Speedtest Global Index-тің 2026 жылғы дерегіне сүйенсек, Орталық Азия елдері арасында интернет жылдамдығы бойынша екі түрлі картина қалыптасқан. Мобильді интернетте Қазақстан көш бастап тұр, ал тұрақты интернет бойынша Өзбекстан бірінші орынға шыққан.
Мобильді интернет жылдамдығы бойынша Қазақстанның көрсеткіші – 93,68 Мбит/с. Бұл өңірдегі ең жоғары нәтиже. Екінші орында Өзбекстан тұр – 55,19 Мбит/с. Үшінші орынға Қырғызстан жайғасты, ондағы мобильді интернет жылдамдығы 52,64 Мбит/с болды.
Орталық Азиядағы интернет жылдамдығы рейтингі
Елдер медианалық жүктеу жылдамдығы бойынша салыстырылды. Мобильді интернетте Қазақстан алда, ал тұрақты интернетте Өзбекстан бірінші орында.
Мобильді интернет
Median download speed, Мбит/с
Тұрақты интернет
Fixed broadband, median download speed, Мбит/с
Яғни Қазақстан мобильді интернет сапасы бойынша көрші елдерден айтарлықтай озып тұр. Қазақстандағы көрсеткіш Өзбекстаннан шамамен 1,7 есе жоғары.
Ал тұрақты интернетте жағдай басқаша. Бұл бағытта бірінші орында – Өзбекстан. Елдегі fixed broadband жылдамдығы 93,35 Мбит/с деңгейінде. Қазақстан екінші орында – 88,10 Мбит/с. Қырғызстан да Қазақстанға өте жақын нәтиже көрсетті – 87,14 Мбит/с. Тәжікстанда бұл көрсеткіш 45,10 Мбит/с болды.
Осылайша, Орталық Азияда интернет нарығы біркелкі дамып жатқан жоқ. Қазақстан мобильді байланыс инфрақұрылымы жағынан алда болса, Өзбекстан тұрақты интернет бойынша өңірдегі ең жоғары көрсеткішке ие. Ал Қазақстан мен Қырғызстанның fixed broadband жылдамдығы бір-біріне өте жақын.
Айта кетейік, Тәжікстан ресми түрде Starlink спутник интернетіне қосылғанын жазған едік
