Инфляция бойынша көрсеткіш өскеннен кейін, сарапшылардың көпшілігі тамызда базалық мөлшерлеме өзгеріссіз қалады деп есептейді
![Бензин мен дизель отынының қымбаттауы инфляцияға әсер етеді](https://kz.kursiv.media/wp-content/uploads/2022/01/old-image-60980-1.jpg)
Қазақстан қажыгерлер қауымдастығының сараптамалық орталығы қаржы нарығы қатысушыларының кезекті сауалнамасы нәтижелерін жариялады.
«Қаржы нарығы сарапшыларының көпшілігі (63%) инфляциялық процестердің бір жарым жыл бойы үздіксіз баяулауынан кейін, шілдеде бірінші рет жеделдегенін айтады. Соған сәйкес ҚР ҰБ тамызда өтетін ақша-кредит саясаты кеңесінде базалық мөлшерлемені сақтап қалуы мүмкін деп санайды. Ал қалған бөлігі (37%) сақтықпен базалық бөлшерлеме 25 тармаққа төмендеу мүмкіндігін қарастырады», – деп хабарлады Қазақстан қажыгерлер қауымдастығы.
Сонымен бірге сарапшылар тамызда жылдық инфляциялық болжамдарын өзгерткен жоқ. Дегенмен көрсеткіштің 5%-дан жоғары болуы (8,1%) елдегі монетарлық шарттардың сол күйі қалуына ықпал етеді.
«Бір жыл ішінде базалық мөлшерлеме жылдық 13,0% болуы мүмкін, ал бір ай бұрын болжам жылдық 12% болды», – деп хабарлады Қазақстан қажыгерлер қауымдастығы.
Еске сала кетсек, 2024 жылғы шілдеде инфляция қайта қарқын алды. Жылдық инфляция бір айда 8,3%-дан 8,6%-ға жетті. Ресми статистикаға сүйенсек, әсіресе, ұялы байланыс пен әуе билеттерінің, демалыс орындарының бағасы бір айда 10%-дан аса өсті. Сұйытылған газ бағасы да көтеріліп, 5,3% қосты.