Батыс Қазақстан облысында жергілікті блогер Айболат Букенов ұсталды. Бұл туралы жергілікті «Уральская неделя» басылымы хабарлады.
Редакцияның хабарлауынша, оны облыстық ҰҚК департаменті ұстаған.
«Букенов Жаңғалы ауданындағы ауыл әкіміне қатысты ар-намыс пен қадір-қасиетін қорлайтын ақпараттарды таратамын деп қорқытып, одан 500 мыңнан 1 миллион теңгеге дейін ақша талап еткен. 16 шілдеде 300 мың теңге алған сәтінде күдікті қылмыс үстінде ұсталды», – деп жазады жергілікті БАҚ.
Блогер кінәсін мойындаған. Қазір оған ққылмыстық іс қозғалып, тергеу жүргізіліп жатыр.
