Жыл басынан бері мемлекеттік еңбек инспекторлары 8,9 мыңнан астам жұмыскердің құқығын қорғады. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.
Ағымдағы жылғы 1 маусымдағы жағдай бойынша Мемлекеттік еңбек инспекторлары республиканың 498 кәсіпорнында 10,6 мың жұмыскердің алдында 1 млрд 936 млн теңгеден астам сомаға жалақы бойынша берешекті анықтады.
Осы кәсіпорындардың басшыларына орындалуы міндетті 517 нұсқама беріліп, 59,1 млн теңгеден астам сомаға айыппұл салынды.
Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 8,9 мыңнан астам жұмыскердің құқықтары қорғалды. Оларға 1 млрд 728 млн теңге төленді.
