Ninety One тобының мүшесі, танымал әнші Азамат Ашмақын (сахнадағы аты — АСЕ) әке атанбақшы. Сүйіктісі Нұриләмен бірге gender party өткізіп, бейнежазбасын инстаграм парақшасында жариялады.
«Біз бұл сәтті үлкен толқумен, қуанышпен күттік. Енді кішкентай құпияны ашатын уақыт келді деп ойлаймын» — деп жазды әнші.
Бейнежазбада достары қатысқан gender party сәті де көрсетілген, онда болашақ сәбидің жынысы да белгілі болды. АСЕ пен Нұрила алдағы уақытта қыз баланың ата-анасы атанбақ.
Айта кетейік, Азамат Ашмақын бұған дейін өз сүйіктісімен қарым-қатынасын жария еткен. Арудың есімі – Нұрила Шакирова, ол Instagram парақшасында өзін продюсер ретінде таныстырған.
