Фото: kursiv.media
Теңіз және Атырау мұнай өндіру станциялары мұнайды төмендетілген мөлшермен резервтік энергия көздерін пайдалана отырып өндіріп жатыр, деп хабарлайды Интерфакс.
Маңғыстау атом электр станциясындағы апаттың салдары толық жойылған жоқ және бұл жағдай Каспий құбыр консорциумы нысандарын энергиямен жабдықтауға айтарлықтай әсерін тигізді.
КҚК мәліметінше, 3 шілдеде электр жүйесіндегі кернеу тұрақтанғаннан кейін Теңіз, Атырау, Исатай және Құрманғазы мұнай өндіру станциялары іске қосылған. Алайда, 4 шілде күні таңертең компания нысандарын энергиямен жабдықтауға шектеулер қойылған. Нәтижесінде «Теңіз» станциясы авариялық сигналдармен өшіріліп, нысан шұғыл түрде автономды қуат көзіне көшірілген. Одан кейін Атырау, Исатай, Құрманғазы станциялары да толығымен тоқтатылған.
«Қазіргі уақытта КҚК Теңіз және Атырау мұнай өндіру станцияларында мұнайды төмендетілген жұмыс нормаларымен қабылдайды, нысандарды электрмен жабдықтаудың резервтік көздерін пайдалана отырып, Қазақстан мұнай құбыры тоқтап қалып, жұмысын қайта жалғастырды», деп хабарлайды консорциумның баспасөз қызметі.
КҚК құбыры Қазақстанның батысындағы және Каспий қайраңындағы ресейлік мұнай кен орындарын Новороссийсктегі теңіз терминалымен байланыстырады. Бұл жүйе қазақстандық мұнайдың негізгі экспорттық бағыты, ол арқылы Қазақстанның мұнай көлемінің 80% тасымалданады.
2022 жылы компания экспортқа 58,7 миллион тонна мұнай жөнелтті, 2023 жылға арналған болжам шамамен 61 миллион тоннаны құрайды.
КҚК акционерлері: Ресей Федерациясы (24% Транснефть (MOEX: TRNF) бақылайды, 7% баланста) – 31%, Қазақстан (Қазмұнайгаз – 19% және 19% и Kazakhstan Pipeline Ventures LLC – 1,75%) – 20,75%, Chevron Caspian Pipeline Consortium Company – 15%, LUKOIL International GmbH – 12,5%, Mobil Caspian Pipeline Company – 7,5%, Rosneft-Shell Caspian Ventures Limited – 7,5%, BG Overseas Holding Limited – 2%, Eni International N.A. N.V. – 2% и Oryx Caspian Pipeline LLC – 1,75%.
Еске сала кетсек, дүйсенбі күні Атыру мұнай өңдеу зауыты МАЭК-тегі апатқа байланысты тоқтап қалды.
Энергетика министрі Алмасадам Сәтқалиев Қазақстанда мұнай өндіру көлемі бір ай ішінде қалпына келетінін мәлімдеді.
МАЭК-тегі апат сонымен бірге Батыстағы бірнеше маңызды нысандардың жұмысының тоқтауына алып келген. Сейсенбі күні Үкімет отырысында «ҚазМұнайГаз» ҰК АҚ Басқарма төрағасының орынбасары Дәулетжан Хасанов бірқатар станциялар мен мұнай ұңғымалары да істен шыққанын айтты.
Ал Үкімет басшысы Әлихан Смайылов елде жанар-жағар май тапшылығы болмайтнынын, кінәлілер жауапқа тартылатынын мәлімдеді.
