АҚШ-та Қазақстанның халық жазушысы, мемлекеттік сыйлықтың лауреаты Мұхтар Мағауинге көктас қойылды. Бұл туралы әлеуметтік желіде әдебиеттанушы Елдос Алаш жазды.
«АҚШ-тағы қазақ алыбының мазары. Бүгін көктасы қойылған екен. Рухы шат болсын», – деп жазды ол.
Айта кетейік, Мұхтар Мұқанұлы Мағауин 1940 жылы 2 ақпанда Шығыс Қазақстан облысы Аягөз ауданы Баршатас ауылында туған. Жазушы 2025 жылдың қаңтарында АҚШ-та дүниеден өтті. Мэриленд штатындағы Роквилл қаласында жерленді.
