Пайдаланушылары ең көп мобильді ойындар қандай? 2024 жылдың ең танымал ойындары арасында Minecraft ойыны көш бастап тұр. Мобильді ойындар статистикасын жариялайтын ActivePlayer.io мәліметтері осыны көрсетіп отыр.
1. Minecraft
Mojang Studios-тың ұзақ уақытқа созылған хиті пайдаланушыларын әлі де жинап жатыр. Minecraft ойыныалғаш 2011 жылы шыққаннан бастап, үнемі өсіп, дамып келеді. Сондықтан Minecraft 13 жылдан кейін 2024 жылдың ең танымал ойыны болып тұр. ActivePlayer.io мәліметтері бойынша, 2023 жылы ойынға ай сайын 178 миллионға дейін пайдаланушы қосылады. Егер бұл сандар жеткіліксіз десеңіз, 2023 жылға қарай 300 миллион дана сатылған.
2. Roblox
Roblox – танымал онлайн ойын платформасы. Ойынды пайдаланушы смартфонда тегін ойнай алады. Roblox ойыншыларды қандай да бір виртуал жеңіске ақша жұмсауға мәжбүрлемейді. Ойыншылар негізінен бұл ойынды әрекет еркіндігі үшін жақсы көреді. Мұнда шексіз еркіндік бар. Ойыншы өз картасын жасай алады, тіпті отбасын да құра алады. Егер белгілі бір карта жалықтыра бастағанда, ойыншы жаңа орынға секіре алады. Ойыншылардың көпшілігі 12 жасқа дейінгі балалар болғандықтан (ұлдар – 51%, қыздар – 44%, тағы 5%-ы жынысын көрсетпеген), мұнда ересектер отырмайды. Күнделікті ойнаушылардың саны 66 миллионнан астам болса, ай сайын бұл көрсеткіш 214 миллионнан асады екен.
3. League of Legends
2009 жылы шыққан ойын Legends лигасы әлі де танымал ойын болып қала бермек.
Оның бірден бір себебі — ойында iPhone-ға арналған ең жақсы стратегиялар тегін. Сондықтан болар, көп ойыншы League of Legends стратегиялық шайқас аренасына әлі күнге дейін ай сайын 130 миллионнан астам белсенді пайдаланушыларды тартып отыр.
4. Standoff
«Standoff» (бұрынғы Active Shooter) – ресейлік әзірлеуші Антон Макаревский мен баспагер Ата Бердыев жасаған Revived Games және Acid Publishing Group атауларымен жұмыс істейтін компьютерлік ойын. 2017 жылы шыққан. Бұл ойын ойыншыларға белсенді атқыш (өлтіруші) немесе оқиғаға жауап беретін SWAT мүшесі рөлін алуға мүмкіндік береді. Командалық ойында ойыншылар лаңкестер мен арнайы жасақ (лаңкестерге қарсы) болып бөлініп, белгілі бір тапсырманы (бомба қою, қарсылас команданың көзін жою) орындайды. Ойынды 16+ жастан бастап ойнаған дұрыс.
5. Call of Duty
Бастапқыда компьютерге арналған ойын, кейінен 2024 жылдың ең танымал мобильді ойындарының тізіміне кірді.
Call of Duty: Warzone әзірлеушілері пайдаланушылардың қажеттіліктерін қанағаттандырды және оларға қалағанының бәрін берді: көп ойыншы шайқас режимі, кросс-платформа және Call of Duty ойынының бұрынғы және сүйікті бөліктеріне тұспалдау. Ойынды құрастырушылардың күш-жігері текке кеткен жоқ. Ойын франшизадағы ең көп ойналған жазбалардың бірі болып қала береді, ай сайынғы белсенді пайдаланушылардың саны орташа есеппен 67 миллион адам.
Еске сала кетейік, бұған дейін әлемге танымал Minecraft ойыны туралы фильм шығатыны туралы жазған едік.
