Дзюдодан Олимпиада чемпионы Елдос Сметов өзінің алғашқы туындысын оқырман қауымға ұсынды. «Төзім. Сенім. Жеңіс» атты кітап спортшының үлкен спорттағы қиындықтары мен жетістіктерін баяндайды.
Кітап – мақсатқа ұмтылған әрбір жанға жігер беретін, төзімділік пен шынайы сенімнің жеңіске қалай жетелейтінін көрсететін шабытты оқиға.
Тұсаукесер қайда және қашан өтеді?
Кітаптың ресми таныстырылымы мен автограф-сессиясы 24 мамыр күні сағат 15:00 де Алматы қаласындағы Меломан Гранд дүкенінде өтеді. Жанкүйерлер мен оқырмандар чемпионның өзімен жүздесіп, қолтаңба алуға бірегей мүмкіндік алады.
Кітап «Marwin» және «Меломан» дүкендер желісінде сатылымға шығады.
