14 тамыз күні Алматыда өтетін әлемдік жұлдыз Канье Уэсттің концертіне Freedom SuperApp арқылы басталған алдын ала сатылым үлкен ажиотаж тудырды. 21 шілдеде басталған сатылымның алғашқы күнінде-ақ билеттердің жартысы сатылып кетті.
Сатылым сағат 12:00-де басталған сәтте қосымшаға бір уақытта мыңдаған қолданушы кіріп, бағасы ең қолжетімді санаттағы билеттер алғашқы минуттарда-ақ өтіп кетті.
Электронды кезек
Ұйымдастырушылар бір қолға 4 билеттен артық сатылмайтынын жеткізді.
Төлемді сәтті жүргізген барлық сатып алушылардың электронды поштасына арнайы ваучер жіберілді. Ал концертке кіруге мүмкіндік беретін бірегей QR-коды бар негізгі билет іс-шараға 24 сағат қалғанда, яғни 13 тамыз күні поштаға жолданады.
Жоғары белсенділік пен сұранысқа байланысты 22 шілдеде Freedom Ticketon.kz негізінде Fan2Fan ресми қайта сату сервисі іске қосылады.
Сервис арқылы қайта сатылған кезде бұрынғы ваучер автоматты түрде жойылып, жаңа сатып алушыға дәл сол орынға жаңа ваучер беріледі.
Басқа қолдан немесе бейресми алаңдардан сатып алынған билеттер бойынша кепілдік берілмейді және негізгі QR-код 13 тамызда бәрібір алғашқы сатып алушының поштасына жіберіледі. Сол себепті ұйымдастырушылар тек ресми Fan2Fan сервисін пайдалануға кеңес береді.
YE концертіне билеттердің негізгі сатылымы 22 шілде сағат 12:00-де Ticketon.kz сайтында басталады. Бұл күні билеттер барлық санат бойынша, соның ішінде халықаралық төлем карталары бар шетелдік жанкүйерлер үшін де қолжетімді болады.
