Продюсер Баян Алагөзова «Қыз Жібек» фильміне қатысты тарихи қамзол төңірегіндегі дауға жауап берді.
Ол қоғамда туындаған сынға пікір білдіріп, бұл жәдігердің ондаған жыл бойы ешкімнің есіне де түспегенін атап өтті.
«Неге осы қамзолды 50 жыл бойы ешкім есіне алмады? Неге ешкім оны іздемеді?», – деді продюсер.
Айта кетейік, бұған дейін Меруерт Өтекешованың «Қыз Жібек» фильмінде киген қамзолдың түпнұсқасы туралы ақпарат қоғамда қызу талқыланған еді. Бұл тарихи туындыны белгілі суретші Гүлфайрус Исмаилова жасаған.
Продюсердің айтуынша, қамзолды оған есімін атамаған жан табысталған. Ол бұл жәдігерді сақтап, қазақ мәдениетін насихаттауға бағытталған жобалар әзірлеп жатқанын жеткізді.
Мәдениет және ақпарат министрлігі Алагөзоваға сыйланған қамзолға қатысты тексеріс жүргізетін мәлімдеген.
