Жаңалықтар

Әдетте мұнай-газ бен машина жасау – екі бөлек сала. Бірақ мұнай-газ саласындағы машина жасау ісін дамытуға екі тарап та мүдделі. Жақында саладағы жауапты азаматтардың қатысуымен осы мәселе жоғары деңгейде талқыланды.

Индустрия және инфрақұрылымдық даму вице-министрі Иран Шарханның айтуынша, басым бағыттағы тауарлар мен өндірісті локализациялау бойынша жұмысты одан әрі нығайту үшін жергілікті кәсіпорындардың мүмкіндіктерін бағалап, тізімін жасаудың маңызы зор.

«Отандық өнеркәсіпті дамытып, шағын және орта бизнесті қолдау – халқымыздың әл-ауқатын арттырудың кілті. Импортты алмастыруға қауқарлы отандық өндірушілерді осы бағыттағы жұмысқа барынша тартып, жаңа жобаларды құру мен іске асыру мәселесін пысықтау қажет. Қазір министрлік отандық өндірушілердің халықаралық стандарттарға...

«Қорғас» шекара маңы ынтымақтастығы  халықаралық орталығы үш жылдық үзілістен соң, 24 сәуірден бастап, қайта ашылады. Бұл туралы Жетісу облысы әкімдігінің баспасөз қызметі хабарлады.

«Қорғас» ШЫХО әлемдегі эпидемиологиялық жағдайға байланысты жұмысын тоқтатқанына 3 жылдан астам уақыт өтті. Өткен үш жыл ішінде Басқарушы компания Орталықтың қызметін жақсарту және барлық бизнес процестерін жаңғырту бойынша ауқымды жұмыстар атқарды» делінген хабарламада.

Ал, 2023 жылдың 24 сәуірінен бастап «Қорғас» ШЫХО қалыпты жұмыс режиміне қайта кірісетін болады.

«Қорғас» шекара маңы ынтымақтастығы  халықаралық орталығы – бұл «Нұрлы жол» жаңа экономикалық саясаты мен «Жібек жолы» экономикалық белдеуі стратегиясы аясындағы әлемде теңдесі жоқ Қазақстан...

Алматыда қоғамдық көлік жүргізушілеріне қойылар талап күшейді. Қазір қаладағы жауапты органдар қоғамдық көлік қозғалысын қатаң бақылап отыр. Бұл туралы Almaty.tv хабарлады.

Қазір қалада қоғамдық тасымалдау қызметін атқаратын 25 автобекет бар. Олардың балансында 2137 автобус пен 160 троллейбус тіркелген. Қоғамдық көліктердің  қозғалысын құзырлы органдар қатаң бақылап отыр. Мәселен, жыл басынан бері тәртіптік жазаға тартылған 100-ге жуық жүргізуші жолдағы ережені бұзудан бөлек, жолаушылардың өміріне қауіп төндіргені үшін жауап берген.

«Үш айдың нәтижесі бойынша Алматы қаласында 101 жол-көлік оқиғасы тіркелді. Оның себебінен 143 адам зардап шекті. Қаза болғандар жоқ. Жыл басынан бері Әкімшілік кодекстің талаптарына сәйкес 72 хаттама...

2023 жылдың қаңтар-наурыз айларының қорытындысы бойынша «Жолаушылар тасымалы» АҚ пойыздарында 4 мың тоннаға жуық жүк багажы тасымалданды. Багажды тасымалдау өткен жылдың сәйкес көрсеткішімен салыстырғанда 27% өсті. Бұл туралы «Қазақстан темір жолы» ҰК» АҚ баспасөз қызметі хабарлады.

«Жолаушылар тасымалы» АҚ 5 маршрут бойынша багажды және жүк-багажды тасымалдау бойынша қызметтер көрсетеді. Қазақстанда 16 багаж бөлімшелері мен пункттері жұмыс істейді.

Артық қол жүгін, жүкті немесе жүк-багажды тасымалдау теміржол вокзалындағы багаж бөлімшесінде алдын ала (пойыз жөнелтілгенге дейін кемінде 1 сағат бұрын) ресімделеді.

Сәлемдемелерді жолсеріктер арқылы жіберу заңсыз болып табылады. Ресімделмеген багажды немесе жүк багажын қабылдаған жолсерік әкімшілік жауапкершілікке тартылып, жұмыстан шығарылуы да мүмкін.

Атырау облысы «Anti-fraud» іс-шарасы аясында Instagram арқылы телефон сатамыз деп қазақстандықтарды алдаған күдіктілер ұсталды. Бұл туралы Polisia.kz сайты хабарлады.

18-20 сәуір аралығында Атырау облысының аумағында «Anti-fraud» жедел-профилактикалық іс-шарасы өтіп жатыр. Жедел-профилактикалық іс-шара барысында Атырау облысы полиция департаменті және Талдықорған қалалық полиция басқармасы киберқылмысқа қарсы күрес кызметкерлері бірлесіп қылмыстық топты анықтап, ұстады. Күдіктілер әлеуметтік желі арқылы жалған парақша ашып, Iphone телефонын саудалап, алаяқтық әрекетімен айналысқан. Нарықтағы бағадан арзан смартфон аламын деген тұрғындар ақшасынан оңай айырылып қалған.

Ал алаяқтар ақшаларды қолма-қол шығару арқылы дропперлерге аударып, кейін өздерінің есепшоттарына аударып отырған. Жәбірленушілер арасында Семей қаласы, Алматы, Астана қаласы, Қарағанды, Ақтөбе...

Qazaq Air әуекомпаниясы 15 мамырдан бастап Астанадан Үржарға тікелей әуе қатынасын іске қосады. Бұл туралы компанияның баспасөз қызметі хабарлады.

Рейстер кесте бойынша жұма мен жексенбіден басқа аптасына 5 рет жиілікте орындалады:

IQ 537 Астана (11:55) – Үржар (13:50)

IQ 538 Үржар (14:30) – Астана (16:30)

Астана-Үржар-Астана бағыты бойынша рейстер жаңа генерацияланған de-Havilland Dash 8-Q400 канадалық әуе кемесінде орындалатын болады.

Субсидияланатын әлеуметтік маңызы бар авиарейстердің құны бір бағытта 16 000 теңгені құрайды.

14 жасқа дейінгі балаларға 50% жеңілдік беріледі. Қол жүгін тасымалдау нормасы – 5 кг, багаж – 20 кг. Ұшу күнін өзгертуге және билеттерді қайтаруға рұқсат етіледі.

Осы бейсенбі  сағат 11:00-де Алматыда жоспарлы жалпықалалық сейсмикалық оқу-жаттығу өтетін болады.  Бұл ретте  жылына екі рет өткізіледі. Тоқсан сайын қала ұйымдарында сейсмикалық оқу-жаттығулар өткізілсе, жыл басынан бері өзінде 2,8 мыңнан астам сейсмикалық оқу-жаттығулар өткізілді.Бұл туралы Алматы қ.ТЖД баспасөз қызметі хабарлады.

Сейсмикалық оқу-жаттығудың негізгі мақсаты – қала тұрғындарының төтенше жағдай кезіндегі іс-қимылдарға дайындық деңгейін арттыру, тұрғындар эвакуациялау жолдарын, қауіпсіз жерлерді алдын ала анықтап, апаттық чемодандарды дайындау.

Алдағы  жалпықалалық сейсмикалық жаттығуға алдын ала дайындық жүргізілуде. Мәселен, ертеңнен бастап телеарналар мен радиоарналарда хабарландыру басталып, алматылықтар оқу-жаттығуға қатысты эвакуациялау туралы ақпараттандырылып, ұсыныстар беріледі.

Сейсмикалық оқу-жаттығу күні теле және радиоарналар сиреналық қондырғыларды іске қосу...

Сәрсенбіде жарияланған БҰҰ мәліметтері бойынша, Үндістан Қытайды әлемдегі ең көп қоныстанған ел ретінде басып озды. Үндістанның халқы 1,428 миллиард адамнан асты. Ал Қытайда халық саны 1,425 миллиард адамды құрайды. Бұл туралы Bloomberg агенттігі хабарлады.

Алайда, деректер көрсеткендей, ҚХР сандарына Гонконг пен Макао, Қытай мен Тайваньның арнайы әкімшілік аймақтары кірмейді.

Үндістан халқының өсуі жалғасады және 2050 жылға қарай 1,6 миллиардқа жетеді деп күтілуде. Бұл кезде қытай халқы шамамен 1,3 миллиардқа дейін азаяды деп болжануда.

Ал өз елімізге тоқталатын болсақ, 2023 жылғы 19 сәуірдегі жағдай бойынша Қазақстан халқының саны 19,8 млн адамды құрады. Оның ішінде қалада – 12,2 млн, ауылда...

Фото: kursiv.media

Астанада өтіп жатқан сотта Гүлмира Сатыбалды өзін айыптаған Тұрсенғали Алагөзовпен қарым-қатынасы туралы айтты. Ол өз сөзінде Алагөзовтің акциясы дау болып жатқан «Galanz Bottlers» АҚ-ын мақсатты түрде құрдымға жібергенін мәлімдеді.

«Мен қорқытып, күшпен тартып алған жоқпын. Бұл сөзім мәміленің 9 айға жуық уақытқа жасалғанымен расталады. Тергеу кәсіпорынның құны төмендетілді деп отыр, алайда сол кезде «Galanz Bottlers» АҚ шығынға батқан еді. Алагөзов кредит алып, жеке өмірімен айналысты. Оның ішінде бұрынғы әйелімен соттасты», – деді Гүлмира Сатыбалды.

Сатыбалдының сөзінше, Алагөзовтің бұрынғы әйелінің компания қарызын төлеуге қаржылық мүмкіндігі болмаған.

«Тек мен салған қаражатты...

Фото: баспасөз қызметі

Еліміздің салық заңнамасына енгізілген өзгерістеріне сәйкес, 2024 жылғы 1 қаңтардан бастап жабайы өсімдік жинайтындар салық төлейтін болады. Салық кодексінің 69-тарау, 6-параграфы «орман және өсімдіктер ресурстарын пайдаланғаны үшін төлемақы» болып толықтырылған. Бұл туралы Мемлекеттік кірістер комитеті хабарлайды.

«Мәселен, егер қазіргі уақытта мемлекеттік орман қоры және ерекше қорғалатын табиғи аумақтардың (оның ішінде дәрілік өсімдіктер, жабайы жемістер, жаңғақтар, саңырауқұлақтар, жидектер) аумағындағы объектілерге ғана салық салынатын болса, келесі жылдан бастап салық салу объектілеріне осы аумақтан тыс жерде жиналатын өсімдіктердің жабайы түрлері де енгізілген», делінген хабарламада.

Мемлекеттік орман қоры мен ерекше қорғалатын табиғи...

Фото: kursiv.media

Аэроғарыш комитетінің теңгеріміндегі бірқатар мүлік «Бәйтерек» бірлескен кәсіпорнына беріледі. Бұл туралы үкімет қаулысы Ашық НҚА сайтында жарияланған.

«Осы қаулыға қосымшаға сәйкес республикалық мүлік Қазақстан Республикасының заңнамасында белгіленген тәртіппен «Қазақстан Республикасы Цифрлық даму, инновациялар және аэроғарыш өнеркәсібі министрлігінің Аэроғарыш комитеті» республикалық мемлекеттік мекемесінің теңгерімінен «Бәйтерек» Қазақстан-Ресей бірлескен кәсіпорны» акционерлік қоғамына акцияларын төлеуге берілсін», делінген қаулыда.

Бұл істі ҚР ҚМ Мемлекеттік мүлік және жекешелендіру комитеті Қазақстан Республикасы Цифрлық даму, инновациялар және аэроғарыш өнеркәсібі министрлігімен бірлесе отырып жүзеге асырады.

Қаулыға сәйкес, Аэроғарыш комитетінің балансындағы 446 мүлік «Бәйтерек» Қазақстан-Ресей бірлескен кәсіпорны» акционерлік қоғамына...

Қазақстанда сұйытылған мұнай газының бағасы литріне кемінде 70 теңгеге дейін көтеріледі. Бұл жайлы Энергетика министрі Алмасадам Сәтқалиев айтты. Министр бағаның көтерілуі өндіруші компаниялардың отынды ең аз шығынмен өндіруі үшін қажет.

«Қазір әр аймақта баға әртүрлі. Әлеуметтік жағдайды ескерсек, алғашқы өсім көп болмайды, 5-10 теңгеден артық емес. Содан кейін мемлекет басшысы қандай мерзімде өзіндік құнына жететінімізді анықтауды тапсырды. Үкіметпен, Бәсекелестікті қорғау және дамыту агенттігі және депутаттармен бірлесе отырып, ол кезеңді нақтылайтын болсақ, шамамен үш жыл көлемінде өзінің нарықтық бағасына көшеміз, болмаса төрт немесе екі жылдан кейін көшеміз. Осы уақыт аралығында біз есеп-қисабын шығарып, дайын болғанда сіздермен баға...

Қазақстанның тұңғыш президенті Нұрсұлтан Назарбаевтың бұрынғы келіні Гүлмира Сатыбалды сотта өзіне тағылған айыпты мойындамады. Ол Қайрат Сатыбалдымен ажырасқанына 20 жыл болғанын айтып, Тұрсенғали Алагөзовтің компаниясын тартып алмағанын жеткізді.

«Алагөзов мен рейдерлік жасады деп айыптап отыр. Моральдық шығынды да 135 млрд теңге деп бағалаған. Неге мұндай соманы айтқанын білмеймін. Мұндай ақша туралы тіпті мемлекеттік бюджетте де естіген емеспін. Қазақстанның қарапайым азаматында ондай көлемдегі қаражат қайдан болсын? Келіспеймін. Ешқандай рейдерлік әрекет болған жоқ, мен оның компаниясын тартып алған жоқпын», – деп жауап берді Гүлмира Сатыбалды сотта.

Айтуынша, Қайрат Сатыбалдымен 2002 жылдың желтоқсанында ажырасқан. Ол кезде Гүлмира...

Фото: shutterstock.com

Мемлекет басшысы Үкіметтің кеңейтілген отырысында Ұлттық қорға жармаса беруді доғару керек деді. Президент бұл туралы осыған дейін де талай рет айтқанын еске салды.

«Ұлттық қор – болашақ ұрпақтың қаражаты. Біз оның ресурстарын тек қажет жағдайда, дағдарыс кезеңінде пайдалануымыз керек» деді Президент.

Қазіргі кезде Қазақстанның Ұлттық қорында 29,3 трлн теңге жинақталған. 2030 жылға қарай қорда 100 миллиард АҚШ долларын жинақтау мақсаты қойылған.

Алайда Үкімет жыл сайын бюджеттің жыртығын жамауға қордан қаражат алуын қоймай келеді. Сарапшылардың бағалауынша, кейінгі 7 жылда қор қаржысы 22 пайызға азайған.

16 наурыз...

2023 жылдың наурыз айында екінші деңгейлі банктер мен банктік емес жекелеген айырбастау пунктерінде 4 568 алтын құйма сатылды, олардың жалпы салмағы – 175,0 кг. Бұл туралы Ұлттық банктен хабарлады.

Халыққа тазартылған алтын құймаларды сату және сатып алу бағдарламасын Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 4,2 тонна 122 430 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г.
Сатып алушылар арасында өте жоғары сұранысқа ие түрі – 10 грамдық құйма. Жалпы сатылған құймалар арасында оның үлесі 26% – 31 909 дана.
Одан кейін 5 грамдық алтын құйма...

Фото: kursiv.media

«ҚазМұнайГаз” АҚ Төрағасы Мағзұм Мырзағалиев «Жаңаөзеннен келген мұнайшылардың талаптарын орындау өте қиын, оны ашық айту керек» деп мәлімдеді. Үкімет кулуарында журналистер қойған сауалға Мырзағалиев осылай жауап берді, деп хабарлайды Азаттық.

ҚМГ басшысының айтуынша, олардың талабын орындау Жаңаөзен қаласында үлкен наразылық тудыруы мүмкін.

Мырзағалиев Астанада ҚМГ өкілдерімен келіссөз жүргізіп жатқан жаңаөзендік мұнайшыларға үш ұсыныс жасалғаны айтады. Бірінші, тендерден ұтқан компанияға жұмысқа орналастыру, «БерӘлі Маңғыстау Company» берген жалақыға пара-пар айлық төлеу және келісімшартты үш жылға ұзарту. Мырзағалиев мұнайшылармен әлі келіссөз жүріп жатқанын айтты.

10 сәуір Жаңаөзен мұнайшылары елордаға келіп, Энергетика министрлігінің алдына жиналған еді. Оларды басты...

Шығыс Қазақстан облысының әкімі Даниал Ахметов VII шақырылымдағы экс-депутат Берік Дүйсенбиновтің шулы мәлімдемесіне жауап берді.

2022 жылдың желтоқсанында Мәжіліс отырысында мәлімдеме жасап, пайдаланылмай жатқан ауыл шаруашылығы жерлері мемлекетке қайтарылып жатыр дегенге сенбейтінін, өңірлердегі жерлердің басым бөлігі әкімдерге тиесілі екенін айтты.

Берік Дүйсембинов «Өскеменге барсаңыз, жердің бәрі Даниал Ахметовтікі, ал Павлодарға барсаңыз Бақауовтікі. Астананың маңайында Өмірзақ Шөкеевтікі. Оны айтуға бәрі қорқып отыр» деді.
Астанада өткен Қазақстанның әлеуметтік-экономикалық даму мәселелері жөніндегі кеңейтілген отырыстан шыққан ШҚО әкімі Даниал Ахметов экс-депутаттың мәлімдемесіне «жала» екенін мәлімдеді.

Бұл туралы Даниял Ахметов ақпараттың нақтыланбағанын айтады.

«Бұл – жала. Менде...

Еңбек және халықты әлеуметтік қорғау министрі Тамара Дүйсенова Мәжіліс депутатының атаулы әлеуметтік көмекті алып тастауды ұсынғанына қатысты пікір білдірді.

«Атаулы әлеуметтік көмекті тоқтатуға болмайды. Бізде (көмек) алып отырған отбасылар бар. Онда жұмыс істеуге мүмкіндігі жоқ азаматтар бар. Сондықтан оларға атаулы әлеуметтік көмекті (АӘК) беру керек. Алайда АӘК-тің механизмін жетілдіру бойынша депутаттармен бірге жұмыс істейміз», – деді еңбек министрі.

Айтуынша, бұрын атаулы әлеуметтік көмекті алатын азаматтар өздері келіп, арыз жазған. Содан кейін ғана көмек берілген.

«Жақында депутаттармен кездесіп, цифрлық картаны көрсеттім. Жалпы табысы күнкөріс деңгейінен төмен азаматтардың жұмыс істей алмауының объективті және...

Фото: www.shutterstock.com

Индустрия және инфрақұрылымды дамыту министрлігі қатты пайдалы қазбарлардың жаңа кен орнын барлауға өтінішті 1 қыркүйектен бастап қабылдайды. Бұл туралы ИИДМ вице-министрі Иран Шархан мәлімдеді.

«Ел аумағында 1,6 миллион шаршы шақырым қатты пайдалы қазбаларды барлауға жарамды. Соның ішінде200 мың шаршы шақырымы биыл наурызда қосылған жаңа учаскелер. Жаңа учскелерге өтінім қабылдау биыл 1 қыркүйекте басталады», – деді ол MINEX Qazaqstan форумында.

2018 жылдан бері Қазақстанда қатты пайдалы қазбаларды барлауға 1995 лицензия, ал пайдалы қазбаларды өндіруге 58 лицензия берілген. Бұл ретте кіші геологиялық барлау компанияларының үлесі 90 пайызын құрайды.

2017 жылы Жер қойнауы туралы...

Қазақстанның әлеуметтік-экономикалық даму мәселелері жөніндегі кеңейтілген отырыста мемлекет басшысы Қасым-Жомарт Тоқаев Медициналық сақтандыру қорының аймақтық филиалдарының қызметіне аудит жүргізуді тапсырды.

«Ақпараттандырудың төмен деңгейі медицина қызметкерлеріне жүктеменің айтарлықтай артуына әкелді. Медициналық сақтандыру қорының өңірлік комиссияларының қызметі ашық емес, бұл денсаулық сақтау шығындарының өсуіне әкеледі. Медициналық көмекті бақылаусыз тұтыну салдарынан қымбат тұратын диагностикалық қызметтердің саны 11 есеге өскен», деді Қасым-Жомарт Тоқаев.

Президент үкіметтің облыс әкімдерімен бірлесіп, Медициналық сақтандыру қорының өңірлік филиалдарының қызметіне аудит жүргізу керек екенін айтты..

«Дәрі-дәрмекпен қамтамасыз ету мәселелерінде сыбайлас жемқорлық тәуекелдері сақталуда. Бұған тиімсіз жоспарлау жүйесі ықпал етеді. Осы уақытқа...

Қазақстанның әлеуметтік-экономикалық даму мәселелері жөніндегі кеңейтілген отырыста мемлекет басшысы Қасым-Жомарт Тоқаев адам капиталын тиімді дамытудың аясында әлеуметтік қолдау нақты және межелі болуы тиіс екенін мәлімдеді.

«Қазіргі әлеуметтік кепілдік көлемі қысқартылмауы керек, керісінше шын мәнінде мұқтаж адамдардың пайдасына қайта бөлінуі тиіс. Мемлекет бұл көмекке аса мұқтаж адамға көмектесетін болады. Бәрінің негізінде ескертпелі әлеуметтік саясат жатуы тиіс, ол қолдауға арналған жәрдемақыларды төлеуге емес, өнімді жұмыс орындарын құруға бағытталуы тиіс,» деді Қасым-Жомарт Тоқаев.

Оның айтуынша, қазір еңбек нарығында жастардың үлесі артып келеді. Үкіметке және әкімдерге 2030 жылға қарай 3 миллион 300 мың адамды жұмысқа тұрғызу туралы тапсырма берілген.

«Оның 2,2 миллионы жастар...

Еліміз 2050 жылға қарай «суға өте мұқтаж» елдердің санатына кіруі мүмкін. Бұл туралы Қазақстанның әлеуметтік-экономикалық даму мәселелері жөніндегі кеңейтілген отырыста мемлекет басшысы Қасым-Жомарт Тоқаев айтты.

«Судың да сұрауы бар». Оны неғұрлым көп тұтынсаң, соғұрлым көп ақша төлейсің. Бұл – жұртты үнемшіл болуға үйрететін әділетті және қарапайым ұстаным. Дамыған елдердің тұрғындары әр нәрсенің қадірін біледі. Үнемшілдік олардың өмір салтына айналған. Тіпті, су мен жылуды ысырап етпеуді балаларға жастайынан үйретеді», – деді мемлекет басшысы.

Айтуынша, қазақстандықтар да осындай үнемшіл болуы керек. Әсіресе, суды үнемдеп тұтынуы қажет.

«Мен су тапшылығының артып жатқанын ұдайы айтып...

Фото: Ақорда

Қасым-Жомарт Тоқаев елдің әлеуметтік-экономикалық даму мәселелері жөніндегі кеңейтілген отырыста мүлік иелерінің бірлестігін (МИБ) енгізу қателік болғанын айтты.

«Қоғамда тұрғын үй қорын тиімді басқару мәселесі де талқыланып жатыр. Мүлік иелерінің бірлестігі (ОСИ) институтын енгізуге бағытталған реформа соңына дейін жеткізілмеді. Мүлік иелерінің бірлестігімен қатар пәтер иелері кооперативі (КСК) әлі жұмыс істеп тұр. МИБ енгізу реформасы кезінде қатты қателестік», – деді Тоқаев.

Мұндай жағдайда адамдарды сапалы және ашық қызметтермен қамтамасыз ету міндеті орындалмай отыр.
Сонымен қатар бұл реформа жергілікті өзін-өзі басқару жүйесіндегі алғашқы кезең болды. Сол себепті президент бұл тапсырмаға тиісті назар аудару қажет екенін еске салды...

Фото: shutterstock.com

Астанада LRT жобасының бірінші кешенін салу басталды. Бұл туралы Қазақстанның әлеуметтік-экономикалық даму мәселелері жөніндегі кеңейтілген отырыста Астана әкімі Жеңіс Қасымбек хабарлады.

«LRT бірінші кешенін іске қосу үшін құрылыс қайта жанданды. Жобаны 2 жыл ішінде аяқтауды жоспарлап отырмыз», – деді Жеңіс Қасымбек.

Жиында елорда әкімі биыл қаладағы барлық проблемалы үлестік құрылыс пайдалануға берілетінін атап өтті. Бұл жобалар «Нұрлы жер» бағдарламасының екінші кезеңі аясында жүзеге асырылып жатыр.

«Биыл наурызда 2030 жылға дейін қалалық реновация бағдарламасы өзектендірілді. Оның аясында апатты жағдайда тұрған 206 үйдің тұрғындары көшіріледі», – қала әкімі Жеңіс Қасымбек.