Алматы туризм бюросы алғаш рет ресми гастрономиялық гид әзірледі. Гидке 140-тан астам мейрамхана енді.
Алматы бүгінде тек тауларымен ғана емес, ұлттық асханасымен де туристерді қызықтырып отыр. Қазақтың ет тағамдары, бауырсақ пен қымыздан бастап, заманауи интернационал дәмдерге дейін — бәрі бір қалада тоғысқан.
Гид үш бағытта құрылған:
- Қазақ ұлттық асханасы – дәстүр мен дәмнің үйлесімі;
- Мультимәдениет бағыттары – түрлі елдің асханаларына шолу;
- Instagram-локациялар – ерекше интерьері мен тағамы арқылы көз тартатын орындар.
Мейрамханалардың тізімі бар нұсқаулық қазақ, орыс, ағылшын тілдерінде жарық көрді. Туристерге тур-фирмалар мен әуежайларда берілетін болады. Сондай-ақ онлайн форматта да көруге болады.
Сонымен қатар, гидте Алматыға ғана тән ерекше тағамдар, ең танымал фуд-сувенирлер мен туристерге арналған пайдалы кеңестер қамтылған.
Еске сала кетейік, бұған дейін Алматыда жерленген танымал тұлғалардың бейіттері туристік бағытқа енген еді.
