Жұлдыз Әбдікәрімова үш айлық баласын тастап, неге Жапонияға кетіп қалғанын түсіндірді. Айтуынша, ол біліктілігін көтермек.
Танымал актрисаның сөзіне қарағанда, оқырмандары Жапонияға неге кеткенін, үш айға әлі толмаған Рабия Сұлтанға кім қарап қалғанын сұрап жатыр. Жұлдыз Әбдікәрімова әлеуметтік желі арқылы осы сұрақтарға ашық жауап берді.
«Жапонияға сапарым іс-сапар болды. Мамандығым – арт-менеджмент продюссерлік бойынша біліктілікті көтеру үшін бардым», – деді актриса.
Жұлдыз Әбдікәрімованың айтуынша, Жапонияға ол ғылыми-тағлымдамалық бағдарламалармен танысуға, тәжірибе алмасуға және жергілікті университеттерді көруге келген. Сол үшін қазір Цукуба қаласында жүр.
Әрине, Қайрат Нұртастың бала-шағасы қараусыз қалмаған.
«Шүкір, балалар қараулы. Рабия Сұлтанға менің үлкен әпкем Мәрзия келді. Сол кісі қарап жатыр», – деді актриса.
Қалған балалары каникул аяқталған соң, Астанаға келген. Үлкені – Сезім Англияға кеткен.
Мұның алдында Жұлдыз Әбдікәрімова кіммен кездесуге шығып жүргенін айтқан болатын.
