Жаңалықтар

Энергетика министрлігінің хабарлауынша, 3-14 шілде аралығында Шымкент МӨЗ-інде катализаторды регенерациялауға және каталитикалық риформинг қондырғысын іске қосу үшін жоспарлы тоқтау болады.

«Регенерация процедурасы SR 1000 риформинг катализаторының белсенділігін қалпына келтіруге және Т-251 шикізат жылу алмастырғышындағы ақау кезінде (АИ-95 автобензинін өндіруде қолданылады) «халық көп тұтынатын» АИ-92 автобензинін өндіруді сақтауға бағытталған», делінген хабарламада.

Ақпаратқа сәйкес, Т-251 жылу алмастырғы ақауының себебін анықтау және осыған ұқсас жағдайлардың қайталануына жол бермеу үшін «ПетроҚазақстан Ойл Продактс» ЖШС – «ҚазМұнайГаз» ҰК АҚ және CNPC құрылтайшылары тергеу жүргізіп, іс-қимыл жоспарын әзірлеуде.

Айта кету керек, 15 наурыз бен 7 сәуір аралығында «ҚазМұнайГаз» А...

«Атамекен» Ұлттық кәсіпкерлер палатасы қылмыстық жаза арқалаған кәсіпкерлер түрмеде отырмай-ақ, орнына айыппұл төлесін деген бастама көтеріп отыр. «Атамекен» ҰКП басқарма төрағасының орынбасары Ербол Өстеміров кәсіпкерлер үшін қылмыстық жазаны монетизациялау – Қазақстан қылмыстық заңнамасын дамытудың маңызды қадамның бірі деп тұжырымдайды.

Палата өкілдері қылмыс жасаған кәсіпкерді бірден ас бостандығынан айырмай, балама ретінде еселенген айыппұл салу керек деген ұсыныс айтады. Бұндай артықшылық тек лауазымды тұлғаларға ғана беріліп келеді.

«Қылмыстық заң, егер кәсіпкер өз еркімен келтірген залалды өтесе, оны бас бостандығынан айыру сияқты жаза шараларын қоспағанда, келтірілген залалды өтеуге және жағымсыз салдарды азайтуға бағытталуы керек. Көп жағдайда сотқа...

Фото: kursiv.media

Алматының таулы аймақтарында 52 нысан заңсыз салынған. Бұл жайлы Сыбайлас жемқорлыққа қарсы іс-қимыл агенттігінің Алматы әкімдігімен бірлесіп әкімдіктің, сәулет және құрылыс саласындағы құрылымдық бөлімшелердің қызметіндегі сыбайлас жемқорлық тәуекелдеріне сыртқы талдауы барысында белгілі болды.

Талдау ықтимал сыбайлас жемқорлық тәуекелдеріне әкелетін заңнамадағы қайшылықтарды көрсеткен. Талдау барысында қала құрылысы құжаттамасының жер учаскелерінің нысаналы мақсаттарына сәйкес келмегені, құрылыс объектілерінің келісілген жобалау құжаттамасынан ауытқуы анықталған.

«Тау бөктерінде құрылыс салу проблемалары бойынша бүгінде 52 заңсыз объект анықталды, олар бойынша шұғыл әкімшілік шаралар қабылданды. Бастапқы құжаттарды бұзу және жою туралы сот ісі қозғалды, кінәлі адамдар жауапқа тартылды«, делінген хабарламада...

Фото: kursiv.media

ҚДКБҚ теңгелік депозиттердің бүкіл түрі бойынша тамыз айына арналған шекті мөлшерлемесін шілдедегі мәнінде өзгеріссіз қалдырды. Бұл туралы баспасөз қызметі хабарлайды.

Айталық, толықтырылатын-толықтырылмайтын мерзімсіз депозиттердің шекті мөлшерлемесі 16,3 пайыз деңгейінде қалды.

Ал мерзімді депозиттердің жинақ уақытына қарай, шекті мөлшерлеме әртүрлі. 3 ай мерзімге ашылған толықтырылмайтын депозиттің шекті пайызы 17,3-ке дейін жетсе, 12 айлық депозит мөлшерлемесі – 14,8 пайыз. Ал толықтырылатын депозит мөлшерлемесі сәл төмендеу: 3 айлық депозиттікі 16,8 пайыз болса, 12 айға ашылған, үстінен ақша салынып отыратын депозиттің сыйақысы 14,5 болып белгіленуі мүмкін.

Жинақ депозиттерінің пайыздық мөлшерлемесі сәл жоғары. 3 айлық толықтырылмайтын жинақ депозитінің шекті мөлшерлемес...

Фото: kursiv.media

Еліміздің екі қаланың басшылығында кадрлық өзгеріс болды. Петропавл қаласының әкімі болып Серік Мұхамедиев тағайындалды, деп хабарлайды Солтүстік Қазақстан облысы әкімінің баспасөз қызметі.

«Солтүстік Қазақстан облысы әкімінің өкімімен Серік Махсұтұлы Мұхамедиев Петропавл қаласының әкімі болып тағайындалды», – делінген хабарламада.

Бұған дейін Серік Мұхамедиев Солтүстік Қазақстан облысы Ғабита Мүсірепов ауданының әкімі қызметін атқарған болатын. 2016-2021 жылдар аралығында құрылыс, сәулет және қала құрылысы бөлімінің басшысы болды.

2010-2016 жылдары – Жоспарлау және сметалық-шарттық жұмыс бөлімінің бас маманы, жолаушылар тасымалдауды ұйымдастыру бөлімінің бастығы, Жолаушылар көлігі және автомобиль жолдары басқармасы басшысының орынбасары қызметін атқарған.

Сонымен бірге Талдықорған әкімдігінің баспасөз қызметі Әсет Масабаев қызметінен...

Фото: kursiv.media

1 шілдеден бастап елмізде заңнамаларға жасалған бірталай өзгерістер күшіне енеді.

1 шілдеден бастап Әлеуметтік кодекс күшіне енеді. Бұл құжат бойынша ұлттық демографиялық саясаттың факторы ретінде ана мен баланы қолдауға басымдық беріледі. Еңбек нарығын дамыту және жұмыспен қамтуға жәрдемдесуді ұйымдастырудың жаңа тәсілдері қолданылады. Сонымен бірге аз қамтылған отбасыларға олардың материалдық әл-ауқатын жақсартуға көмек көрсету, арнаулы әлеуметтік қызмет көрсету жүйесін жетілдіру, мүгедектерді әлеуметтік қорғау, зейнетақымен қамтамасыз етуді одан әрі жетілдіру, асыраушысынан айырылған адамдарды әлеуметтік қолдау күшейтіледі.

1 шілдеден бастап Әлеуметтік кодекс аясында Бірыңғай жинақтаушы зейнетақы қорында зейнетақы жинақтары бар зейнеткерлер тұрғын үй жағдайларын жақсартуға немесе емделу ақысын төлеуге...

Фото: kursiv.media

Ұлттық банк мәліметінше, маусым айында теңге бағамы 1 АҚШ доллары үшін 452,26 теңгеге дейін 1%-ға құнсызданған. Реттеуші алдағы уақытта теңге динамикасына нарық қатысушыларының күтулері, тоқсандық салық төлемдері, әлемдік нарықтардағы ахуал мен геосаяси жағдайдың өзгеруі әсер етеді дейді.

Қазақстан қор биржасындағы күндік орташа сауда-саттық көлемі бір айда 144 млн АҚШ долларынан 122 млн АҚШ долларына дейін төмендеген. Маусымдағы жапы сауда көлемі 2,6 млрд АҚШ долларын құрады.

«Квазимемлекеттік сектор субъектілерінің валюталық түсімді сатуы өткен ай ішінде шамамен 288 млн АҚШ долларын құрады. Квазимемлекеттік сектор компаниялары екінші деңгейлі банктер арқылы валюта нарығында өз бетінше сатуды...

Еуразиялық Даму банкінің инвестициялық портфелінің жалпы құны 13,4 млрд долларға жетті. Бұл жайлы Еуразиялық даму банкі кеңесінің кезекті отырысында айтылды.

Атап айтқанда, жинақталған инвестициялық портфельдің жалпы құны 2,5 млрд болған, жаңа жобаларға қол қою нәтижесінде оның құны 13,4 млрд-қа көтерілген. Бұл сома есепті кезеңге жоспарланған қаражаттан асып түсіп, рекордтық көрсеткіштерге жетті.

Жиынға қатысқан Премьер-министр Әлихан Смайылов инвестиция көлемінің артқанына назар аударды.

«Инвестиция көлемі былтырғы жылмен салыстырғанда $1 млрд-қа жуық артты. Ағымдағы инвестициялық портфель өсуде. Біз Банктің тұрақты дамуы және сәйкесінше қатысушы елдердегі жобаларды қаржыландыру бойынша жұмысты жалғастыруымыз керек», деді Үкімет...

Cargill, Viterra, Louis Dreyfus сынды жаһандық астық трейдерлері енді Ресей астығын экспорттамайтын болды. Олар 1 шілдеден бастап Ресейден кететіндерін мәлімдеді, деп хабарлайды «Итерфакс-Қазақстан» агенттігі.

Аталған компаниялар өз бизнестерін жаңа иесіне табыстайтыны жайлы Ресей Федерациясының Ауыл шаруашылығы министрлігін наурыз айында хабардар еткен.

Астық экспорттаушылар одағының басқарма төрағасы Эдуард Зернин Интерфакс агенттігіне халықаралық компаниялардың ресейлік астық нарығын дамытуға көп үлес қосқанын жеткізген.

«Осы уақыт ішінде елде бизнес ауқымы бойынша шетелдік компанияларды басып озатын жергілікті компаниялар өсіп шықты. Бұл барлық экспорттаушылар бастан кешіріп отырған жасырын санкциялық қысымды қоспағанда, акционерлері қайдан екеніне қарамастан, ресейлік астық экспортына...

2030 жылға қарай Қазақстан өзінің энергия теңгеріміндегі жаңартылатын энергия көздерінің үлесін ағымдағы 15%-ға дейін арттыруды жоспарлап отыр, қазіргі көрсеткіш 4,5%. Бұл жайлы Премьер-Министрі Әлихан Смайыловтың төрағалығымен өткен «Қазақстан-Еуроодақ» диалог платформасының 12-ші отырысында айтылды.

Бұл салада Қазақстан Еуропалық Одақпен әріптестікті кеңейтуді жоспарлап отыр. Республика осы бағытқа басымдық беріп, сауда-экономикалық және инвестициялық ынтымақтастықты одан әрі тереңдетуге мүдделі. Перспективалық бағыттың бірі – «жасыл экономикаға» көшу және өзара көліктік байланысты нығайту болып отыр. 

Премьер-Министр экологиялық күн тәртібі Қазақстан экономикасының орнықты дамуында негізгі басымдықтардың бірі екенін атап өтті.

«Еуропа елдерінің баламалы энергия саласындағы тәжірибесі мен жетістіктерін ескере отырып...

Фото: kursiv.media

Астанада 1 шілдеден бастап су тарифі қымбаттайды. «Астана су арнасының» хабарлауынша баға шамамен 20 пайызға көтеріледі.

«Орташа есеппен халық үшін су тарифі 20%-ға көтеріледі, бұл ақшалай есептегенде шамамен 10 теңгені құрайды. Заңды тұлғалар үшін тарифтер 35 теңгеге өседі», делінген хабарламада.

Жаңа шешімге сәйкес, тұрғындар үшін су тарифі бір текше метрге 58,15 теңге, кәрізге 45,28 теңге болады. Тарифтер 2023 жылдың 1 шілдесі мен 31 желтоқсаны аралығында қолданылады.

Компанияның мәліметінше, су және кәріз тарифтері кәсіпорынды жөндеуге қажетті қорды жинау үшін қажет.

Естеріңізге сала кетсек, Алматы қаласында да су тарифтері көтеріледі. «Алматы...

Сурет ашық деректерден

Молдованың Кишинев әуежайында атыс болды. Sputnik-тің хабарлауынша белгісіз ер адам қару қолданып, екі адамға оқ атқан.

Қақтығыс нәтижесінде әуежайдаға шекарашы мен бір азамат қайтыс болды. Екі адамды мерт қылған шетелдік азамат кепілге тағы адам алып, әуежай бөлемелерінің біріне тығылған. Оқиға орнына Молдованың ішкі істер министрлігінің қызметкерлері келіп, әскерилер шабуылдау арқылы қылмыскерді ұстаған. БАҚ шабуыл барысында оның жараланғанын хабарлады.

«Кишинев халықаралық әуежайында қарулы оқиға орын алды. Онда шетел азаматын Молдова Республикасына кіргізуге тыйым салынды. Оны қайтару аймағына шығарып салу кезінде шекаралық полиция қызметкерінің мылтығын тартып алып, екі адамға оқ атып өлтірген. Агрессор...

Президент Абай облысында өрті сөндіруде ерлік көрсеткен азааттарды марапаттады, деп хабарлайды Ақорда.

Мемлекет басшысының Жарлығымен Абай облысында болған төтенше жағдайда көрсеткен ерлігі, әскери және қызметтік борышын атқарудағы жанқиярлығы үшін II дәрежелі «Айбын» орденімен Байдоллаев Нұрлан Қошқарұлы – Қорғаныс министрлігі 53975 әскери бөлімінің командирі және Долдаев Дамир Талғатұлы  – Ішкі істер министрлігі Абай облысы полиция департаментінің аса маңызды істер бойынша аға тергеушісі және Садықов Орал Жексенғалиұлы – Ішкі істер министрлігі Абай облысы полиция департаменті Бородулиха ауданы полиция бөлімінің бастығы марапатталды.

Сонымен бірге III дәрежелі «Айбын» орденімен 4 адам,  «Ерлігі үшін» медалімен 12 адам, «Ерен еңбегі үшін» медалімен 2 адам және...

Фото: kursiv.media

Азия-Тынық мұхиты аймағындағы ірі мемлекеттердің биржа индекстері жұма күнгі сауданы еш динамикасыз аяқтады. Бұл күні инвесторлар соңғы статистика мәліметтерін бағалады, деп хабарлайды «Интерфакс-Қазақстан» агенттігі.

Мемлекеттік статистика бюросы Қытайдың өнеркәсіптік сатып алу индексі (PMI) маусымда бір ай бұрынғы 48,8-ден 49 пунктке көтерілгенін хабарлады. Trading Economics мәліметтері бойынша, бұл нәтиже консенсус болжаммен сәйкес келді.

Индекс мәні 50-пункттен көтерілсе, өнеркәсіптік сектордағы белсенділіктің жоғарылауын, одан төмені – әлсірегенін байқатады. Көрсеткіш үшінші ай қатарынан бұл деңгейден төмен болып тұр.

Жапонияның Ішкі істер және коммуникациялар министрлігі елдегі жұмыссыздық мамыр айында бұрынғы 2,6% деңгейінде қалды деп мәлімдеді. Бұл көрсеткіш те сарапшылардың орташа...

«Самұрық-Қазына» Ұлттық әл-ауқат қоры PSA компаниясының 100% акцияларын «Samruk-Kazyna Trust» корпоративті қорына сатқан. 2022 жылдың соңында жасалған мәміле құны 1 теңгені құрады. Бұл туралы Қордың қаржы есебінде айтылған, деп жазады Kursiv.media.

Энергетика министрлігінің атынан өкілдік етуге құзыреті бар мемлекеттік компания «Самұрық-Қазынаның» еншілес ұйымы «ҚазМұнайГаз» компаниясына тиесілі болатын.

«Samruk-Kazyna Trust» корпоративтік қоры бейкоммерциялық ұйым және «Самұрық – Қазына» компаниялар тобына бағынышты емес. Нәтижесінде топ PSA компаниясына бақылауды жоғалтты», делінген қордың есебінде

PSA мемлекеттік компаниясы 2010 – 2016 жылдар аралығында Солтүстік-Каспий және Қарашығанақ жобаларындағы өнімді бөлу туралы келісімдер бойынша өкілетті органның қызметін атқарып келген ед...

«Ураниум Уан Груп» АҚ («Росатом» атом энергиясы жөніндегі Мемлекеттік корпорацияның ұйымы) YLB Боливия мемлекеттік компаниясымен Боливиядағы Потоси департаментіндегі литий карбонатын қазу және өндірумен айналатын кәсіпорын салу жөнінде келісті. Бұл туралы компания бапасөз қызметі хабарлады.

Бұл жобаға 600 млн доллар инвестиция салынбақ. Ресей-Боливия бірлескен жобасы аясында әлемдегі литий қорына ең бай елде өндірістің кешенді жүйесі – шикі литий қазудан бастап, нарықтағы дайын өнім алынады.

«Ураниум Уан Груп» АҚ (Uranium One Group, JSC) – бұл «Росатом» мемлекеттік корпорациясының TENEX компаниялар басқару контурына кіретін халықаралық компаниялар тобы. Бүгінде бұл халықаралық активтердің әртараптандырылған портфелі Қазақстан, Танзания және Намибия бар әлемдегі ір...

Фото: Ақорда

Мемлекет басшысына «Дактилоскопиялық тіркеу» жобасы таныстырылды, деп хабарлайды Ақорда.

«Бұл жоба азаматтарға уақыт үнемдеп, құжаттарын өз бетінше рәсімдеуге мүмкіндік береді. Ең басты ерекшелігі – суретке түсірген кезде адамның бет-бейнесін таниды. Бұл заңсыз құжат рәсімдеу фактілерін болдырмайды», делінген хабарламада.

2024 жылдың 1 қаңтарынан бастап жеке басты куәландыратын құжат беру кезінде міндетті дактилоскопиялық тіркеу қолданыла бастайды. Деректер қорына саусақ ізі дактосканерлер арқылы енгізіледі. Азамат келесі рет өтінім жасағанда оның кім екені саусақ ізі арқылы анықталады.

Сонымен бірге президентке «Қорғау» мобильді қосымшасының жұмыс істеу приниципі де көрсетілді. Аталған қосымша жол қауіпсіздігін қамтамасыз...

Фото: kursiv.media

Ел бюджетінің 162 млн теңгесін жымқырған «Теректі – таза су» мемлекеттік кәсіпорнының директоры мен бас бухгалтері сотталды. Теректі аудандық сотының үкімімен кәсіпорын директоры 7,5 жыл арқаласа, бас бухгалтер 7 жылға бас бостандығынан айырылды.

«Екеуі де өзі мен ұйым қызметкерлеріне артық жалақы жазу, сондай-ақ жеткізушілерге нақты орындалмаған жұмыс үшін бюджет қаражатын негізсіз аудару арқылы 162 миллион теңге сомасында бюджет қаражатын жымқырды деп айыпталды», – делінген хабарламада

Антикордың мәліметінше, сотталғандар өмір бойы мемлекеттік қызмет, жергілікті өзін-өзі басқару органдары, қаржы ұйымдары және квазимемлекеттік секторда лауазымды қызмет атқару құқығынан айырылған.

Бұған дейін агенттік...

Фото: kursiv.media

Қазақстанның 2022 жылы мұнайға қатысты емес кірісі 2 есе өсіп, 14 трлн теңгеге жеткен. Мұндай статистиканы Экономикалық зерттеулер институтының сарапшылары келтіреді.

Сарапшылар соңғы 5 жылда Қазақстанның мемлекеттік бюджетінің мұнайға қатысты емес кірістері іс жүзінде 2 есеге ұлғайғанын айтады. 2018 жылғы бұл көрсеткіш 7,1 трлн теңге болса, 2022 жылы 14 трлн теңгеге жеткен.

Бұл кірістер – ҚР Ұлттық қорынан берілетін трансферттерді және шикі мұнайға кететін кедендік баждарды қоспай есептеледі.

«Мұнайға қатысты емес кірістердің өсуіне қарамастан, олардың ЖІӨ-дегі үлесі төмен болып қалуда: 2018-2022 жылдары орта есеппен 12,7% құрады. Бірақ, COVID-19 кезеңінде шектеу шараларын енгізу және салықты...

Фото: Энергетика министрлігі

Елімізде 1 шілдеден электр энергиясын орталықтандырылған сатып алу және сату моделі күшіне енеді. Электр энергиясын бірыңғай сатып алушы болып Энергетика министрлігіне бағынатын – «Жаңартылатын энергия көздерін қолдау жөніндегі қаржы – есеп айырысу орталығы» ЖШС анықталған.

Бұл – энергия жүйесіндегі теңгерімсіздікті, электр энергиясы тапшылығын, энергия өндіруші ұйымдардың әртүрлі тарифтеріне байланысты қолға алыған шара.

Электр энергиясын бірыңғай сатып алу:

Фото: Орталық коммуникациялар қызметі

Алдағы екі жылда LRT құрылысы аяқталып, бірінші кезеңі бойынша 8 станция іске қосылады. Бұл жайлы Орталық коммуникациялар қызметінде Астана қаласының әкімі Жеңіс Қасымбек мәлімдеді.

«Осы жылы LRT құрылысын жалғастыруға 50 млрд теңге бөлінді. Бұл қаражат туралы шешімді өткен жылы қабылдағанбыз. Бұл құрылысқа шамамен 600 млн доллар қаражат жұмсалды. Жалпы құрылыстың бірінші кезеңін аяқтауға шамамен 500 млрд теңге керек болады. Бұл қаражаттың жартысы құрылысқа жұмсалып үлгерді», деді әкім.

Әкім 2 жылда құрылыс жұмыстарының аяқталып, бірінші кезеңі бойынша станциялар іске қосылатынын мәлімдеді.

«Бізге құрылысты аяқтауға қосымша...

Фото: kursiv.media

Тоқаев ІІМ алқа мәжілісінде Қазақстан жолдарында тіркеусіз жүрген көліктерді заңдастыруда қылмыстық схемалар орын алып жатқанын айтты. Президент құқық қорғау органдарына осы саладағы мамандармен және азаматтық белсенділермен бірлесіп, аталған мәселемен жан-жақты айналысуды тапсырды.

Ел аумағына ретсіз әкелінген шетелдік көліктер де жолдағы жағдайды ушықтырып жіберген болатын. Мемлекет басшысы мұндай көліктерді тізгіндеген жүргізушілер жол жүру ережесін өрескел бұзып және көбіне жазасыз қалатынын айтып өтті.

«Қазір менің тапсырмам бойынша бұл көліктердің мәселесін құқықтық тұрғыда реттеу үшін заңдастыру жұмыстары жүргізіліп жатыр. Уәкілетті мемлекеттік органдардың үстірт шешімі осындай көліктердің елге жаппай әкелінуіне себепші болды. Енді жіберілген олқылықтарды...

Фото: Орталық коммуникациялар қызметі

Биыл Астанада құрылысы ұзаққа созылған 30-дан астам тұрғын үй аяқталады. Осылайша 4 мыңға жуық үлескер отбасы көптен күткен пәтерлеріне кіре алады. Бұл туралы Астана әкімі Жеңіс Қасымбек хабарлады. 

«Мемлекет басшысының тапсырмасына сәйкес ұзақ құрылыстарды аяқтау бойынша ауқымды жүйелі жұмыс жүргізілуде. Осыған дейін 150-ден астам көппәтерлі тұрғын үй кешендерінің ішінде 120-сының құрылысы аяқталған болатын. Биыл 30-дан астам ұзақ құрылысты аяқтаймыз», деді әкім. 

Құрылыстың ұзаққа созылуына әртүрлі жағдай әсер еткен. Мысалы, «Тұран Сығанақ» тұрғын үй кешені 6 жыл бұрын проблемалы деп танылып, үйдің блоктары бірнеше қабатқа ғана көтеріліп, кейбір блоктарында жұмыс тіпт...

Фото: kursiv.media

Астана қаласының әкімдігі автобус парктеріне жыл сайын 30 млрд теңге төлейді. Бұл жайлы Астана қаласының әлеуметтік-экономикалық дамуы туралы брифингте Жеңіс Қасымбек айтты.

«Еліміздің көптеген қалаларында қоғамдық көліктерде 2012 жылдан бері жол жүру бағасы өзгермегенін білесіздер. Бірақ содан бері жанармай бағасы өсті, автобустар қымбаттады, жалақы көлемі де артты. Бірақ билет бағасы өзгрессіз қалды. Сол себепті бұл саланы мемлекет субсидиялайды. Егер субсидия бермесе, автобустарда жүрудің өзіндік құны 300-теңдеген артық болар еді. Ал электронды автобустарда жүру құны тіпті қымбат, 400 теңдеген асып кетеді. Дизельді және жанармай отынымен жүретін көліктер 250-300 теңгеге барар еді. Мемлекет халықтың арзан...