Үкіметте өткен жылды қорытындылау барысында қоғамдық тәртіпті және азаматтық қорғауды қамтамасыз ету саласындағы қорытындылар туралы мәлімдеді.
Үкімет басшысының баспасөз қызметінің хабарлауынша, елдегі жалпы қылмыс деңгейі 12%-ға төмендеген. Оның ішінде: мал ұрлығы дерегі 14%-ға азайған.
Қарақшылық 28%-ға, тонау 13%-ға, көшедегі құқық бұзушылықтар 8%-ға төмендеген.
Республикада 8,2 млн жол жүрісі қағидасын бұзудың жолы кесілген.
20,5 мың «мас» жүргізуші ұсталып, 22 мың адам жүргізуші куәлігінен айырылған.
«Елімізде қоғамдық тәртіпті қамтамасыз ету үшін 1,2 млн-нан астам бейнекамера орнатылған. Олардың көмегімен полицейлер 9,2 мың қылмыстың бетін ашып, 513 мың әкімшілік құқық бұзушылықтың жолын кесті», – деп жазылған хабарламада.
Сонымен қатар биыл тұрмыстық зорлық-зомбылықпен күрес механизмдері күшейтіліп, нашақорлыққа және есірткі бизнесіне қарсы күрестің кешенді жоспары қабылданған
