Apple компаниясы Intel процессорындағы үш модельді ресми қолдау тізімінен шығарды. Сондықтан бұл құрылғыларға түпнұсқа бөлшектер табу мен ресми жөндеу қиындайды, деп хабарлайды Kursiv.LifeStyle.
Қолдау жасалмайтын модельдер:
- MacBook Pro 13″ (2017) – екі Thunderbolt 3 порты бар;
- MacBook Air Retina (2018);
- MacBook Pro 13″ (2018) – төрт Thunderbolt 3 порты бар (бұл модель «толық ескірген» мәртебесін алды).
Қолданушылар үшін бұл не білдіреді?
Apple өнімдерін екі санатқа бөледі:
- «Винтаждық» (5 жылдан асқан): Жөндеу және бөлшектер тек қоймада бар болса ғана ұсынылады.
- «Ескірген» (7 жылдан асқан): Ресми жөндеу мүлдем жасалмайды, бөлшектер берілмейді.
Бұл ноутбуктер бірден істен шықпайды, бірақ ресми сервистік қызмет алу қиындап, қымбат бөлшектерді ауыстыру тиімсіз болып қалады.
