Лондонда қазақстандық әнші Димаш Құдайбергеннің жеке концерті қарсаңында оның жанкүйерлері әлемнің түкпір-түкпірінен келіп, pre-party жиналды.
Димаштың баспасөз қызметінің хабарлауынша, мерекені Тhe Royal Lancaster Hotel қонақ үйінде Dimash UK Dears фан-клубы ұйымдастырған.
Қонақтарды қазақ мәдениетіне арналған көрмелер мен музыкалық қойылымдар күтті. Залда шотландтық әуен шырқалып, ағылшын Элис Мизелли Уэльстегі ерлер хорының, ирландиялық бишілердің және халықтық би топтарының қойылымдарымен бірге жүрді.
Қазақстанды қобыз және фортепианомен Кенжер мен Арлан Әбжановтар, әнші және гитарист Ерболат Хусаин, биші Гүлшарат Жұбаева және қазақ тілі бойынша шағын сессия өткізген жасөспірім Кәусар таныстырды. Бағдарламада Чили мен Ұлыбританияның музыкалық нөмірлері де болды.
Жанкүйерлердің назарын Димаштың ата-анасы: Қанат-Светлана Айтбаевтар және әртістің командасы аударды. Әншінің әкесі жанкүйерлеріне қолдауы мен сүйіспеншілігі үшін алғыс айтты.
Айта кетейік, осыған дейін Димаш Құдайберген әлемдегі ең беделді бұқаралық ақпарат құралдарының бірі CNN телеарнасына тікелей эфирде сұқбат берген еді.
