Бішкекте екі балалар ауруханасы ашылады. Бұл туралы «Ала-Тоо 24» бағдарламасының эфирінде Денсаулық сақтау министрі Алымқадыр Бейшеналиев мәлімдеді. Бұл туралы 24.kg сайты хабарлады.
Оның айтуынша, биыл балалар арасындағы ЖРВИ маусымы әдеттегіден ерте – қазан айының соңында басталды. Үшінші балалар ауруханасына күн сайын көптеген науқастар келеді.
«Кеңес Одағы кезінде елордада 500 мың адамға арналған екі балалар ауруханасы жұмыс істеді. 30 жылдан бері бірде-бір балалар ауруханасы салынбаған, қазір халық саны 1,5 миллионнан асты. Демалыс күндері ата-аналар не жедел жәрдемге барады, не балаларын ауруханаға өз бетімен апарады. Бұл ретте баланың дене қызуы көтерілген бойда емханаға бармайды», – дейді Алымқадыр Бейшеналиев.
Ол қазіргі таңда Үшінші балалар ауруханасында хирург, педиатр, реаниматологтар бар 18-ден астам дәрігер жұмыс істейтінін атап өтті. 7-шағын ауданда 80 төсектік аурухана ашылды, онда Ош облысынан келген педиатрлар жұмыс істейді. Республикалық диагностикалық орталықтың базасында ЖРВИ-мен ауыратын балалар да қабылданады.
