Әлемдік рейтингте 5-орында тұрған қазақстандық теннисші Елена Рыбакина Сауд Арабиясында өтіп жатқан WTA «қорытынды турнирі» аясында Беларусь теннисшісі Арина Соболенкомен кездесіп, 6:4, 3:6, 6:1 есебімен жеңіске жетті. Бұл туралы Қазақстан федерациясы хабарлады. Алайда, бұл ойында жеңіске жеткенімен, алдыңғы екі кездесуде жеңілген Рыбакина ары қарай топтан шыға алмады.
Еленаның соңғы екі маусымдағы жетістіктері ерекше атап өтуге тұрарлық. Осы кезеңде ол әлемдік рейтингтің көшбасшыларын алты мәрте жеңіп шықты:
Ига Швёнтек – Australian Open 2023;
Ига Швёнтек – Индиан Уэллс 2023;
Ига Швёнтек – Рим 2023;
Арина Соболенко – Пекин 2023;
Ига Швёнтек – Штутгарт 2024;
Арина Соболенко – Эр-Рияд 2024.
2024 жылғы маусым қорытындысы бойынша, Рыбакина әлемнің бесінші ракеткасы орнын сақтап қалады. Айта кетейік, 1 қарашада Елена өзінің жаңа бапкерін таныстырған еді. Әлемнің үздік теннисшілердің бірі Новак Джоковичтің жаттықтырушысы енді қазақстандық теннисшімен бірге жұмыс істейді.
Алдағы уақытта, Федерациясының мәліметінше, Елена Қазақстан құрамасы үшін маңызды кездесулерге қатысады. 16-17 қарашада Астанада Ұлттық құрамамыз Корея Республикасына қарсы «Билли Джин Кинг Кубогы» плей-офф матчында өнер көрсетеді.
Бұған дейін, WTA халықаралық теннис федерациясы құрама ойыншыларын жариялаған тізімде Рыбакина жоқ еді.
