«Біз біргеміз Қазақстан 2030» қорынан 1,5 млрд теңге ұрлады деген күдікке Перизат Қайраттың қамауға алынуына байланысты қазақстандық танымал адамдар пікір білдірді.
Белгілі журналист Динара Сәтжан Перизат Қайратпен 3 жыл бұрын танысқанын жазған. Перизат Қайрат одан Астанада қайырымдылық кешін жүргізіп, өз шоу-румынан бірнеше киім ұсынып, Баян Алагөзова мен Аида Қауменованы шақыруды сұрапты. Сәтжан келісім берген. Сәтжан кеште «Нұр Отан» партиясының ресми өкілдері де болғанын атап өтті.
Кейіннен Сәтжан Перизат Қайратпен бірнеше рет кездескенін сол кездесудің бірінде Қайраттың жаңа бизнес сатып алғанын естіген.
«Перизат Астанада екі танымал гүл сату орнының брендін сатып алғанын айтты. Мен ол екі бизнестің құрылтайшыларын білемін. Қандай еңбекпен нөлден бастап бизнес тұрғызғандары да есімде. Сатып алғаны туралы естігенде Перизаттан «мұнай тауып алдың ба» деп сұраған едім. Мен Қаржы мониторингі агенттігінің мүмкіндіктерін біліп отырмын. Олигархтардың заңсыз активтерін қайтарып алып жүргенде олардан бір нәрсені жасыру мүмкін емес деп ойлаймын. Оның үстіне, әңгіме 1,5 млрд теңге туралы айтып болып отыр», – деп жазды Динара Сәтжан.
Ол өз жазбасында Перизаттың Газа аймағына және елдегі су тасқыны кезінде көмек көрсеткеніне бүкіл халық куә болғанын жазды. Сәтжан қорға ақша аударған қарапайым азаматтардың еш арам ойы болмағанын да қосып өтті.
Бұған қоса, Сәтжан Қазақстанда сенімді қайырымдылық қорларының реестр болуын, қорлардың есептері ашық дереккөздерде жарияланғанын қалайтынын айтты.
2024 жылы көктемде, елдің 10 облысын басқан су тасқыны кезінде Перизат Қайраттың қоры жылу жинағанда оған қолдау көрсеткендердің қатарында белгілі PR-маман Әлішер Елікбаев та болған.
«Біз компаниядан су тасқынынан зардап шеккендерге бірнеше миллиард теңге жөнелтіп қана қоймай, ұжыммен ақша жинадық. Мен өз отбасымның атынан су басқан аймақтардағы жерлестерге қолдау көрсетемін деп, дәл осы қор ең сенімді болып көрінген соң, ақша жіберген едім», – деп жазды Елікбаев.
Ал «қайырымдылық жасау ісін» мемлекеттік бақылауға алу туралы заң жобасын талқылау тобының мүшесі Светлана Ушакова Перизат Қайратқа қатысты істе шикілік барын айтады. Мәселен, қордың құрылтайшыларына, әсіресе Amanat партиясына қатысы бар азаматтарға қатысты іс қозғалмау себебін сұраған.
Бұған қоса, Қаржылық мониторинг агенттігі Перизат Қайраттың кінәсіне нақты қандай дәлел келтіргенін білгісі келеді. Оның ауқатты азамат екенін айтып, өз ақшасын жұмсаған болуы мүмкін деген де ой келтірген. Өз жазбасында ол бірнеше сауалға қойған.
«Егер қайырымдылық ұйымдарын аккредиттеуге міндеттесе, бұл қор аккредиттеуден өтер ме еді? Аккредиттеу ұрлық жасауға кедергі бола ма? Неліктен уәкілетті органдар бұл құқық бұзушылықтарды бұрын көрмеген? Күшті мемлекеттік бақылау болашақта мұндай жағдайлардың алдын ала ма?» – деп жазған Ушакова.
14 қарашада ҚМА Перизат Қайратты қамау алғаны белгілі болғаннан кейін мәдениет және ақпарат министрі Аида Балаева пікір білдіріп, көмек көрсету тетіктерін реттеу туралы жазған.
Айта кетейік, Қазақстанда «қайырымдылық жасау ісін» мемлекеттік бақылауға алу туралы заң жобасы дайындалып жатыр. Оған сәйкес, әкімдіктер аккредиттеуінен өтпеген қорлар мен оларға қаржы жіберген азаматтар айыппұл төлеуі қажет.
