
«Қазатомөнеркәсіптің» Қазақстан қор биржасында саудаланатын акциясы 13-19 қараша аралығында бес күн қатарынана арзандады. Осы бес сессияда акция 6,59%-ға арзандап, 19 қарашада 26 210,03 теңгемен жабылды. Kursiv.Media осы уақыт аралығында компания 479 млрд теңге нарықтық құнын жоғалтқанын анықтады.
| Сауда күні | Жабылу бағасы | Күндік өзгеріс |
|---|---|---|
| 12 қараша | 28 059,00 теңге | +0,22% |
| 13 қараша | 27 700,10 теңге | −1,28% |
| 16 қараша | 27 150,00 теңге | −1,99% |
| 17 қараша | 26 924,44 теңге | −0,83% |
| 18 қараша | 26 799,00 теңге | −0,47% |
| 19 қараша | 26 210,03 теңге | −2,20% |
Қарашадағы өзгерісті есептеу үшін қазанның соңғы сауда күнін негізге алдық. 30 қазанда бір акция 28 350 теңге тұрған. Содан бері акция 7,55%-ға арзандады. KASE көрсеткен 259 356 608 жай акцияны екі күннің жабылу бағасына көбейткенде, компанияның нарықтық құны 7,353 трлн теңгеден 6,798 трлн теңгеге түскен.