12 желтоқсан күні Алматыда өтетін УЕФА Конференция лигасының «Астана» мен «Челси» арасындағы матчы жанкүйерлердің ерекше қызығушылығын тудырып отыр. Осыған байланысты «Астана» футбол клубы мен Қазақстан футбол федерациясының өткен еуропалық матчтарындағы тәжірибесін ескере отырып, УЕФА Ұлттар лигасы ойындары кезінде билеттер сатуды екі кезеңге бөліп жүзеге асыру шешімін қабылдады.
Билеттер сатылымының бірінші кезеңі
24 қараша күні басталған бірінші кезеңде жанкүйерлер билеттерді онлайн сатып алуға тырысты. Алайда сатылым басталған сәтте сайттағы техникалық ақауларға байланысты көпшілік билет ала алмай қалғанын айтып шағымданды. Бұл жағдай әлеуметтік желілерде қызу талқыланды. Айта кетейік, бұл ойынға билеттер 10 мың теңге мен 40 мың теңге аралығында сатылды.
Екінші кезеңнің басталуы
«Астана» футбол клубының мәліметінше, екінші сатылым кезеңі желтоқсан айына жоспарланып отыр. Сондай-ақ «Астана» футбол клубы жанкүйерлердің билеттерді деген теңдей бөліп алу үшін барлық қажетті шараны қабылдайтынын мәлімдеді. Бұл, әсіресе, өткен еуропалық матчтарда жиналған тәжірибені ескере отырып, жүйелі түрде ұйымдастырылмақ.
«Билеттерді тек www.zakazbiletov.kz сайтынан сатып алуды өтінеміз және үшінші тұлғалардың қызметтеріне жүгінбеулеріңізді сұраймыз. Әр билет жеке аты-жөнімен тіркелетін болады «, – делінген хабарламада.
Сондай-ақ клуб басшылығы қала әкімдігімен және стадион әкімшілігімен бірлесіп, көрермендердің стадионда қауіпсіздігін, тәртібін және жайлы жағдайда ойын тамашалауын қамтамасыз ету бойынша жұмыстар атқарып жатыр. Ойын күні қосымша ыстық сусындар мен тағамдарды сату нүктелері ашылады.
Еске сала кетейік, «Астана» бүған дейін Конференция лигасында бір ойында ғана жеңіске жетіп, екі ойында жеңілген. Сонымен қатар соңғы уақытта «Астана» футбол клубы көп сынға қалып жүр. Астанада балалар академиясы мен инфрақұрылым жоқ деп Антикор сынға алған еді.
