«БанкЦентрКредиттің» еншілес компаниясы – BCC Invest көлемі 500 млн доллар болатын облигациялық бағдарламасын нарыққа шығарады. Компания директорлар кеңесінің шешімі Қазақстан қор биржасына жолданған.
Директорлар кеңесінің шешімі 2024 жыл 5 ақпан күні шығарылған. Қаулының орындалуын қадағалау Басқарма төрағасының орынбасары Әлібек Оразақовқа жүктелген.
Бірінші эмиссия аясында бір акцияға бағасы 100 доллар деп бекітілген. Жалпы сомасы $10 млн болатын 100 мың бағалы қағаз орналастыру жоспарланған.
Компанияның жалғыз акционері – ЦентрКредит Банкі. Негізгі иелері – Бақытбек Байсейітов (40,11%) пен Владислав Ли (9,23%). 2023 жылдың қаңтар-қыркүйек айларында брокер 2,19 млрд теңге таза пайда тапқан. Жиынтық активтері 47,9 млрд теңгені ($107,3 млн) құрады
Былтыр компания дивиденд ретінде 500 мың доллар төлегенін хабарлады.
Брокер 2023 жылдың 3-14 сәуірі аралығында «ЦентрКредит – Валютный» қорының акционерлеріне дивидендтер түрінде $492,4 мың төледі.
