Жоғары аудиторлық палата квазимемлекеттік компанияларда тексеру жүргізеді

Мәжіліс кулуарында Әлихан Смайылов қаңтар-қыркүйектің қорытындысы бойынша Жоғары аудиторлық палата 9 трлн теңгеден астам сомаға 18 аудиторлық іс-шара жүргізгенін айтты.

Оның сөзінше, жыл соңына дейін әлі де бірқатар аудиторлық шаралар жүргізу жоспарланған. Мысалы, ауыл шаруашылығын субсидиялаудың тиімділігі сынды бағыттар қамтылмақ. Сонымен қатар нашақорлық пен есірткі бизнесіне қарсы күрестің тиімділігіне қатысты да тексерістер қолға алынады.

«Біз Ұлттық ұлан мен оның ведомстволық бағынысты ұйымдарына аудит жүргіземіз», – деді Смайылов.

Ведомство басшысы тексеріс нәтижесі туралы «есеп беремін» деп уәде етті. Сондай-ақ журналистер Смайыловтан «квазимемлекеттік секторда тексерулер басталды ма және оның нәтижесін қашан шығады?» деп сұрады.

«Ірі квазимемлекеттік компанияларға келетін болсақ, қазір «ҚазМұнайГаз», оның ведомстволық бағынысты ұйымдары мен серіктес компанияларында мемлекеттік аудит жүргізілуде. Біз сондай-ақ «Бәйтерек» АҚ және оның ірі ведомстволық бағыныстағы ұйымдарында, Қазақстанның Даму Банкінде тексеруді бастадық. , «Даму» қоры, «Отбасы банкі», Аграрлық несие корпорациясыда да осындай жұмыстар жүргізіледі», – деді спикер.

Еске сала кетсек, Әлихан Смайылов басқаратын Жоғары аудиторлық палата негізгі даму институттары – «Қазақстанның Даму банкі» АҚ және оның «Өнеркәсіпті дамыту қоры» АҚ еншілес ұйымына аудит жүргізді. Оның қорытындысы бойынша кейбір салаларда жобаларды қаржыландыру үлесі төмендегені анықталды.