Қазақстандық әнші Димаш Құдайберген Шахтерлар күнін ерекше атап өтті. Қарағандыда 250 мың адамның басын қосқан үлкен концерттен кейін әнші Костенко атындағы шахтаға барып, 700 метр тереңдіктегі жер астына түсті, деп хабарлайды Kursiv.LifeStyle.
Әртіс сапардан түсірілген кадрларды өзінің Instagram парақшасында бөлісті. Бейнежазбада ол дулыға мен арнайы киім киіп, кейін кеншілермен бірге жер астына аттанады.
«700 метр тереңдіктегі жер астына түсіп, шахтерлардың қандай жағдайда жұмыс істейтінін, бұл қаншалықты ауыр әрі жауапты еңбек екенін өз көзіммен көрдім», – деп жазды әнші.
Сондай-ақ, оған шахта жұмысының қалай ұйымдастырылғанын көрсетті, ал ол кеншілермен жеке кездесіп, тілдесіп, оларды кәсіби мерекелерімен құттықтады.
«Осы кәсіп иелеріне деген құрметім шексіз. Сіздердің еңбектеріңіз айрықша құрметке лайық!» – деп жазды әртіс.
Оқи отырыңыз: Димаш әлемдік турының екінші кезеңінде жаңа образбен сахнаға шығады
