KASE 2024 жыл үшін 4,6 млрд теңге дивиденд төлейді

Қазақстан қор биржасының (KASE) акционерлері 2024 жылдың қорытындысы бойынша дивиденд төлеу туралы шешім қабылдады. Бұл шешім биржаның жылдық жалпы жиналысында мақұлданды.

Жиналыс қорытындысы бойынша, акционерлер KASE-нің таза табысының 30%-ын, яғни 4,6 млрд теңгені дивиденд ретінде бөлуге келісті.

Бір жай акцияға төленетін дивиденд мөлшері – 4 310,67 теңге. Төлем уақыты 2025 жылғы 10 маусымнан басталады.

«Аталған шешім KASE-нің қаржылық тұрақтылығы мен акционерлер алдындағы ашық саясатын көрсетеді. Бұл – биржаның сенімділігі мен табыстылығын айқындайтын маңызды көрсеткіштердің бірі», – деп жазылған хабарламада.

Осыған дейін «Қазатомөнеркәсіп» акционерлеріне 327 млрд теңге дивиденд төлейтінін жариялаған еді. Бұл – компания тарихындағы ең қомақты төлем.