Шодиев пен Машкевичке тиесілі компания табысы қысқарды

«Шұбаркөл Көмір» компаниясының кірісі 16,1 млрд теңгеге дейін азайды / Коллаж: kursiv.media, бильд-редактор: Денис Андреев

ERG құрылымына кіретін «Шұбаркөл Көмір» компаниясы 2024 жылдың бірінші жартыжылдығындағы кірісін 2023 жылдың сәйкес кезеңімен салыстырғанда 2,5 есеге, яғни 41,5 млрд теңгеден 16,1 млрд теңгеге дейін қысқартты. Бұған Қазақстан қор биржасының (KASE) сайтындағы деректер дәлел.

Көрсеткіш негізінен қаржылық кірістің 4 есеге, яғни 6,9 млрд теңгеге дейін төмендеуіне байланысты. Сондай-ақ қаржылық шығыстардың 4 есеге 10,4 млрд теңгеге дейін өсуі де ықпал етті. Түсім 8,5%-ға, 61 млрд теңгеге дейін азайды. Жалпы және операциялық пайда да төмендеді.

Жыл басынан бері активтер 12,2%-ға өсіп, 254,5 млрд теңгеге жетті. Бұл негізінен сауда және басқа дебиторлық берешектің үштен біріне, берілген несиелердің 72 есеге ұлғаюына және табыс салығын 0-ден 1,2 млрд теңгеге дейін алдын ала төлеуге байланысты болды. Компания қаржысы 2,6 есе өсіп, 14,1 млрд теңгеге жетті.

Міндеттемелер 5,8%-ға өсіп, 211 млрд теңгеге жетті. Бұл көрсеткіш қызметкерлерге сыйақы бойынша міндеттемелердің 71 млн теңгеден нөлге дейін, сауда және басқа кредиторлық берешектің 40%, ал алынған несиелердің 9,5 есеге азаюы есебінен қалыптасты. Меншікті капитал 1,6 есе өсіп, 43,4 млрд теңгеге жетті. Бұл бөлінбеген пайданың 33,8 млрд теңгеге дейін екі есе артуы есебінен болды.

Кәсіпорын Қарағанды облысындағы екі кеніште көмірді ашық әдіспен өндіреді: Орталық және Батыс. «Шұбаркөл көмір» – Қазақстандағы ірі көмір өндіруші кәсіпорындардың бірі. 2024 жылғы 1 шілдедегі жағдай бойынша «Шұбаркөл Көмір» акционерлері «Еуроазиаттық энергетикалық корпорациясы» (акциялардың 50%) және SHK Eurasian Holding B.V. (акциялардың 50%), оның соңғы бақылаушысы ERG S.a.r.l.

ERG-нің түпкілікті иелері – Қаржы министрлігі – 40%, Александр Машкевич – 20,7%. Сонымен қатар Ибрагимовтар отбасы (марқұм Алижан Ибрагимовтің әйелі – Мұқадасхан және төрт ұлы – Достан, Даврон, Шухрат және Фурхат) – 20,7%, Патох. Шодиев – 18, 6%. Александр Машкевич, Патох Шодиев және Әлиджан Ибрагимов 2005 жылы Forbes нұсқасы бойынша әрқайсысының капиталы 1 млрд долларды. Осылайша олар Қазақстандағы алғашқы долларлық миллиардерлер атанды. Кейіннен Александр Машкевич пен Патох Шодиев азаматтықтарын ауыстырды.

Еске сала кетсек, «Шұбаркөл көмірдің» таза пайдасы бір жылда 3,5 есе өскен. Көмір өндіруші компания 2022 жылы 7,5 млрд теңге таза пайда алса, 2023 жылы бұл көрсеткіш 25,4 млрд теңгеге жеткен.