожалықтарынан астықты қазақстандық деп растайтын жалған шот-фактуралар алған көрінеді.

«Бұл транзиттік тарифтен жалтарып, «ҚТЖ Жүк тасымалы» ЖШС-не 150 млн теңгеге жуық сомасында залал келтіруге әкеп соқты», делінген...

Қазақстанда көлік және теңіз жолдары арқылы шет мемлекеттерге түсті металл әкетуге тыйым салынуы мүмкін. Бұл туралы ҚазАқпарат«Ашық» НҚА порталында жарияланған Индустриялық даму комитетінің бұйрық жобасына сілтеме жасап хабарлады.

«Қазақстан аумағынан автомобиль және теңіз көлігінің барлық түрімен мыс, алюминий, қорғасын қалдықтары мен сынықтарын, істен шыққан қорғасын аккумуляторлардың қалдықтарын, құрамында қорғасын, кадмий немесе сынабы бар химиялық типі бойынша сұрыпталған және сұрыпталмаған түсті металдарды әкетуге 6 ай мерзімге тыйым салынсын», – делінген бұйрықта.

Бұл шектеу шараларын қадағалау Индустрия және инфрақұрылымдық даму министрлігі, Мемлекеттік кірістер комитеті мен Ұлттық қауіпсіздік комитетінің Шекара қызметіне жүктеледі.

2023 жылғы қаңтарда республикалық бюджеттен 274,1 млрд теңге сомасына зейнетақы төленді, оның ішінде базалық зейнетақы  – 84,2 млрд теңге, ынтымақты зейнетақы – 189,9 млрд теңге -деп, хабарлайды Еңбек және әлеуметтік қорғау министрлігінің баспасөз қызметі.

2023 жылғы 1 ақпандағы жағдай бойынша зейнеткерлер саны – 2 млн 292 мың адам.

2023 жылғы 1 ақпандағы жағдай бойынша жиынтық зейнетақының орташа мөлшері 120 659 теңгені құрады, оның ішінде ынтымақты зейнетақы мөлшері – 82 878 теңге, базалық зейнетақы – 37 781 теңге.

2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.

Бұл ретте...