Жаңалықтар

Президенттің төрағалығымен елдің көлік-транзиттік әлеуетін дамыту жөнінде кеңес өтіп, Қасым-Жомарт Тоқаев жүк жеткізетін балама бағыттарды, сондай-ақ тасымалдау ісін әртараптандыруды пысықтауды тапсырды.

Қасым-Жомарт Тоқаев көлік-логистика саласының Қазақстан экономикасында ерекше рөл атқаратынын атап өтті. Оның айтуынша, өңірлердің өзара қарым-қатынасын жандандыру үшін бұл саланың маңызы зор. Дегенмен, геосаяси жағдай мен санкциялық текетірес дәстүрлі көлік-логистика желісін өзгеріске ұшыратты.

Президенттің пікірінше, отандық өнімнің экспортқа қауіпсіз әрі үздіксіз шығарылуын қамтамасыз ету үшін кешенді шаралар қабылдау қажет. Мемлекет басшысы еліміздің Орталық Азия аймағындағы көшбасшылығын сақтап, Қазақстанды сенімді транзиттік хаб ретінде дамыту керек екенін айтты. Осы мақсатта балама теміржол бағыттарын қалыптастыру қажет. Бұл жерде Достық – Мойынты, Бақты...

Аграрлық несие корпорациясы 2022 жылдың алғашқы жарты жылдығында аграрлық салаға 182 млрд теңгеден астам сома бөлінді, деп хабарлайды баспасөз қызметі.

2022 жылдың бірінші жартыжылдығында корпорацияның желісі бойынша 7900-ден астам жобаны қаржыландыруға 182,5 млрд теңге бөлінді. Жалпы биыл агробизнесті дамытудың басым бағыттары бойынша 330 млрд теңгенің несиесін беру көзделген.

Корпорация несиелеуді «Кең дала», «Агробизнес», «Іскер» атты үш бағдарлама бойынша жүргізеді. «Кең дала» бағдарламасы көктемгі егіс және күзгі жиын-терін жұмыстарына несие береді. Биылғы жартыжылдықта аталған бағдарлама аясында 2,5 мыңнан астам диқанға жалпы сомасы 70 млрд теңгеге тең қаржы бөлініп, 3,7 млн гектардан астам егістік алқап игерілді.

Бұған қоса, 70 млрд теңге...

Новороссийск қаласының Приморский аудандық соты «Каспий құбыр желісі консорциумы» (КТК) теңіз терминалының жұмысын 30 тәулікке тоқтатты. Ространснадзор анықтаған тәртіп бұзушылықтарды анықтау мақсатында сот осындай шешім шығарған. Вице-премьер Виктория Абрамченконың наурыз айында «КТК-Р» АҚ қауіпті өндірістік нысандарының техникалық жағдайын бағалау және оларды пайдалану кезінде экологиялық талаптарды сақтау мақсатында жүргізген тексеруінің нәтижесінде Ространснадзор мұнайдың апатты төгілуін жою жоспары (ЛРН) бойынша бірнеше құжаттық бұзушылықтарды анықтапты.

6 маусымда консорциумға анықталған бұзушылықтарды жою туралы нұсқама берілген, сонымен қатар Әкімшілік құқық бұзушылы туралы кодекстің 14.1.2. бабының 4 тармағы бойынша әкімшілік құқық бұзушылық жайлы хаттама толтырылған.

Әу баста Ространснадзор КТК жұмысын 90 тәулікке тоқтату туралы арыз түсірген...

Әдетте еңбек шарты десе, көз алдымызға жазбаша түрде жасалған құжат келеді. Десе де, кейінгі кездері электронды еңбек шарты да үлкен ауқым алып келе жатыр. 2019 жылдың шілдесінде сол кездегі премьер-министр Асқар Маминнің қаулысымен үкіметке Қазақстан Республикасындағы еңбек мәселелеріне қатысты заңдарға өзгеріс енгізуге қатысты заң жобасы ұсынылған еді. Ол жобаның ішіндегі заңнамалық актілер мен өзгерістер еліміздің Еңбек кодексіне тікелей қатысты болған. Сөйтіп жыл соңында бірінші оқылымнан кейін-ақ жақсы бағаланып, қабылданған. Сол өзгерістің ішіндегі жағымдысы — қажет құжаттарды электронды түрде рәсімдеуге, яғни электронды цифрлық қолтаңба қоюға мүмкіндік беру. Осылайша сол кезден бері жұмыс берушілер қызметкерлерімен электронды түрде еңбек шартын жасаса алатын болды...

7 шілдедегі мәлімет бойынша, 1 734 адам коронавирус инфекциясынан (–1 677+ және 57 КВИ-) емделуде, олардың ішінде 263 пациент стационарда, 1 471 науқас амбулаториялық деңгейде ем қабылдап жүр.

КВИ+, КВИ- шалдыққандардың арасында 12 адамның жағдайы ауыр, ӨЖЖ аппаратында жатқадар. жоқ.

Антикор елордадағы стадионды апатты деп тану үшін пара алған ТЖД басқарма басшысына қатысты тергеу амалдарын бастады.

«Антикоррупциялық қызметі Қ.Мұңайтпасов атындағы Орталық стадионды объектіні апаттық жағдайда деп тануға жәрдем көрсеткені үшін Нұр-Сұлтан қаласы бойынша Төтенше жағдайлар департаменті басқарма басшысына қатысты компания директорынан 5 миллион теңге сомасында пара алу фактісі бойынша тергеп-тексеру амалдарын бастады» делінген хабарламада.

Тергеу жалғасуда. Өзге ақпарат тергеу мүддесінде жария етуге жатпайды.

Жеңілдетілген салық режиміндегі жеке кәсіпкерлер 15 тамызға дейін алғашқы жарты жылдықтың есебін тапсырады. Осы ретте ең оңай әрі ыңғайлы «упрощенкаға» қатысты сауалдарға жауап бергенді жөн көріп отырмыз. Бұл қандай режим? Кімдер қолдана алады? Қандай төлемдер міндетті? Есепші жалдауды қажет етпейтін, әр кәсіпкер өз бетімен тапсыра алатын салық режимі жайлы осы материалдан толығырақ біле аласыздар. Алғашқы жарты жылдықтың есебін тапсыратын уақыт басталды. 15 тамызға дейін үлгеруіңіз керек. 

Қай жеке кәсіпкерлік осы режимді қолдана алады?

«Упрощенка» бойынша жұмыс істейтін жеке кәсіпкерлікте әрі кеткенде басшысын қосқанда 30 қызметкерден аспауы керек. Сондай-ақ, басқа қалаларда бөлімшелері, салық салынатын нысандары, филиалдары болмауға тиіс. ҚР...

Кәсіпкер Алмас Әбдіғаппаров бір миллион долларды жымқырды деп танылып, 7 жылға бас бостандығынан айырылды, деп хабарлайды Zakon.kz.

Былтыр 27 шілдеде Parmigiano Group басшысы Алмас Әбдіғаппаровтың екі айға қамауға алынғаны белгілі болды. Ол алаяқтық жасады, бөтеннің мүлкін жымқырды деген күдікке ілінді.

Әбдіғаппаров ҚР Қылмыстық кодексінің 189-бабының 4-бөлігінің 2-тармағы (Кінәліге сеніп тапсырылған бөтеннің мүлкін аса ірі көлемде иемдену немесе жымқыру, яғни ұрлау) бойынша қамауға алынды.

Еске сала кетейік, Parmigiano Group компаниясының басшысы Алмас Әбдіғаппаров екі айға қамауға алынған еді. Қалалық соттың баспасөз қызметі Әбдіғаппаровқа «сеніп тапсырылған шетелдік мүлікті аса ірі көлемде заңсыз иемденді немесе жымқырды» деген күдікке ілінгенін түсіндірді.

Ресейге жалға берілген «Жібек жолы» кемесі өткен аптада Түркияда ұсталған болатын. Бүгін ҚР ИИДМ министрі Қайырбек Өскенбаев үкімен отырысының кулуарында жүк кемесі халықаралық заңға сай келмейтін қызметпен айналысса, келісім бұзылады деп мәлімдеді.

«Егер кеме Қазақстанда және халықаралық деңгейде қабылданған құқықтық нормаларға сәйкес келмейтін қызметпен айналысса, әрине, ондай шарт бұзылып, кеме кері қайтарып алынады» деді Өскенбаев.

Министрдің айтуынша, Түркия тарабы қазіргі кезде жүк қайда тиелгенін, оны кім тиеп жібергенін анықтап жатыр. Егжей-тегжейін анықтау үшін Қазақстан ресми сауал жолдағанын қосып өтті.

«Бәрін заң аясында шешсін, оған біз араласып, олар әрі ушықтырмас  үшін, себебі ол халқаралық құқық аясында реттеледі. Олар құқықтық баға берген со...

«Самұрық-Қазына» ұлттық әл-ауқат қоры» АҚ қоғамдық кеңесінің төрағасы Болат Жәмішев директорлар кеңесінің мүшесі, қордың тәуелсіз директоры болып сайланды. Бұл жөнінде қор сайтында жазылған.

Қоғамдық кеңес басшысын директорлар кеңесінің құрамына енгізу — «Самұрық-Қазына» қорының қызметіне бақылауды күшейту бағдарламасының бір бөлігі.

Қордың қоғамдық кеңесі 2021 жылдың желтоқсанында құрылды.

ҚР Еңбек және халықты әлеуметтік қорғау министрі Тамара Дүйсенова Үкімет отырысында Қазақстандағы мүгедектігі бар адамдардың өмір сапасын жақсартуға бағытталған шараларды айтып өтті, деп хабарлайды министрліктің баспасөз қызметі,

Қазіргі таңда Қазақстанда 700 мыңнан астам мүгедектігі бар адам тұрады. Оның 60%-ы – еңбекке қабілетті жастағы адамдар, 26%-ы – зейнет жасындағылар, 14%-ы – балалар. Оларды қоғам өміріне араластыру үшін кезең-кезеңімен жүйелі шаралар қабылданып жатыр. Біріншісі – мүгедектікті белгілеу.

«Мемлекет басшысының тапсырмасына сай мүгедектікті белгілеудің проактивті немесе «сырттай куәландыру» форматына көшуді бастадық. Оның мәні  азаматтың денсаулық жағдайына қатысты ақпарат пен осыған байланысты тіршілік қалыбының өзгеруі жөніндегі дәрігердің қорытындысы медициналық ақпарат жүйесіне енгізіледі. Ондағы ақпарат...

Осы жылы кәсіпорындардағы адам өлімі саны бірден 6 пайызға көтерілген. Еңбек нарығындағы бір осал тұсымыз, осы – еңбек қауіпсіздігі талаптарының лайықты деңгейде сақталмауы болып тұр. Сарапшылардың айтуынша, бұл тұрғыдан шетелдік гиганттар да, отандық компаниялар да өте ұятты.

Ұлттық статистика бюросының мәліметіне сүйенсек, еңбек жағдайларына байланысты жазатайым оқиғалардан зардап шеккендер, оның ішінде соңы қайғылы оқиғамен аяқталған істер көлемі 2020 жылмен салыстырғанда 4,9 пайызға өсіп, 2133 адамға жеткен. Өңірлік бөліністе мұндай оқиғалар Қарағанды облысында (537 адам), Шығыс Қазақстан облысында (320 адам) және Нұр-Сұлтан қаласында (161 адам) көп тіркелген. Өңірлік бөліністе Қарағанды облысының «көш бастауы» тегін емес. Апта бұрын ғана аталған аймақта орналасқан...

Бірнеше айдан бері инфекцияның таралуы бәсеңдеген еді, алайда кейінгі аптада қайтадан күшейе түсті. Соңғы ақпаратқа сәйкес, Алматы қаласы коронавирус инфекциясының таралуына байланысты «сары» аймаққа өтті. Бұл туралы денсаулық сақтау министрлігінің санитарлық-эпидемиологиялық бақылау комитеті мәлімдеді. Артынша қаланың бас санитар дәрігерінің қаулысы шықты. Жаңа қаулыға сәйкес, жабық ғимараттарда медициналық маска тағу режимін енгізу ұсынылды. Бұл ең алдымен қоғамдық тамақтану орындарына да қатысты болмақ.

Алматы қаласы кәсіпкерлер палатасының директоры Айтуар Қошмамбетовтың айтуынша, қалада бизнес үшін ешқандай шектеу шаралары енгізілмейді. «Атамекен» ұлттық кәсіпкерлер палатасы сайтындағы ақпаратқа сүйенсек, жабық ғимараттарда медициналық маска тағу ұсынылды, алайда алдын алу шаралары инфекция таралуын тоқтата алады.

5 шілдедегі мәлімет бойынша, 1 272 адам коронавирус инфекциясынан (–1 228+ және 44 КВИ-) емделіп жатыр, олардың ішінде 234 пациент стационарда, 1 038 науқас амбулаториялық деңгейде ем қабылдап жүр,

КВИ+, КВИ- шалдыққандардың арасында 12 адамның жағдайы ауыр, ӨЖЖ аппаратында жатқандар жоқ.

Қазақстанда вакцинаның I компонентін 9 526 880 адам вакцина салдырса, II компонентін 9 311 581 адам алған. 4 822 501 кісі ревакцинациядан өткен.

Өрт таңғы 6-ға таман толық өшірілген

Үржар ауданындағы Алакөлде жалпы ауданы 3000 шаршы метрді шарпыған өрт шамамен 02.48 ауыздықталып, 05.40-та толық өшілірді, деп хабарлайды Абай облысының әкімдігі.

ШҚО ТЖД мәліметінше, 4 шілдеде сағат 23:20-де «Керуен» демалыс базасында өрт шыққан. Қатты желдің салдарынан қызыл жалын «Айгерім», «Әлихан», «Жібек жолы» демалыс базаларына да жайылған.

Өрт болған жерде ЖАО, ШҚО ТЖД, ПД, Тарбағатай ұлттық паркі мен Алматы облысының ТЖД 186 адамы мен 29 бірлік техникасы жұмылдырылған.

Медициналық көмекке 7 адам ауруханаға жүгінгенімен, бәрі ауруханаға жатудан бас тартқан. Демалушылар көрші базаларға орналастырылды. Өрттің себептері анықталып жатыр.

Смартфонға үңілумен күніңіздің қанша бөлігі кетеді? Телефонның баптауларында экранның қанша сағат қосылғанын көрсететін функция бар. Соны қосып қойыңыз да, бақылаңыз. Егер оң динамика байқалып, тым көп сағатыңызды ұрлайтынын байқасаңыз, сізге онымен күресу керек деген сөз. Әлбетте, жұмысыңыз тікелей байланысты болса, амал жоқ. Әйтсе де, жай ғана телефонға телміріп жататындардан болсаңыз, денсаулығыңызды ойлағаныңыз абзал болады.

Ғалымдар жүргізген зерттеулердің нәтижесі қандай?

Қазіргі таңда телефон мен адамның бір-біріне байланғаны сонша, көпшілігі бір күн смартфонсыз жүруді елестете алмауы мүмкін. Мұндай онлайн-ортаның пайдасы бары секілді, зияны да жоққа шығара алмаймыз. Сондықтан бүгінгі материалымызда денсаулыққа тигізетін кері әсері жайлы түсіндіріп, арагідік демалыс жариялап...

Алматы, Қонаев, Сарыөзек және Талдықорған гарнизондарында құны шамамен 825 млн теңге болатын заттай мүлік пен жеке қорғаныс құралдары ұрланған. Бұл туралы Бас әскери прокуратура хабарлады.

Әскери прокуратура органдары Қорғаныс министрлігінің әскери бөлімдерінде әскери мүліктің сақталуын қамтамасыз ету бойынша тексеріс жүргізіп жатыр

«Алматы, Қонаев, Сарыөзек және Талдықорған гарнизондарында шамамен 825 млн. теңгедей сомаға заттай мүлік пен жеке қорғаныс құралдарын ұрлау белгілері бойынша сот алды тергеу басталып, 8 қылмыстық іс қозғалды.Тергеу жүргізуді Бас әскери прокуратураның арнайы прокурорлары жүзеге асырады» делінген хабарламада.

Өзге ақпарат тергеу мүдделеріне байланысты жария етілмейді.

Қаржы мониторингі агенттігінің Алматы қаласы бойынша  экономикалық тергеу басқармасы «AsiaCredit Bank» АҚ мүлкін жымқыру фактісі бойынша сотқа дейінгі тергеу амалдарын жүргізіп жатыр. Бұл туралы Қаржы мониторингі агенттігі хабарлады.

 ҚР Қылмыстық кодексінің 190-бабының 4-бөлігі, 2-тармағы, «алаяқтық» бабы бойынша қылмыстық іс қозғалған. 2-тармақта аса ірі көлемде қаржы жымқырылғаны жазылған.

Қылмысы дәлелденсе, мүлкі тәркіленіп, өмір бойы лауазымды қызмет атқаруына шектеу қойылып, 5 жылдан 10 жылға дейін бас бостандығынан айырылуы мүмкін.

«Департамент Қазақстан Республикасы Қылмыстық-процестік кодексінің 24-бабының (Істің мән-жайын жан-жақты, толық және объективті тергеп-тексеру. – ред.) талаптарын орындауға бағытталған жоспарлы тергеу  жұмысын жүргізіп жатыр» делінген хабарламада.

 Агенттік сонымен қатар сотқа дейінгі тергеу деректері жарияланбайтынын...

«Қазақавтожол» ЖШС мамандары жол қозғалысы қауіпсіздігін қамтамасыз етуге бағытталған шараларды іске асыру жоспары аясында биылғы жылғы күздің соңына дейін 30 мың шақырымнан астам жолға арнайы жол белгілерін орнатпақ. Бұл туралы ҚР ИИДМ баспасөз қызметі хабарлады.

Бүгінде 9 781 жол белгісі мен 397 дана ақпараттық панно, 23 118 белгі бағанасы мен 26 766 дана катафот орнату бойынша жұмыстар жүргізілуде.

Сондай-ақ жоспар шеңберінде 2 733 шаршы метр шулы жолақтар мен 27 064 метр қоршау (кривбрус)  орнату жұмыстары да іске асырылуда.

Жол элеБүкіл жол элементтары жол-көлік оқиғасын болдырмау және қарсы бағытпен соқтығысудың алдын алу мақсатында орнатылып жатыр.

Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев телефонмен сөйлесіп, екіжақты және өңірлік күн тәртібіндегі мәселелерді талқылады деп хабарлайды Ақорданың баспасөз қызметі.

Қазақстан Президенті Өзбекстан басшылығының Қарақалпақстандағы тұрақтылықты қамтамасыз ету жөніндегі шешімі уақытылы қабылданғанын атап өткен.

«Қасым-Жомарт Тоқаев Шавкат Мирзиёевтің Конституцияға өзгерістер енгізу жөніндегі референдумды сәтті өткізуіне тілектестік білдіріп, бұл оқиға бауырлас Өзбекстанды жаңғыртуға бағытталған ауқымды саяси және әлеуметтік-экономикалық бағдарламаларды жүзеге асыру үшін маңызды қадам болатынын атап өтті» делінген хабарламада.

Азаматтық авиация комитеті төрағасының орынбасары Салтанат Томпиеваның айтуынша, биыл ішкі тұрақты әуе рейстерінде жолаушылар ағыны айтарлықтай артқан. Өз кезегінде бұл ұшулар кідірісінің көрсеткішіне айтарлықтай әсер етіп отыр. Осы тақілеттес жағдай қазіргі таңда Еуропалық Одақ елдері мен АҚШ-та да байқалуда.

«Қазіргі уақытта жолаушылар ағынының айтарлықтай өсіп келе жатқанын көріп отырмыз, тиісінше бұл кідірістердің артуына алып келеді. Рейстер неғұрлым көп болса, соғұрлым кідіріс көп болады. Сын да көп айтылады. Осы аспект бойынша министрліктің, қазақстандық қана емес, бүкіл әлемдегі азаматтық авиацияның басымдығы – бұл әуе жолаушыларының қауіпсіз тасымалы екенін айтқым келеді. Кешіктірудің әртүрлі себептері бар. Мысалы, әуе кемесінің техникалық ақаулығы немесе ауа райыны...

Қазақстанның тауар айналымы 2022 жылғы қаңтар-сәуірде $39,7 млрд құрады, бұл өткен жылдың ұқсас кезеңімен салыстырғанда 40,8% – ға жоғары ($28,2 млрд) деп хабарлайлы Ұлттық статистика бюросы.

2022 жылғы қаңтар-сәуірде Қазақстаннан экспорт 59,8% – ға өсіп, $26,5 млрд құраған.
2022 жылғы қаңтар-сәуірде Қазақстанға импорт 13,7%-ға өсіп, $13,2 млрд жетті.

2022 жылдың алғашқы 4 айында Қазақстан 160 елмен сауда жасады.

2022 жылғы 1 шілдедегі жағдай бойынша 7 415 этникалық қазақ тарихи отанымен табысып, қандас мәртебесін алды. Жалпы 1991 жылдан бері республикаға 1 миллион 95,3 мың этникалық қазақ оралды, деп хабарлайды ЕХӘҚМ баспасөз қызметі.

Жыл басынан бері Қазақстанға келген қандастардың жартысынан көбі (70,2%) Өзбекстаннан, 10,4% – Қытайдан, 7,4% – Түрікменстаннан, 3,2% – Моңғолиядан және 8,8% басқа елдерден қоныс аударған.

Келген этникалық қазақтар негізінен Алматы (31,6%), Маңғыстау (18,3%), Түркістан (9,8%) және Жамбыл (6,3%) облыстарына, сондай-ақ Алматы (5,7%), Нұр-Сұлтан (7,1%) және Шымкент (8,1%) қалаларына қоныстанды.

Осы жылғы 1 шілдедегі жағдай бойынша еңбекке қабілетті жастағы этникалық қоныс аударушылар саны 62%, еңбекке қабілетті жастан...

Елімізде жылдық инфляция тағы өсті, бұл жолы маусым айының қорытындысы бойынша 14,5 пайызға. Ұлттық статистика бюросының мәліметінше, әсіресе азық-түлік өнімдері мамырмен салыстырғанда маусымда 19,2 пайызға қымбаттаған. Азық-түлік емес тауарлар – 13,2, ақылы қызметтер 9,2 пайызға көтеріліпті.

Соңғы бірнеше ай қатарынан инфляцияны тежеу мақсатында Ұлттық банктің базалық пайыздық мөлшерлемені көтеріп келе жатқаны белгілі. Қазір ол 14 пайыз шамасында. Ал инфляция одан да озып барады (14,5 пайыз). Сөйтіп, елдегі нақты пайыздық ставка минусқа қарай жылжыды.

Экономист Айдар Әлібаевтың айтуынша, инфляцияны әзір тоқтату қиынға соғады.

«Ұлттық банк тарапынан төл экономикамыздың аяғына оқ атылып жатыр. Менің ең жұмсақ айтқаным осы болсын. Мұндай базалық ставка...