Америкалық Netflix компаниясының танымал «Игра в Кальмара» сериалының жалғасы қашан шығатыны белгілі болды. Netflix сериал ресми платформада 26 желтоқсан күні шығатынын мәлімдеді.
Сонымен қатар, Netflix-тің ресми YouTube арнасында екі минуттық трейлер шығып, онда жаңа маусымның басты кейіпкерлері мен оларды қандай сынақтар күтіп тұрғанын көрсеткен.
Екінші маусымда сериалдың алғашқы маусымынан көрермендердің көңілінен шыққан Ли Джон-джэ, Ли Бен-хон, Ви Ха-джун және Кон Ю өз рөлдеріне қайта оралады. Оларға тағы актерлар қосылып, жаңа кейіпкерлерде пайда болады.
Айта кетейік, «Игра в кальмара» – Оңтүстік Кореяның Netflix платформасында көрсетілетін танымал сериал. Ол қарызға белшесінен батқан жандардың өмірден үмітін үзіп, ақшалай сыйлық ұту үшін қауіпті ойындарға қатысатын адамдар жайлы туралы баяндайды. Сериал барысында қатысушылар өмірі үшін қауіпті, балалық шақтың ойындарына негізделген сынақтардан өтеді. Әр жеңіліс өлімге алып келуі мүмкін.
Продюссерлердің айтуынша, сериал әлеуметтік теңсіздік, ашкөздік және адам табиғаты сияқты тақырыптарды қозғайды. Адамның өмір сүру мен ақша үшін неге баруға дайын екендігі туралы ойлануға мәжбүр етеді.
Сериалдың режиссері және сценарисі Хван Дон Хек бұл жобаның идеясын он жылдан астам уақыт бойы ойластыраған. Алайда Netflix қолдауының арқасында ғана ойындағысын экранға шығара алды.
Еске сала кетейік, сериалдың бірінші маусымы 2021 жылдың қыркүйегінде көрсетілімге шыққаннан кейін, миллиондаған көрерменнің назарын аударып, платформаның ең сәтті жобаларының біріне айналды.
