Алматы қаласы, Наурызбай ауданы тұрғындарымен кездесуі барысында қала әкімі Ерболат Досаев аудандағы мектептер қай тілге сұраныс бар, сол тілде ашылады деді. Былтыр оқу жылының басында қазақ тілінде білім беретін мектептердегі орын тапшылығы 7,2 мыңды құраған. Жаңа мектептердің ашылуымен қазір 2,5 мыңға дейін төмендеген.
«Наурызбай ауданында ашылған мектептердің басым бөлігі қазақ тілінде білім береді. Өйткені жергілікті халықтың сұранысы сондай», деді Досаев.
Биыл жыл басында бұл көрсеткіш 3 есе төмендеп, 2494 орынға дейін қысқарған.
«Былтыр біз Қалқаман мен Шұғыла шағын аудандарында 5100 орындық 4 мектеп аштық. Ауданда тұрғын үй құрылысының қарқынын ескере отырып, тағы 6 жаңа мектепті жобалау және салу жұмыстары жүріп жатыр», деді қала әкімі.
Әкімнің айтуынша, «Жайлы мектеп» ұлттық жобасы аясында салынып жатқан аудандық білім бөлімдерінде қаралып жатқан өтініш саны бойынша ашылады.
«Біздің жоспарымыз ауқымды: 2025 жылдың соңына дейін мектептердің 30%-ын бір ауысымда оқуын қамтамасыз етуге тырысамыз. Оған қол жеткізуге толық мүмкіндік бар», – деп сендірді әкім.
Биыл елімізде «Жайлы мектеп» ұлттық жобасы аясында 842 мың оқушы орнына есептелген қажетті жабдықтармен толықтай «жабдықталған» 400-ге жуық мектеп салу жоспарланған.
