20 ақпандағы сауда нәтижесінде доллар қайтадан 500 теңгеге дейін көтерілді. Қазақстан қор биржасындағы (KASE) валюта саудасы 499,40 теңгемен жабылды.
Биржада доллар бағамы түскі сағат 15:30-да 494,66 теңге болса, сағат 17:00-де 496,04 теңге болды. Ұлттық банк демалыс күндерге арналған ресми бағамды 494,66 теңге деп белгілейді.
kurs.kz мәліметінше, Алматы қаласындағы валюта айырбастау мекемелері 1 долларды 498 теңгеден қабылдап, 501 теңгеден өткізіп жатыр. Астана қаласында бағам сәл жоғары – 496 және 503 теңге.
Осылайша, доллар қайтадан 500 теңгеге дейін көтерілді. Бір күн бұрын ұлттық валюта 490 теңгеге дейін нығайған.
Бір күн бұрын Ұлттық банк өкілі референдум мен сайлаудан соң доллар күрт қымбаттап кетпей ме деген сауалға жауап берген.
